|
ساعدوني خائفه بدأت أكره خطيبي
تكفون وش هالحاله
ماعاد احب خطيبي ولا أثق فيه نهائي من كثر المشاكل والله موعارفه وش اسوي انا ادري اني ازعجتكم وغثيتكم معاي تتذكرون كنت اشتكي لكم من كثر حبي له والحين عكس الله يعطيكم ماتتمنون تساعدوني وتنوروني وشلون اعيد الثقه والحب .................... وسامحوني وادعولي حتى لو ماعندكم حل الاشراف: تم تعديل العنوان ليناسب النص. |
يالغاليه يمكن من الي حصل لخطيبك تحسي بالاحساس هذا..
انا متابعه لأخبارك يالغاليه.. الله يشرح صدرك ويريح بالك.. طمنينا كيف خطيبك احين؟؟ |
لأني مو فاهمه الموضوع بدعيلك من القلب ان الله يهدي بالك ويكتبلك الخير وين مايكون .
|
حبيبتي والله حاسة فيك وفي كل كلمة كتبتيها وعندي وعندك خييييير ومع اني جديدة في هذا المنتدى بس من قرأت موضوعك هذا سويت بحث لمواضيعك وقرأت كل شيء كتبتيه بس علشان افهم .. وفهمت تدرين وش فهمت؟؟ فهمت ان قلبك كبير وحبك لزوجك أكبر وكل كلمه تنطقيها تدل على حبك له وليته الله يهديه يحس ويقدر هالقلب الكبير اللي ما اظن يلاقي مثله ولاتقولين كرهته لانك ماكرهتيه ياقلبي صدقيني صدقيني ماكرهتيه انتي من كثر حبك له تقولين اكرهه وبالذات لما يسوي شيء يزعلك بقوه او يجرحك يمكن ثقتك فيه قلت من تصرفاته وهذا شيء يحصل لاي وحده ولو يجيك وهوصادق باحساسه ويعتذر لك ويقولك سامحيني وأنا احبك صدقيني كل شيء بيتغير وبتعود المياه لمجاريها وبتنسي اللي فات في لحظه وترى احنا البنات تمر علينا حالات نكون فيها حساسات بزياده واحيانا نشك وتجينا وساوس كثيره منها يكون صح واحساسنا يصيب ومنها من الشيطان واعوذ بالله من الشيطان وبالذات انتِ الحين في فترة الملكه وكونه بعيد عنك كثير طبيعي تحسي بالجفاء هذا منه ترى البعد جفااااااا وقلة شوفاتكم لبعض هذا ممكن يكون سبب من الاسباب ولا تنظري لحياتك الجاية انها بتكون سيئه بالعكس تفاءلي بالخير بكره لما تعيشي معه في بيت واحد بيكون قريب منك وانتِ قريبه منه صدقيني ان شاء الله كل شيء بيتغير بإذن الله وبإمكانك حتى تغيرينه لكن بأسلوبك الحلو ومعاملتك الحلوه (هذي الجمله دائما اكررها لنفسي):) بس اللي انصحك فيه الحين انك تطلبي تشوفيه واذا شفتيه واجهيه..صارحيه..ناقشيه..فهميه قوليله كل اللي بخاطرك لكن لا تتهمينه لان الرجال مايحب يكون في موضع المتهم اللي لازم يقول جواب يبرر تصرفاته احكيله وكأنك ماتنتظري منه جواااب قولي كل اللي بخاطرك ولا تخلي بقلبك شي ادري يمكن تبكي وتنهاري بس صدقيني بترتاحين واذا حاسة ان حالتك مع هذا الشخص ميؤؤؤؤؤؤؤؤؤؤؤس منها ومانه رجااااااا ابداً استخيري وفكري زين ولو ارتحتي للقرار هذا قوليله أنتِ بنفسك وجها لوجه أفضل وبجديه يابن الناس انا تعبت معاك وما اتوقع ان حالي هذا يرضي احد ولا حتى يرضيك ياتفهمني وتحس فيني والا بلاها هالزواجه من الأساس الله يوفقك اختي واتمنى اني اكون أفدتك بس لازم تواجهينه لازم الله يسعدك يارب ويهديك للي فيه الخير ولا يشغل لك بال أبد ويسخر زوجك لك ويسخره لك وأنا ويااااااااااك امين الاشراف: نرجو تغير التوقيع بسرعه لأنه مخالف لقوانين المنتدى. |
والله ما تهونين علي يا الحبيبه ... الدنيا خلقت على كدر و واجب علينا التصبر
