هل الفرق في التعليم لا ينجح الزواج
 

أرجو المساعدة في تقرير المصير
قرب موعد خطبتي ولازلت حائرة في هذا الموضوع ...................... الفرق في التعليم
انا طالبة جامعية وبقي لي سنة حتى أنهي دراستي ويريد خطبتي شاب أخلاقه جيدة ومتدين لكن المشكلة أنه لم يكمل تعليمه أوقف في الإبتدائي تعليمه لديه حرفة ويكسب الحمد لله جيد يعني لو لا التعليم فأنا أجده كما يقال عريس لقطة لا يرفض وفيه صفة الرجولة التي للأسف فقدت في هذه الآونة الأخيرة ورغم الفرق في التعليم فأنا لا أجد مشكلة في مناقشته والتحدث معه فهو على وعي جيد لكن الشيء الذي حيرني اني قرأت في كتاب لمفاتيح السعادة الزوجية انه المفروض التوافق في المستوى التعليمي
أرجوا المساعدة بنصائحكم

فرق التعليم مافيه اي
مشكله بين الزوجين
ادا كانا متفاهمين
ارجعي اشوي الى حياة امك وابوك
تجدين النساء متعلمات والرجال نخلاووين"مزارعين"
فاعتقد التعليم مو مشكله في الحياة الزوجية
بالعكس ادا كانت الزوجه متعلمه بتربي اولادها 100 بالمية
الان الرجل لا يجلس في البيت الى قليل


انا اخواتي كلهم متزوجات الله يوفقهم ويهنيهم كلهم مخلصين ثانوي فقط
ازواجهم واحد ابتدائي واحد مو متعلم مزارع واحد عنده محل تجاري

والحمد الله يتفاخرو بازواجهم
والله يهنيهم ويهنيك انتي بعد ان شاء الله

بنسبه لى انا متعلم ولان اشتغل بشهادتي
و زوجتي توقفت عن الدراسه في الابتدائي
والحمدلله انا مستانس معاها

شكرا على نصائحكم والله انا كثير منشغلة بهذا الموضوع والمشكلة ان عائلتي دائما بتقلي هذاالزواج غير متكافئ انت متعلمة وهو لا وانت تستاهلي واحد احسن منه وكثير من الكلام اللي خلاني متشتتة في التفكير رغم اني لا أحس بأني أحسن منه بالعكس فدائما أقول التفاهم هو الأهم

ماخاب من استخار ولا ندم من استشار
المشوره وخذتيها من الزملاء... عليج بالاستخاره.. رب العالمين مستحيل يظيعج

اذا رضيتي دينه وخلقه فأنصحكي توافقين

لأن القطار في أوقات كثيرة ما يرجع

يا هلا ..

يا ما ناس جامعيين و مثقفين لكن تعالي شوفيهم في بيتهم ومع زوجاتهم اخلاقهم سيئه جدا ..

وياما ناس تعليمهم على قدهم لكنهم ما شاء متخرجين من جامعة الحياة ... قمه في العقل و الثقافه العامه و المعامله الراقيه .

اذا انت شايفه ان المتقدم لك فيه كل صفات الرجوله والاخلاق والدين و الثقافه العامه توكلي على الله ..

اختك أميرات ..

شكرا لكم اخواني أخواتي والله بدأت نفسيتي تترتاح من قرائتي رددودكم
جزاكم الله خيرا ووفقكم لما يحبه ويرضاه

اختي توكلي على الله يمكن يكون مثقف وفاهم الحياه عدل
واستخيري الله قبل كل شئ ثم توكلي عليه

اذا كان واعي وفاهم وفيه صفات الرجولة خلاص توكلي على الله

ان شاء الله خير
بس تبقى مشكلة كيف اقنع عائلتي بهذا الأمر؟

التوفيق من الله
صلي استخاره
اطلبي اللقاء به بحضور احد من طرفك تناقشي معه وشوفي هل ترتاحين له اولا
واذا على خلق ودخل قلبك توكلي على الله

مشكورين على ردودكم وجزاكم الله خيرا
لكن المشكلة كيف اقنع عائلتي بهذا الأمر ساعدوني

