بسم الله الرحمن الرحيم


أهلا وسهــــلا بــــكم أخــــواني وأخــــواتي الكرام


نجدد بكم التحــــية . لمنتدانا الشــــامخ ، الشــــامخ بكم طبعا .


الــــيوم جايـــــكم ومعــــي فـــــكرة جهــــنميـــــة (إن صح التعبير )


طبعا كلكم عارف ما هو الغرض من هذه الافكار .

طبعا الجواب هــــو لكسر الروتين الزوجي في الحياة الزوجية .


أحرص دائما على أن تكون هذه الافكار مطبقة من قبل الزوجين معا .


لأن هناك افكار الذي يطبقها ويبدأ بها أما ان تكون الزوجة ( يعني عاملة مفاجئة لزوجها ) أو من قبل الزوج ( إما أنه عامل مفاجئة وهدية لزوجته )

في هذا الفكرة لابد من تطبيقها من الزوجين كلاهما معها (( يعني مشتركة )) ولا يمكن تطبيقها من طرف واحد .


طبعا الفكرة لا ادري إن كانت جديدة أم لا لأنني طبقتها من فترة .


هناك ميزة ممتازة في هذه الفكرة . هي أن هذه الفكرة ليست رومنسية بحد ذاتها وأنها توقظ مشاعرنا وأحساسينا ، نحن الازواج لأن أهم شئ في الحياة الزوجية هي الالفة والمشاعر الصادقة والاحاسيس المرهفة والحب الصادق .

هذه الفكرة تحتوي ايضا على جانب فكاهي بدرجة كبيرة حيث تحمل بين طياتها هذه الخاصية (( يعني ضحك في ضحك ونصيحة لا أحد ياكل كثير إذا جاء يطبق هذه الفكرة لأنه راح يضحك كثير ويمكن يفطس من كثر الضحك ))

شـــروط الفكرة :
أولا : لابد أن يكون الزوجة وزوجته مروقين يعني ما فيه مشاكل بينهم .
ثانيا : هناك تضحية كبيرة في الفكرة (راح تعرفون وش هي ) لابد بأن تقبلوا بالتضحية هذه لأنها كبيرة جدا والله يعينكم .
ثالثا : تكون في يوم خميس في الليل (( بعدين راح تعرفون ليش )) .
رابعا: خلو الاولاد يناموا بدري لأنكم مطولين شوي .

مميزات الفكرة :
أولا : ما فيه أي كلافة (( رد على بعض الاعضاء الذين نعتوني بأني مادي وأن جميع افكاري مبنية على المادة واني لا احصل على شئ من زوجتي إلا بالمادة هداهم الله وذلك في أحد المواضيع السابقة ))
يعني هذه الفكرة لا تحمل أي شئ من المادة ولا تدفع أي شئ من جيبك نهائيا .

ثانيا : إمكانية تطبيق هذه الفكرة في أي وقت وفي أي مكان . بدون تحظيرات مسبقة لها وبدون تجهيزات .

ثالثا : لا توجد أي هدية في هذه الفكرة وهي ما يميزها عن باقي الافكار . هي وبراهن على أن الحياة الزوجية لا تسترد سعادتها بالهدايا فقط .

أكيــــد أني طولـــت عليكم في طرحها . لكن إعذروني على هذه المقدمة المطولة لكن ليزال اللبس لأنني جربت هذا في مواضيعي السابقة .

مستعديــــن للضحك ،، و الونااسة .

طبعا لازم تكون مفضي بطنك لأنك راح تظحك كثير . وراح تمسك بطنك على طول .

قبل هذا قولوا (( ما شاء الله تبارك الله )) (( الله لا يضرهم ))

نبدأ الفكرة من خلال القصة .

كنت في أحد الايام افكر في فكرة جديدة اطبقها في حياتي الزوجية . إنتهيت إلى هذه الفكرة اللي ارجوا الله ان تحوز على رضاكم وارجوا ان تطبقوها .

دخلت البيت تقريبا بعد العشاء . وقلت لأم وئام أنها تحظر العشاء بدري شوي وأن ترقد وئام في اسرع وقت ممكن .

هي إستغربت وقالت لي : ليش اليوم يوم خميس يعني عادي نسهر ونتأخر في الاكل وفي النوم .
قلت لها : أسمعي الكلام .... ونوم البنية بدري. وضحكت .

إفهمت الوضوع وتحمست للموضوع لأنني موعدها كل بين فترة وإخرى افاجئها بشئ جديد.

فعلا تم تنفيذ الاوامر بحذفيرها . اللي اكلها وئـــــام نامت بدري هاك اليوم .

بعدما تعشينا وروقنا وشربت الشاهي .

