|
إذا دخل الرجل على زوجته بعد الملكة ماذا يقول
بسم الله الرحمن الرحيم السلام عليكم ورحمة الله وبركاته ماهي المواضيع التي يستحب أن يثيرها الزوج في أول لقاء مع زوجته بعد الملكة خاصتاً أن الزوجة قد لاتتكلم نهائياً من الحياء ، ويكون الزوج منحرج كيف يتفاعل مع زوجته في الحديث وهي لا تتكلم . هل يقول لها مبروك عليك أنا:14: |
يووووووووووه اسئلة كثير ة انت دور وبتحصل مواضيع بس اول شئ اسئلها عن هواياتها ايش تحب تسوي لما تكون فاضية ايش الاكله المفضله متى تنا ومتى تصحى يعني اسئلة من هالنوع وكثر منها عشان تحس انك مهتم فيها
|
اولا يسلم
بعد ذلك يبارك ويدعو لها بالسعادة والخير في حياتها واهم شيء أنك تكون مرتاح هاديء وبدون قلق نهائي والكلام بيأتيك مثـــــــــــــل المطر الغزير مبروك يا عريس |
والله مدري :24:
لكن سلم عليها وبارك لها وقول لها مبروك عليك انا :14: ،، خليها تضحك :d وقول لها كيف الحفله اليوم ان شاء انبسطتي؟؟ كيف شعورك اليوم؟؟ احكي لها عن الشعور اللي مر عليك بهذا اليوم قول لها ايش صار لك من اول ماصحيت ومن قبلها باليله:24: احكي لها عن مواقفك واسألها اكيد هي بتكون خجوله :o بس عادي اسألها اسأله متنوعه مره سؤال يحتمل الاجابه بنعم او لا ومره سؤال يحتاج الي شرح بسيط احكي لها عن سعادة اخواتك وامك فيها وانهم اول ماشافوها ارتاحوا لها ومبسوطين منها احكي لها عن والدك وتوصياته لك عليها وشوي شوي بيجي الكلام اذا والله الجلسه مطوله احكي لها عن خططك في المستقبل معاها حطوا اتفاقيات بسيطه مع بعض شوف رغباتها طموحها بس هذا اللي خطر في بالي اللي ممكن الواحد يتكلم فيه واخيرا الله يوفقك وينور بصيرتك ويسخرلك ويألف بين قلبك وقلبها ويجعل بينكم مودة ورحمة حصنتكم بلا اله الا الله |
الله يستر :o
|
ماشاء الله ..
|
حمستونا
عطونا التفاصيل مع الايام لو تقدروون قرب ان شاء االله االزواج والله انهبلت ماعندي احد (ان شاء الله) تكتب هكذا ..\ الإداره |
"مبروك علينا "احسن ولا لأ ؟؟
وقولها على احساسك اول ما شفتها .. وأسألها عن احساسها .. وانه فيها كل الي تتمناه وزيادة ..وصدقني انك حتحس بهذا الاحساس في الملكة .. يعني ماراح تكذب (: وإذا خجلت شويا مو مشكلة .. لأني بصراحة كنت انبسط لما اشوف خطيبي يتلخبط ويحاول يجيب الكلمة الي يباها .. بس لا تزودها .. والف والف مبروك |
مبروك ... الله يسعدك ويهنيك ....
|
أهم شي تمدحها وتمدح كشختها
وتبين لها اعجاااااااابك فيها خلها تحس مسكينه ان تعبها وكشختها ما راحوا عالفاااااااااضي والله يوفقكم ياااارب |
السلام عليكم ورحمه الله وبركاته اذا ضاقت بك الدُنيا وثقلِ لسانُك وتوقف العقلُ عن التفكير للبحث عن اي موضوع لفتح باب الكلام للحديث معها فعليك بطرح الاسئله العامه عليها ...مثلا عن دراستها او تخصصها او عدد اسرتها وبعد ان تهداء القلوب وتشتغل العقول وتسكن االانفس ويبدا الحياء بالضعف ويبداء لسانها بالانطلاق ... ابداء معهاا بما شئت سواء بالثناء عليها وعلى اي امر قد يلفتُ نظرك فيها واعُجبت به ...والبقيه تطول.. ولا انسى بنصيحه شخصيه مني لك ..عليك بشرب كاس ليمون بالنعناع قبل الدخول عليها مباشره حتى يفتر جسمك وتهدى اعصابك المشدوده ... وانتبه تقول لها مبروك انا عليك ثم توهق نفسك:d :d :d :d ... . |
اقتباس:
:22: ههههه اللهم امين الله يوفقنا وجميع المسلمين |
الله يعطيكم العافية وجزاكم الله خير
أولا ً التوكل على الله عز وجل ومن ثم أفتح معها مواضيع على حسب ميولها وتخصصها إن كانت معلمة رياضيات بتكلم معها في الرياضيات بس المشكلة ماني حافظ جدول الضرب :29: بحاول أن احفظ قبل الملكة وإن كانت معلمة العلوم بدور لها ظفدع أو ثعبان بتكلم معها عن الفقريات والافقريات:d وإن كانت تهتم بالطبخ بتكلم معها بأنواع الطبخ والأكلات . مع هذا كله الله يستر:o |
مبروك عليك أنا
مبروك علي انت :) دور كلام وحتلاقي بس لا ترنفزها بأسئلة مالها داعي |
اعرف وحده قام يتكلم عن شغلها وهي قامت تتكلم عن شغله
بس انا انصحك تسمع شريط احسن خطبه لجاسم المطوع بس فكرة مدح ملابسها حلوه وتقدر تتكلم عن اشياء عامه حتى تنسيها انك زوجها لأنها في هذه المرحلة ماهي مستوعبة الموضوع او تستحي من هذي الفكرة أعتقد مدري ......... الاشراف: يمنع ذكر اسماء مواقع |
هسه اازوج ودخل عليهه ويصير خير ان شاء الله
|
بارك لها وقول ماشالله عشان ماتنظر البنت بس اصحى تسالها عن هواياتها السالفه مو مقابله بالتلفزيون |
بس لاتنسى تاخذ رقم جوالها قبل ماتمشي لان اعرف وحده يوم ملكتها نسى زوجها ماياخذالرقم وطبعا هي زعلت وبعدين اخذه ثاني يوم خلى امه تتصل على امها وتاخذه ربي يسعدك
|
ألف ألف ألف مبرووووووووووووك
والله يهنيكم ويسعدكم و يوفقكم وهالله هالله بالمدح كثر منه ما اوصيك أختك المخطوبه:جلكسيه حلوه |
اخي انشاء الله الف مبروك ولكن اقلك لا تحاول تحضر مواضيع معينة .كن طبيعي احسن .وعلى فكرة انت راح تجيك ثرثرة ماصارت من قبل
|
يقول زي كذا، بصوت جاد وقوي
! Let The Game begin |
بخصوص علم الكلام يقال أن هناك نوع من الحديث يمكنك التحدث به مع أي شخص وفي اي مكان
ومنها حالة الجو : ماشاء الله الجو طيب وحلو - الجو فرحان بأننا مع بعض - الله وش الطيب الطيب من الطيبة الملابس ماشاء الله ذوق حلو واللون مرررة حلو وكذا الشاي أو العصير المقدم ...... وشقرن خخخخ |
| الساعة الآن 06:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©