اجلسي مع امك او اي شخص ترتاحين له وله راي مسموع في البيت

صارحيها وقولي انا اللحين قريب واتخرج من الجامعة والحمدلله وان شاء الله اتوظف وظيفة راقية بس ناقصني الاستقرار العاطفي البعيد عن الحرام احتاج لحب وعيال وزوج يهتم فيني ويحطني بعيونه وفي واحد متقدم لي اسمه.......عمره........... وهو انسان مؤدب وخلوق ويخاف الله صح انه ما عنده شهادة لكنه يعتبر رجال فعقله و طريقة تفكيره الراقية ...فاذا يا و تقدم لي ولان الرسول قال اذا جاءكم من ترضون دينه وخلقه........الخ مو من ترضون مستوى تعليمه .....وانا راضية اعيش معاه على مستواه المادي والله يرزقنا .... والكلام بيطلع معاج لا تحاتين

اختي بقوووولك قصتي ..ويمكن اقدر افيدك فيهااااا

انا وحده في جامعه العلوم الطبيه ولله الحمد ..خطبني واحد دارس للثانويه ويشتغل براتب متواضع .. بس علييييييه اخلااااق ماشاااء الله ..

وفي نفس الوقت خطب اختي واختي تدرس مثلي ولد خالته ومكمل الججااامعه...بس طبعه واسلوبه مو شي

انااااا في البدااايه حيييييل خفت اني مااقدر افهمه ..وخفت من راتبه المتوااااضع ..ومثل ماقلتي اهلي شوووي خوفوني ..تميييت فتره طويله لمن عطيتهم الرد


والحين صاااار لي فتره مخطووووووبه ..تدرين والله بدووووون مبااااااالغه ساعات يسكتني من كلااامه ..تعامله معاااي راقي بمعنى الكلمه يفهمني بدون مااتكلم ..يعجبني طريقه تفكيييييييييره ..اغلب ربعه يلجاوون له في مشاكلهم ..ماعمره زعلني ولله الحمد

وفي المقااااااابل اختي انفصلت من خطيبه ماقدرت تتحمله كل شي ..مع ان متعلم ..بس اخلاااقه وطبعه كلش مو شي

مع ان اهلي كانووو خايفين من خطيبي .. بس طلع العكس

والحيييين اكتشفناااااا مو مهم الدرااااسه ..لان الحياااة تعلم اكثر من المدراس والجامعاااااااااات...المهم اخلاااااااااقه وتعامله واسلووبه معااااااااااااااااااااااااااك
صدقييييييييييني

اتمنى قدرت اوصلك الفكره..مشكوره عمري والله يوفقك يااااااااااااااااارب

يا اختي والله اني اجلس في مجالس كلها مهندسين ومحاسبين وشهادات عليا وليتك تسمعي مستوى السوالف إلي يتكلمو فيها ( سيارات و سياحة ومباريات ) ، اختي الكريمة عمر الشهادات ما كانت اثبات حقيقي على وعي الشخص وتفهمه لمعنى الحياة كما ان احترام المراه وتقديرها تعتبر قيمة قد يؤمن بها الجاهل وقد لا يؤمن بها المتعلم.

لذا اقول حاولي ان تستغلي فترة الخطبة في التعرف على الشخص وحاولي تعرفين قيمه ( ليس باسلوب التحقيق ) ولكن اجعليه يتكلم عن نفسه ( بأسلوب انا مهتمه لتفاصيل حياتك ) وايضا اختي لا تحاولين تسالينه عن قيمه بشكل مباشر
مثال: ايش رايك في المشاركة في اتخاذ القرار بين الزوجين؟
ردة فعله: هذي مسوية فاهمة علي.
لكن استخدمي اسلوب الحكايات
مثال: والله ام فلانه دايم يستشيرها زوجها في امور حياته؟
ردة فعلة: راح تكون تلقائية وبيقول رأيه على طول في الموضوع ( بس المشكلة إذا ما عنده راي ) الله يعينك
هههههههههههههههه

ومن ثم اتخذي القرار . تحياتي للجميع

مع احترامي لك

ما كمل ابتدائي بزمننا هذا يعتبر أمي


واذا كان تارك الدراسه لضروف صعببببببببببببببببببببببببببه جدددأاااااااااااا ممكن يكون معذور


