كيف أكون رومانسيه في السفر ؟؟!!
 

السلام عليكم ورحمة الله وبركاته

كيفكم .. إن شاءالله طيبين وماشي حالكم ؟؟

المهم أنا ببدأ الموضوع على طول وإن شاءالله تقدرون تساعدوني لأن مالي غير رب العالمين ثم انتم ... والسبب إني ما أقدر أفتح هالمواضيع مع حريم إخواني وخواتي

وصديقاتي بسبب خجلي ...

صارلي من تزوجت 3 سنين تقريبا .... والله لا إيغير علينه وإيهنينه وإيزيدنه من نعيمه إن شاءالله ... قولو

آآمين .. المهم .. تزوجت حملت على طول ووحام وتعب وإرهاق وجبت البيبي الأول وبعد ما طلعت من

الأربعين حملت بالبيبي الثاني على طول ورجعت حليمه لعادتها القديمه وحام وتعب وإرهاق .. وشهل

عسلنا كان شهرين وكل في البيت أكل ونوم وتلفزيون وبس حتى أهل زوجي كانو يعلقون ويقولون شهر

البصل :( لأن ميزانية زوجي كانت ما تسمحله بالسفر وكل الفلوس اللي معاه راحت على العرس ... مافي

طلعات ولا سهرات ولا غيره ....

وألحين والحمدلله وبعد ما إنفرجت والرزق جانا من كل أبوابه الحمدلله كل طفل كان يجي برزقه وزياده وترقيه

ماشاءالله والحمدلله ... والآن فكرنا في السفر وفعلا بعد إسبوع تقريبا راح إنطير على بانكون ثم بوكين ثم

شنغماي وبعدها راجعين على بانكون :22:

فياليت إخواتي وأخواتي تساعدوني بالأشياء الرومانسيه اللي أعملها هناك وكيف ألبس وشو ألبس وكيف

أدلع وشو أعمل أريد أعيد شهر العسل ... أريده ينبسط طول فترة سفرنا وهي 3 أسابيع إن شاءالله

وراجعين الديره بالسلامه ...

بليييز أخواتي قولولي أشياء رومانسيه أعملها ... علما بأني ماراح أقدر أشيل أشياء كثيره معايه على

السفر وبالنسبه للبس ما أعرف شو ألبس له في الفندق وعند الخروج وغيره ... وعلى فكره لما نخرج هكون

لابسه العباسه المسكره كامل وشيله ولكني أريد أدلعله ....

هذي أول مره أخرج فيها ونبات برى البيت أنا وزوجب وبس من أهله ومن غير أهلي ... ياليت تساعدوني

وجزاكم الله خير :11:

اذا كان بامكانك اشتري قمصان نوم جديدة ، وفي الفندق البسي البناطلين القصيرة ( البرمودة ) وايشي في خاطرك سوية ... ترى شهر العسل صعب ينعاد ....

خذى كل لبس عاجبك انا في شهر العسل الدولاب تركتة فاضى .. كل يوم شكل ولبس

بالتوفيق ورحلة ممتعة إن شاء الله


اقترح أن يكون اهتمامك بوضع الروائح الجميلة والخفيفة .. وطبعاً الملابس .. ولا تنسي اي شي يعكر الرحلة حاولي أن تغيري مجرى هذه المشكلة (ولو أن هذا الشي يفضل من جهة الزوج) ابتسمي دائماً ... في اثناء غيابه عن الفندق اكتبي له بعض الكلمات الجميلة التي تثني عليه وكلمات الغزل وضعيها في مكان يراه .. ضعي بعض الكروت التي كتبت فيها كلمات الغزل في جيبه أو محفظته ليتفاجئ بها .. في اثناء الخروج حسسيه بأنكي سعيده وامسكي بيده بقوة وإن سنحت لك فرصة الالتصاق به فهذا جيد وهي نوع من الحنان الملقى على الزوج .. والافكار كثيره


