|
زوجي ينام أثناء قيادة السيارة
السلام عليكم ورحمة الله وبركاته
سوف أدخل في الموضوع على طول من جد مشكلتي أتوقع أنها فريدة من نوعها بس هي هاجسي الوحيد وأدعي الله دائما أن يكفيني من كل شر بإختصار أنا متزوجة وعندي أطفال وعمل زوجي يبعد عن المنزل قرابة النصف ساعة تزيد أو تنقص خمس دقائق إلى هنا لا يوجد مشكلة زوجي عندما يقود السيارة يناااااام في الطريق بطريقة مخيفة لدرجة إنه يدخل في أحلام وهو يقود السيارة (من جد ما أبالغ ) والله لما أروح معاه مشوار أخاف وأنا أركب السيارة وأقرب إيدي لدرجة إنو باقي شوي وأمسك (الدركسون ) من الخوف لما أروح وأزور أهلي وأنا طالعة يقولو لي طمنينا إذا وصلتي لأنهم عارفين أنه ينام في السيارة وأحيانا من شدة النوم ينسى هوا لوين رايح أو من فين جاي ومرات يقول إنه يقود السيارة ويخرج خارج المدينة ويرجع يدخل للمدينة مرة ثانية لأنه كان نايم ! والله مو عارفة إيش أسوي في الموضوع هذا كل يوم أتوقع أنه اليوم لا سمح الله ؟؟؟؟؟؟؟ طبعا أنا ما طرحت مشكلتي إلا من بعد ما أستخدمت حلووووووووول كثير الحل الأول الدعاء والأذكار والتحصين والحمد لله أنا مداومة على كذا الحل الثاني ينام بدري عشان ياخذ كفايته في النوم والله بأحاول ولكن هناك سببين زوجي من النوع إللي لازم ينام فترة طويلة يعني ست ساعات ما تكفيه أشغاله كثيره وما تنتهي تقريبا إلا الساعة عشرة ليلا الحل الثالث إنه يكون في الفطور قهوة أو شاهي أو نسكافيه عشان ما ينام زوجي أبدا ما يشرب المنبهات أيا كانت الحل الرابع عصير البرتقال في الفطور سمعت أنه عصير البرتقال فيه مادة منبهه وأستمريت عليه فترة الحل الخامس ننقل بجانب مقر عمله أو ينقل عمله جنب البيت الإثنين مستحيلة وبقوة وها أنا ألح وأطلب من الله أن يستجيب لي إحداهن (إللي فيه الخير) الحل السادس جهاز يباع في الصيدلية للتنبيه وقت النوم جبناه بس مو عملي يعني لما الواحد ينام وشبع نوم يرن الجرس ماااااااااااارأيكم ؟؟ وما مشورتكم ؟؟ |
اختي الكريمه هما حلين الاول تبيعوا السياره وتقضوا مشاويركم بالاجره والحل الثاني هو انكم تجيبوا سائق يقود السياره والله ترى الامور مو بسيطه:30: :30: :30: :30: :30: :30: :30: :30:
|
لو امكانياتكم تسمح حبيبتى خلى زوجك يجيب سواق
او يتفق مع احد من زمايلة فى العمل يذهب معة العمل احدهم يقود ويتبادلوا ربى يحفظة لكى ولاولادة |
السلام عليكم ورحمة الله وبركاته
أختي العزيزة مثل ما قال الاخ العقرب العربي لازم اتجيبو سائق ... |
والله انا زوجي عمله بعيد عن البيت اكثر من نص ساعه ويجتمعون 3 او اربعه من زملاه يرحون مع بعض وكل
اسبوع يجي الدور على واحد فيهم بالسياره منها يسلونه ومنها يسولفون مع بعض علشان الي يسوق ما ينام اسال الله العلي القدير ان يحفظ زوجك من كل شر |
طبعا اختى الله يعطيك العافيه لازم تجيبوا سواق
لازم الموضوع موسهل وبعدين خساره الفلوس ولاخساره الروح لابد انك تقنعيه بذلك الله يحفظكم من كل مكروه |
الله يحفظ زوجك لك.أمين
حبيبتي..حاولي ان تجعليه ينام 8 ساعات باليوم..حتى لو على حساب قضاء بعد حاجاته..لأان هذا اهم..لأاننا نتكلم عن خطورة...فما يفعله خطر جدا..الله يحفظه لك فلا يوجد حل أخر واذا ما يفيد يجب ان يتعود على المنبهات حتى لو ما يحبها..أو ممكن تعملين له قهوة قليلة لكن ثقيلة..ولكن طبعا الحل ألول هو احسن وهو ان يناك 8 ساعات كل يوم وفقك الله |
انتي بايعتها وما عندك مشكله تركبين معه .. مو مهم
بس اذا عندك اطفال انتبهي .. لا تسمحين له يسوق فيهم ..وهذي مسؤليتك اذا صار لهم شي راح يكون بسببك لأنك ما منعتيه من انه يسوق فيهم .. |
اختى الكريمه مااضن زوجك مشكلته انه مايكتفي من النوم لكن في ناس السياره تجيب لهم النوم ولازم ياخذوا غفوه فيهاحتى لو شبعانين نوم لذلك انسي القهوه والمنبهات لابد من السائق
|
مو مستغربه لانه زوج خالتي جذي مو دائما الا اذا كان تعبان واييييد و مو راقد زين!!
