|
الزواج من "البنت الوحيدة"
السلام عليكم ورحمة الله وبركاته
أخواني وأخواتي الكريمات حابه أطرح موضوع مهم وأبي أعرف أراءكم حول هالموضوع كثير أسمع أن الناس يتهربون من خطبة البنت اللي تكون وحيدة أمها وأبوها أو اللي تكون البنت الوحيدة وسط أولاد !!! ما أدري ليش ؟!! هل السبب هو خوفهم أن البنت الوحيدة عادة تكون مدللة ولا تتحمل المسؤولية ولا يعتمد عليها ؟ أو لأن البنت الوحيدة متطلبة وماتحب أحد يقولها لا لأنها تعودت أن طلباتها تكون أوامر ؟ أتوقع هذي هي الفكرة اللي ماخذينها الناس عن البنت الوحيدة بس أحب أقولكم أن هالكلام غير صحيح من رأيي أن شخصية البنت تتكون على حسب تربية أهلها لها فيه أهالي يدلعون بناتهم حتى لو كانوا عشرة بنات ودايم يلبون طلباتهم وتلقى الوحدة فيهم معتمده على الشغالة واذا ماعندهم شغاله تعتمد على وحده من خواتها واللي عادة تكون الكبيرة اللي أبي أقوله أن الدلال والرفاهية مالها علاقة بكون البنت وحيدة وللا وسط عشر أخوات.. هالشي يعتمد على تربية أهلها لها إذا كانوا مدلعينها وللا لا وبعدين أنا سويت دراسة وقارنت بين بعض الوحيدات وبعض البنات اللي عندهم خوات لوووووووول والنتائج هي كالتالي : ( لاحظوا إني حطيت خط تحت كلمة بعض لأني ماأحبذ التعميم ) 1- الوحيدة غالبا تكون اجتماعية تتداخل في الناس بسرعة تحب تكون صداقات لأنها محرومة من الأخوات ( ياعيني عليها ) لكن اللي عندها أخوات عادة تكتفي بأخواتها والجمعه معاهم 2- الوحيدة عادة تعتمد على الله ثم على نفسها في حل المشاكل وتدبر الأمور حتى في أبسطها مثل اختيار الملابس والمكياج ووووووو فيه إجابيات من وجهة نظري للي يتزوج من وحيدة : 1- إذا جاء يخطب أهله مايقولون له مهرها مثل أختها وتجيب لها ذهب وووووووو مثل أختها خخخخخخ 2- الأهل مايقارنون بينه وبين أزواج بناتهم الثانين يعني اللي يتزوج وحيدة بيكون هو الصهر الوحيد لا وبعد أهل البنت راح يكرمونه ويعاملونه أحسن معاملة ههههههههههههه 3- راح يرتاح من المقارنات اللي تعملها زوجته بينه وبين أزواج أخواتها يعني ماراح تقوله أختي زوجها سفرها وانت ماسفرتني , زوج أختي اشترى لها هدية وانت ماأشتريت لي ............... الخ 4- ماراح يسمع من زوجته كلمة " أنا طفشانة " لأنها طول عمرها متعوده تقعد بروحها بالبيت ومأقلمه نفسها على هالوضع وماراح تقوله وديني عند أهلي أخواتي اليوم متجمعين هههههههههههههه 5- بعض الأخوات يخربون على أخواتهم الله يهديهن الين يكرهون البنت في زوجها فاللي يتزوج وحيدة إن شاء الله إنه بيسلم من هالشي :) هذي وجهة نظري ودي أعرف أراءكم وياليت اللي متزوج من بنت وحيدة يقول لنا هل واجه مشاكل في حياته أو لا ووشهي الإيجابيات والسلبيات اللي تواجه الشخص المرتبط بالبنت الوحيدة وسلامتكم |
ههههههههههه
تصدقين اخت متفائلة كنت أحب بنت عمي وأبغى اتزوجها لكن بعد هالكلام بغير تدرين ليش؟ عندها أخوات يعني غير وحيده كلامك جمييل جداً , يغري الشخص بالبحث عن بنت وحيدة وش زينها , لا تطلب ولا تطفش ولا تبي مهر زي الناس ولا عندها مشااكل موفقه اخت متفائلة وطرح يتسحق الاشاده دمتم ودام القلم المبدع |
يا اخي ما عليك من القيل والقال اهم شئ التربية الي تربه عليها واخلاق الفتاة زحتى لو كانت (دلوعة ) بستطاعتك تغيرها لا تنفذ كل طلابتها ...