ودعوتي لكما بحياة سعيدة

اهلا اختي انتي الان في فرصه ذهبيه لا تضيعينها :17:
بدايه خذي معك بالطياره مخلطات بحيث انك تحطينها ورا اذانك لان الرحله طويله فلو انحنى عليك بيكلمك يشم منك ريحه حلوه.:22:
2. خذي معك قمصان نوم +بناطيل جنز مرييييييييحه لانك قد تضطرين تمشين كثير +تي شيرتات مريحه وبارده ونعومه+ خذي ايضا بجايم ناعمه للفندق شكلها حلو ومريحه.
3. خذي معك عطرين عالاقل مع كريمات للجسم بروائح+ اذا عندك بودره بلمعه .
4. حذائين يفضل رياضه مريحااااااااااااات للمشي + شبشب للاستخدام داخل الفندق.
5. خذي مايوه لانك قد تسكنين بفندق بانيو الحمام يكون واسع فتكون حركه حلوه انك تعبينه وتجلسين جواته.
6. حاولي انك كلما سكنت فندق تكتبين بالدفتر (الي يكون متوفر بالغرفه ويكون عليه توقيع الفندق) بعض الكلمات الرومانسيه وتحطينها لزوجك وتحتفظين فيها للذكرى.
7. اذا رجعتو للفندق كل يوم تروشي البسي لبس حلو حطي شوي مكياج تعطري وتدهني ورح تصيرين احلى عروس والله يوفقك.:14:
اتمنى اكون افدتك واذا عندك اي استفسار اخر انا في الاستعداد لاني مريت بنفس التجربه تقريبا

من تجربه
حتى تسعديه ابعدي عن الغيره تماما اثناء السفر لانك رح تشوفي مناظر بالهبل :::::::

مثل ماقالوا اللي قبلي ..خذي ثيااب ..قمصان نوم يديده..مكياااااااج ..عطورات..كريمات

ألبسي شورتاااااااات ...بديهات فاضحه في الفندق طبعا..
اذا ممكن خذي معاج شويه شمووع علشان تفاجأينه هناك بليله كلها شمووع اذا حابه تهدينه هديه خذي ووديها معاج.... يعني بالمختصر ألبسييييي كل شئ فااااااااااااضح ومفتوووووووح وبحريه بس يكون متنوع وجذااب

سيحان الله شوفواكيف اصبرت وجاء الفرج لله درك

صدقن خواتي
كلام مثل الشهد
قمة في النصائح
وجزاكن الله خيرا

الله يهنيكم الهم ااااااااااامين

هلا اختي
والله مقدر اقولك شي لان الاخوات ما قصرو

بس انا بقولك الله يعطيك على قد نيتك وتنبسطي وتبسطي يارب
ورحله سعيدة وموفقه

مشكورين جميعا والله لا يحرمنا منكم ومن نصايحكم .... والله يهني كل عروس بعرسها وكل زوجه بزوجها ولحظه غرور مشكوره على الدعوه وإن شاءالله آآمين ...
وفعلا اليوم راح أشتري قمصان نوم جديده وبلايز وشورتات لأن ما بقى شي على السفر والله الموفق إن شاءالله ...

الله لا يحرمني من زوجي طول العمر ويوفقنا ويرزقنا من حلاله إن شاءالله ....
وإدعولنا الله يوفقنا ويحبب فينا الإيمان ويزينه في قلوبنا ويجعلنا من الصالحين برحمتك يا أرحم الرحمين .. اللهم آآمين ...

الله يسعدكم و يهنيكم و يرزقكم مال و بنين و يوفق زوجك لك و لعيالك و يحفظكم من كل شر و يبعدكم عن العين ... ااامين

أخوي كنعمبر اللهم آآآآآآآآآآمين ومشكور أخوي على هذي الدعوه الحسنه والله يسعدك ويهنيك إن شاءالله في حياتك

الاخوات ماقصروا في النصائح الحلوه .. ولاتنسي تاخذي معاكي سجادة للصلاة ومصحف

والله يهينكم ويجعلها رحلة سعيدة يارب ..

اجمل سؤال سمعته اليوم

اول شيء يا اختي ( حبيه وحبيه وحبيه ) وبعدين من غير ما تشعرين راح تكونين رومنسية بنظراتك وبحركاتك وملابسك ( اهتمي بالجوهر وراح يتغير المظهر اوتوماتكلي )

الرومنسية احساس اكثر ما هي حركات تتعليمنها

تمياتي للجميع بالتوفيق

nedaa

إن شاءالله والله يقدرنا على فعل الواجبات والصالحات إن شاءالله

فهد هاشم

مشكور أخوي على الكلام الطيب فعلا كلام جوهري ولازم الكل يفكر فيه
وفعلا أنا أحبه وأحبه وأحبه والله يقدرني على إسعاده يا رب إن شاءالله

الله يوفقك ويرجعك سالمه يارب

انا لسى من كم شهر رجعت من تابلند ومن جد بلد جميل ورائع

بافصل لك شوي في المعلومات


لما ترتبين الشنطه احرصي على انه لك شنطه وهو له شنطه علشان ما يشوف ملابسك وتكون مفاجئه له :)