أم وئـــام منتظرة بشوق المفاجأة . وكأنها تقولي بعيونها يالله إخلص علينا .

وسألتها : هـــا ه كل شئ جهاز .. وكل شئ مثل ما قلت .

قالت : الله الله كل شئ على ما أمرت .

قلت : بي صكري(اغلقي ) الباب . وقامت وصكرته .

قلت : خليك واقفة ولا تتحركين . وغمضي إعيونك . ولا تسوين أي شئ ولا تتحكرين من مكانك ابدا ابدا ابدا مهما كانت الظروف . . وابيك تعطيني وعد أنك ما راح إنك ما راح تسوين أي شي إلا إذا قلت لك . وعطتني الوعد .

قمت ونزلت كل ملابسها ما خليت ولا شئ .(( لا تفهموني خطأ ) ) :d طبعا هي صاحت وقالت وش فيك . قلت : أنتي عطيتيني وعد إنك ما راح تتحركين . :25:

وبعد هذا قمت ولبستها البالطوا حق الاستحمام . وفهمت هي على طول . وبدون ما أقول لها قامت ونزلت كل ملابسي ولبستني البالطوا حق الاستحمام .

رحت انا وهي للبانيو .

والغرض هنا أن الزوج يروش زوجته على مزاجه وكذلك الزوجة تروش زوجها .

طبعا شرط أن الزوج هو اللي يروش زوجته وينظفها من وإلا وكذلك الزوجة نفس الشئ .

طبعا ما راح اقول لكم وش صار لأنني ما قلت روشت احد في حياتي انواع الضحك مره الشامبوا دخل في عيونها ومره صار كثير ولا قدرت اغسله . :d

وهبال وضحك وفيه حاجات ما اقدر اقول لكم عنها (( للخصوصية التامة ))

وبعدما إستحمينا كلنا طبعا نشفنا أنفسنا كل واحد ينشف الثاني ويدلك راسه وينظفه مظبوط .

وبعدما تنشفنا كل واحد يدهن الثاني بالكريم . عاد لا تسأل وش صار من مواقف .

وبعد هذا كله نجي للمفيد والفائدة ولب الفكرة .

قمت وفتحت الخزانة حقت الملابس و إخترت الملابس الداخلية للمدام ولبستها انا بيديني من وإلا .
طبعا انا مثل ما قلت لكم ما اعرف البس احد وكانت فيه مواقف محرجة جدا ومضحكة . :17:

وبعدين إخترت أحسن فستنان سهره لزوجتي ولبستها إياه .

يعني انا اللي اتحكم في مظهر زوجتي ( نفظتها مثل ما ابي ولبستها اللبس اللي يعجبني )

وهي بالمثل قامت وسوت اللي سويته كله .

جاءت الان فكرة الموضوع .

بعدما ما لبستها كل شئ من وإلا وهي بعد لبستني كل شئ من وإلا .

قلت لها أنها تنام على السرير . وجبت شنطة المكياج وبديت أشتغل .

وقلت لها ابي ازينك على ذوقي بس ما ابيك تقومين من مقامك هذا .

أول شئ اخذت اللون البيج الفاتح وفكرته على وجها ( كانت درجة مناسبة شوي ) :)

ثم اخذت الروج وما أدراك ما الروج اللي ماعرفت وش لون احطه . صراحة خبصت الشفة واللون كان شئ غريب ما ادري كيف صار . :d

ثم العين وما ادارك ما العين . اخذت الكحل وحاولت ارسم مضبوط لكن صار الامر مضحك جدا وصرت اضحك ضحك ما ضحكته في حياتي لان فعلا صار شكلها مضحك . :23:

طبعا انا قاعد اضحك وهي تظحك معي ولا تدري وش انا سويت .

عاد لا تسألون عن البلاوي اللي سويتها على وجه أم وئـــــــــــــام .

الله صارت مثل اللوحات التشكيلية . انواع الالوان . اصفر على اخضر على احمر .
:23: :23:
أنتهيت من المكياج وكأني رسام لوحات تشكيلية . وهي المسكنية ما تدري وش اللي صار لها .

بعدين أخذت المشط وقمت اسرح شعر ام وئام وحطيت قصة ما ادري من وين اخترعتها .

انواع الشباصات حطيتها ولا ادري ليش احط وانا اضحك .

المهم أنتهيت من زينه أم وئام .

وقامت رواحت للمراية وشافت صورتها .

أنجنت وانهبلت على المكياج اللي سويته وصارت تضحك لين طاحت على الارض . وانا والله ما قدرت اتحمل الضحك . :23:

المهم جاء دوري في التزيين .

أخذت ام وئام المقص والموس علشان تضبط الشنب (( الله على شنبي راح فيها )) انا اشوفها تضحك ولا ادري وش سويت .