لأن ربي قال في كتابه الكريم : ((إن مع العسر يسرا*إن مع العسر يسرا)) واعاد الجملة لتأكيد والتذكير ... فلا تقابلي المشاكل بالأستسلام وكوني القوية الشجاعة اللي ما يهزها حرف واحد لكي تكبري في نظر زوجك.... وقد اكمل سبحانه الآيه: ((فإذا فرغت فانصب وإلى ربك فارغب)) اختي الحبيبه علــــــــــــــــــــــيكي بمداومة الإستغفار فإنه يجعل لكي من كل ضيق مخرجا ومن كل هم فرجا ورزقك بما تتمنينه من غير حساب عن ابن مسعود رضي الله عنه قال: قال رسول الله صلى الله عليه وسلم: ((من لازم الإستغفار جعل الله له من كل ضيقٍ مخرجا ومن كل هم فرجا ورزقه الله من حيث لا يحتسب)) اللهم يسر لأختي امرها ولا تعسر يارب العالمين \\ آآآميين \\ |
السلام عليكم ورحمة الله وبركاته
اميرتي الصغيره الحبيبه\\\ حفظك المولى ورعاك واقر عينك بنيل مرادك عزيزتي ماتمرين به من مشاعر ومخاوف هذه كلها وسوسة شيطان وكلها بأسباب المواقف اللي حصلت بينكم الحمدالله انت تحبين خطيبك وهو كمان باين انه يحبك ماشاء الله عليكم كل ماهنالك لاتعطي للشيطان ان يتسرب بينكم عليك عزيزتي كل ليله بقرأة سورة البقره وكثرة الدعاء والاستغفار والتسبيح وقيام الليل صدقيني غاليتي كل مااقتربتي من الله كل ماعشت بسعاده ورضا وراحه وتيسرت امورك واخير دعواتي لك بفضل هذا اليوم الفضيل ربي يسعدكم ويألف بين قلوبكم ويجعل بينكم موده ورحمة ويختار لكم الخيره الطيبه ويكفيكم شر شياطين الجن والانس حصنتكم بلا اله الا الله |
جميع الاعضاء اللي ردوا وربي بكيت وانا اقرا ردودكم
دعواتكم اثلجت صدري ووقفتكم مارح انساها,,,,,,,,,,,,,,,,, تويتي نايس الله يوفقك ويعطيك ماتتمنين والله كلامك صحيح بس المشكله ماأقدر اواجهه ولا حتى اقابله تدرين ليه لأنه اذا زعل الله لايوريك وترى واجهته كثير بس مو راضي يفهمني يقول احبك لكن تصرفاته تدل على عكس الحب..............الله يهديه ويشفيه الأخت روح الغالي الله يسمع منك ويريحنا والله العظيم احس اني من الداخل تعبااااااااااااانه حيل ولاأحد حس فيني مثلكم حتى اهلي الله يسامحهم يارب اسألك الفرج ياااااااااااااااااااااااااااارب |
انا راح اختصر
حسب ماقريت وعرفت انا المرأه مثل الموجة مترددة ساعة تحب وساعة تكره بس زوجك ماعندة دراية كافية لما وصلت الي هذه المرحلة كيف يتعامل معاك عموما انتي خليك طبيعية وحطي فبالك حاجة وجدة وأي الناس تصفوا مشاربه وشكرا |
انا والله ماعرف شو السالفه
بس الله يفرج همك ويسخر لك زوجك |
الله يفرج همك ان شاء الله وهاذي وساوس شيطان تعوذي منها وتعدي الله يوفقك مع خطيبك ويسعدكم ويهنيكم ان شاء الله |
أسأل الله العظيم رب العرش الكريم أن يوفق بينك وبينك زوجك يا رحمان
دعواتي لك |
غلا2005تواجدك اسعدني الله يوفقك طمنيني عليك ربي الشاهد انك دوووم على بالي وادعيلك
بقية الاخوه وفقكم الله ولاتنسوني من دعوه بظهر الغيب |
لا تخافين هذا شي طبيعي انا لما اتهاوش مع خطيبي احس مافي اح في الدنيا يكرهه مثلي بس لما يصالحني ويقولي كلمه حلوه احس اني احبه اكثر من اول صدقيني مع الايام وبعد الزواج بتحبينه اكثر من اول
|
حبيبتي الله يصبرك ويوفقك
انت حاسة هيك من القهر والله لكن لو بعدتي عنو بجد حتحسي انك مابتقدري احكيلي شو اخر ماصار بموضوعك؟؟؟؟؟؟؟؟؟؟؟ الله يفرجها عليكي يارب |
لا تنسين يا اختي انه افضل ما يقوم به الشيطان من عمل سيء هو ان يفسد بين الزوجين فأخذري الوسواس والوهم.