|
السلام عليكم ....
أعرف وحدة هي وخواتها كل وحدة طلباتها مجابة كنها ملكة ،،، مع العلم ان الأب مو ميسور ... و عيشتهم عادية او أقل ... بس البنات آخر دلع ... ماركات ،، سفر .. طلعات .. سوق ... والذي منه ... ، عن نفسي أكبر خواتي وبصراحة الله يديمها نعمة علي(قولوا ما شاء الله وآمين) الوحيدة القنوعة ... يعني خواتي ماركات وسفر وسوق وطلعات وانا البيت عندي أحلى هدوء واستقرار ..مع اني أكبر حفيدة عند أهل أمي وأهل أبوي ،، والدلع على أصوله الا اني غييييييييير وخواتي غييييييييير آسفة على الأطالة ،، بس حبيت أفيدكم ... أم حمزة |
احم احم انا وحيدة بين اولاد بس مااني مدلعة ولا فيني ذرة دلع بالعكس كان ابوي يضربني وامي تشغلني بالبيت كاني خدامة ولا عمري شفت الدلع وزوجي لا يحبونه ولا يدلعونه عادي كانه عندهم عشرة زيي وزيه حسب التربية اخوي
|
انا وحيده اهلي ابوي تزوج اربع حريم وماجاب منهم عيال كانوا يموتون قبل الاربعين وتزوج امي وولدتني طبعا كانت فرحته لا توصف بس كان يبيني ولد تدرون تفكير قديم بس اللحين انا شايله كل شي في البيت على راسي وتزوجت وقعدت عندهم واهلي يحبون زوجي اكثر مني وانا اسفه على الاطاله وشكرا
|
هههههههههههههه:d
كلامك صحيح بنسبه ميه بالميه انا البنت الوحيده عند اهلى وشايله كل المسئولية :22: بس تونى ماتزوجت بعدني مادري وش بيسون لو تزوجت :25: |
اقتباس:
لالالالالالالالالالالالالالالالالالالالالالالا أنا مالي دخل الله يخليك تزوج بنت عمك والله يوفقكم :d أنا مو قصدي أغري الشخص أنه يتزوج بنت وحيدة .. أنا اللي ابيه أن الناس مايعزفون عن الزواج بالوحيدة وأبيهم يعرفون أنه مثلها مثل باقي البنات ماتحتاج إلى معاملة خاصة من دلال ومداراه وغيره وأنها ليست بالضرورة متطلبة مشكور أخي زياد النجدي على الرد الجميل شرفني مرورك |
اقتباس:
حياك الله اخي الكريم محمد هيا نعم كلامك سليم 100% بارك الله فيك أشكرك على المشاركة |
باين عليكي البنت الوحيدة حبيبتي...