رتبي ملابس النوم اسفل الشنطه وداخل كل قطعه الاكسسوار و الكلوت الخاص بكل طقم لا تنسينه
حاولي تبعدين عن الستان لانه مع الشنطه والجو رطوبه في تايلند راح يتعفط وما فيه داعي تضيعين وقت و تكوينه واذا تحبين هالنوع وحلو عليك اطويه بشكل اسطواني زي العباية ونفس الشي الشيفون
مع اني ارشح انك تكثرين من القطن والتول خصوصا انه موضه هاليومين يجي التول العادي او الي زي شكل الدانتيل وعموا هو على مطاط حلو وما يتعب اثناء النقل حجمه صغير وما يتعفط :)
نوعي في لباس النوم ما بين قمصان طويله واخرى قصيره وشورتات والحين كل المحلات مسويه تخفيضات :)
ولا تنسين قميص ليله الزواج علشان تعيشينه ليله غير هناك

واشتري عطر جديد ما يشمه الا هناك صدقيني اذا رجعتي من السفره وبخيتيه بتذكر تايلند وايامكم الحلوه :)
بس ما اوصيك التعطر يكون له بس واحرصي بالبعد عن التعطر عند الخروج لكي يبارك لك الله ايامك

ولا تنسين تاخذين الفير مهم انا اشوفه اهم من الاستشوار والسبب اغلب الاوتيلات يوفرون الاستشوار وغير كذا انت بتصحيين وتتحممين وتطلعين ولما ترجعين بتفكين الطرحه وتلاقين شعرك نشف وشكله مو حلو والفير هو الي يعطي شكل حلو للشعر يعني بعد ما ترجعون لمسات خفيفه بالفير ومكياج هادء وقميص ناعم وليله رومنسيه لا تنسى :)

واذا حصل لك اشتري له من هنا هديه حلوه وخبيها بشنطتك وفاجئيه بها هناك

ومن المعروف عن تايلند المساج وبصراحه انا وزوجي كنا نسوي مساج في كل مدينه مما ذكرتيهم و الميزه انك تكوني بغرفه خاصه واذا انتوا زوج يوفرون لكم غرفه بسريرين واستمتعي بالمساج الرائع

ووفري له هذا المساج بنفسك من خلال شراء الزيوت الخاصه ويوجد عند بودي شوب ادوات المساج الخشبيه رائع جدا بالنسبه للزيوت يمكن شرائها من هناك فقد اشتريت من تايلند زيت مساج رااااااااااااااائع برائحه الياسمين ويسمى جايسمن

ولا تنسي الشموع المعطره في سيتي ماكس شموع ب3 ريال وداخل علبه معدنيه ولها غطاء رائع للسفر ورائحه الكرز والقرفه مميزه بصراحه ما استغنى عنها باي سفره


وكما ذكرت احدى الاخوات اشتري مويه قطعتين و املئي البانيو ماء دافئ مع الشامبو الي يوفره لك الاوتيل لتتكون لك رغوه جميله و ووزعي الشموع وتمتعي بليله رومانسيه حالمه


*** اطلبي من زوجك انه يذكر اثناء الحجز بانكم شهر عسل(هوني مون ) وراح يوفر لكم الاوتيل تجهيزات مميزه واذا نسوا وما جهزا دقي على الاستقبال واطلبي منهم يجهزن وغالبا يرسمون قلب على السرير من بتلات الورد + كيكه صغيره .واذا رايحه مع اطفالك الحلوين عادي قولي لهم (انفرسيري=anniversary) والمقصود ذكرى الزواج والاوتيلات توفر خدمه الاحتفال مجانا وما دمتي بتسافرين ليه ما تستفدين من هالخدمه؟؟؟؟ مثلا اذا دخلتي وما لقيتهم مجهزين الغرفة بالكيكه اطلبيها منهم وغالبا الموظفات بالاستقبال حريم فلا تستحين قولي ابي تجهز لليله خاصه وحددي الوقت واليوم وبس وهم يجهزونها لك وانا جربت هالحركه في فوكيت وما قصروا طلعت الغرفه حلوه وكلها ورد وريحه ورد وانا زدت عليها شموع طلعت خيال


وهذا الي اذكره للان والله يوفقكم ويسعدكم ان شاء الله ويرجعكم سالمين واذا عندك اي سؤال انا بالخدمه
وادعي لي بالذريه الصالحه طبعا اذا اعجبك كلامي:)



تحياتي
دلوعه زوجي

دلوعة زوجي

مشكوره وما قصرتي .... والله إستفدت كثير من تجربتك ومن مشاركتك ... أفكار حلوه وجميله وخاصه بعد إسبوع من سفرنا راح يصادف ذكرى زواجنا وإن شاءالله ناويه ألبس قميص نوم ليلة الزواج وإن شاءالله إن شاءالله ألحين راح أبدأ بالتجهيزات اللي وصيتيني عليها والله يوفقني على إسعاد زوجي يا رب العالمين ومشكوره عزيزتي
وإن شاءالله لما أرجع أقوللكم شو صار معاي :)