|
زعل ورا زعل ورا زعل.......!!!!! (آخر المستجدات)
بسم الله الرحمن الرحيم زوجي العزيز يزعل ويقاطني دائما وكثيرا وبدون سبب وان كان في سبب يكون تافه جدا يعني لي ثمانية سنوات متزوجة أكاد اكون غير مبالغة ان قلت خمسة سنوات ونصف منها قطيعة والباقي عادي جدا مستحيل يراضيني أبدا أبداأبداوكل اللي ممكن يسوية بعد القطيعة بيني وبينة اللي غالبا ماتكون طويلة جدا تصل لشهر من غير ماأعرفلها سبب انه يهجم عليا فجأة تزوجني برغبة شديدة منه مايكرهني ولاعنده مشاكل ليس بخيل ولا سيء الاخلاق يهتم في البيت والعيال أمام أهلي والناس هو زوج مثالي وطيب وكريم ورجل بمعنى الكلمة في أي وقت يكون طبيعي يتكلم وعادي كل شي فجأة تصيبه حالة الزعل وانا لو لم أصبر في حياتي معه إلا على هذا الحال كفاني في أخر مرة زعل قلبتها عليه وعصبت جدا وطلعت كل اللي في نفسي حسيت انه ندم وحاول يهدي الوضع وبعدها مازعل اسبوع كامل تكاد تكون اول مرة اسبوع من غير زعل يعني تقريبا وصلت للحل أسبق أنا وأزعل قبله أنكد عليه حياته ولما اتمكن من فن الزعل اتفنن في الانتقام منه المشكلة الثانية <<<< اخذه راحتها لو رديته أول ما يطلبني مستحيل يكررها أحيانا اكون متضايقة احيانا دلع يروح ولا عاد يرجع مايهمني رجوعه بس أخاف أتحمل ذنوب لما ارده وانا أعرف طبعه القبيح هذا الله يجزاكم بالخير اللي عنه فكرة أو حل يلحقني فيه |
كان الله في عونك
ويسخر زوجك لك ويهدي سركم .................. وان شاء الله الاخوان والاخوات يفيدونك وانا متابعه معك |
|
حبيبتي الله يصبرك و يهدي زوجك
انشاء الله يا رب |
اختي سلمك الله
قلتي انه يهتم بك وباالعيال وكل امر البيت ويحترمك ويحبك عايـــــــــــــــــــــــــــــــــــــــــــــزه ايه ؟؟؟؟؟؟؟؟؟؟؟؟؟؟؟؟؟هههههههههههههههههههههههه الي غير طبيعي منك هو قولك انك لايهمك رجوعه وهذا ليس من الاخلاق ولايرضي لله |
طالما أنك لا يهمك رجوعه , شي بديهي أنه يبادلك نفس الشعور ..
وأعتقد أن السبب واضح , او أنك تذكرين السبب بكل مصداقية حتى نقول رأينا بلا مجاملة |
سمر وأبو أحمد ونجوى الله يجزاكم خير وشكرا لدعواتكم بالنسبة لأسئلة أبو أحمد هو يصلى ويصوم وطبيعي جدا وليس مريض لكني أشك أنه مصاب بمرض الاكتئاب صقر الجنوب ورادع جزاكم الله خير كيف عايزة ايه يزعل او يصمت صمت رهيب بدون سبب ماأعرف هو زعلان من ايه ولا مريض ولو سألته اذا رد يقول مافيه شي لو غلطت عليه ولا زعلته يقولي مو يتركني أفكر يمكن زعل من كلامي يمكن ويمكن بعدين وش فايدة اهتمامي فيه وفي البيت وصبري معاه على الحلوة والمرة واحترامي له ولأهله وكل مايخصه وتعبي أذا مو عاجبه شي اريح نفسي وما أهتم الا بنفسي وعيالي أصلا انا أرده من الأساس لاني مليت على زعله الزايد وهو زعلان صرت اصبح مرتاحة اكثر لأنه زعلان وخلاص لكن لما يرضي أصير افكر الان تجيه الحاله ولا بعد شوي ومايهمني رجوعه لأني تعودت على القطيعة وشكرا جزيلا لكم |
