|
تعلقت بشاب 6 سنوات والي الآن لم ينوي التقدم لخطبتي مالحل؟
مرحباا الساع..
بدون مقدمات بخبركم سالفتي ..وارجوكم ساعدوني..وبذات الشباب ..لانهم هم الادرى.. انا حبيت شاب وحبني بجنون من 6 سنوات وانا طالبه جامعيه..كل اهله واهلي يعرفون انه يريدني وراح يتقدم لي ,,بس هو مشكلته واااااااااااااااااااااااايد مزاجي يعني كل يوم بنفسيه والله ما عرفت له احس انه عادي عنده يتركني ،، يعني امس قصيت عليه وقلت له واحد تقدم لي بكل برودة اعصاب قال لي قولي له لا!!!!:( انصعقت من رده البارد والجاف !!!! وبعدين ارسل لي رساله انتي حقي انا وبس !!!!! يعني حسيت انه مثلا ف المستقبل يريدني اكون زوجه له فقط وعادي يلعب عليه من وراي .!!!ولا يا شباب!! ف ارجوكم شو الحل معاه؟؟!!مع اني احبه واموت فيه واحس انه يحبني بس ف نفس الوقت شااكه ...ادري كلامي فيه وااايد تنااقض بس ما اعرف شو اسوي من كثر الغصه والقهر اللي فيني...ارجوكم ابي شوركم.. الاشراف: تم تعديل العنوان ليناسب النص. |
اهلا اختي
والله مدري شقولك بس بالنسبه لعاداتنا ما انصحك تتزوجين عن حب دام انه مزاجي وتحسين انه عادي يتركك انصحك تستخيري الله والله يكون في عونك ويسخرلك ولد الحلال اللي يخاف الله فيكي ويراعيكي |
للأسف ما أقدر أساعدج على شي إنتي تعرفينه إنه غلط ولا يجوز شرعا......
6 سنوات (هذا العمر كله ضيعتيه لغير الله وبعد ما تبين اتكونين شاكة) طالبة جامعية (يعني ناضجة مب ياهل) أهلي وأهله ( شو اللي موقف الموضوع دام في موافقة ولا هي لعبة وبس) مثلا ف المستقبل يباني اكون زوجه له فقط وعادي يلعب عليه من وراي .!!!(شي اكيد هذا إذا كان يباج ) انا آسفة اختي على الرد القوي بس مثل هالعلاقات معروفة سابقا وحاليا وستزال غير موفقة من رب العالمين لا انقص على عمارنا وعلى قلوبنا..... |
هذا زواج وحياة واطفال وحلو ومر لازم الرجل يكون متزن وشخصيتة قوية ويضع الأمور في
موازينها الصحيحة حتى تستمر الحياة وتقدرين تعيشين معاه وممكن طول المدة سبب لة برود لكن الحب اكيد يبقى رغم ذلك وماهو شرط علشان رده جاء بالطريقة هاذي انة مايحبك اتمنى لك التوفيق واعزمونا على زواجكم |
بالنسبة لكونة مزاجي فما اعتقد ان الشي هذا يعيبة..................
وبالعكس شخصية المزاجي تكون عادة رومانسية جدا اذا روووووووووووووووق..... لاحظي اذا روق وصدقيني اختي دامة يحبك لاتفرطين فية وبعض طباعة تقدرين تغيرينها مع الزمن.......ومافي رجل من غير عيوب تحياااااااااااااااااااااااااتي وبالتوفيق |
اتمنالك التوفيق بس اختي هداك الله حاولي تقطعي هالعلاقة ولو يبغاك يجي للبيت رسمي
|
شوفي ياختي قويلية كلمة وحدة وبس..
وادري انها صعبه عليك .. بس قوليله .. خلاص انا بقطع علاقتي فيك .. والي احنا انسويه غلط .. انا انخطب الحين .. والي يبيني يدل بيتنا... وبس.. لا تتصلين حتى لو تعبتي نفسيا .. ولا تطرشين له رسايل.. واذا يبيك بيجي... اقعطي الشك باليقين .. وقوي علاقتك بربك .. لان هالعلاقات هذي.. اتحسسك بالذنب بعدين .. وبتهلكين من الوسواس.. هذي نصيحة مني دمتي بود أم وداد |
فيه ناس هذا طبعهم لا تخافي
|
شوفي إذا انتي تشكي فية
من البداية وتشوفية غير متمسك فية فنصيحة خلك منة |
أم ودادا ماقصرت
ولازم تتوبين من الذنب اللي جالسة تسوينه كيف تتطلبين التوفيق من ربي وأنتي على معصية من6سنوات ومو حاسة إنك على معصية الله الله فباب التوبة مفتوح |
استغفري الله اول شى توبي توبه نصوحه غيري رقمج و لا تفكرين فيه و اذا صعب عليج انصحج
تسمعين محاضرات الاستاذ عمرو خالد و الشيج نبيل العوضي الله يهديج |
الله يهديج .. وييسر لج الخير ...
