|
زوجي يبي يسافر مع ربعة وش اسوي ؟؟؟
السلام عليكم ...
احب استشيركم بموضوع بالنسبة لي مهم جداً ومؤرقني زوجي يريد أن يسافر مع ربعة لدولة اوربية يقول ابي اروح استانس وانبسط وأنا واولادة الثلاثة في المنزل وأنا حامل في السابع ..وأخاف علية من اولاد الحرام وبنات الحرام .. وحاولت معاة مايسافر مايرد على يقول انا مسافر مسافر رضيتي ولا كيفك وش اسوي ... هل الموضوع عادي وانا مكبرتة ولا معاي حق اتمنى منكم أن تشاركوني بأرئكم ... :( :( |
يختي معاك حق ومريت بمثل حالتك
والله يصبرك ويعينك أدري والله إنه شئ مو سهل خاصة وإنك حامل حاولي تجينه باللين ووتقنعينه وإذا مارضي مالك إلاالصبر والشكوى لله إحنا يالحريم مغلوبات على أمرنا |
حبيبتي أنا مثلك
زوجي سافر الأسبوع الماضي وقعدت سويتله مشاكل ابغى اروح معاه ومافيه فايده وفي النهاية راضيته وحنا في السيارة وشكل زوجك نفس الشي .. فنصيحتي لك رضية قبل السفر ودلعية .. وجهزيله شنطته وحطيله فيها كروت ورسائل .. وخبيها في أماكن متفرقة في الشنطة .. وإذا جا وقت السفر ودعية على خير .. لأني اشوف إن الأفضل إنه يسافر وإنتي راضية .. أفضل من يسافر غصبن عليكي .. ونصيحتي لكي لا تتعبين عمرك بالتفكير لأن راح تتعبين وخاصة إنك حاااامل .. وعيشي بالمثل إللي يقول طنش تعش تنتعش .. بس المهم إنك لمن تكلميه تحسيسيه إنك مشتاقتله ومن هالكلام .. بس إذا أنتي عارفة إنه بيروح يلخبط هذا يكون له حل ثاني .. وتمنياتي لك إنك تقومين بالسلامة.. |
انا من رايي خلج مع اهلج
وخليه يسافر بس اصلا المفروض ريلج مايخليج وانتي بهالوضع حامل !! وشهرين وتولدين !! ولا وعلى ظهرج يهال بعد الله يعينج بصراحه حبيسيه بغرفه هههههههه ولا ضيعي الجواز عشان مايسافر ترى والله فكرة انج اضيعين الجواز احسن فكره حتى يمكن هو ماشك فيج تقبلي مروري |
مالك غير الدعاء
والله يصبرك |
اقتباس:
كلام معقول مليون % اكتبيله في أحد الكروت دعوة حلوة من قلبك بأن ربي يحفظه ويرجعه لك بالسلامة وعطريها بعطرك .. لا تنسين تشترطين عليه يجيبلك هدايا بعدد الأيام الي بيجلسها برا.. |
الله يعينج ! خطرت في بالي طريقة يمكن تساعدج:26: حاولي تعاملينه هالفترة أحسن معامله ودلعيه آخر دلع حتى لو كان مايستاهل:25: بعدين حاولي تروحين بيت هلج يومين ->تثيقلي شوي يمكن يشتاق ويحس فيج ويهون يسافر وخصوصاً إنج دلعتيه قبل هاليومين ! هذي طريقة وإذا مانفعت قعدي معاه ونزليلج دمعتين خطيبي نقطه ضعفه الدموووع حتى لو كانت دموع تماسيح:d ! ريلج وانتي ادرى فيه أكيد تعرفين نقطه ضعفه المهم يوديه من اليد الي تعوره :29: وبشرينا بالنتيجة.. |
الله يرده بالسلامه ان شالله خللليه يروح ويوسع صدرة خليه يرجع لكم بحيويه ونشاط اكثر والمفروض يطلع فيكم قبل يمشى بسفرة خفيفه منا والا منا لكن الحمد لله لا تتعبين حالك ترى الرجال يبغى يمارس شئ من حياته الخاصه لوحده يعنى ربعه لهم حق بعدددددد
بالتوفيق |
انت كذا ما راح تنكدين الا على نفسك....
