|
أقول لأهلها أو ما أقووول ؟؟
السلام عليكم ورحمة الله وبركاته كيف حالكم يا أخوان وأخوات عندي موضوع وابغى آخذ رايكم فيه ونصيحتكم والنصيحة مثل ما يقولون كبر البعير (النصيحة بجمل :d ) أنا خاطب من فترة وبعد جهدن جهيد قررت تكون الملكة بعد اربع شهووور >>>ادعو لي بالتوفيق :14: المهم البنت اللي خطبتها في البداية ما كانت أي وسيلة اتصال بيني وبينها يعني مجرد خطوبة وبس حسب العادات والتقاليد أني ما اكلمها قبل الملكة المهم وبما أني لا أعترف بالعادات والتقاليد المتزمته لجأت إلى أسلوب التحفير والخش والدس والطرق الملتوية :11: من خلالها استطعت أني أقنع البنت تكلمني من ورى اهلها وفعلاً بديت اكلمها على فترات مختلفة في البداية كنت اكلمها بصفة نادرة بعدين صرت اكلمها في الشهر مرة وفي الاونة الاخيرة زادت الاتصالات بيني وبينها وصارت شبه يوميه خصوصا مع قرب موعد الملكة :27: طبعا كانت وجهة نظري أني ما ابغى اكون شخص غريب عليها فجأءة تشوفني جالس جنبها وهي ما تعرف عني شي ولا كلمتني انا أبغى أكون مألوف بالنسبة لها وثاني شي هي تتعرف على طريقة تفكيري وانا اتعرف على طريقة تفكيرها ..... مع العلم كلامنا محافظين عليه أشد البعد عن الكلام المثير بين الجنسين يعني مجرد سوالف عادية بريئة :15: والحمد لله لقيت فيها بوادر الصلاح فهي دائما تسألني عن الصلاة و صارت تصحيني شبه يوميا لصلاة الفجر <<<<< رصتني في زاوية عقب ما كان النوم يغلبني :16: لكن بصراحة :24: انا حاسس اني مستغفل اهلها لاني كلمتها من دون علمهم وانا أفكر أني اقول لهم لكن في نفس الوقت ما باقي شي على الملكة :25: أعزائي هل تصرفي صحيح أم لا ؟؟ ثم وشو الخيار اللي اتخذه هل استمر في المكالمات واخلي الموضوع سري للغاية بيني وبينها ؟؟ هل أطلب من اهلها أني اكلمها ؟؟؟ هل أقطع اتصالاتي معها واصبر إلى وقت الملكة ؟؟ أم هناك خيار آخر عندكم يا اخوان ؟؟ أرجو إبداء النصحية لاخوكم على فكرة انا عضو قديم معاكم كنت ادخل اتصفح فقط بدون مشاركات و النك نيم حقي سويته أيام كنت في الجامعة كنت صحيح متعذب وكنت اتمنى ظفر بنت :23: تدرون بهالمغريات اللي ما تنتهي وكان الزواج هو الشغل الشاغل لي ولواحد من ربعي المقربين ويحتل نسبة كبيرة من تفكيرنا والدراسة كانت ورى ظهورنا :d لكن لما تخرجنا وذقنا هم البطالة وبعدها توظفنا ولله الحمد قل الحماس للزواج بصفة كبيرة :29: أدعو الله أن يوفقنا معاكم في الحياة الزوجية السعيده الهانئة ولكم جزيل الشكر أخوكم / عزوبي متعذب |
أولا: ألف مبروك أخوي، الله يوفق ويهنيك، ويسعدك ..