بس تركها كسل وجالس طول عمره فرفره بالشوارع .. لاااا والف لااا


ما سئلتيه ليش ما حاول يكمل الدراسه حتى لو ليلي او بتعليم الكبار ؟؟؟



انا اقول لك وعن تجربه اللي ماكمل دراسته غالبا يحس بنقص كبيييييييير .. وانا قبل خطبني واحد عنده ثانويه وانا جامعيه ودارسه برا واذااااني بحياتي بعقده النقص ذي

لو بس اقول له كلمت صاحبتي بالجامعه قال لي انتي كل كلامك جااااااامعه وجامعه كنه ماحد راح الجامعه غيرك !!!!

طبعا مايحتاج اقول لك اني تركته غير مأسوفا عليه



انا هذا رايي وانتي براحتك

وقبل كل شي لاتنسي الاستخاره


تحياتي

والله اختي هذا الامر قراره راجع لك لكن بذكر لك قصه قريبه لي اكملت تعليمها وتزوجت من واحد معاه ابتدائي وفوقها اولى متوسط بس ! وهي تعبانه معاه كثير عقليته عقلية اعرابي متخلف مايعطي الحقوق الي عليه الا بالنكد وجاهل الى قدر لايطاق ...احببت اذكر لك هذه القصه وانقل لك هذه الخبرة ...والقرار يبقى قرارك...اشوف ماشاء الله الاعضاء يقولون توكلي على الله ولايدرون ايش الي يصير مع الجهلة ابو ابتدائي وابومتوسط !

اؤيد كلامك الف بالمية ولي قريبه تعاني من هذه المشكلة ويحس بالغير والعقدة تجاهها لانها متعلمة وهو جاهل ابوابتدائي

مافيه شي حبيبتي ..

توكلي على الله ..

ودامك واثقه انه على فهم وواعي واخلاقه كويسه بالعكس هاذا الشي مايخوف ..

ادرسيه وخلي اهلك يشوف وضعه كيف ..
هل هو متعصب او مومتفاهم .. يعني عنده قابلية يكمل تعليميه حتى لو ليلي ..


اعرف عايله .. الزوجه ماعنده المتوسط والرجل بس كان عنده المتوسطه اعتقد .. الحين الزوجه اولى جامعه والزوجه مخلص ماجستير .. وعندهم 4 عيال ماشاء الله الله لايغير عليهم

i\هلا حبةبه من تجربه انا جامعيه ومدرسه وزوجي مامخلص ابتدائي بس اخلاقه وطريقة تعامله روووووووووووعه عمر الشهاد ه ماتحكم الاسلوب والتربيه واولهم الدين هو اللي بحكم بالتوفيق ان شاء الله للكل والله يخلي لكم ازواجكم

مشكورين كثير على ردودكم
كنت أريد ان اوضح للأخت موحتارة أنه ماكمل تعليمه بسبب ظروف أقوى منه ماخالاته يكمل تعليمه وهو الآن بيكمل تعليمه وعلى وعي وأخلاقه جيدة الحمد لله بيحترمني كثير ولما اتناقش معه ما احس من كلامه انه ما مكمل تعليم وانا مرتاحه معه الحمد لله

السلام عليكم

الزواج وفرق التعليم

ليس شرط من شروط الزواج التكافؤ في التحصيل العلمي....

ولا يكون هناك مفارقه تهدم الزواج في موضوع التحصيل العلمي...ولكن

يجب علينا ان نفصل بين التحصيل العلمي والثقافه

وهنا اقول ...يجب ان يكون الزوجيين على تقارب بالثقافه

حيث ان الحياة عبر ومواقف....فبدون الثقافه نبقى سجناء

فالثقافه هي من يخرجنا من عنق الزجاجه

وها انا جامعي وزوجتي ثانوي...ولكنها احيانا تقوم بالتعديل على ما اقول

وما افعل ...وهناك العديد هم ليسوا متعلمين وزوجاتهم متعلمات وهم جدا سعداء
لا تقاس الحياه الزوجيه بمحصل دراسي...انما تقاس بمن يعرف من اين تؤكل الكتف

موضوع رائع...وطرح جميل الله يعطيك العافيه