|
أريد رأيكم في خطيبتي ..!!
السلام عليكم ورحمة الله وبركاته
مشكلتي بختصار .. تقدمت لبنت خالتي ... ولكن رفضو بحجة (( الدراسة )) ثم قلت لاباس تدرس عندي ثم بحجة (( صغيرة في السن )) عمرها (( 17 سنة )) ...!! زجروها أهلها لان السبب غير مقنع .. وهددها أبوها بدم زواجها الى الابد .. لاني شخص ولله الحمد الكل يتمناني زوجة لبنته ... المهم عندما علمو العائلة قامو يتصلون علي .. ويعرضون بناتهم لي ... علمت أبنت خالتي أنني أبحث عن فتاة آخرى .. أتصلت بنفسها على أختي , وقالت انا موافقة .. ورجعنا مرة آخرى لها ... وتقدمنا رسمي .. ثم قالت بشرط ... بعد ثلاث سنوات الزواج :( انا لم اوفق على الشرط ... بحثت عن فتاة غيرها ... ثم رجعو مرة ثانية , وقالو نحن موافقين ... فقلت انا غير موافق .. الا بشروط .. واعطيتهم عكس شروطهم السابقة .. ووافقو .. ذهبت قبل أسبوعين للفحص قبل الزواج , واتصلت عليهم وقلت يجب على البنت ان تذهب للفحص .. الى الان لم تفحص .. ذهب لامها .. وقالت نريد تاجيل الملكة ...!!!:( قلت انا لا اريد تاجيلها .... الان متردد ... هل أتركها , وأخطب غيرها ..؟ لاني احس انهم غير جادين في الزواج ..!!! ماهو رأيكم ..؟ |
أخوي ربي يسخر لك الخير
إستخير الله وإدعي إن فيها خير ربي يسرها ويسر لكم امور عرسكم بس اخوي ان كانت البنت طيبه واخلاقها تمام لاتفرط فيها وأكرر لك إستخير ربي وإدعي وربي الدعاء نتائجه عظيمه ربي يكون في عونك |
لا جدوا فى ترددك وانكسارك ماتقوم به ام الزوجه والبنت عمليه لفرض الشخصيه المبكره
عليك بالاستخاره حتى لاتقع فى مشكله بعد الزواج ابحث عن غير الفتاة المعنيه والله يوفقك |
أنا من رأيي انك تجلس معهم وتحط النقاط على الحروف يعني حدد موعد الملكه وحدد موعد الزواج وكل شي وقول لهم ترى ما اتراجع واذا تراجعتم خلاص انا بطريق والبنت بطريق
بس على ما اعتقد هم مشتتين فكريا ومو دارين شو يعملو لا اكثر ولا اقل الله يوفقك للي فيه الخير في رعايه الله |
رد
الله يوفقك اخوي لكن انصحك تستخير وانت الله يهديك يمكن فاجئتهم بالزواج خصوص ان البنت صغيرة ويمكن عندها اخوات اكبر منها وكانوا مترددين ولكن اذا كنت البنت صالحه وانت شاريها وتبيها لازم تكون جاد وصارم وتحدد شروطك من الاول على شان ما تختلفون بعدين وكل شوي تطلع على بموضوع وربي يكتب لك اللى فيه خير
|
انا بقول لك شي
انت لو استخرت والموضوع داه صاير بعد استخارت فاعرف انه ربي يبي لك الخير وانصحك تستخير كمان ولو مو مرتاح دور على بنت ثانيه والله يسهل امورك يارب |
يعطيكم العافية جميعاً على الردود ..
د. خالد كلامك سليم 100% , وأنهم يريد يسيطرون علي من البداية .. ولكن كسرت أنفهم .. وعكست شروطهم السابقة ... ووافقو واي شي اقوله يمشي , ولكن أحسهم مش جادين في الزواج خايفين يفرطون فيني , ولا ودهم تتزوج البنت الان .. ننتظر الاراء الأخرى .. |
الإستخارة
العلم عند الله هو وحده يعلم أن كانت ستسعدك أو تجعلك تعيش في شقاء |
اقتباس:
وبعدين ليش كاتب الموضوع بمعرف بو ناجي وارد بمعرف اخر همطاف ..:11: |
غريبه .. كسر خشوم .. وشروط .. واهمال .. وعدم الجديه .. من اولها
مدام في مشاكل من البدايه .. فأحسن شي انك تستخير وتسمع جميع الاراء من اهلك .. اذا البنت و اهلها ينشروو ومقتنع انه بكره ممكن مايسوو مشاكل فتوكل على الله .. واذا خايف من بكره فااحسن سوي اللي كتبته فوق الله يسخر لك اللي فيه الخير |
أخي من كلامك يتضح بأن الفتاة تريدك .. ولكن كل العوائق من صنع الأهل .. صدقني بعض العوائل .. تريد الشاب لكنها تستخدم بعض " الحيل " ليس للسيطرة كما يتوهم البعض .. لا .. ولكن من أجل رفع مكانة ابنتهم في نفس " الخاطب " .. حاول أن تجد لك حل .. كأن توسط بينكم بعض المقربين حتى تزول بعض العقبات .. ولا تستعجل في البحث عن فتاة أخرى .. صدقني الأيام القادمة كفيلة بكشف بعض الخفايا الغائبة عنك ..
