|
زوجي بيسافر علشان العمل وانا مقهوره
السلام عليكم
بصراحه حاسه بقهر فضيع ومن امس وانا بس انافخ على اعيالي وارمي كلام والمقصود زوجي لبي اقهره الاخ يبي يسافر لمدة 3 ايام يقول والسفره تبع العمل والرحله لي دوله اوربيه هو كان قال لي قبل شهر انه يمكن يسافر للعمل بس مو اكيد لانه صارت مشكله في العمل وانا قلت له هذيك الفتره الحين انا من اخذتك وانا اقولك اتمى اروح للبلد هذا وبما انها جتك ها اسفره خذني معك قال وين اخذك معي والرجال اليمعي قلت نروح قبلهم بيوم قال انتي عارفه انك بتجلسين طول اليوم با الفندق لان الشغل هناك مثلهنا يعني يمكن ما اطلع الا الساعه 7 او 8 وانا عارف انك تبين تطفشين ههاي بزعمه يلعب علي يقصد انه بيخلص شغله بساعتين وبيروحون يطقونها فله ومايبي وحده تربطه وتزيده مصاريف انا متاكده ان هذا القصد والي قاهرني اكثر انه ما رضى اتوضف في شركه قال ايش فيها اختلاط وهو يبي يروح الشغل اهناك واكيد ام الاختلاط والفساد قهرني والله مسوي فيها يخاف الله حلال عليه وحرام علي انا انطق في ها الاجازه هنا وهو يبي يسافر وحتى لو كانت 3 ايام ان شاء الله يوم عاد اذا انفتح ها الباب وش بيصكه عطوني حل وش اسوي حتى لو اتصال على مديرهم واقول اطردووووووووووووووه |
وش دعوى يعني لهذي الدرجه الموضوع عادي ومايستاهل ينكتب
|
بسم الله الرحمن الرحيم
وش فيك يا اختي صلي على النبي حسيت انك بتطعلين من الشاشه من القهر بصراحه زوجك معاه حق هي كلها 3 ايام ماتسوى عليه ياخذكم انتي و العيال و انتوا مارح تستانسون اصلاً يا حرام مسكين هي رحلة عمل مو وناسه علشان تعاملينه كذا ..!!! لا تربطين مشاكلك مع زوجك بعيالك ترى هم مالهم ذنب وخلي زوجك يسافر وهو مستانس منك و مرتاح وانتي عاد و شطارتك كيف تخلينه يشتاق لكم فيه افكار كثيره في المنتدى استفيدي منها عزيزتي اتفقي معاه لمن يرجع يسفركم او انكم تروحون له هناك بعد مايخلص الشغل بس عاد تتمنين لزوجك انه يطردونه علشان هالموضوع فأسمحي لي اقول لك شكلك نكديه و هذا بيطفش زوجك منك انا ما اعرف طبيعة زوجك و هل كلامه صحيح انها شغل او لا لكن هي كلها 3 ايام ما اتوقع انه بيروح دولة اوروبيه 3 ايام بس علشان يتمشى ...... ع العموم هدي سرك يا غاليه و انتبهي لنفسك و اسم الله عليك من القهر الله يوفقكم |
السلام عليكم ورحمة الله وبركاته
اختي الغالية بارك الله فيك .. هدي اعصابك وتعوذي من ابليس .. ولاتكبرين الموضوع .. اختي في الله ... ترى هذا الشيطان دخل بينكم ومزين لك الهواش بينك وبين زوجك والا صدقيني الموضوع ابداً مب مستاهل يعني دام انه زوجك خايف ربه ويعرف الحلال من الحرام ان شاء الله ماهو برايح للحركات .. بعدين فعلا ترى الدورات او الدوام يوم يعطي سفهر للخارج ومده 3 ايام تكون جداً مضغوطه فيعني راح يتاخر ف الدوام وانتي والعيال طول الوقت ف الفندق وراح تطفشين .. اختي تعوذي من ابليس وهدي اعصابك وروحي قولي لزوجك انه ماعندك مانع من سفره حتى لو كان هو بيروح وانتي مش راضيه بس اذا كنت راضيه راح يرتاح .. خليه يروح الحين . لانه اذا رحتي معاه بالغصب وصار مثل ماقال ورحتي معاه وطفشتي بالفندق ماراح تقدرين تقولين شي لانه هاي رغبتك ومن كلامك عن شخصية زوجك ماظن راح يخليك تطلعين لحالك في دوله اروبيه غريبة .. فيعني تعوذي من ابليس واقصري الشر ولاتعصبين وخليها تمر بسلام واسمحي لي ع الاطاله |
انا ما ابيه يتعود بكرا كل شوي ناط لي وقايل لي رحلة عمل وبعدين حتى لو رحلة عمل يعني بيربط اعيونه هناك اتحدا
|
شكلج عزيزتي غيوره عليه وايد ...بس ماأكذب عليج أنا نفسج بعد أخاف على رجلي من هذي الاماكن وأنا قد صارت لرجلي سافر لدوله أوربيه لمدة أسبوع عمل بس صدقيني ضقت مثلج ودخل الشيطان قلبي بس تدرين شو سويت أول شيء وصيته وكثرت من الوصايا وتحمل تحمل ....وقوليله إن أي شيء يسويه غلط بيرجع في أهله"""مثل ماتدين تدان"""وأكدي على هذا الشيء حتى لوكانت نظره.. وحطيت له قرأن في الشنطه معاه صوره لبنته ولده وهو معاهم وكتبت له كم كلمه وكم بيت شعر في ظهر الصوره بس تراني ماقتله..ويوم وصل وبطل الشنطه هو شافها بس ترى فرح بها وايد ....وأنتي حبيبتي أمني الله عليه الذي لاتضيع الودائع عنده وإذا الشيطان قالج راح يشوف قولي لا زوجي يحبني ومايشوف غير وتعوذي منه ؟؟وأنتي ستغلي الفرصه وتصفحي هذا المنتدى فيه أفكار حلوه تقدرين تسوينها إذا رجع زوجج وتبينين له شوقج وأنج ما تقدرين تصبرين على فراقه قوليله ""أنك من النوع إلي ماتصبر عن زوجها وأنج طول الليل مشتاقه ودورينه""عشان ثاني مره يوديج وبذات إذا السفره طويله أما هذي المره بسيطه كلها ثلاث أيام...الله يوفقك حبيبتي وسعي خاطرك
أختك strong women |
اقتباس:
اقتباس:
بدل ماتحاولين إنك تكونين هادئة وتوصلين لحل ... تحاولين إنك تنرفزين زوجك وتزيدين الطينة بله الله يهديك ويصبر زوجك عليك اقتباس:
مافي رجل شرقي مسلم غيور يرضى ان زوجته تشتغل وتختلط بالرجال أكثر من 7 ساعات باليوم ما أقول غير كان الله في عون زوجك |
اقتباس:
شدعوى تتصلين ع المدير يطرد زوجك من العمل .؟ اقول الله يخلف عليك انتي وطريقتك في التفكير :21: |
اقتباس:
اعوذ بالله :( مو زوجك اللي يقول . الدين والشرع هما من يحرم الاختلاط :( ارجو عدم الاستهزاء بتعاليم وقواعد الدين :( والله لو انك زوجة لي ما تجلسين دقيقة وحده بالبيت عقب هالسطر الي كاتبته :( |
اختي شفتي الرجاجيل شقالو عنا احنا الحريم عاجبك الحين هالنظره الشينه عنك ترضي انه ينقال عنك نكديه؟ طبعا لا وبعدين العيال مالهم ذنب مساكين يكفى يشوفونك مشوطه ابتعدو بعيد خوفا من العقاب شلون اذا مع ابوهم؟