اخي..الكريمه http://www.asmilies.com/smiliespic/t...a0asmilies.gif بأختصار طالما زوجك متقلب لهذا الحد..حاولي ان تجعليه يراجع احد الاستشاريين النفسيين ..لكن ارجو ان لا يكون ذلك بطريقه مباشره ..بمعنى اسمعي وافهمي ياجاره ..خاصه ان بعض الرجال لم ولن يقبل بفتح مثل هذه المواضيع ... .. |
أخي العازم
جزاك الله الف خير هو حساس جدا من هذي الناحية مع ذلك حاولت وجربت بس ما استمر على العلاج يومين ووقف حاولت اقنعه كثر زعله وفقك الله |
اخي..الكريمه http://www.asmilies.com/smiliespic/t...a0asmilies.gif طالما ان زوجكِ سبق ان راجع احد الاخصائيين فهذا جميل جدا وخطوه مهمه ..فلذلك تبقى الخطوه الثانيه عليكِ انتِ مع الصبر عليها الا وهي انتِ تكوني المسئوله عن اعطائه تلك الادويه بأيه طريقه كانت سواء مع العصير ..او..في حاله رفضه تعاطي ذلك العلاج من نفسه ولو من دون علمه ..مع العلم يا اختي ان بعض الرجال يكره مثل استخدام الادويه لخوفه الشديد مما يترتب على تعاطي تلك الادويه من مضاعفات جنسيه مثل عدم القدره على الانتصاب او ضعف الشهوه الجنسيه ..كذلك لا انسى ان انبهكِ لامراً هام ان تلك الادويه قد تجعل الشخص يشعر بالتوتر والاكتئاب اوالقلق في بدايه الاستخدام فيحاول التملص منها والتحجج باي حجه لكي لايتعاطها ..عموما انا انصحكِ بعلاج اسمه السيروكسات فهو خفيف وجميل لمن يعانون من الاكتئاب وتقلب المزاج لكن من مضاعفاته للرجل ضعف الانتصاب .. |
أختي الغالية..
خذي دفتر وقلم وخبيه عندك وكل ما يزعل زوجك اكتبي فيها التاريخ واليوم والساعة وروحي اقعدي مع نفسك واكتبي كل شي بالتفصيل، من اول ما كنتو طبيعيين لين ما صار الزعل واستمري على هذا الحال مثلا شهر، وبعدين اقعدي واقري القصص وحاولي تجدين رابط أو شي مشترك أدى إلى زعله وإذا ما عرفتي ممكن تروحين عند مكان استشارات زوجية في بلادكم وتعطين الاستشارية الدفتر وهي إن شاءالله بتفيدج :22: |
زوجك مزاجــــــــي درجة أولى
الحمد لله مافيه أي شي ويصلي ويخاف ربه فيكم ومايقصر العلاج مش صعب مره للمزاجين وأنا أشوفك عرفتِ علاجه بتصرفك معك أثناء زعله شخصية زوجك من الشخصيات اللي تبي كل شي على مزاجها من غير مايتكلم ولو ماصار اللي يريده تصير ردة فعله الصمت والإنسحاب أكيد هذي الطريقة مُتعبة للناس اللي حوله وهو مايحس بكبر خطأه إلا لما يوقّفه أحد عند حد مثل مافعلتِ معه لما زعلتِ وتكلمتِ وفضفتِ عن كل شي أتوقعه كان من زماااان يتمنى يسمع فضفضة منك وحتى يسمع صراخك وإنتِ في المقابل كنتِ تحاولين تدارينه وتسكتين وتحترمينه وهذا الإختلاف عادي لأنه كل من الرجل والمرأه لهم تفكير يختلف لكل مشكلة وبشكل عام نظرتهم لكل شي تختلف الآن ماعليكِ إلا إنك تشوفين أكثر التصرفات اللي تعجبه منك وتنفذينها علشان يرضى وإذا حسيتِ برضاه لازم تتكلمين معه وتفتحين حـــوار بينكم وتسألينه عن كل شي يتمناه منك ؟ والأشياء اللي يحبها ؟ والأشياء اللي يكرهها ؟ وشوفي كيف راح تسمعين أشياء ماقد جت على بالك وبالمقابل أيضاً تكلمي أنتِ عن كل شي ، عن إحساسك وقت زعله ؟ وعن ضيقك ؟ وكيف إنك تحاولين ترضينه ومايفيد وووو الحوار بين الزوجين يفتح عقولكم لأشياء قد تكون غائبة عنكم وماأسهل تطبيقها وأصعب شي إنه المواقف والتجارب وردّات الفعل تتراكم وحدة ووراها الثانية ومايبقى بين الزوجين إلا الصمت والحركات التي تدل على الضيق فقط . أتمنى أكون وصلت لنقطة غائبة عن ذهنك ووصلك المعنى وفقكم الله وسخركم لبعض . |
اختى لا يوجد احد كامل ومواصفات زوجك يحسدنك عليها كثيرات فتاقلمى مع ووضعك معه
|
جزاكم الله خير الجزاء
أخواني وأخواتي اللي رديته عليه وكمان اللي مارده أختي غالية كلامك مريح الله يريح بالك وتحليلك صحيح وقت ما أحس برضاه وافتح الحوار يتحول الى جماد أنا أحس انه هروب لانه عارف غلطه وحاس بالي يسويه ومتوقع مني اللوم والزعل أمشيها وما ألوم ولا أزعل من بكرة ترجع ريمة لعادتها القديمة وأصعب شي إنه المواقف والتجارب وردّات الفعل تتراكم وحدة ووراها الثانية ومايبقى بين الزوجين إلا الصمت والحركات التي تدل على الضيق فقط .فعلا هذا حالنا الان جزاك الله خير |
وما زال الزعل.........
السلام عليكم ورحمة الله وبركاته كتبت مشكلتي مع زوجي وارتحت أولا لأني فضفضت واستفت من ردود أخواني وأخواتي الله يجزاهم الجنة وهذا رابط المشكلة http://www.66n.com/forums/showthread.php?t=136084 مشكلتي الان اني قررت ما أعدي زعله مرة ثانية على خير وانا لهذا الزعل بالمرصاد كنا أنا وزوجي العزيز نتناقش قبل ايام طلبت منه شي رفضه عادتي اسكت اضايق شوي بعدها عادي لكني وقتها اصريت وقلت لازم وما معك حق تقصر وترفض كل طلباتي لأن رأيك في اني طماعة واهتماماتي كلها السوق وتقول اني ماني صبورة طيب ليش اصبر قال فعلا انت على ايش صبرتى صلحت جلستي واستجمعت قوتي ورفعت صوتي وبدأت سرد قصتي من يوم خطبني لليوم كل طلب مانفذه لي كل شي قصر فيه كل مره زعلني وماخليت الصغيرة قبل الكبيرة وختمت بقولي وفوق هذا كله موعاجبك العجب ولا الصيام في رجب على طول زعلان وماد البوز تقدر تقلي انت عى ايش شايف نفسك على للامانة انا قلت كل اللي قلته وانا مقتنعة انه كريم وحنون وما يقصر ويمكن اهتمامه بصحتنا ودراستنا انا وعيالي زيادة حبتين بس المشكلة زعله ومد البوز بسببها ما اتهنى بشي ابدا وهو كان ساكت بس يسمع وما نطق بحرف وانا اطالعه باين عليه عارف غلطه وندمان بس جماد ومن يومها للحين وهو بصمته أتوقع هو مايعتذر (وهذا طبعه) لان حسب تفكيرة الاعتذار ضعف وهو مستحيل يعترف بغلطه وانا الحين شفقانه عليه حاسته متأثر كثير ويكابر سؤالي أبدأ انا بالطيب واصلح الوضع أو اصبر شوي لأن انفجاري هذا بعد سنوات صبر ؟ أو ماذا أفعل؟؟؟؟؟؟ الله يجازي بالجنة كل من يرد علي واتمنى اسمع رأي أخواني الرجال والله يبارك في اخواتي النساء |