تحياتي لك ........ سواق باص |
ملاحظة //
انا كتبت مشكلة سابقة بأسمي لصديق لي ... والان هو سجل باسم بوناجي .. سجل خروج , وانا سجلت دخول ... ورد بأسمي ... فارجو أن الصورة واضحة ... |
أختي (( العام ))
والله خايف من المشاكل الجاية ... حتى البنت غير جادة في الزواج وانا ودي فيها ...ولكن اذا كذا اولها ينخاف من آخرها .. أنا قلت اذا ملكت , خلاص راح يكون كل شي بيني وبين زوجتي , مالهم دخل .. مشكورة |
وممكن الاهل يتدخلوو في امركم حتى لو بعد الزواج حتى
انت استخير وشاور الاهل .. وخذ رأي امك واخواتك .. واسألهم كيف طبايع اهل البنت يمكن هما ادرى |
خواتي يقولون انت أفضل منها بكثير ..
بالنسبة للأخلاق والالتزام ... ولله الحمد .. ولكن المشكلة حبيتها , وهي تحبني , بس مادري من السبب في هل لمشاكل .. الان جالس افكر كثير ... الله ييسرها يارب ... |
ياخي وش لك في الزواج من صغيره ..
اذا عمرها مايتجاوز ال22 صدقني مالها راي وبتتعبك نصيحة مني خذلك وحده في عمر 23 او 24 عاقله ورزينه وتتحمل مسؤولية كلامها الله يوفقك |
افهمها طيب البنت ما تبيك
لو كانت تبيك وافقت من البدايه وانت ماعليك من اهلها اذا هي من داخل مو مقتنعه بالزواج الان .. الزواج مو بالغصب وفعلا من حقها تتمتع بحياتها زيها زي اي بنت من بنات جيلها واتوقع انها مادقت على اختك الا بتاثير من اهلها بس صدقني اذا اخذتها وهي موقتنعه من داخل مليون بالميه بتقلب حياتك جحيم اذا هي متردده وتفكيرها لسا صغير بحكم سنها خليك انت الاكبر والفاهم وابحث عن اللي تناسبك بكل شي وتكون مقتنعه فيك 100% وبالتوفيق |
اعذرني اخووويي بس كانك داخل حرب مو زواااااااااااج..
|
شكلهم مو جادييين أبدا استخير ولو ماارتحت بنات الحلال كثيييييييييييير
|
اخي العزيز استخر ودور على غيرها ........................
|
الله يوفقك هم يمكن جادين لكن مو مستعجلين على الزواج يعني تخطب رسميا فقط يمكن قصدهم كذا لكن انت استخير الله وقريبتك افضل لك ان كنت ترغب بها او تكن لها مشاعر خاصه والله يوفقك ويكتب لك الخير و كل شيء قسمه ونصيب
|
استخير اخوي
والخيرة فيما اختاره الله لكن نصيييييييييييييييحه خذها مني وانا اختك كمل اجراءات تحليلك وانتظر اسبوعين ثلاثة شوف عنهم وش يقولون و عادي يجوز للخاطب ان يجلس مع مخطوبته كذا مره عشان تتأكد اكثر فإذا حسيت انك ارتحت لها توكل على الله واعقد قرانك .. واذا ماارتحت وقاموا يتشرطون ويمسخرونها ويحااولون يتدخلوون بكل شيء وهي معاهم فخيرها بغيرها والله يعينك ويوفقك وين ماكنت |
الله يعافيكم على الردود الطيبة ...
بكرة آخر رد للبنت ... يانملك , او خلاص الله يستر عليها وعلي ... والله يكون بعوني ادور على البنت الي ترضيني ... والله صعبة هل الايام .. دعواتكم .. |
^
^ الله يرزقك بالبنت ألي تملى عينك وقلبك وأن شاء الله نبارك لك قريب. |
استخير بالله ما خاب من استخار وتأكد انهم جادين في الموضوع وانه ما يكون كل يوم لهم راي غير عن اللي قبله والله يوفقك ويسعدك ان شاء الله |
| الساعة الآن 02:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©