عادي البس عبايه ونقاب في المانيا؟؟؟
 

يا قلبي انت وش همك من الناس يطالعوك والا لا المهم رضى الله ورضا زوجك
البسي عبايتك السودا وافتخري بحجابك
الله يوفقك

شكرآ ياسلامات كلامك من جد ريحني بس كل خوفي من المضايقات وزوجي ترى مو ملتحي او ملتزم بس هو يرتاح اني البس العبايه حتى هو يلبس برمودا وشورت ويكشخ أحس وش بيطلع شكلي جنبه

بتكوني اميرة بحجابك وملكة بقلب زوجك
اتهني حبيبتي برحلتك

السلام عليكم ورحمة الله
البسيها وانت مرتاحه وواثقه من نفسك والله انا استغرب من الهنود يلبسون زيهم في اي مكان وزمان ويمشون فخورين بانفسهم وفقكم الله

البسيها وتوكلي على الله ولا يهمك احد

وعلى فكره ماراح تكوني انت لوحدك هناك لابسه حجابك كثييييييييييييير سعوديات هناك وبحجابهم كاااااامل حتى القفازات

اختي منووولة ’ جداً فخور بكٍ وبأمثالك ونسأل الله أن يحميك ويحفظك أنتي وزوجك من كل سوء

أنا اخالف الاخوة والاخوات في الموضوع وأقول

إذا رأيتي جميع المسلمات يلبسن اللباس البني ألبسي بني

لا تخالفي , ولا تتميزي , قال النبي صلى الله عليه وسلم

(من لبس لباس شهرة ألبسة الله لباس ذل يوم القيامة)

والعباءة السوداء فعلاً ملفتة للنظر , وربما تعرضك أنتي وزوجك لما لا يحمد عقباه

والمجتمعات الغربية لا تعرف هذه العباءة , فستكونين مثار الاستغراب

وأذكر أن أختي في شهر العسل , طلعت ماليزيا .(ودخلت في فندق مع اجانب

كانت اختي تلبس اسود في أسود ولا يرى إلا عيونها (أطفال الاجانب قعدوا يبكوون)ويتمسكون في امهم !

فأرى يا اختي الكريمة , ان تلبسي اللي فيه المصلحة , بلا اعتزي بحجابك وخالفي بلا هم

الدين , قرر عليك ضرورات خمس منها حفظ النفس

والدين دين يسر (لايكلف الله نفساً إلا وسعها)

فمن ناحية الشرع , فالشرع حريص عليك وعلى زوجك وشوفوا اللي فيه مصلحتكم واللي لا تتعرضون من خلاله إلى لفت الانظار . أهم شيء يكون حجاب كامل , ليس فيه تبرج .

ترجعين بالسلامة (دعواتك اذا رجعتي من السفر)

شكرآ لجميع الأخوه على المشاركه وفعلآ بتشاور انا وزجي واشوف,,جزاكم الله خييير

اكيد بتكوني ملفته للنظر.. بس تحملي كله باجره... انتي تخيلي العكس لو وحده هنا ببلدنا ماشيه بدون عبايه ، اكيد كلنا بناظرها لانها مختلفه عنا ...

ويااختي زوجك انصحيه لا يلبس شورت ما يصير لانه عورة الرجل من السره للركبه ..

انا رحت لالمانيا قبل 3 شهور بس مالبست عبايه سوداه كنت لابسه حجابات ملونه بالطوات بيج او كحلي اوبني او وردي واتلثم والبس نظاره
راي انك بالعبايه السودة راح تلفتين الانظار بالمرره

انا دوبني راجعة من المانيا

اغلب العرب لابسين العباية السوداء ونقاب او حجاب اسووود..وبالعكس احس الاجانب متعوودين على هالشي

اخواتى الافاضل ماقلنا حاجة عن الافتخار عن لبس العبائة اذا كانت من منطلق واجب دينى الله فرضة عليكن وليس من باب الافتخار بالزى الرسمي لان الاعمال بالنيات

لكن بعض البلدان تفرض كشف الوجهه يعنى من المطار وعند تختيم الجوازات تلقى الموظف على الكونتر يقول اكشفى حتى يطابق الصورة بجواز السفر لكن ممكن انك تغيرين لون العباية المهم ماتظهرين فى الخارج وعند السفر خصوصا لبدان اجنبية انك سعودية لان الاجانب بعد احداث 11ستمبر اصبحو يكرهون التعامل مع العرب عامه
وخاصة الالمان يكرهو المغاربة كرها جما

يغلق هذا الموضوع بعد اكتفاء الأخت منوووولة بالمشاركات وطلبها إغلاق الموضوع ،،،