حلو التفاؤل وموضوعة عجبني كثيير.. انا مش الوحيدة عندي اخت وحدة... مع حبي..واتمنالك التوفيق.. |
اقتباس:
هلا والله اختي أم حمزة ماشاء الله تبارك الله عليك الله يزيدك قناعة :) بالفعل أحيانا يكون فيه أخوات بس شخصياتهم تختلف عن بعض اختلاف كلي على الرغم من أنهم كلهم متربين تحت سقف واحد مشكوووووورة اختي على المرور والرد الجميل اللي دعم وجهة نظري بخصوص أن البنت مو شرط تكون وحيدة عشان تكون مدللة :d |
اقتباس:
والله حبيبتي هذا اللي أقوله مو شرط الوحيدة يكونون أهلها مدلعينها يعطيكِ العافية على المرور والمشاركة |
اقتباس:
شفتوا يالرجال ماقلتلكم لما الواحد منكم يتزوج وحيدة , أهلها راح يكرمونه ويعاملونه أحسن معاملة ؟ مشكورة عزيزتي على المرور والمشاركة |
اقتباس:
ماشاء الله عليكِ الله يقويك نشمية مثلي هههههههههههههههههههه <<<<< ياشين اللي تمدح نفسها والله وأنا اختك أني أنكرف كررررررف* خصوصا في العزايم والمناسبات لأن مافي إلا أنا وأمي ألف شكر اختي بنفسج على المرور والمشاركة الكرف : العمل الشاق |
اقتباس:
ههههههههههههه ماشاء الله عليكِ كيف عرفتي ؟!! ايه حبيبتي أنا البنت الوحيدة بس عندي أخوان ذكور ألـــــف شكر على مرورك العطر |
ترى الرزق بيد الله
انا اعرف واحد خوات زوجته سلفوا اختهم وبنو له وزوجته بيت بس البيت طبعاً بأسم الزوجه لان من فلوسها بس لولا الله ثم خواتها ما كانت قدرت تبني بيت الزواج قسمه ونصيب الله يوفقنا بالازواج الصالحين لا تقول عندها خوات او ماعندها |
امممممممم
ماعرف شقولج اختي .. بس على حسب شخصية البنت مو بس الدلال من الاهل نحن 4 بنات الحمد لله اهلي عمرهم ما قصرو علينا بس انا غير عن اختي الاصغر عني بسنتين هي كله ماركات وماتشبع من المشترى وكله تقول ابا وابا وتحب تطلع وااااااااااااااااايد وكله ملانة وتبي تطلع وعلى قد ما تشتري تقول ماعندي كذا وكذا ناقصني مع اننا عايشين ببيت واحد بس ا الحمد لله انا قنوعة ماحب اكلف على اهلي مع انهم مايقصرون بشي واقتنع باللي عندي وماحب اشتري وايد ولا احب اطلع وايد من البيت مع اني مب وحيدة واعرف وحدة وحيدة من معارفنا ابوها كان مدلعها اخر دلع ومن تزوجت قامت تطلب وتطلب هلكت الريال من الطلبات يعني احس يعتمد على شخصية البنت .. |
أحم أحم :)
البنت الوحيدة يقعدونها على الروشنة (الرف) ساعات تغبر شوي ليما تلين أمها وتعرسها لأنها الوحيدة الدلوعة وطبعاً لين بيعرسونها لهم شرووووط وايد على المعرس 1. مهر غالي لأنها الغالية 2. بيت بروحها لأنها متعودة على الوحدة 3. لازم يجوفونها كل يوم أو يزورونها 4. عيالها يطلعوون دلايعة لأنه جدهم وجدتهم مايرفضون لها شي 5. يمل الزوج من طلباتها لأنها متعود تحصل كل شي طبعاً هذا مو شرط بس كم وحدة أعرفهم جذي :) وبالأخير البنت بتربيتها وأخلاقها توزن ذهب تحياتي |
اقتباس:
