|
أم خطيبي قبلت يدي!!!
السلام عليكم و رحمة الله و بركاته
بدخل فى الموضوع على طول ام خطيبي و تصير (زوجت عمي)قبل يوم كانت تجوفني تسلم على(قبل الخطبه) اما الحين(بعد الخطبه) تبوس يدي!! والله احراج و انا بعد ابوس راسها و يدها يوم جافوني بنات عمتي ضحكو على و يقولون لي من الحين تهتمين فيها اكييد اهتم ليش لا قالو لي تبوسين يدها اوكي بس راسها قويه واااايد و انا احس عادي اهي مثل امي و مراه عوده تبوس يدي و انا بكل وقاحه امشي عنها غلط فى غلط انتو اذا انحطتو بهل موقف شنو تسوون؟ تنبيه:يرجى الكتابة باللغة العربية الفصحى والابتعاد عن اللهجات العامية والمحلية حى يتسنى للجميع فهم الكلام المكتوب الاشراف/تم تعديل العنوان |
لا يا اختي انتي مااااشيه صحححححححححححححححححححححححححح ولا تنسينها بالابتسامه الحلوه والاحضان حتى الدعاء ادعي ان الله يطول بعمرها ويخليها على راسكم ذخر امامها ومن خلفها
وان شاءالله تتم المحبه دووووم مو يوم |
اعتقد مافيها شي أبداااا أنك تبوسين راسها وايدها، وبالعكس اعتقد أن هذا الصح..
:) مبروك مقدما والله يوفقك ويهنيك ويسعدك |
عذاري
xx_naf_xx اي الحمدلله احبها و تحبني و احترمها كفايه انها تحبني اكثثثر من بناتها و انا ما عندي مشكله بس بنات عمتي كبروو الموضوع و ضحكو على بس ما يهموني :D مروركم شرفني |
عااااااااااااادي تبوسين يدها وراسها بالعكس أفضل وهذا دليل على احترامك لها وتقديرك
بس هي تبوس يدك قمة الإحرااج ..:o الله يوفقك ويديم المحبة بينكم .. |
أم البراء اي والله صاجه انا اوكي و اهي تبوس يدي احرااااج
|
أختي الكريمة ..
تصرفك هذا يدل على طيبك و طيب أصلك و حسن تربيتك .. و فقك الله .. |
ماعليك منهم ياقلبووووووو انتِ اللي تسوينه صح لاتهتمين لكلام احد وبوستها ليدك من حبهااا لك وفرحتها فيك لولدها تعاملك مثل بنتها واكثر وام خطيبك يعني امك وخواته خواتك عامليهم مثل ماتعاملين اهلك بالضبط لانك وخطيبك شيء واحد والله يهنيك لو أنا مكانك اسوي كذا وزووووود |
عادي حبيبتي تصرفك عين العقل وعندنا نبوس راس الحريم الكبار حتى احترام لهم ونبوس يد الرجال المحارم الكبار في السن والقريبين مرة
بالعكس هذا التصرف يكبرك عندها والله يهنيك ويسعدك ويديم المحبه بينكم |
اسحبي ايدك عنها قبل لاتبوسها وحبي راسها على طول وقلي انا بنتك وانتي بحسبت امي وعيب علي ياعمه << خليكي دايم كذا الى ان تكف .. حتى خطيبك لو شافك كذا راح تكبرين بعينه اكثر واكثر وفقك الله |
لا لا ما عليك منهم
بالعكس حركتك حلوه وتزيد التآلف والقربه والمحبه بين أم الزوج وإنتي بالعكس يصير لك مكانه في خاطرها تحياتي لكي |
جزاكم الله خيييير
|
مدام انها تبوس يدك فهاذا دليل على انها طيبه وشاريتك حق ولدها .. الله يوفقك معاها
اجل مدام كذا تعاملك بهذا الاحترام فمن واجبك انتي كمان تبوسي راسها لانها بمقام امك .. وامك اللي هي امك ماباست يدك .. نصيحتي انك تكسبيها |
ماشاء الله اللهم صلي على نبينا
الله يبعد عنكم كل عين وشر كل حاسد ياحليلها ام خطيبج حبيتها دخلت قليبي اونتي بعد حركتج حلووة وطييوبة واايد تدرين انا تصير لي هالحركة بس من من؟ من حرمتين كبببار يزورن جدتي بالبيت عندنا،،،، كل ماجيت اسلم عليها مسكت يدي وباستها اقول لها لا عيب انا بنتج تقول مو لانج بنتي انا ابوس يدج وخدج تراكم عندنا زي البيبات الصغار الي اعمارهم سنة وشهور الي الواحد يبوسهم في يدهم وخدهم ورجولهم بس انا معاج قمة الاحراج اتفشل حدددددي احس بموقفج وماعليج من بنات عمتج الله يعطيهم ام ازواج زي ام زوجج علشان يحسون بقمة الاحراج وحلاوة هالشي الله يخليها لج ويخليج لها وتشوف عيالكم قولي آمين الله يهدي سركم وييسر اموركم يارب انتي وريلج |
الله يهنيك في عمتك..