ثانيا: أنت غلطت طبعا، وغلطك ماتقدر تصلحه إلا إذا وقفت مكالماتك، واحمدوا ربكم إن أهلها مادرو !!! يمكن تصير مصايب بوقتها على حسب تمسكهم بعاداتهم !!!! ثالثا: انتبه تروح تقولهم !! ماتدري يمكن تروح لمذبحك برجليك ؟؟!!! وبعدين مسكينة البنت وش بتكون نظرة أهلها لها إذا درو !!!! وأنت بعد !!! انتبه ... انتبه ... انتبه وقل للبنت إننا بنوقف مكالماتنا للملكة لأن اللي نسويه من ورى أهلك غلط !! وماأبي يدرون أهلك ثم تصير لنا مشاكل !! والله يصبرك ويعيينك، والحمدلله راح الكثير ومابقى إلا القليل .. |
اخوي الفاضل
بما انك عارف ان العادات والتقاليد لا يجوز لك ان تكلمها الا بعد الملكة فهذا دليل على وعيك وانا اصحح الخطا الى انت فيه هذا ليسة عادات وتقاليد هذا الشي فعلا حرام عليك تكلمها وبعدك ما ملكتها وانا انصحك بان تقطع الاتصال بها نهائيا "الشيطان قريب منك" وبما انك كلمتها والبنت تعلقة فيك عجل بالملكه وادا قلت الى اهلها انك تكلمها راح تعمل مشاكل لها والله يكون في عونكم جميعا وان شاء الله تتزوج في اسرع وقت وتسعد ايامكم |
اقتباس:
|
lاول اسالها اذا كانت يمكن حاكية لأحد من اهلها امها اختها
اذا احد يدري خلاص معناه هم موافقين لكن مارح يقولولك علشان العادات ويا خوي وش الي مأخر الكتاب ملك لازم تسرع فيه ضروري جدا |
السلام عليكم أخي عزوبي متعذب ..
سوالي لك ، كيف حصلت ع رقم هاتفها ؟؟ اخي ان الاسلوب الذي اتبعته خطا جدا ، ولا انصحك بالقول لاهلها لان ذلك سوف يترتب عليه مشاكل ؟؟ وقطعك الاتصال بها ربما يكون تصحيح الخطأ ..... والله يهديك ويوفقك لما فيه الخير .... |
والله اهم شيء ان نيتك تكون طيبة وانك ناوي الزواج فعلا
ومدام انت تبيها ومتأكد من هالشئ ( برأيي ) لا مانع من المسجات فقط لكن اكثر من كذا اعتقد انه ماهي مقبولة بالمرة ( ولا يجوز شرعا ) انك تسمع صوت وحده ماهي محرم لك خصوصا انك ما ملكت عليها. اخي راع دينك اكثر من اهلها وراح تلقى انك ارضيت الناس كلهم طالما ان اساسك مبني على رضى الله عز وجل ومبروك يا عريس |
اقتباس:
و شكرا لك على نصيحتك واهتمامك وان شاء الله راح اصلح كل شي تحياتي اقتباس:
وكان الله في عوننا جميعاً تحياتي لك اقتباس:
اقتباس:
اقتباس:
بالنسبة للرقم ما اعتقد انها مشكلة كبيرة الحصول عليه أو ان فيه صعوبة :11: وشكرا لك اخي انا احترم رأيك جداً وانت متفق مع الاخوة في ان تصرفي كان خاطئاً لكن ان شاء الله راح تتصلح الامور تحياتي لك اخي الكريم اقتباس:
والله يباررررك فييييك ان شاء الله |
هههههههههه
اما النك نيم دزززززززززز يا سعيييييد ما تقدر تصبر يا فحل الى وقت الملكة ! يركدووووون , على هوووونك , اصبر وربك يفرجها اما ان كنت متزوج متزوج الله لا يعوق بشر (فأرى انك 7 7 7 7 7 7 7 ارى انك توخر عن البنت لين تملك دزززززززز يا متعذب |
انا نصيحتي لك عادي كلمها ما فيها شي خاصة انه موعد الملجة جرييب . واحسن لك خله ها الشي سري من بينكم ما فيها شي خصوصا انكم ما ترمسوون بشي غلط .
