|
مشكلتي مع أخوات زوجي أريد مشورتكم
السلام عليكم كيفكم جميعاا.......
انا عندي مشكله وبا النسبه لي مررره كبيره لانها متعبتني نفسيا...... وهي مع اهل زوجي الله يسامحهم ما اكذب عليكم والله اني احبهم واحترمهم بس صار لي معاهم موقف من تقريبا عشر شهور وقاطعوني طبعا اخواته بس امه وابوه با العكس حاطتهم فوق راسي وهم يحترموني الله يجزاهم خير......بس اخواته تصدقون انا في نفس الديره ما يجوني في بيتي ولا يسالون عن اخوهم ولا يكلمونه.... مع العلم ان وحده منهم بس هي اللي غلطت معاي والبقيه مالهم علاقه با المشكله.....وزوجي شايف وعارف ويقولي طنشيهم اللي مايبيك انا ما ابيه وانتي بعد انسيهم اللين يعرفون قدرك ويدرون انهم ظالمينك.... بس وربي مو قادره اصبر مابي ها القطاعه لاني والله احبهم الله يسامحهم حتى اني حاولت اصلح بس ماردوا علي... ليه معقوله فيه ناس قلوبهم حجررر ما يخافون من العقوبه ما يخافون من الله والله نفسيتي زفت منهم....... لان اخته خلت الكل يقاطعني بسببها لان شخصيتهاا قويه وغير كذا اكبر مني بخمس سنوات وما تزوجت..... الله يرزقها..... بتقولون وين المشكله وش صارر انا وصلني عنها كلام تتكلم عن عيالي وعني بس ما قدرت اسكت رحت وكلمت ام زوجي وقلت ليه تقول ها الكلام ..... ومن عقبها وهم زعلانين لاني قلت اذا تزوجت وجابت عيال تربيهم على كيفها عيالي مالها دخل فيهم..... قامت الدنيا ولا قعدت من كلامي وزعلوا لان في بالهم اني اتريق عليها لانها ماتزوجت بس والله والله ماكان هذا قصدي بس كانت رده فعلي من الكلام اللي سمعته منها عن عيالي......... وعقبها وهم مقاطعيني......... الله يسامحهم ابي شوركم شسوي...... مع ان زوجي ولله الحمد في صفي ومعاي ويقول ريحي بالك وطنشيهم..... |
23...قاريء ولا احد رد حرررررررام عليكم .......
ردوا علي ولو بدعوه الله يجزاكم خير..... |
الصراحه مالك حق ولك حق يعني الحين هي عمة العيال يعني لها حق عليهم ومافيها شي لما توجههم او تحاول انها تصحح عيب فيهم بس كمان مالها الحق انها تخلي الكل يقاطعها اسمحيلي الباقي مالهم شخصيه وبعدين كلام زوجك صح وصدقيني اذا كانت من النوع اللي يدخل نفسه باشياء ما تعنيه فالبعد احسن صح انا ما اقولك قاطعيهم بس خلي علاقتك رسميه وفالمناسبات زيهم زي الغرب بالضبط انا لو مكانك بطنش وفعلا كلامك ما ينفهم الا دقه فيها وهالشي ترا كبير بالنسبة لها وجرحتيها جرح كبير يمكن ما تسامحك عليه وانتي قلتي انها ما تزوجت يمكن كل هاللقافه اسمحيلي عالكلمة من فضاوتها وتعرفين نفسية الينات اللي تحس انها كبرت وما تزوجت تحس العالم كله ضدها وقاصدها وتصير عصبيه
خليكي عادي معاها ومع الباقيين رسميه وعاديه ومهما كان هذول عمات عيالك يعني لهم حق واحمدي ربك انو زوجك واقف معك وما وقف مع اخواته والا كان الوضع 180 درجه انقلب فوق راسك اتمنى انك تاخذي كلامي بسعه صدر لان هذا اللي اشوفه اختك مــأء القمر بنت المدينه |
نسيت ادعيلك حبيبي الله ييسر امرك ويفك ضيقتك ويسعدك يارب ويرجعكم سمن على عسسسل ذكرتيني بحماقتي مع زوجة اخوي زمان لما كنت مراهقه كنت مطفشتها ومطلعه عيونها من جد اضحك على نفسي لما اتذكر ايش اسوي فيها وتخيلي بتصير حماتي لان اخوها خطيبي والله اني متفشله منها والحين حاولت اتقرب منها وحتى هي قبلت قربي منها والحين مستحيل تسافر من دوني وصرنا سمن على عسل كلها فتره وبتعدي صدقيني كذا او كذا بتعدي والموياه بترجع لمجاريها آآآسفه نمت بموضوعك مو راضيه اطلع كل خوفي اخوات زوجي يسوولي الحركات اللي كنت اسويها فيها ههههههه اللله يستر بس والله يهدي بالك ويرزقك سعه الصدر آآآآآمين يارب
|
هلا فيك ماء القمر ومشكوره على ردك والله ريحتيني وانا معاك انها عمتهم لكن اللي قهرني انها ماتكلمت في وجههي وصارحتني تكلمت ورى ظهري با العكس لو قصدها خير كان وجهتني وفهمتني وعيالي صغاار واحد سنه ونص والثاني خمس سنوات وبا العكس ما اشوف فيهم عله حالهم حال الاطفال الله يصلحهم.......
