|
باقي لي يومين عن ماليزياااا .........ساعدوني
السلام عليك ورحمة الله وبركاته يا جماعه باقي لي [blink]يومين على السفر (25/07/2007) الى ماليزيااااا[/blink]وابي منكم الهمه اللي في ماليزيا واللي راح لهااا ارجوه يفيدني انا رحت لها من 5 او 6 سنوات لكن يقولون تغيرت مليون درجه وانا متوهقة واتمنى منكم المساعده |
فيه شئ معين تبغين تسألين عنه 00 اسألى واحنا حاضرين 00لكن كذا ماني عارفه وش المطلوب
بالضبط |
الاماكن في كوالا لمبور :-
1- ماينز وندر لاند ... لاتفوووووتكم روووووعه ... وخصوصاً الرحلة عبر القارب . 2- بوتراجايا . 3- ملاهي صن واي ... تجنن وحتى السكن في صن واي روووووعه ... وخصوصاً فطورهم يجنن . 4- الشلالات ، واتر فال . بعيده شوي لكن حلوة مرة . 5- الحشرات المضيئة .. 6- توين تاور ... البرجين التوأم . روحوا لها من الساعه 10 إلى الساعه 5 علشان تطلعون للدور الاربعين المنظر من هناك يجنن . وتراه مجاناً لأنهم احياناً يقولون ادفعوا ... 7- المطعم الهندي ... بالقرب من السفارة الامريكية والبريطانية ... مطعم ولا كل المطاعم .. اكلهم يجنن . افضل من كوبر شندني وافاد اللي عندنا . الاماكن كثيرة هناك ... ولاتنسون جنتنغ ... يومين ويالله تكفيكم ... الملاهي تجنن وبحياتي مارأيت مثلها . وجزيرة لنكاوي ... فيه سكن ممتاز هناك اسمه : هوليدي فيلا ... أو لنكاوي ليغون ... لكن هوليدي افضل ... وهو عبارة عن شاليهات . ونصييييييييييييييييييحه للي يحب يتسوق ماركات ( تقليد ماركات ) مثل قوتشي وفندي وطقتهن في كوالا لمبور ... الشارع الصيني (تشاينيز تاون) . ( انتبهوا منهم تراهم نصابين .. يقولون الشنطة بـ 300 وبعد المكاسر بـ 25 رنقت ) وبالنسبة لأفضل سوق شفته هو تايم سكوير ماركات حلوة ورخيصة جداً وحلوة ... زوجتي تحسفت وقالت يليتني جهزت لزواجي من هنا . والله يوفقكم وتروحون وتجون بالسلامة |
نسيت اقول بعد في لنكاوي رحلة بالقارب تجنن بـ 250 ريال للشخص الواحد ومدتها ساعتين
ولكل عائلة قارب خاص فيهم ... وعندهم شلالات في لنكاوي ... وحديقة التماسيح ... وحديقة الفراشات . (وتلفريك والله يجنن ماكان ودي انزل منه) ... وفي ملاكا منتجع افاموسا ... حليوة لابأس فيها . |
ديمو2006مشكوررر (ه) على التفاعل والرد السريع مافي شيء محدد بالنسبه للسكن اعتقد (زوجي الحبيب) خلص منه :d لكن بالنسبه للأماكن؟؟ ما اعرف اي واحد احسن ووين انروح؟؟؟ واهم شيء التسوق ههههههههههه بس لاحد يحس:22: واكوووووون ممنونه bestmanاشكرك اخي الكريم على التفاعل الايجابي وجزاك الله الف خير وخلني اكون طماعه اشوي:25: فهل من مزيد؟؟ |
أختي لا تكوني مع أهلي في نفس الرحله
هم رايحين في نفس اليوم من الرياض ؟؟؟ بس إللي أعرفه إنه الشركه متكفله بكل شي من تماشي وأماكن وشوبنج يعني مما جميعه والجزر كمان الله يكون في عونك |