والله أحس احرااااااج.. حاولي لما بتبوس يدك إنك تسحبينها وتحبين راسها ويدها، وراح يحطك زوجك على راسه :) |
بالعكس انتي صح وبالعكس راح تفرح لما تسلمين على راسها
الله يوفقك |
الحمد لله على السلامة وألف مبروك
مبروووك الخطوبة يا أخت أم الحسين بصراحة كنت أظنك متزوجة ولديك أطفال لكن إن شاء الله ربي يرزقك الحسين وعمر وغيرهم 12 طفلا من ذكر وأنثى بحول الله 000أما تقبيل أم خطيبك ليدك فهذا من زود التقدير والاحترام لك لأنها عمتك اخت والدك وام زوجك وأكيييد إنك ملأة عينها بجمالك وطيبتك واخلاقك لكني انصحك أنصحك أن لاتجعلينها تقبل يدك بل أرفضي وقبلي رأسها أو خشمها انت وربي يديم بينكم الود والاحترام:14: :14: :14:
|
مع الأخ ساري 10
أسعدك الله وألف ألف مبروك |
لا تسمحين لها بتقبيل يدك واسحبي يدك على طول وبعدها بادريها بحب راسها ويدها.....
تحياتي للجميع |
أنا أبوس جدتي على رأسها ولكن مستحيل أبوس يدها |
اهما فى بلد غير بلدنا يعنى يوم اشوفها بعد سنتين او ثلاث و اخر مرره شفتها 2004 و شهر 7 سافرنا عندهم فاهذا اول مره تشوفني بعد الخطبه
شكرا للجمييييييييع مروركم اسعدني |
أختى ما تفعلينه صحيح جدا جدا
بارك الله فيك وفيها و أدام بينكم الحب والود ولا تستمعى لكلام الناس وفقك الله إلى كل ما يحبه ويرضاه . |
انا عندي تبوسين راسها ولاتبوسين يدها
ماادري يمكن لانه احنا مو معلمينا على بوس اليد |
أم عبيد الله
جزاج الله خير jas00m والله عيييييييييييب المراه تبوس يدي و انا لا انا ما ارضا |
انا مااخلي عجوز فالعايله او فالفريج ماابوس راسهاااا
كل عجوز سلمت علي انا ع راسها على طول ترى والله هم يرتاحون من هالحركه ف مابالك هذي ام زوجك شو رايك اني انا كذا مره عمي ابو زوجي >> وهذا رجل من كثر مايحبني ويرتاح لاخلاقي باس ايديني وانا على طووووووول ابوس ايدينه وابوسه ع راسه والله اباءنا لازم نشيلهم ع راسنا من فوق تراهم يستاهلون وكم يسوى لما خطيبك يشوفك تحبين امه ع راسهاا والله لا يشيلك ع راسه من فوق واسمحي لي قريباتك اللاتي يستهزئن بك هن مغرورات انا كل واحد اشوفهاا تتكابر على ام زوجهااا اعتبرها مغروره من قلب |
اختي الي سويتيه صح بوسي راسها في كل مره تشوفينها وبتسلمين عليها واذا يت تبوس ايدك اسحبي ايدك منها وبوسي راسها ومن الاحترام انك تبوسين راس من هو من محارمك وكبيييير بالعمر
وانا يحصلي نفس موقفج مع يدتي الله يطول بعمرها دايم لما ابي اسلم عليها تسحب ايدي تبي تبوسها لكن ما ارضى اسحبها وابوس راسها |
ارجع اقول ان المرأه الكبيرة تواضعت وقبلت يد البنت فلماذا لا تتواضع هي ايضا وتقبل يد ام خطيبها ولماذا تكتفي بتقبيل الرأس.
على قدر اهل العزم تأتي العزام ** وتأتي على قدر الكريم المكارم انا اقول من بادر بالطيب ابادر بأطيب منه ومن وضع الحدود الوهمية ليرفع من شأن نفسه فهو لن يرفع نفسه بها. والله اعلم. كما ان عامل النية مهم جدا في مثل هذه المواقف. تحياتي |
you r right
هذا العمل يفرح زوجك و يجعله يتعلق بك اكثر و اكثر |
اسعدني مروركم
جزاكم الله خير جميعا |
يالله والله كانك تتكلمي عني انا نفس الموقف سار معايا ومع زوجة عمي ام خطيبي وباست يدي بزواج والناس كثير واحرجتني وانا اكيد بست يدها وراسها اكثر من مره بس واااالله مره احراااااج ومن بعدها مرة ولدهم معطيتني طناااااش يا حليلها مرة عمي تنحط عالجرح يبرا ما شاء الله وما عليكي من البنات غيرااااااااااااناااااااااات الله يسعدكم يارب ويديم المحبه آآآآآمين |
الله يبارك فيك و يباركلك في أم خطيبك
و لا تلتفتي لأي كلام يقول أن ما تفعلينه زائد عن الحد الاحترام لا يقابل إلا بالاحترام ،، و هي امرأة كبيرة واجب عليك احترامها و تقديرها و تبجيلها فما بالك و قد بادرت هي ؟؟؟ ربنا يكفيك شر الإنس و الجن و يتمم لك الفرح على الخير إن شاء الله |
عامل الناااس كما تحب ان يعاملوك ))))))))))))))))))))
|
اسعدني مروركم جزاكم الله خير
|
| الساعة الآن 06:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©