ولكي مني جزيل الشكر وانا بحاول اطنش بس اللي يقهرني ان اهله بديره ثانيه يعني سفر واذا رحت ما يجلسون معاي اكون بروحي مع امه وابوه بس كاني غريبه...... الله يسامحهم ومشكوره حبيبتي على دعوتك والله يوفقك و نصيحه مني عامليهم زي ما تحبي يعاملووك انا اتمنى ارجع ورى واحسن علاقتي معاهم بس عصبيتي واندفاعي وعزه نفسي سببت لي معاهم مشاكل .... ومهما صارر هم اهل زوجي مثل اهلي .......الله يسمع منك وترجع الامور مثل اول واحسن........ مشكوره يا قمرررررر وما قصرتي.....الله يوفقك وينولك اللي في بالك..... |
اقتباس:
حبيبتي بندوره كل الحريم كذا يتكلمو على بعض من ورا الظهر "حشش " وفالنادر تلاقي وحده تتكلم على الثانيه بوجهها ومستحيل تصارحك لان هذا طبع ومستحيل يتغير وعيالك الله يحفظهم توقعتهم كبار بس صغار وفعلا شكلها فاضيه واعرف ناس كثير وربي يا بندوره بدون مشاكل ما يعيشو وحكايه انهم ما سجلسون معاك سوي نفسك عادي صح هو مو عادي بس صدقيني يجلسو معاكي ويقلبو الوجه ويمدو البوز والا ما يجلسو اكيد ما يجلسو معك وصح هي مسأله تقدير بس انتي اصبري وما عليكي منهم صدقيني مره زوجة اخوي الثاني على كثر مشاكلها معانا لكن لها عين وتجي تزور ولما تتصل وتقول بجي اقولها بنخرج السوق تقولها بالصريح انا جايه اشوف عمتي سوي زيهااا على انك جايه تشوفي عمتك وعمك ومشي امورك صدقيني لو بتوقفي عالحبه ما راح تخلصي وبعدين ركزي على زوجك وحياتك معاه احسن لك وصدقيني بينيلهم انك مو معبرتهم وانو عادي عندك يتركوكي بتلاقيهم من نفسهم جو جلسو معاكي طبعا اتكلم عالمدى البعيد مششششي حياتك ولا توقفي عالحبه وياما راح تشوفي "كلام ماما الله يحفظها " اتمنى اني ما طولت عليكي اذا ما عندك مانع ايش قالت عنك كلام عادي ولا تنتقد تربيتك والا ايش الحكايه بالضبط طبعا اذا اعتبرتيه شي خاص اعتبريني ما سألت اختك مـاء القمر بنت المدينه |
ومشكوره حبيبتي على دعوتك والله يوفقك و نصيحه مني عامليهم زي ما تحبي يعاملووك انا اتمنى ارجع ورى واحسن علاقتي معاهم بس عصبيتي واندفاعي وعزه نفسي سببت لي معاهم مشاكل ....