|
الاخت ام ذيب مادرى هل ماتقولينه صحيح لانه كلام كبير لذلك تاكدى من كل شى واتركى تذبذب الافكار لكى تحصلى على الجواب الصحيح ولااملك لك سوى الدعاء بالستر والتوفيق انت والحميع
|
غاليتي
عودي لله تعالى و توبي توبة نصوح من هذه العلاقة و صارحيه بنيتك بالتوبة و الجدية في قطع العلاقة و ان كان هو يبغيج بيخطبج بشكل جدي اما انتي فاستخري و انسي موضوعه و اتركيه و ان كان من نصيبج طال الزمن او قصر بيرجع لج و ان كان غير ذلك فالله يعوضج باللي خير منه و اسال الله ان يختار لج الخير |
حبيبتي أضن أن الاخوة الأعضاء عطوكي نصايح بما فيه الكفاية و مواعض
بس ما أدري انا حسيت فيكي كثير لاني مخطوبة(ملكة) بعد حكاية تشبه كثير حكايتك بس مع اختلاف بسيط أنا كانت ظروفه ما تسمح من الناحية المادية أنا من رأيي تأخذين موقف قاسي عارفة انه صعب عليكي بس لزم و الا راح يبقى الحال على ما هو عليه لو كان يحبك راح يتقدم لما يحس انك راح تطيري من ايده بس لو كان لعبي لا سمح الله راح ما يسأل فيكي حبيبتي ما دايم إلا وجه الله |
حبيبتي انتي تعرفيه من ست سنين...يعني تعرفيه مليح وانتي الوحيدة اللي ممكن تقرري ادا هدا الانسان مناسب ليكي وممكن تعتمدي عليه في حياتك ولا لا...ابعدي عواطفك وفكري فيه بعقلك لانك على ما اعتقد تعرفي عيوبه ومحاسنه...
وانا اشوف ان 6 سنين مدة كبيرة والرجل ما يضع 6 سنين وبعدين يغير رأيو وما ياخدك.. انا من رأيي قوليلي انه الوقت حان انه يخطبك هيك مش رح تخسريه ولا راح يخسرك... اتمنالك التوفيق...وادعيلي انا كمان الله يخليكي... مع حبي.. |
اسمعي اختي استخيري
وشوفي الي خاطبك من يتقي الله يجعل له مخرجا ويرزقه من حيث لا يحتسب خافي من الله علاقتكم هذي ماترضي الله وإذا سعيتي رضى ربك ربي يرضيك احسن ما تعنسين وتنتشر عنك سمعه مو زينة |
والله حاسه بمعاناتك الله يعينك مادامه يحبك باذن الله بيكون من نصيبك
|
نسمع قصص ناس تحب بعض بكل إخلاص من الطفولة يلعبون وبعدين كبروا وصاروا يحبون
بس لما نتوقف عند موضوع الزواج يكون الموقف حساس ويمكن ينهدم هالحب في لحظة وحدة برأيي الولد لو عنده غييييييييرة من قلتي له أنك في أحد متقدم لج يركض ويسوي المستحيل عشان يوصل لج قبل ما تروحين حق غيرة (والدليل أنه رد عليج ببروود) والمفروض طبعاً من زمان تقدم لج وماينطر أحد يتقدم لج عشان أهو يخطب الله يوفقكم تحياتي |
تنبيه: يرجى الكتابة باللغة العربية فقط وامل الالتزام بذلك
|
حرااااااااااام ومابني على باطل فهو باطل ــــــــــــــــــــــــ>(((وش خلووتو للغرب))))))))))
((((((ولا بس اسم انكم مسلمين)))))))))))))))))))))))))))))))) ((((((((((((((((((الله يهديكم بس))))))))))) ((((((من ترك شيئا لله عوضه الله خيرا منه......... ((((ووضع الكتاب فترى المجرمين مشفقين ممافيه ويقولون ياويلتنا مال هذا الكتاب لايغادر صغيرة ولاكبيرة الا احصاها ووجدوا ماعملوا حاضرا ولايظلم ربك احدا)))))))))))))))))))) الله يصلحك |
| الساعة الآن 09:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©