و ان شاء الله الاعضاء يساعدونج |
اختي العزيزة حنين لازم اتجيبوا سائق لانه كذا في خطر على زوجك وعليك وعلى اولادك يعني مو كل مرة تسلم الجرة:17:
|
لازم تشوفون حل لانه خطر عليه وعليكم وعلى الناس بعد الله يحلها خليه يروح لدكتور وبعدين ما قلتي هو طبيعته كذا والا من تالي الله ييسر اموركم
|
أخواني أخواتي
والله مو عارفه كيف أشكركم من كل قلبي بس والله إنكم زدتوني قلق ....... يوووووه والله مؤشر القلق عندي أرتفع للسماوات زوجي هذا طبعو من يوم ما أتزوجت وهو عارف خطورة إللي يسويه لدرجة إنه مسجل إسمي عنده في الجوال (أم عيالي ) فسألته مرة ليش مسميني هذا الإسم ؟ رد وقال عشان لما يصير الحادث يتصلو عليكي المرور ! طيب ياناس أنا إيش بإيدي أسوي ؟ حكاية إنه أجيب سواق أو لميموزين مو معقولة ومكلفة جدا بس يمكن نسأل دكتور .. يمكن يكون عنده مشكله ما أعرفها .. بس هو طبيعي وهذا طبعه وعلى قول أحد ألأعضاء السياره تجيب له النوم طبعا أنا ما أفكر أسافر معاه بالبر أبدا إستحاله ... أسافر بالطيارة بالنقل الجماعي لو على جمل لكن معاه مافي أمل .. أنتظر منكم أرااااء أخرى ... وأستفدت منكم في موضوع المستشفى وإن شاء الله نروح لدكتور يفيدنا في هذا الموضوع .... بارك الله فيكم |
ايوا اختي مافي حل غير انك تروحين لدكتور عشان تريحين نفسك مو معقوله كل مانزل من البيت تكونين حالتك حالة بياثر عليك بعدين من كثر القلق صدقيني اريحلك واريحله واذا مافي فايده روحي عند شيخ يقرا عليه يمكن فيه شئ الله يعطيه العافية ويخليه لكم يااااااارب
|
احسن شي ............. تبيعون السياره:22:
وبلا وجع الراس |
للرفع
|
يوه ياساتر وكيف يسوق وهوة نايم؟
ولاقصدك بكون سرحان كتير ولا نايم وهوة مفتح عيونو؟ الله يساعدكو يارب خليه يشرب نسكافيه اجبريه يعني النسكافيه عن تجربة بصحي كتير بكون نعسانة ومش عارفة افكر بالمرررررررررررررة ازا شربت نسكافيه تقيل شوي عطول بتنشط مابتشوفي الدعاية؟ :D |
من الافضل انه 1/تقدموا على سواق اذا امكانيتكم تسمح 2/يراجع زوجك عيادة اضطراب النوم لانه في ناس بهذه الطريقة يكون النوم عندهم قسري ويغفو غصبا عنه الله يعينك ويساعدك |
سوي له الحجامه تراها مفيده للي بمثل حالته ومجرررررررررربه
|
اقتباس:
أشكرك ملك شادي على المرور ...لأ هو ما يكون سرحان هو ينام وعيونو مغمضة ... ويمشي على الخط السريع ... من بيتنا للدوام طريق طويل بدون لفات ... يعني لا يمين ولا يسار ... ولما تحذف السيارة يمين أو يسار وهو نايم .. ويضربو اللي وراه صوت البوري .. يقوم وهكذا طووووووول الطريق أنا راح أرجع أحاول معاه بالنسكافيه .... شاكره لك مرورك |
اقتباس:
أشكر مرورك أولا ... وأشكرك لأنك عطيتني إسم العيادة .. أول مرة أعرف أنه في عيادة متخصصة لإضطراب النوم... جزاكم الله خير |
اقتباس:
صراحة بجد راحت عن بالي الحجامة ماشاء الله عليكي كيف جبتيها .... أكيد الحجامة تنفع ...بإذن الله راح تكون أول خطوات العلاج أختي هايدي .... أشكرك كتيييييييير |
اقتباس:
ألف شكر لمرورك ... بس حكاية أنو نبيع السيارة أو نجيب سائق مستبعدة .... بارك الله فيك |
اقتباس:
الدكتور أنا بإذن الله راح أحاول فيه إنه يروح ... بس ليش الشيخ ؟؟ يعني إيش ممكن يكون فيه ؟؟ أنتظر ردك وبارك الله فيك |
ممكن تتصلي عليه كل 5دقائق او تضبطي منبه يرن كل 5 دقائق من الجوال نفسه والله يحفظكم
|
| الساعة الآن 06:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©