صح كلامك اختي بس مثل مافيه خوات طيبات فيه بعد خوات مخربات أضرب لك مثال هالقصة حصلت مع وحده أعرفها شخصيا .. البنت تزوجت ومقتنعه بزوجها لكن خواتها كانوا دايم يتريقون عليه ويعيـبون عليه مثلا قصر قامته وأشياء ثانية الين كرهته البنت وطلبت الطلاق ووحده ثانية خواتها كانوا ينصحونها بنصايح للأسف أدت إلى طلاقها من هالنصايح : خلي زوجك يزود المصروف وثقلي عليه بالطلبات عشان مايلقى فلوس يتزوج بها عليك بس أولا وأخيرا الأمر يعتمد على شخصية الفتاة وبعدين لا تـفهموني غلط وتحسبون أني لا أؤيد الزواج من البنت اللي عندها خوات لالالالالالالالا بالعكس بعض الأخوات عســــــــــــــــــــل يساعدون أختهم ويوقفون معاها وقفه محترمه ويدلونها على الخير ويمدون لها يد العون إذا احتاجت <<<<< رايتها بيضاء وللا شرايكم ؟ :d مشكورة اختي فراشة جميلة على المرور |
اقتباس:
صح كلامك اختي وأنا أؤيدك 100% بأن الأمر يعتمد على شخصية البنت أشكر لك ردك ومرورك الجميل |
اقتباس:
أنا أعترف أن أهلي مدلعيني بس مو الدلع اللي (يخرب) الوحدة يعني يخليها أنانية وتبي كل طلباتها تكون مجابة وماتبي أحد يقولها لا أو يرفع صوته عليها لااااااااااااااااااااا أبدا الحمدلله ماني من هذا النوع.. ياما أهلي قالوا لي لا وسكت ورضيت المهم أمي عاااااااااااادي مستعده تزوجني إذا جاء ابن الحلال لا هي مقعدتني على الرف ولا شي ههههههههههههههههه اقتباس:
مدري شلون هالأشياء ممكن تزيد من غلاتي عنده ؟! بالنسبة لزيارات الأهل مو شرط يكونون طابين عليها كل شوي هذا يعتمد على نفس العائلة وعلى عاداتهم وتقاليدهم وإذا كانوا من النوع اللي يستسهلون زيارة رحيمهم أو العكس وبالنسبة لآخر نقطة مثل ماقلت من قبل هالشي يعتمد على شخصية البنت إذا كانت متطلبة أو لا مشكورة حبيبتي على مشاركتك الجميلة في الموضوع |
متفاءلة
الله يسعدك أنا وحيدة ومدلله وبين أولاد .. . . لا أضنهم ينفرون إن رأو فتاه متزنه عدا ذلك الفتاه الوحيدة تكون مترفه بشكل أكبر لكن هذا لايعني إتزانااً أقل .. . سأتابع مالذي يقال عن الوحيدة .. تحياتي |
مو شرط يكون كلامك صحيح احيانا يكون صحيح واحيانا يكون العكس اتوقع هالشي يعتمد على التربية والاخلاق والبيئة اللي عايشة فيها البنت.... |
موضوع على الجرح
أختى متفائلة و الله كلامك مزبوط و كأنك تتكلمين عنى .:22:
انا بنت بين 3 أولاد على قد الدلع على قد التربية و الالتزام أحمل مسئولية و كأنى ولد والدى الله يرحمه كان يقول مدام انت فى رعايتى اشرطى وتتدلعى لانه بعد زواجك ربما يكون من الصعب على زوجك تلبية رغباتك و امى انسانة متفهمة و تعرف معنى الحياة الزوجية و دائما تقول الزوجة مكانها بيتها و هى ضد فكرة مبيت فى اهل البيت بعد الزواج بدون عذر قوى كالمرض مثلا عافانا الله و اياكم و تقول ان المراة ضمن مسئولية زوجها و امكانياته . صحيح ان العديد من الرجال يرفض فكرة الزواج بوحيدة فقد تركنى خطيبى لتخوفه من علاقتى بأمى و عندما تزوج بأخرى اصبحت لا تترك اهل منزلها و حتى فى سفرهم تسافر معهم . (( لا يوجد مقياس معين فكل حالة تختلف بأختلاف ظروفها . |
اقتباس:
اقتباس:
