|
مشكلتي مع حفلة زواج حماي ....
السلام عليكم احبتي الكرام.... بدخل في الموضوع على طول بدون مقدمات حماي الي هو( اخو زوجي) من مدة 3 سنوات تزوج بنت عمتي وقعد معاها سنتين بعدين طلقها السبب يقول انه مادخلت قلبه مع انه هو الي مختارها ماحد جبره عليها بس كان عمره في هذاك الوقت صغير (20 سنه) يعني سن مراهقه المهم قعد تقريبا 9 شهور بلا زوجه ومن مدة شهرين خطب وحده من العايلة وزواجه بعد تقريبا 40 يوم وانا ماابغى اروح زواجه والسبب انه طليقته تصير بنت عمتي مابي اغث عمتي وبنتها واحضر زواجه(وانا علاقتي معاها كويسه مثل الاصدقاء) وثانيا: قاهرني طلق بنت عمتي بدون سبب مع انه والله خوش بنيه خلوقة ومؤدبه ولاقاصرها شي المشكله ان زوجي يقول لازم تحضرين زواج اخوي الي صار صار ولانقدر نغير شي فلازم تحضرين عشان اخوي وزوجته الجديدة وعشان امي بعد ولان انا زوجة ولدهم الوحيده وهذا الثاني الي بيتزوج مع العلم ان طليقة حماي تصير بنت عمة زوجي بعد وانا والله مالي خلق احضر هالزواج كل مااتذكر عمتي وبنتها وشلون متأزمين وفايخين اتأزم واقول هذا مايستاهل احضر زواجه بعد الي سواه فيها.. مع انه زوجته الجديدة مالها ذنب وانا علاقتي بها ايضا كويسه بس غصبا علي مااقدر اروح هذي بنت عمتي من لحمي ودمي ولا شرايكم ؟؟ عطوني حل شلون اقنع زوجي اني ماأحضر ؟؟ لانه مصمم علي الا اروح ولا بيزعل علي :11: ادري ان كلامي ملخبط اعذروني ولكم تحياتي |
بالعكس اختي انا راي انك تروحين و تحضري الفرح عادي لانه انتي ما دخلك في هذا الموضوع اي نعم هي بنت عمتك بس انتي ما الك دخل في طلاقها
و كذلك عشان ما يزعلون منك اهل زوجك و زوجك بعد. خذي الامور ببساطة و بالنسبة لعمتك قوليلهم انه زوجي غصب علي اني اروح.و لازم اسمع كلام زوجي. خذيها نصيحة مني. |
حبيبتي لا تخلطين الأمور و لا يصير تفكيرك صغير لهالدرجه
طيب ما تقدرون تغصبون الريال على وحده ما يحبها شوفي حبيبيتي ما احد يدري باللي بين الرجل و زوجته غيرهم اهم اثنينهم مهما هي قالت لكم و مهما هو قال اكيد في اشياء مخبيه يمكن هم ما يبون يقولونها او هو بالخصوص صحيح كلام زوجك لازم تحضرين العرس انتي زوجة ولدهم الوحيده و شلون ما تحضرين ..!! وش تبين الناس تقول ؟ زوجته مالها ذنب ولا تعاملينها على انها اخذت حماك من زوجته لانه هذا نصيب و مكتوب من رايي انك تروحين و تفرحين قلب زوجتك و عمتك اما بالنسبه لبنت عمتك و عمتك لا تتكلمين عن الموضوع هذا معاهم نهائياً يعني لا تتكلمين عن زوجته الجديده علشان لا تنقهر بنت عمتك والله يوفقهم مع بعض و يوفق بنت عمتك بولد الحلال |
لازم تحضرين حبيبتي واستسمحي من عمتك واكسبي مرت حماك
|
اقتباس:
ودي ادوس على قلبي واحضر ولاافكر في عمتي بس غصبا علي كل تجي على بالي وانقهر عشانها بحاووووول اني احضر والله يساعدني مع ان داخل قلبي يقول لاترووووحين وعقلي يقول روحي هذا قسمه ونصيب مشكورة على مرورك ونصيحتك |
اقتباس:
تفكيري موصغير ولاشي :25: بس الي ايده في الماي مو مثل الي ايده في النار صدقيني لو انتي يمر عليك هالموقف بتشوفين شلون صعب علييك وخصوصا اذا كانت علاقتك كويسه مع القديمه وانا عارفة ان ماحد يدري بلي يحصل بين الزوجين وعارفه ان مانقدر نغصب الرجال على زوجة مايبيها بس هو من الاساس ليش اختارها اذا مايحبها ؟!! والله صعبانه علي بنت عمتي كل ماشوفها اتحطم عليها وكمان اقول الزوجة الجديده مالها ذنب مابي احسسها ان كأنها هي اخذت حماي من بنت عمتي بس شسوي والله غصبن علي الله يسهل ومشكورة على المرور |
اقتباس:
مع اني عارفة ان قلبي مايطاوعني مشكلتي قلبي رهيف وضعيف الله يساعدني ومشكورة على المرور |
اهم شى رضا زوجج
|
اهم شي رضى زوجج
عشان الله يرضى عليج وانتي مالج يد ف موضوع طلاق بنت عمتج وصلة الارحام ماتنقطع من مجرد نصيب وبعدين يااختي البنت السنعه هي اللي تكون مع اهل زوجهاا فالحلوه والمره وماتخلط الامور ف بعض اتمنى ان تكون وصلت وجهة نظري |
نصيحتي لج احظري العرس لانه انتى مالج خص في ال صار . وفعلا لازم تكونين مع اهل زوجج بكل شي بالحلوة والمرة .
|
اقتباس:
بحاول اغصب نفسي واحضر والله يعين مشكورة على المرور |
اقتباس:
وانا عارفه ان مالي دخل بلي صار بس والله غصبن علي بحاول اغصب نفسي عشان اهل زوجي والله كريم مشكورة على المرور |
اقتباس:
ماتقصرين |
كل شي قسمة ونصيب توكلي على الله.. واحضري الزواج بس من الأفضل بعد تعطين خبر لعمتج انج بتحظرين الزواج بناء على رغبة زوجج .. عشان ما يحطون بخاطرهم عليج لاسمح الله |
رايي حبيبتي انك نروحي لان انتى مش ليكى دخل بالموضوع بالمرة عندك مثلا ابن عمتي كان متزوج هو اخوه من 2 اخوات ومش حصل نصيب مع واحد منهمواتجوز من تانيه والحياة ماشيه عادي جدا مع اخوه التاني ومراته كمات حضرت الحفل رغم ان اختها مطلقه من اخو زوجها مش بنت عمتها استسمحي عمتك وهيا عاقله وهتفهم الموضوع وقولي لبنت عمتك ان شاء الله ربنا يرزقها باحسن منه والله الموفق
|
اقتباس:
اضغط على نفسي واحضر واكيد قبل لااحضر بكلم عمتي واشرح لها الوضع مع اني مستصعبه الروحه الله يعين ومشكورة على المرور |
اقتباس:
والمطلقه اختها ان شاء الله اصير زيها واروح وقلبي مرتاح :14: ادعي لي مشكورة على المرور |
عشان ترضين ضميرج
كلمي بنت عمتج وقوليلها انه زوجج امرج بالروحه ومضطره تروحين وانه علاقتكم مع بعض لازم ما تتأثر بسبب هالموضوع ومتأكده انه بنت عمتج بتتفهم وجيه بتروحين وانتي مرتاحه |
اقتباس:
مع اني بروح وانا مو مشتهيه بس شسوي لاجل عين تكرم الف عين مشكورة على المرور والنصيحة |
ممكن التوفيق وإرضاء جميع الأطراف عمتك بيني لها تعاطفك معاهم وبيني أنك بتحضرين الزواج علشان رضى زوجك وأهله وأيضا الزوجة الثانية مالها ذنب لازم تكسبينها وأخو زوجك وعم عيالك لازم مايأخذ منك موقف فالحب الله اللي يحطه في القلب وكون أنه طلق بنت عمتك لا نه ماحبها شئ مو بيدةه وهذا النصيب والمقدر .
فكري بعقلك ومصلحتك بعيدا عن العواطف . |
| الساعة الآن 01:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©