اخذت عليه تقريبا ربع ساعة وهي تضحك طوال الفترة .

لما خلصت رحت للمراية وشفت وجهي ...........................................

صراحة لا تسألون الجانب الايمن اصغر من الايسر كأنه مقطوع .

منظري صار مضحك جدا .

بعد هذا صارت اشياء خاصة جدا لا اقدر ان اخبركم بها .


لكن هذه هي الفكرة بشكل عام . وارجوا ان تعجبكم .

والغرض منها إحلال السعادة بين الزوجين .

وصراحة ما راح تنسونها إذا طبق توها وراح تتذكرونها وتصير لكم من الذكريات الجميلة .

لا تنسوا أن تذكروا الله (( ما شاء الله تبارك الله ))

كان بودي ان ارفق صور لكم لكن كما تعلمون صعوبة هذا في هذه الفكرة لأنها خاصة جدا .

لأنني اود ان تكون هذه الفكرة ضمن المسابقة المطرحة في المنتدى .

وشكرا لكم

ابو وئـــــام

سكن كن

المشاركة الأصلية كتبت بواسطة ريم2006 ماشاء الله تبارك الله بس من جد مواقف مضحكه ...كالعاده افكارك مرة حلوة

المشاركة الأصلية كتبت بواسطة طيـ القلب ـب واااااااااو حمستني شكلي بسويها اليوم بس زوجي بينفجع مني بيقول وش تبي ذي المشكله الكبرى ولدي ماينام زي ماابغاه يطلع روحي عشان ينام وحضرته الحين نايم وبعدين لما يجي ابوه بيصحى الله يسعدك انت وزوجتك وحصنتكم بلا اله الا الله من العين والحسد وننتظر المزيد منك

المشاركة الأصلية كتبت بواسطة farhia ما شاء الله عليك اخوي سكن كن و بارك الله فيك و فعلا موضوع رائع جدا و اسال الله ان يديم عليك نعمة السعادة اللهم ءاميييييين و مشكووووووووور على الفكرة و ان شاء الله بطبقها قريبا و بعدها بقولك عن النتائج و كيف كانت و بارك الله فيك بصراحة ما شاء الله تبارك الله و ربنا يخلي لك ام وئام و وئام اتركك في رعاية المولى عزوجل

المشاركة الأصلية كتبت بواسطة دلوعه زوجي ماشاء الله تبارك الله ياليت اقدر اطبقها بس المشكله ما عندي بانيو بالبيت:) وسالفه المكياج يوم زواجي قالت لي الكوافيره الي حطه المكياج لي انها تخلي زوجها يحط لها وتقعد تضحك عجبتني الفكره بس زوجي ما يطيع يخاف يقول اخرب وجهك واخرب المكياج يمكن مع الوقت يقتنع او اذا حطيته امام الامر الواقع الله يهنيكم يارب ويديم عليكم الضحك والوناسه وسلملي على وئام وامها تحياتي دلوعه زوجي

المشاركة الأصلية كتبت بواسطة صاحب الظل لطويل الله عليك والله نمرود يا بو وئام اللي اغناك بحلاله يغنينا ويردنا لاهلنا سالمين وبعدين نزودكو بالافكار الجهنمية اللي رح تنال اعجابكو ترا والله انا اشعر بالغبطة لما اشوف اخواني وخواتي بالمنتدى مستمتعين بحلالهم ربنا يديم عليكوا هالنعمه احتراماتي اخوكم صاحب الظل الطويل

المشاركة الأصلية كتبت بواسطة al3ion ماقريت بسبب الزحمه ف بيت زوجي لي عوده ان شاااااااء الله

المشاركة الأصلية كتبت بواسطة Wingz_of_Hope مع إني مش متزوجــة لـــكن الفكرة رااااااائعة.. الله يديــم عليكم السعادة يــا رب.. لــكن نصيحة أخي الكريم..كانت من شروط المسابقة إرفاق صور.. و لكي تكن منافستك أقوى قم بإنزال موضوع ثاني مرفقة بصور.. و أنا متأكدة ستبدع فيه دمت بحفظ الله

المشاركة الأصلية كتبت بواسطة دمعات الروح فكرة جهنيمة بجد وتناسب خبالنا انا وزوجي وبالذات خبالي انا بس شكلي بحط له انا الميك اب عن يازعم نتبادل الادوار عجبتني فكرتك وايد اهوا من غير شي ادا يجيني انا ادخل احممه بس مسكين مو زين له ترى فكرتك بتروحه في داهية لاني لا جيت احممه اخلي جسمه احمررر من كثر اغسل جسمه عندي هوس في الاستحمام بنفسي والحين اطبقه على زوجي حتى هو يشك بنفسه يقول لي لهدرجة انا وسخان بكرة الغالي بينزل عندي ديرتي راح اطبقها عليه لا محالة الله يعينه تسلم اخوي سكن كن مشكوووور ماقصرت تجديد الحب في حياة المتزوجين رحمة والله يديم المحبة بينكم وماشاء الله تبارك الرحمان الله يحميكم من شر كل حاسد ومن شر كل عين