وانا متأكد ان هناك دليل في السنة يفيد بذلك إلا ان الذاكرة تخون تمنياتي لكم بالتوفيق |
يابعد قلبي يالاميرة الهادئه والله حزنتيني لان مشكلتك مثل مشكلتي ما عنده مشاعر بالمرة لاعت كبدي
مرةةة يعني كفايه انا مستحملين هل الاشكال والله احنا مساكين يالحريم اقول ياخيتي يمكن يكون معقد انفذي بجلدك لايجننك بعد العرس احنا مو ناقصين كفايه بلاوي الدنيا يجون ذولاي مااقول الالله يوفقك ويوفقني امين للخير والصلاح |
حبيبتي أنا ما أضن أنه من يحب يقدر يكره
ما هذه إلا تهيآت ممكن من الضغوط أو انك مضطربة بعض الشيء و هذه الحالة نمر بها جميعا سواء كنا نساء أو رجال فترة ملل و برودة في المشاعر بس صدقيني لو بتحبيه حقيقي عمرك ما راح تكرهيه أقولها و أكررها جربي ما تكلميه و راح تشوفي الشوق كيف يعمل عمايله |
وفقكم الله جميعا ماقصرتوا الله ييسرها من عنده
الأخت ملك شادي وفقك الله والله ماأدري وش اقولك ........... الأمور متلخبطه ربك ان شاء بييسرها |
غاليتي الصغيره الحبيبه
تغيبت لفتره عن النتدى وانا افكر فيك جيت ابحث عن موضوعك غاليتي ابغا توعديني وتشدي العزم وتقوي ارادتك بقرأة سورة البقره يومين ،،،، ترى ماتاخذ منك ساعه بالكثير او ساعه وربع وقومي الليل ركعتين لوجه الله وتصدقي واكثري من الاستغفار وابتعدي عن المعاصي والجأي الي الله واطرقي باب الكريم الرحيم صدقيني كل ماطرقت الباب قرب الفرج ووقرب فتح باب الرحمن فوضي امرك الي الله ربي يشرح صدرك ويفرج همك وينولك مرادك ويسخرلك اللي يخاف الله فيك ويألف بين قلبك وقلبك زوجك غاليتي ممكن اسألك للتأكيد لآني يمكن اني نسيت متى ان شاء الله مخططين لزواجكم؟ وماهي اسباب تأخير الزواج؟؟ واخير غاليتي مااوصيك بالاستخاره كل ليله صلي واستخيري صدقيني ربي بيخترلك الطيب ويفرج همك حصنتك بلا اله الا الله |
فأظفر بذات الدين تربت يداك
الذي هذا أوله ينعاف تالية وأنت في مرحلة الخطوبة مشاكل أجل إذا تم الزواج ماذا سيحصل ؟ إذا زواجك ومعرفتك لهذا الخطيب تمت عن طريق مايسمى بالحب قبل الزواج فنصيحتي لك أنسحبي من هذا الزواج وربي يرزقك خير منه ويرزقه خير منك ، أجلسي وفكري زين وأنظري هل المشاكل تافهة أو مهمة إذا هي تافة فتغاضي عنها ,إذا هي تدخل في شؤنك وغير ذلك فأنصحك أن تسخيري ربك فيه وبعد الأستخارة أن تتركيه وربي يعوضك خيرا 0 وبصراحة المفروض إذا جاء الخاطب وتقدم للفتاة ورأها الرؤية الشرعية وكل واحد أعجب بصاحبه ، خلاص ينتهي الموضوع لامكالمات ولا مسجات ولا ولا ولا غير ذلك ينتهي دورك حتى ليلة الدخلة لكي تكون ليلة ساخنة ولها ذكرى خالدة وتكون المشاعر في أوجها والحب في قمته0 0 0- الذي يحصل الآن هو العكس منذ أن يخطب الرجل الفتاة والفتاة تبحث عن الأتصال به وربما خرجت معه بحجة أنه خطيب وهذا حرام لأنها لاتزال أجنبية عنه حتى بعد الملكة المفروض الفتاة يكون عندها حياء لأن زوجها فيما بعد الزواج عندما يراها جريئة معه في أيام الملكة وقبلها الخطبة يخاف منها بعد الزواج ويقول التي جريئة معي ستكون أجرأ مع غيري ، لذلك المطلوب الحياء مع الخاطب والمتملك أحسن لك ولمستقبلك معه إن تم الزواج ، طبعا أنا لأقصد أختي الأميرة الهادئة وإنما قصدت الفتاة عموما أي لعموم الفائدة وشكرا للجميع0
|
أختي الكريمة الأميرة الهادئة
الله يفرج همك و غمك ، و يرد لك خطيبك بأحسن مما كان إن شاء الله أما عما في قلبك ، فلا تقلقي إن شاء الله راح ترجعي زي ما كنت و أحسن ، لكنها بس وسوسة شيطان في ساعة خلاف استعيذي بالله من الشيطان الرجيم و اهدئي و هدي أعصابك و استعيني بقراءة القرآن الكريم حماك الله و حفظك من أي شر |
الأخ الكيسائي وفقك الله
ماقصرت ويعطيك العافيه بس اخوي انت فاهم الموضوع غلط اولا انا مملكه من 3سنين وحركات الاتصال والرسايل قبل الملكه ابد ماهي عندنا ولانعرفها حتى بعد الملكه الزيارات بالقطاره على قولتهم بالسنه 3مرات لكن اللي حصل زوجي تعب من عيال الحرام وانا تعبت وماأدري وش هاللخبطه........ انا والله ماقصدتك بالكلام بس عشان تفهم الموضوع زين تحياتي.......... دعواتك لي بالتوفيق الأخت روح الغالي وفقك الله ان شاء الله ابترك لك رساله خاصه الأخت سون اوف مي الله يستجيب منك ويوفقك |
والله انك جيتي على الجرح نفس سالفتي ويا خطيبي الله ييسر لك وييسرلي مالنا غير الصبر
|
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©