ودي أذكر نقطة بما أننا تطرقنا لموضوع الفتاة والترف ممكن تكون الفتاة مترفة عند أهلها لكنها تصبح قنوعة بعد زواجها وفيه العكس.. فتاة تكون محرومة عند أهلها وبعد الزواج تصبح مترفه ومبذره ومعها مرض الشراء عشان تعوض كل اللي انحرمت منه من قبل وفيه فتيات مترفات قبل وبعد الزواج.. وفيه فتيات قنوعات قبل وبعد الزواج يعني الموضوع أولا وأخيرا يعتمد على شخصية الفتاة وعقلها يعطيكِ العافية اختي على المرور وأنتظر مشاركتك عن مالذي يقال عن الوحيدة بفارغ الصبر :) لا عدمناكِ |
اقتباس:
أدري أن مو شرط كلامي يكون صحيح لأني قايله من البداية أنا ما أعمم لكن حبيت أذكر وجهة نظري اللي بنيتها على "بعض" الحالات سواء من معارفنا أو أقاربنا وحالتي أنا بعد :d كفتاة وحيدة تسلمين اختي على المرور |
اقتباس:
بس والله العظيم نفس الكلام اللي يقولونه أمك وأبوك ( الله يرحمه ) يقولونه أمي وأبوي بعد الله يخليهم لي تصدقين حتى بالنسبة للسفر أهلي يقولون نبي نسفرك أي مكان تبينه عشان ماتصجين الرجال بعد الزواج يمكن ظروفه أو إمكانياته ماتسمح والله أحس طريقتهم هذي جابت نتيجة معي لأن الحين صار عندي تشبع من السفر ومن الروحات والجيات هههههههههههههههههه بس أبي أقعد في البيت وأمي بعد مثل أمك ما تأيد مبيت الزوجة عند أهلها بعد الزواج إلا إذا كان فيه عذر قوي بالنسبة لخطيبك اللي تركك هذا أحد الأسباب اللي خلتني أكتب هالموضوع والله أني عارفه ومتأكدة أن فيه رجال متخوفين من البنت الوحيدة لأسباب كثير منها الترف وتعلقها بأهلها ........ الخ لكن أرجع وأقول الموضوع يعتمد على شخصية البنت وتربية أهلها لها <<<<<< تعيد وتزيد في هالكلام هههههههههههه يقهروني بعض الناس لما يعرفون أني البنت الوحيدة يقولون " ياااااااحليلك دلوعة الماما والبابا " أكيد طلباتك كلها مجااااااااااااااابه وعايشه في رفاهية !!!!!!!!!!!! تعقدت من نظرة الناس للوحيدة على أنها ماتتحمل المسئولية وأنها 24 ساعة قاعده في حضن أمها وأبوها مدلعينها آخر دلع أذكر مره وأنا صغيرة كنا نسولف أنا وبنات خالاتي كلهم قالوا أن أمهاتهم يشدون عليهم و يضربونهم إلا أنا ساكته ( لأني الحمدلله عمري ما انضربت ) فقالوا لي : "عاد انتي دلوعة ماما ماتقدر تضربك" وجلسوا يضحكون قمت قلت : " إلا أمي تضربني " قالوا : " وشووووووووووو ؟؟؟؟؟!!!!!!!!!! بلا كذب " قلت : " ايه تضربني بالسلك وبقوة بعد " قالوا : " لا مانصدق " أنا وقتها حسيت اني جايه من كوكب ثاني ههههههههههههههههههههههههههههههههههه عالعموم ألــــــــــــف شكر اختي العزيزة على مرورك وردك الجميل |
السلام عليكممحيطه
اختي العزيزه عجبني موضوعك جدا جزاك الله خير انا ايضا وحيده امي وابوي ..وصراحه انا مش حقول انهم مش مدلعني لا صراحه مدلعه جدا بس زيما اتقل "الموضوع بيعتمد عل الشخصيه مش الظروف المحيطه" |
حياكِ الله اختي كام سؤال
اتفق معك في أنه اقتباس:
أشكركِ على مرورك |
| الساعة الآن 08:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©