عليك انت توصيه أن يضع الله نصب عينيه...وأنت وأولادك...وذكريه (احفظ الله يحفظك)...حتى لو تكتبينها له في كرت...سفره عنكم...يكسر الروتين...ليشتاق لكم...حفظكم الله |
حبابة
خليه يروح بأمان الله وعلشان تاخذين فترة نقاهة منه :d وتشتاقون لبعض في هالفترة اختي انا زوجي سافر قبل اسبوع ويوم الجمعة رجع ورايح مكان يخووووووووف من هالبنات وراح يدي على قلبي بس رحت معاه وشرينا ثياب واغراض للسفر كاني بسافر معاه بعد هههههههه وشريت لي اغراض بعد وجيت ورتبت شنطته وجهزته والله حممته بعد للسفر حطيت له رسايل غرامية في الشنطة ورسايل فيها ادعية السفر ومنحته ثقة مع انه المكان الي بيروح له وايد مشكلة وخطرررر بالنسبة لي ويوم وصلته للمطار نسى جواله بعد عندي هنا المصيبة الادهى بس عدت المسألة على خير ليش انه تركنا بعض هالفترة كلمني فيها بس مرتين مكالمة مدتها 5 دقايق ومكالمة مدتها دقيقة ونص لانه مو راضي يشبك الخط :d بس والله رجع ميت من شوقه ولا هنت له السفر دايما يفكر فيني وكل يوم يكتشف رسالة ويقراها بشغف ارضي عنه مثل ماقالوا الاخوان والاخوات وخليه يروح يتيسر ودعواتج له وروحي عند اهلج وطلعي وفرفشي مع عيالج واستانسي وخليه بقلبج تدعين له يرده ربج سالم والله مايخيب ظنج ويجبر بخاطرج ان شاء الله وخليها من صوب الله حبوبة :) |
دامج واثقه منه خلي يرووح
الله يسعدكم دنيا و اخره |
زيما قالوا الاخوات
هو مسافر مسافر واذا نكدتي عليه وخليتيه يهون بينكد عليك فذكريه بالله وان الوناسة مو معناها ننسى ربنا وادعيله |
اقتباس:
كلام عين العقل موفقة ان شاء الله |
مشكورين كلكم ماقصرتم
farhia ويعطيكم العافية ..و إن شاء الله بأخذا في نصائحكم ..بس بعد قلبي:( :( يعورني و إن شاء الله يروح ويرجع بالسلامة ويحط الله امام عينية .. وحلوة فكرة الكروت والرسائل بسويها :22: :22: ..ومرة ثانية اقولكم ماقصرتم ..خففتم عني شوي .والله يسعدكم جميعاُ...asser_26 ام الحسين و عمر الألمعية قصى بن كلاب دمعات الروح فوح البساتين خفيف الروح خفيف الروح كل الطيبة! قطرة مطر2 مها الكويت jas00m |
تعليقي ياحبيبة ليس على كلامك، بل على ردود بعض الأخوات ...
ياأخواتي انتبهوا واحذ |
تعليقي ياحبيبة ليس على كلامكِ فقط بل على ردود بعض الأخوات أيضاً ...
إن سمحتِ لي ... ياأخواتي عندما ارتبطت بزوجي لايعني هذا أني تمتلكته ..!! يبقى انسان له حياته وكيانه وقراراته الخاصة ..!! إن رضيَ أن أسافر معه فحسن، وإن فضل السفر مع أصحابه فلا بأس ـ مادمتُ واثقة به ـ ... أساليبنا الخاطئة في اظهار تعلقنا بأزواجنا هي ماينفرهم منّا .. إذا أحسّ الرجل أنكِ تريدين تملكه لوحدكِ بفرض آرائكِ سينفر منكِ وبالطبع لن يستمع لكِ .. أما إذا تقبلتِ الواقع برحابة صدر ـ ولابأس من اظهار ممانعة خفيفة لطيفة ـ ثم طلبتِ منه "بتغنج" أن يعوضكِ عند رجوعه سواء بهدية أو بسفرة، وعاملتيه أحسن معاملة وودعته أرقّ توديع؛ ستجدي نتاج عملك رائعا مرضيا .. سيرجع من سفره مشتاقاً ممتناً وقد زاد حبه لكِ ولهفه عليكِ ... ولكن إذا عارضتِ ورفضتِ بقوّة ..!! ماذا سيحدث ؟؟!!!! أترك الإجابة لكنّ .. وتذكرن دوماً أخواتي الحبيبات أن العاطفة ليست كل شي والأصل هو العقل ... |
ليش ما تسافزون معاه ....
|
ماشاء الله لاقوه الا بالله اهنيكم على سعه صدروكم وتقبلكم للموضوع
انا صارت لي مرتين بغيت اموت من القهر :( |
إنزين ما قلنا لا يسافر خله يسافر
وماقلنا إنها تملكته وخلاص، يعني مايروح مكان الا معاها يمكن يكون يبي ياخذ راحته أكثر بروحه .. ماعندنا إعتراض على هذا الشئ إنه من حقه يسافر .. لكن المفروض كل القرارات الي يتخذها تكون بصالحهم اهما الأثنين هذا على حسب قراءاتي في الكتب لازم يفكر على أساس زوجي مو فردي لأنه خلاااااااااااص مرتبط ! إذا كان هالشئ بصالحه ومو بصالح زوجته يعني مو بصالح زواجهم .. حامل وأم لثلاثه أطفال !! إنتوا ما تحسون !! بصراحة وبدون زززززعلللل إذا سافر واهو يدري ان زوجته بامس الحاجه له وموراضيه على سفره يعني برايي إنه"ريال مافيه خير " وسووووري ع الصراحه نسيت اقول شئ \ الي يقولون عادي يسافر، تخيلوا روحكم مكانها بعدين قولوا عادي..! |
شكراُ لك يا كل الطيبة على ردك:22: الحلو ويعطيك الله العافية ويسعدك ربي أحس انك حاسة فيني زين وعارفة الي بقلبي ..:)
|
اقتباس:
|
الموضوع مو عادي لان هذة الاماكن ماتصلح وفيها الفسادة وبالنسبة ليكي حامل وقريب بتولدين
شاورية مرة ثانية وانشاء الله يهدية يارب |
استغفر الله العظيم اكره سفر الرجل الخليجي بالذات بمفرده خارج الدوله من اللي يسونه برى من بلاوي وقلة ادب ...
اختي مالك غير انك تدعيله بالهدايه والصلاح وان يجعل الله رقيب له في السر والعلن |
كويس قال لك
لو غيره وداك عن اهلك وسحب عليك ههههههههه العني ابليس وبتتيسر الامور |
| الساعة الآن 01:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©