اختي استهدي بالله اذا كل وحده فكرت بطريقتك كان الكل في طلاق انا مراعيه قهرك وبطة كبدك بس تعرفين شتسوين ؟ والله مجربه وبترتاحيييين لما تكوني بهالحاله قومي توضي بسرررررررررعه وصلي ركعتين اقسم بالله ان حزنك يزوووووووول وتحسين براحه مب اي راحه بعدين بتضحكين وتدعيلي اهم شي :) زوجك ابو عيالك يكفي تعبه وكده علشان البيت واللي فيه الرسول عليه الصلاة والسلام قال عن الحريم انهم يكفرن العشير ترضين حد يقول لك هالوصف ينطبق عليك ؟ اعوذ بالله من ذالك ونتي اكبر من هالشي بس لحظة قهر وتزول باذن الله وادعيله انه يروح ويرحع بالسلامه ولطفي الجو قبل لا يروح عشان يسافر وهو مبسوط ^ ^ |
اقتباس:
|
مااقول غير انك متهوره في تصرفاتك
الحياة الزوجية يبيلها عقل وركاده وطريقتك راح تخرب بيتك تخيلي حياتك مع زوجك وعيالك سفينه والمشاكل اللي تواجهينها امواج ورياح .. فكري كيف تسيطري على السفينه في وسط الامواج من غير ماتغرقينها .. بعدين زوجك مسافر عمل المفروض تدعيله بالتوفيق وان الله يرجعه بالسلامه وبعدين ماتتدرين يمكن هالسفره تزيد من الشوق والحب بينك .. الله يهديكي انتي وزوجك |
هدئي من روعك اختي وستعيني بالله 3 ايام قليلة لا تظلمي زوجك وامنحيه تقتك اهم شىء بالعلاقة الزوجية ممكن اختي يكون جنبك ويغلط فكري بهدا الامر
حاولي تبيني انك محتاجة لسفرية متل دي لو كان ممكن ياخدك معه لو ما قدر لظيق وقته اطلبي منه انه يعوضها لك مرة اخرى حاولي تمنحيه حبك وتقتك واكيد اختي حتجني وراءهم حب متبادل راحة بالك اياك اختي ان تتهوري وتتصل بشغل على انك تكوني في خراب بيتك تخيلي كيف حيكون تفكير مديره وزملائه بك اكيد سىء جدا الله يهديك اختي لا تدمري بيتك بيدك لو رفض شغلك اكيد هو قادر على مسؤليتك ومسؤلية عيال والبيت وكل شىء فهو شهم احسبي له دالك بان تكوني عون له ودالك لفهمه ولتقديرك له اكيد اختي انت في حالة زعل حاولي تهدئي وراجعي نفسك الله يسعدكما ويهدي سرك ويرجعه لك بالف سلامة |
انا قلت ودي يعني في الاحلام اكلم المدير بس لو يحصل ماعندي مشكله يقعد عندي بدون شغل احسن من ان اعيونه تطير في فلانه وعلانتانه
|
الاخ فهد انا ادرى بتعاليم ديننا والشركه الي انا قلت عنها كلها شركه نسائيه ودور حجج كثيره علشان ما يوافق اخر شي قال يعني اكيد بتردون على رجال عن طريق التلفون وهذا نوع من الاختلاط قلت له ومن قالك اني برد على التلفونات قال اجل وش وضيفتك هناك مديرة الشركه يعني الاختلاط حجه ولو كان فيها رجال واحد معنا انا ما وافقت اشتغل اففففف رفعت ضغطي انت بس جاهز للهجوم
|
استهدي بالله حبيبتي
ادري انه البعد صعب انا زوجي لسا جاي من السفر امبارح بس والله ما بإيدك شئ تعمليه غير انك تزيدي جرعات الحنان والحب والدلع والحركات الحلوة وتخليه يروح وهو مشتاق مشان يرد في اول طائرة كوني شوي دكية اذا بيطردوه بتيجي ع راسك انت وعيالك ام وليد |