مرحبااا بك (سمو الاميرة) اول شيء كانه النك نيم حقي بين ربعي ههههههههههههههههههههه التقاااء الافكار؟؟ صح المهم يا الغالية احنا طلعتنا من دوحة الخير .... يروحون هلك ويعودون بالسلامه لكم ان شاء اللله بس الشيء اللي اول مرة اسمع عنه ان الشركه تتكفل حتى بالشوبينج المهم يا الغالية ان شاء الله الموضوع يفيد هلك مثل ما يفيدني (وانت ليش ما رحتي معاهم......هاااااااااااااااااا) مجرد لقافه نورتي الموضوع حبيبتي |
لا الشركه ما تتكفل بالحساب يعني
لاكن هي المسؤوله توديهم أي سوق ... يكونو محددينه قبل ما يروحو لماليزيا وإذا حبو يطلعو سوق ثاني لوحدهم وخاص فيهم ...ممكن ....... والله أنا نفسي أروح لكن الظروف تحيط بنا من كل ناحيه دوام زوجي الأولاد المبالغ .......................إلخ إيه صح بقوللك شي لا تنسي تاخذي معاكي الكام عشان تصوي وتحطي لنا الصوره هنا في المنتدى أنا وصيت أهلي يجيبولي من هناك شنط وأحذيه لأني سمعت إنها رخيصه وحلوه تحياتي |
الله يعينك وياجرك خير في زوجج اولادك
ويعوضك بسفرة احسن منهاااااااا اسمحي لي على اللقافه بل من صج لقافه خخخخخخخخخ اللي اعرفه ان السعودية عموماا ارخص بوايد من الدوحة وسعااار ماليزياااا مقاربه جداا اذا ما كانت مطابقه اسعار الدوحة يعني في السعوديه الاسعار ارخص هذا اذا ما كنت غلطااانه وانتوا اهل الخبره على العموم ماعليج امر ولا فيها رزاله بلغينا عن كل ماهو جديد واهلا ومرحبا بك من جديد ولا تحرمينا من طلتج دمتي بخير |
شوفي حبيبتي أنا بأعطيكي الأسعار بالظبط من السعوديه
9500 طيران 5600 الفنادق مدة الإقامه 14 يوم عدد الأشخاص ثلاثة هذا المبلغ للشركه فقط وراح ياخذو معاهم مبلغ 9000 ريال .......للهدايا والمشتريات الشخصيه ها كيف مثلكم ولا أغلى ولا أرخص ؟؟؟؟؟؟؟؟؟؟ |
عاد ما أعرف الريال السعودي عندكم كم يسوى ؟؟
أنتظر ردك صراحة أتحمست أبغ أعرف عندنا أرخص ولا عندكم ؟؟؟؟ |
قائمه الاسواق والمولات00 كولالمبور
سوريا KLCC - تايمز سكوير - تشوكيت - ميادين - ماينز شوبينج فير - صن واى بيراميد - ميجا مول - وان أوتاما المسجد الهندى - جولدن سيلك - كامدار - برتاما - سوجو - شارع تنكو عبدالرحمن - كرافت كومبلكس - كى أل بلازا ويلد - ستار هيل - لوت تن - أمبى بلازا - لويات بلازا - سوناى وانج - بى بى بلازا - المول - سنترال ماركت - كوتا رايا السوق الصينى - أودا أوشن - أمبانج بوينت - أمبانج بارك - سيتى سكوير ((الاماكن اللسياحيه في كولا لامبور)) بتروناس توين تاورز - حديقة الطيور - المسجد الوطني - محطة قطار KL - مرديكا سكوير - مبنى السلطان عبدالصمد التمثال الوطنى - برج كوالالمبور - حديقة الزهور - متحف القوات المسلحة - المتحف الوطنى - بحيرة تيتى وانجسا متحف التاريخ - متحف النسيج - متحف الفن الاسلامى - القصر الملكى - حديقة