ومهما صارر هم اهل زوجي مثل اهلي .......الله يسمع منك وترجع الامور مثل اول واحسن........ مشكوره يا قمرررررر وما قصرتي.....الله يوفقك وينولك اللي في بالك.....[/QUOTE] با العكس مو فضول واتمنى افتح لك قلبي بس يبيله صفحات .....ومن تزوجت وهم يتكلمون عني مو بس هي لاني كنت اطنش وانا ما الوم نفسي الوم اللي كان ينقل لي الكلام الله لايسامحه لان ما اعتقد كان يحب لي الخير....وكان هذا غرضه انه تصير بيني وبينهم مشاكل.... بس اللي حز بخاطري انها تتكلم عن عيالي واني ما اعرف اربيهم مع العلم اني كنت اضرب الكبير لما يغلط عليهم كله لرضاهم وفي الاخير تقول اني اخليه يتلفظ على جدته وانا اضحك اتفرج ..... ولا اخته الثانيه مالها سيره الا لبسي ولبس عيالي واني ما كله فلوس ولدهم ومخليته على الحديديه ومطفشته...... مو ذنبي ان عندي ذوق لو اللبس مو غالي بس فيه شي اسمه ذوق...وانا مو مدح بنفسي بس اني جميله وانيقه....واتوقع غيره بس ما كنت اشوف نفسي عليهم با العكس كنت اعاملهم معامله لو يطلبوا عيوني ما تغلى عليهم.... معليش طولت عليك.... يمكن مشكلتي تافهه بس كنت ابغى حل علشان ترجع المياه لمجاريهاا.... ومشكوره حبيبتي ما قصرتي[/COLOR] |
الله المستعان
كل ذا القطاعه علشان كم كلمه استغفر الله العلي القدير الله لا يبلانا كيف تقدر كذا تقاطع اخوها وكيف خواتها يوقفون معاها رحماك ياربي |
jeans
هلا فيك ومشكوره على مرورك وفعلا الله لايبلانا..... مو هاذا اللي قاهرني كيف يصبرون عن اخوهم وعياله..... لاني اشوف نفسي مع اخواني ما استغني عنهم حتى لوبيني وبين حريمهم مشاكل....... |
صدقيني واضحه زي عين الشمس غييييييييييييره عشانك طالعه احسن منهم
كثير حريم الغيره تسري بدمهم والله يعينك عليهم واذا كان هذا طبعهم فمراح يتغير اهم شي انتي سوي الي يرضي ضميرك و سوي اللي عليكي ولا تسمحي بقطيعه الرحم عشان تفاهة حريم صح اني بنت بس مرات تقهرني تصرفات الحريم الله ييسر امورك وبالعكس ما طولتي ولا شي خذي راحتك وقولي كل اللي بخاطرك انا اختك ولوووووو تكرم عيونك |
تسلمييييين ياقمرررررر والله اثلجتي صدري بردودك....
وفعلا من تزوجت وانا في مشاكل معاهم بس ما كنت ابين وفي الاخيرر انفجرت وكأنهم يستنون مني رد علشان يقومون علي الدنيا...... الله يسامحهم.... والله يوفقك يا مااء القمر وانتي فعلا قمرر وتستاهلين كل خير ومشاء الله عليك احس عقليتك وفهمك للحياة كبيره وانتي لسه ما تزوجتي..... تمنيت اني زيك قبل اتزوج بس كنت بزر ما ادري عن شي وهذا اللي دخلني في متاهات معاهم..... وعلى قولتك فرقاهم اريح لي..الله يقدرني واصبر واحتسب... |
السلام عليكم ورحمة الله وبركاته
إقتباس: قلت اذا تزوجت وجابت عيال تربيهم على كيفها عيالي مالها دخل فيهم..... أختي الكريمة من دون زعل ما قلته انت جارح وقاسِ جداً إحمدي ربّك ان والدة ووالد زوجك لم يتغيروا عليك بسبب ما قلته. عليك بتصحيح الوضع مع الأخت صاحبة الشأن بعدها تنصلح الأمور تلقائياً مع باقي الأخوات. بالتوفيق ان شاء الله. |
اقتباس:
فيا أختي رعاك الله فعلا ما قلته ليس بالهين و حقا و صدقا جارح جدا.. أنا لي أخ عنده ابن ربي يحفظه عمره سنه و شهر.. كثير أحبه و متعلقه فيه... ولو زوجة أخوي قالت هالكلام بصراحة بزعل منها كثير و من أخوي لو سكت عنها.. و ما أخفيك ممكن أتغير عليهم بعد... صح ماراح أوصل للقطيعه لكن تعاملي معاهم راح يختلف..الله المستعان.. وشي ثاني بارك الله فيك انت سمعتي الكلام من طرف ثالث و صدقتيه بدون ما تتأكدين وتسئلينها هي شخصيا.. يمكن قالت الكلام بطريقة عفوية و ماتقصد الذم أو الانتقاد... والله يهديك حتى ما رحتي سألتيها على طول عند أمها و رميتي هالكلام.. أختي.. عدلي وضعك مع اخت زوجك و الكل راح يعدل وضعه معك.. وعشانن تقدرين تفهمين الموقف أكثر حطي نفسك مكانها... ،، ،، ربي يحفظك |
مرجانه
ام الحور هلا فيكم ومشكوره على مروركم..... ما ادري انا اشوف نفسي ما غلطت ومن حقي ادافع عن عيالي وما كنت اقصد بكلامي اني اجرحهاا...... ومن ناحيه امه وابوه بدايه زعلوا وتغيروا بس رجعوا كله علشان ما يخسروا ولدهم..... وانا ارسلت لها رساله لجوالها اطلب منها انا ننسى اللي صار ونفتح صفحه جديده وما ردت........ هذا الكلام من شهرين واكثر...... يعني انا ما ابغى اخسرها ولا اجرحها ومقدره وضعها والله اني ادعي لها الله يرزقهاا وتتزوج.... وش اسوي اكثر احس هنت نفسي لهم بما فيه الكفايه...... |
يا اختي كلنا كذا يتكلمون أخوات أزوجنا عنا
بس صيري مثلي أعاملهم بالمعروف ....أطبخ طبخات وأعطيها لهم واذا شفتهم أسلم عليهم وأعطيهم الهدايا ولكني ما أقعد معاهم كثير عشان ماتكون عناك احتكاكات أو أغلاط الصراحه البعد عنهم أريح ولكني أواصلهم و ما أقاطعهم وأعاملهم بالحسنى واذا تكلمو عني خفّفوا من ذنوبي وعطوني حسنات والله يصلح الجميع |
اختي عيالك هم عيالهم بارك الله فيك...