ياناس اي نكديه لو تعرفون ضروفي كان والله رحمتوني مافيه وحده قدمت تنازلات كثيره مثلي مافيه وحد مرت بضروف يشيب لها الراس كثري ولما اطلب اسافر او اغير جو مايقدر واذا بغو اهله يسافرون يكون يقدر طفشت مليت ابي وقت لي ابي اطلع من ها الروتين الممل الي انا عايشه فيه اي فرصه تجيني سواء دراسيه او وضيفيه ما يرضى مايبيني اطور من نفسي ابد يبيني بس اندفن مع اعيالي ملييييييت وبالاخير ينقال لي نكديه وزياده على كذا تخيلووووووو يطلع من الساعه 8 الصبح للعمل ومايرجع الا الساعه 7 المغرب او 8 يوميا واحيانا الجمعه قال ايش ابي اثبت نفسي طيب وانا كل ها الوقت الحالي ومع اطفال حتى مافيه اهل لي با المنطقه الي عايشين فيها انا ودي بس احبس ها الرجال الي قالو عني نكديه اسبوع الحالهم با البيت واحط معهم اطفال واشوف وش ردهم بيكون بعدين
|
ياختى هدي من روعك واستغفري وقومي صلي لك ركعتين هذا اولا
ثانيا لابد انك تثقي في زوجك اكثر لان الثقه اساس الحياه الرجل حتى لو هو جنبك ومغطيه عيون الجميل لو يبغى يطالع راح يطالع ولو يبغى يتزوج راح يتزوج مو انت الي تمنعيه بمزاجك انت تمنعيه بااسلوبك بحبك بدلالك بنعومتك باستمالته لك بحرصك عليه بااسلوبك الجميل ولطافتك معاه الي تخليه مهما قابل من حريم يقول عندي وحده مكفيتني وموفيه مو يقول مااصدق الفكه حرام اختى زوجك مسافر عمل خليه يروح مرتاح وراضي ويحس بشغفك وحرصك وحزنك عليه ولا تفتحي عيونه على اشياء قد لاتكون في باله وثلاث ايام مو محرزه تسوي عليها مشكله وفعلا هو رايح مع قروب انت اش يوديك وصدقيني لاراح يتعود ولا شي هذا عمل مو سياحه هدي بس وانتبهي لنفسك واسلوبك معاه لاتنفريه منك وان تبغيه يبطل كلميه بلحسنى وانك لاتستطيعي الاستغناء عنه لاانت ولا الاولاد وكيف بتسوي اذا راح وووواذا فيه غيرك ممكن يروح خليه يسافر بدلك وان كان ماقدرتي سلمي امرك لله وخليه يروح راضي عنك عشان يفتكرك بالخير |
حبيبتي اصلا الرجال مايحسون في المراه اقل حاجه اللي قال انك نكديه واللي قال لو انك زوجتي بوديك لاهللك
لكن لوبتخلين عياللك عندهم ساعتين طلع لهم نخل في راسهم انا حاسه فيك زوجي نفس الوضع بيسافر لندن اسبوع عمل وقلت اب اجي معاك رفض وبشده طنشت واكتشفت انه مكلم اخوه يروح معاه رجعت فتحت معاه الموضوع بس مابينت اني اعرف ان اخوه بيطلع معاه ورفض وبشده سكت اش اسوي لاكن محروقه في قلبي احسن شي طنشي وشكل زوجي وزوجك في نفس الشركه ههههههههههههه طايحين على دوله اوربيه |
لاحول ولا قوة الا بالله
من العنوان توقعته بيسافر شهرين خليه يسافر وهو راضي وجهزي شنطته بحركات حلوه علشان ان رجع يعوضك |
لازم تثقين فيه والموضوع ما يستاهل ابد
|
ياجماعة والله حرااااااااااااااام الي قالة اغلبكم