الفراشات - حديقة بردانة ((ولايه سلانجور )) اهم المرافق السياحيه 00 سيلانجور - صن واى لاجون - المعبد الهندى - شلالات تمبلر بارك - ماينز وندر لاند - جزيرة كارى جزيرة كيتام - مدينة كوالا سيلانجور - المتنزه الزراعى الماليزى - مسجد السلطان صلاح الدين ((جزيره بينانج)) اهم المرافق السياحيه بينانج - جورج تاون - معبد الأفعى - باتو فرنجى - القطار الجبلى - حديقة الفراشات - الحديقة النباتية - حديقة الفاكهة ((جزيره لنكاوي)) لنكاوى - جزيرة العذراء الحامل - جزيرة بايار - الآبار السبعة منقول للفائده من الاخ احمد الشرقاوي اتمنى اني افدتك للمضمون |
عندي لك معلومة مهمة جداً وهي لما تروحين تتسوقين بالمراكز كل ما تطلعين لدور كل ماترخص المحلات يعني الدور الأخير تكون اسعارة مرة رخيصة وهذي المعلومة من وحدة ماليزية قابلتها هناك وقالت لي وعندك الشارع اللي ماأدري والله وش اسمه اعتقد بوكت..... هذا جلسات تتفرجين على العالم واوقات يستعرضون فيه وبالتوفيق والله يهنيكم.
|
أنا عايشه بماليزيا وأي خدمه أنا حاضره بس أعتقد الأخ ديمو كفى ووفى
|
ديمو2006 والله انك ما قصرت(ي) معاي جزاك الله الف خير عنااااا وشكلك خبرة في ماليزياااا سلمت اناملك:22: أم ريمو2 يا هلا ويا مرحبااااا شرفني مرورج وكم اسعدتيني على المعلومة الغريبه اشوي لكن جميله الله لايحرمنا من طلتج سمو الأميرة اختي الغالية اشكرك على التفاعل الطيب.... وسالفتناااا الحلوة عزيزتي الدوحة ما منها مثيل في الغلا والاسعار نااااااار حتى التذاكر اعتقد احنا اغلى على الخطوط القطريه بس ما اقدر افيدج بالاسعار لاني ما اعرف فيها بس اللي اعرفه ان تكمل علينا السكن والتذاكر بس في حدود 50000 ريال قطري تقريبااا مش اكيد بعد لانه التذكرةعلى الاولى و رجال الاعمال(يمكن هذا اللي زيد السعر) واحنا تقريباا شخصين كبار وطفلتين بس ارجع واقولج اكيد ماليزيااا ارخص من الدوحة والسعوديه ارخص بوايد واغراضهم احلى من عندناااا (الله يعطيج العافية)) |
اقتباس:
والله اني ما توقعت حد يرد علي من ماليزيااا اتمنى انج اتفيديناااا بخبرتج اذا ما فيها كلافه عليج ولج الف شكر حبيبتي (وبما اني ملقوفه فسمحي لي على هالسؤال) انت دراسه والا بعثة دبلوماسية بس احس ان هالدول قليل اللي يعيشون فيها من الخليج ؟؟ هذا اذا ما كنت غلطانه؟؟ واسمحي لي على اللقافه وشكرك على التفاعل اللي ادخل السرور الى قلبي ولا تحرمينا من طلتج الحلوة |
لاياعمري عاااااااادي أنا هنا لان زوجي يدرس مو بغثه على حسابه
بس أعتقد مافي عندهم أغراض حلوه أقصد الملابس والله أني أتعب لين أشوف لبناتي بس أغلب الأغراض أجيبهم من السعوديه حتى بعض المأكولات. بالنسبه للعيش في ماليزيا ماحلوه بس سياحه أيوه والله يوفقك |
| الساعة الآن 07:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©