وبعدين انت قلتي هالكلام واهلها موجودين... والاعتذار تبينه بس برسالة!!! كلميها في بيتهم و اشرحي الوضع عند امها مثل مارميتي الكلام عند امها.. وبعدين اذا مارضت هي حرة وخلك رسمية معها و سوي اللي عليك و خلاص... يحفظك ربي |
ربمـآ " غيره " لا أكثرر !
حـآولـي تسوين " حفلـه " .. و اعزمـي " ابو و ام الزوج " .. ولا تنسي تعزمين " خوات زوجك " .. حـآولي تتصـآلحين معهم .. اممممم .. " قدمي لـ هم هدايـآ " .. حسسيهم انك تحبينهم .. و لا تنسين " الزوج " خليه يصلح لك الأوضـآع :) مع التحية سلـطـآن ! |
ام حور مشكوره على اهتمامك
والله يقدم اللي فيه الخير.... |
هلا فيك المتميز شاكره مرورك.......
بس اقتراحك مرررررررررره صعب مستحيل يجون......... واخواته ما يكلمون اخوهم كيف انا يا الغريبه اكلمهم........ يعطيك العافيه وما قصرت........ |
انتي معاج الحق هي مو معاها الحق انها تعمل كذا و فعلا انهم عيالج و انتي لج الحق بالتربية
على العموم روحي و اعتذري منها و اذا ما قبلت سوي لج وسيط بيناتكم |
لا انصحك بمقاطعتهم ولا ينبغي لزوجك ان يقاطع اخوته مهما كان السبب
حاولي ان تعود علاقتك معها وادعي لها بظهر الغيب ان يرزقها الله زوج صالح وان يصلح ما بينكم وياحبذا لو بحثت لها عن عريس حتي تؤلفي قلبها تجاهك واحتسبي هذا العمل لله قال تعالي "ادفع السيئة بالتي هي احسن فاذا الذي بينك وبينه عداوة كانه ولي حميم" |
احلام مزيفه مشكوره حبيبتي على مرورك الحلوووو..وانا بحاول اصلح بس احس الخطوه حيييل صعبه علي الله يقدرني....
مهمومه الله يبعد عنك الهم مشكوره على مرورك وكلامك سليم والله يقدرني على فعل الخيرر والله لو بيدي شي كا ن من زمان ........ الله يوفق الجميع |
الله يهديهم
وش هالناس ؟! من الفراغ يتكلمون ومن الفراغ يعملوا عمايلهم الله يعينج واهم شي زوجج واقف بصفج الله يألف بين قلوبكم وترجع المياه لمجاريها سامحيني اختي لا املك الا الدعاء ماقدر افتي لج من عندي في شي يمكن ماقدره تقدير صحيح واعطي الراي الخطأ بس الله يحفظ لج عيالج وزوجج |
ان حبتك عيني ماضامك الدهر
حاولي بالبصلح ولا تقاطعين في المناسبات الاعياد وفي الجوع من السفر جيبي لهم هدايا ولو استمرو في القطاعه شنو راح اتسوين مافي اقرب من عمات وجدت عيالك اهم شي خل زوجك عارف بالموضوع ولا تقاطعين وبنفس الوقت بردي اعصابك وبردي قلبك وطنشي طبعك مثل طبعي وكاني انصح نفس والله ويارب يبعد عنك كل شر ويسعدكم |
دمعات الروح هلا حبيبتي الله يعطيك العافيه....والله تشوفي العجب العجاب الله يهديهم.....
وعلى قولتك من الفراغ وقله الحيله......... حسبي الله ونعم الوكيل.... الله يجزاك خير ما قصرتي ومشكوره على مرورك الحلوو |
مها الكويت هلا بك يعطيك العافيه وانا طبعي ما اصبر لان ما احب يكون احد شايل علي ابغى احط راسي على الوساده واتذكر اني ما زعلت احد
ها الموضوع متعبني كثيير لان عمري ما زعلت احد ولا قاطعتهم زي ماسوو فيني اخواته..... ما اقول الا حسبي الله ونعم الوكيل..... والله احاول اطنش يوم يومين وبعدين اتنكد وافكر فيهم..... الله يعين يارب |
| الساعة الآن 06:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©