|
الافضل بانك لاتخبرهم وتصبر الى حين موعد العرس
|
الاخ العزيز
اقول ربينا يتم على خير بأذن الله وبارك الله لكما وباركم عليكما وجمع بينكما فى خير طبعا الاخوة و الاخوات بارك الله فيهم نصحوا بما فيه الكفاية ولكن فى الزيادة أفادة طبعا يا اخى من ترك شىء لله ابدله الله خير منه وهذه حدود ولا ترفع الا بالعقد ان شاء الله اولا طبعا لا تخبر اهلها لانه ضرر عليك والضرر الاكبر سيكون على البنت لانها سمعت كلامك حبا فيك ثم يعد ذلك انت تريد ان تفضحها امام اهلها عف الله عم سلف اتصل بها واخبرها بوقف المكالمات الى العقد بأذن الله مخافة من الله وحبا فى الله وطاعة لله حتى يمتعكما الله عز وجل بالحلال ان شاء الله ويبارك لكما فيه بأذن الله فتوقف فورا عن هذه المكالمات الى ان يفعل الله امرا كان مقدورا واياك ثم اياك ان تخبر اهلها ويا اخى اصبر اللى جعلك تصبر كل ده مش قادر تصبر كام يوم او كام شهر اجمد يا بطل وربينا يسعدكم ان شاء الله |
اقتباس:
انا ع الاخ الفاضل تعقل الحين وكلمها واقطعوا اتصالات وعجل فالملكه والله يوفقك |
اخي الكريم الله يتمملك بالخير
اخي لا تخبر اهلها وعمل بنصيحة اخواننا واخواتنا الكرام والله يوفقك |
ما شاء الله الأعضاء كفوا ووفوا..
بس عى الحالتين لا تقول لأهلها لأنهم ما رح يوثقوا فيك لاحقا ورح يتضايقوا منك،، وحتى لو انقطعت إتصالاتك معها هذا ما رح يكون شي سيء لكن رح يكون جميل لأن رح يصير شوق وترقب لموعد الملكه.. الله يوفقكم ويسعدكم:) |
افضل حلين برايي
تقدم الملكه قد ماتقدر وتقول للبنت انك حاس ان هالشي غلط انك تكلمها وهي لسا ماهي على ذمتك وماودك تبدا حياتكم وانت مخبي شي على اهلها .. مو حلوة بحقها ابد وهي ان شاالله راح تتفهم لانها باين عليها بنت ماشالله فيها خير وصلاح ربي يوفقكم ويسعدكم تحياتي |
من رأيي انك توقف الاتصالات خلاص هانت ما بقى شي على الملكه.. لكن لا تقول لأهلها انك كلمتها لانه ممكن هالشي يسبب مشاكل لك و للبنت اللي كلمتك من وراهم.. الله يوفقك.. |
اولا .. الف مبروك .. ومبروك مقدما على الملكه :14: .. الله يهنيكم ويرزقكم من فضله
تانيا .. يعني قدرت تصبر مدة طويله وعلى قولك جهد جهيد ماقدرت تصبر 4 شهور:d .. ثالثا .. الكلام بين المخطوبين قبل العقد هاذي مو عادات او تقاليد هاذا شي داخل في الشرع .. لانه انت تعتبر اجنبي ومو محرم للبنت يعني مايجوز تكلمها .. ولا يحل من اصله فااحسن حل عشان لاتحس انك مستغفل اهل البنت ويأنبك ضميرك وعشان كمان تبدأ حياتك صح وبرضى الله .. اقطع الاتصالات وفهم البنت انه هاذا الشي مايجوز .. مدامك تكلمت معاها وفهمت شخصيتها يعني خلاص مالها داعي المكالمات الا بعد الملكه هاذا رأي وعن تجربه اقولها .. (( المكالمات قبل العقد ماتنفع )) الله يوفقكم ومبروك مره ثانيه |
شكرا لكم جميعا أخواني واخواتي الاعزاء على اهتمامكم بالموضوع و‘بداء النصيحة
أخوكم |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©