اخي..الكريمه ... http://www.asmilies.com/smiliespic/t...a0asmilies.gif طالما انكِ شعرتِ بتاثره بما اسمعتيه ولو لم يصرح به كلامياً..فأنصحكِ بالمبادره لفتح صفحه جديد ملؤها الحب والعشره الحسنه.. كذلك اختي ما ان يحدث اي موضوع يكدركِ بما يخص علاقتكِ الزوجيه مستقبلاً فعليك بعدم كتمانه او الصبر عليه بل عليكِ مناقشه زوجكِ بخصوصه لكن بشرط ان يكون في وقت مناسب من جميع النواحي لا بنفس وقت حدوث تلك المشكله .. . . |
أخي العازم جزاك الله خير الجزاء
لقد بحثت وسألت عن السيروكسات لكن ان لم يقتنع أخاف أن يأخذه دون علمه قد تحدث مضاعفات وهو فعلا تأثر لكن قلبي مليان اللي كتمته سنوات ماأعرف ويش اللي طلعه كله الحين مره وحده وابغاه يحس بكبر اللي سواه ويدفع الثمن عشان مايعيدها يعني زعلة كم يوم شي عادي وانا ابغي هالمرة غييييييييييير ومن ناحية مناقشته في الوقت المناسب في اي وقت اناقشه يصمت ويمتد صمته بعدها أيام وقد تكون أسابيع وقد تكون شهور أضنه لا يعترف بشي اسمه عتاب |
تم دمج الموضوعين على نفس الرابط
|
عليكم السلام ورحمة الله وبركاته
أكيد الآن إنزحاح نصف الهم لديكِ بعد ماصارحتيه وقلتِ كل اللي في قلبك من سنوات إعتـذار من الرجل بطريقة واضحـة صعبة جداً وأغلبية الرجال هكذا لذلك لاتنتظري منه إعتذار بالشكل الذي تريدينه ولكـــن !! برأيي أن تكوني هذه الفترة في قمة الهدوء وتلبية كل طلباته بنفسِ راضية ولا تحسسيه بأنك زعلانة أو متضايقة أو إنك ندمانة على ماقلتيه لأنه لو أحس بهذا بيزعل أكثر وبيشوف إنه الحق معاه وإنتِ ماقدرتيه ويمارس عليك مزاجيته بشكل أكبر هذه المرة حتى تكسري هذا الإحساس لديه ،إكتبي له ورقة وضعيها بمكان يقرأها لوحده وأكتبي فيها حاجتك وإهتمامك لرضاه وأنكِ تتمنين الحياة معه بشكل هادىء وواضح بعيد عن الزعل والنكد وإنك تحبينه حتى بعيوبه لكن الإنسان له طاقه وأنا ماعندي غيرك أشكي له ، أكتـبي كل مميزاته وكل حسناته عندك وعند أولاك وكيف إنه ماقصر معاكم لكن الشيء الوحيد اللي ينغص علينا حياتنا هو زعلك ووو أكتبي كل هذا بوقة مرتبة وخط جميل ولاتنسين لاتكتبين أي كلمة فيها زجر أو إتهام أو ضيق من حاله إجعلي كل الكلمات أنك بحاجه إليه ولاترضين إن يكون متضايق وتتمنين الإبتسامة منه كي تبتسم حياتك من جديد . وبعدها لاتناقشينه عما قرأه وكأنك لم تعطينه شي بل إستمري بكل مايرضيه وحاولي أن تبيني أنك مهتمة لأجله وتطمحين لرضاه . صدقيني الرجل كما الطفل بإحتياجه للكلمة الطيبة والمعاملة الحسنة سيتحسن معك إن شاءالله لكن !! لاتستعجلي على ردة فعله ستكون بطيئة نوعاً ما لأن الطبع سيغلب التطبع بالصبــــر والدعـاء والإستغفــار سيتغير بإذن الله . وفقكم الله وسخركم لبعض . |
| الساعة الآن 02:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