انا فاهمتها المرأة ............ تحب زوجها تغار علية لاتقوى على فراقة لاتجدة دائماً معها تقول بتسوي وبتسوي وبتتصل وهذا كلة ما ينجم عن قوة بل ضعف نعم ضعف ضعف المرأة والرسول صلى الله علية وسلم قال رفقا بالقوارير المراة فينا بطبيعتها ضعيفة بس معنا لسان على الفاضي ارحمونا من كلامكم الجارح وواااااااااااااجب علينا نهدي روعها مش نازلين عليها قهر وهي اصلاً عاملة الاسم قهر فحرااااااااااااااااااام عليكم أختي الحبيبة انا حاسة فيك لأن لو زوجي بشعر بكل الي قلتية والي يقهر بلد اوربي كيف لا حتى لو يوم رايح اكيد كبدي بينفجر لكن اختي تذكري انة عمل ومهما شاف ومها عمل بتظليانتي الكل في الكل الدنيا فيها الجميلات ومن هم الاجمل وما بتقدري تغطي عيونة وهم في الاخير رجاااااااال عيونهم ينطو قبلهم عشان كدة اسحرية بأخلاقك وبرقتك وبحبك له وخلك صبورة حاولي تبيني لة انك ماتقدري على فراقة وإنة هالايام بتمشي عليك كانها سنين اكيد بيشوف دموعك وهو يودعك صدقيني بيظل يتذكرك ولو يحبك ما بيعمل اي شيء مهما وسوس لة الشيطان ولو بالنظر لذا اجعلية يفارقك وهو حاسس بتانيب ضميرة لانة ترك نتيجة لردة فعلك الخلوقة اتجاهة فهو اكيد بيشوفك وانتي توضبي اغراضة بس اياك وتكشيرة الوجة او الصياح لا اجعلي الرضاء علية بوجهك وشوفي كيف بيرجع لك وانتي اشغلي نفسك بهاليومين عشان دمك ما يغلي وادعي وانتي تصلي انة ربي يبعد عنة بنات الحرام واشكالهم وانة يجعلك قرة عينة وتذكري مهما راح ولف ودار مرجعة لك غاليتي الله معك |
الله اكبر عليكو انتو النسوان :(
يعني انا دائما وابدا بردودي وبمواضيعي بحاول انصف المراة واذكر الرجال واولهم انا بضعف المراة وحاجتها للرومنسية ولكن لما قريت هالموضوع للاسف احبطتني وذكرتني انه مو كل النسوان مثل ما انا متوقع من عنوانها فكرت انها مقهورة لفراقه طلعت الاخت مقهورة لانه مو ماخذها معه اتقي الله اختي بكلامك عن زوجك انا مو لاني رجل بحكي هالحكي بس انت غلطانه اختي بوصفك جوزك بهالوصف حرام بعدين اختي ان شاء الله على هذه الصورة وليس انشاء الله وفقك الله لما فيه خير دينك ودنياك |
صراحه ضحكتني من رده فعللك اخي صاحب الظل الطويل
|
الحافظ الله في كل مكان
اذا هو يخاف الله ماعليه خوف |
الله يهديك يا قلبي
انا معاك انك مضايقة عشان بيسافر بس ثلاث ايام شوي خليه يروح بالعكس خذي منه اجازة عشان تشتاقون لبعض وقولي اللهم اني استودعك بصر و سمع زوجي وادعي له بالهداية ولا تحرقي اعصااااابك الدنيا ما تسووووووووووووى الله يوفقك لما يحبه ويرضاه والجميييع |
هههههههههههههههههههه
كلامك صح يا صاحب الظل الطويييل اصابعك مو زي بعض في العالم نساء قشرات زي مافي نساء يوزن بالذهب وفي العالم رجال قشرااان زي ما في الدنيا رحال يوزنون الدنيا بأكملها لا حرمنا الله منك ولا حرمكم الله منا اقصد المتزوجين والمتزوجات اللهم اقر أعيننا بحب ازواجنا واقر اعينهم بحبنا وفرصة يا صاحب الظل اني اشكرك على مواضيعك الجميييييلة والرائعة والمنصفة |
اقتباس:
|
| الساعة الآن 12:53 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©