المشاركة الأصلية كتبت بواسطة فيافي نجد ماشالله تبارك الرحمن الله يسعدكم دوم

المشاركة الأصلية كتبت بواسطة غلا 2005 بصراااااااااااااااااااااااااااااحة ما شاء الله تبارك الله.. بينما أنا أقرأ ..كنت اضحك على حركاتكم من كللللللل قلبي ..وزوجي قال لي وش فيك..باستغراب.. فأنا قلت له...بداية القصة..واحد يسوي حركات حلوة مع حرمته..قال إيه ...إيه وراااااااااح (كعادته ما يسمعني ولا يخليني اكمل مع أي سالفة ..حفظه الله) المهم رحت له المجلس وقلت له...السالفة وكملت ..وياليتي ما قلت له ..عشان لو طبقتها بعدين... في حال لو سمح لي...المهم..قال إيه ..ما عليك ..مجانين با بنت الحلااااااااال المهم انا ضحكت مرة ثانية ...وقلت في نفسي ليتك مجنوووووون زيهم...ما شاء الله تبارك الرحمن الله يجزيك الجنة يا أبو وئام ...صرااااااااحة قدرت تطلع الضحكة من كل كل كل قلبييييييييييييييي... ربي يسعدكم ويخليكم لبعض ويخلي لكم وئام ادعوا لي بالذرية الصالحة وأحب اقول شيء..أني احب الأفكاااااااااااااااااااااااااااار التجديدية البسيييييييييييييييطة اللي ما تكلف فلوس..عشان يا يقول المحروس..خسرتينا على خرابيط (خلو اللي في القلب في القلب ) اضحك الله سنك ..والله كلما اتخيل وجه زوجتك بعد ما انت سويت لها مكياااااج أموت من الضحك

المشاركة الأصلية كتبت بواسطة نجدفارس ء الله تبارك الله الله يوفقنا اجمعين ومشكور على المواضيع الرائعه

المشاركة الأصلية كتبت بواسطة سارا m الله يديم علينا وعليكم السعادة وراحت البال ...مشكووووووووور اخوي على الفكرة الحلوة ....

المشاركة الأصلية كتبت بواسطة المتعبه ما شاء الله لا قوة إلا بالله الله يسعدكم ويوفقكم ويخليلكم ونام يا رب فكره حلوه مره بس مين إلي يطبق مشكور

المشاركة الأصلية كتبت بواسطة أم وداد ما شاء الله تبارك الله ... انا وزوجي سوينا بعض هالحركات .. الحمام .. ويغمض عيونه ومن هالسوالف.. بس ماوصلنا لسالفة المكياج والشنب.. والله فكرة ولا اروع ماشاء الله عليكم .. الله يهنيكم ويسعدكم .. ويحفظ لكم ام ونام من كل شر.. ماشاء الله تبارك الله .. ضحكتوني ضحك .. والله نقعت من الضحك .. الله يخليكم لبعض.. والله يهدي زوجي ويرجعه لي.. وان شاء الله بعدين بنسوي هالحركة الحلوة .. الله يوفقكم .. ويسعدكم

المشاركة الأصلية كتبت بواسطة pretty prett انا زوجي ماتمشي معاه هالحركات الله يهني ام وئام فيك

المشاركة الأصلية كتبت بواسطة خشبور والله اخوي سكن كن .. فكرتك هذي تنفع مع ناس مصرقيعن معليش أنك تلعب بوجه حرمتك لان نهايتها صابون ولا مسحة مكياج وتنتهي لكن تجي على الزوجه تلعب بالشنب ؟؟ ترى فيها علوم خارج محيط البيت :) انا افضل انها تلعب في لبسك في شعر راسك شعر صدرك بس لا تقرب وجهك .. على العموم الفكره جيدة بحيث يتوخى الواحد الحذر في التعامل تحياتي

المشاركة الأصلية كتبت بواسطة كنعمبر مشكور أخوي ع الموضوع موضوع رائع و لاكن ما أضن أني أقدر أسويلها مكياج

المشاركة الأصلية كتبت بواسطة اعالي الجنان جزاك الله الجنه والله اتمنى اني اسويها انشاءالله قريبواتمنى انها تمشي معاي قول اميين اسال الله العظيم رب العرش العظيم ان يدم محبتكم ولا يغير عليكم