|
انا صغيره وما اعرف احل مشاكلي..ابي مساعدتكم..
السلام عليكم ورحمة الله وبركاته..
مشكلتي عويصه بدت من ثالث شهر من زواجي... اولا اناساكنه مع حمولتي وفي معاي بالبيت جنتين حريم اخوان زوجي.. المهم بالبدايه حسيت ان ثنينهم طيبين بس اكتشفت ووصلي كلام ان وحده منهم (..) تتكلم علي بشينه وتقول حق خوات زوجي كلام ماقلته.... المشكله اني اجهضت اول زواجي لاني ما كنت ادري اني حامل وشلت شي ثقيل.. فبدت (..) تقط علي كلام وتحرجني.. انا ماكنت ابين لها اني متضايقه بس اروح غرفتي وابجي.. واتطلع كلام على زوجي تبي تحرني اتقول انه خربوطي وراعي بنات بس زوجي رجال ملتزم ويخاف الله وانا متأكده من هذا الشي ..بس همها انها تحرني وتقهرني .. وتغلدني بكل شي.. فصارت اهي كل همي ...الحمدلله انا وزوجي متفاهمين واهو قالي ان صابر واحنا اصغار على الجهال... بس ماتتخيلون من تزوجت وانا كله مريضه .. وآخر شي امس عرفته عند الدكتور ان فيني غالون حاد يعني التهاب قوي بالغالون وانا توني 17 سنه.. من الحرات كانت (..) تحرني واااااااااايد ولي اليوم... اول ما درت لا(..) قالتلي اي الحين صرتي عجوزه اكلي اكل مراضه... شلوووووووووووووووووووووووووووون ما اموت من القهر .. وزوجي يدري عن هذا كله ويحذرني منها... انا طيبه وعلى نياتي مادريت انها حيه.. بس ماني عارفه شلون اتعامل معاها ..كنت اخش كلشي بقلبي .. قبل لا اتزوج ابتسامتي ما تروح من وجهي ومرحه حيل.. الحين حدي انطوائيه ... انا اللي قتلكم اياه قله قليله من اللي تسويه..تسبب لي انا وزوجي مشاكل وايد ... ماتتخيلون لو قتلكم اني فكرت بطلاق وايد عشان بس افتك منها بس بعدين فكرت بحبنا انا وزوجي.. ارجوكم ساعدوني ابي حل ماعندي احد اشكيله.. |
أختي الكريمة ، اقهريبها بصمتك
لأنها مقهورة حتما من صغرك أهم شيء ما بينك وبين زوجك وعامليهم زين خوات زوجك وأم زوجك ولا حتى تقولين ليش تقولين كذا أو هي تكذب علي لأن النهاية صدقيني من صالحك |
مشكوره اختي عروس على الرد الجميل
|
ماعليج منها اختي
خلج اقوى من جذي وخلج واثقة في روحج انتي مو مسوية شي غلط صح ؟ يعني خلاص ماعليج كلام وانتي وحدة زينـة اهم شي انتي وزوجج فاهمين بعض وخلاص انسي هالمشكلة هاي تحدث دايما بهالشكل او بشكل آخر فيعني لا تخافين من شي موفقــة عزيزتي |
صديق الجميع والله اني محتاجه مثل هالكلام اشكرك اخوي
|
يعمــــرى خليك واثقه من نفسك ولاتخلين لها مجال تتكلم فيك
هي اكيد غيرانه منك وبعدين مافي وحده طبيعيه تتكلم على اخوزوجها كذا والمفروض زوجك ينبها ان وصل لعنده الكلام الشين اللي تقوله عليه يعني لايسكت لها ويوفقها عند حدها وبعدين انك طرحتي وانتي ماتدرين انك حامل او تدرين هي مالها دخل اوان شيمومن خصوصياتها وانتي لما تتبلى عليك قوليله ان المشوار طويل قدامك ليش العجله والعيال اذا جاو مشالله ماينسدون وخليك دايم تضحكين حتى لماتكلمينها علشان تعرف انك مو مهتمه ولاتعكرين الجو بينك وبين زوجك علشان انسان مايستاهل اهم شي ام زوجك تقربي لها وحبيها لانها هي اللي تنفعك وتقدر تبعدك وتقربك لزوجك وسلامـــــــــــكـ |
مشكوره حبيبتي ياهوى البال على الكلام الجميل جزاك الله خير وجنج تدرين ان الكل يقول انها غيرانه مني حتى زوجي
|
لا تتعبين نفسك واتحاتين وحدة ماتسوى
كل ماتشوفك بحالة نفسيه ولا تعبانة بتفرح .. واهم شي زوجك يعرف ان اخته مو سهله وعليها حركات ... الحمدلله هو على بينة وصدقيني على كثر ماتصبرين زوجك بيحبك اكثر واكثر... وبيتعلق بك .. لا تتعبين نفسك هذا اختبار واي شي اتسويه .. ولا تقوله دخليه من اذن وطلعيه من الثانية محد يستاهل تتعبين بسببه ولا عشانه الا زوجك .. لا تفكرين تخسرين زوجك الي تحبينه عشانها وان شاء الله في المستقبل.. تطلعون في بيت بروحكم .. وهي بيصير مالها وجود بحياتكم ... اهم شي زوجك .. |
ودايما قولي هالدعاء..
اللهم كل من ارادنا بسوء فاشغله في نفسه ورد كيده في نحره واكفناه بما شئت وكيفما شئت ... وحسبي الله ونعم الوكيل.. وصدقيني ان شاء الله بترتاحين |
هل أنت متأكدة انه هي ما في أي دافع لها انه تعاديكي و تحكي عليكي ؟
تأكدي ربما انتي عملتي شي خلاها تتصرف بهي الطريقة و اذا ما في شي هدا بيعني انه هي من النوع التافه و تهتم بالأمور السخيفة بالحياة يعني ما عندها هم أكبر من ترصد عيوب الناس و انتي وقعتي ضحية لسانها أختي عامليها على قد عقلها و لا تاخدي كلامها على محمل الجد لأنه ما بتستاهل انك تخربي بيتك مشان كلمتين حكتهم شو يعني الاجهاض و لا مرض الكولون كل انسان بنصاب بأمراض و الله مسكينة على عقلها اذا بتعير اللناس من مرض الله يعينها ! لا تشيلي كلامها من أرضه و اتبعي المقولة الذهبية : "طنش تعش" |
اختي الحبيبة
حاولي ان لا تحتكين مع اخت زوجك ولو بأمكانكم يكون افضل لو تنعزلون لوحدكم ولكن لا تفكرين ابدا بالطلاق لأان هذا ما اخت زوجتك يمكن تريد ولهذا هي تعذبك...وطالما زوجك يحبك اهتمي به وحافظي عليه وابتعدي عن اخته وفقكي الله |
افاااااا ههههههه خليكي شديده (من صدق )هذا عالم الحريم شكلك جديده عليه انصحكي بالاتي :
- احذري منها - لاتطولين الجلوس معهم - عامليهم بالحسنا والطيب ووووو مانفع ذلك استخدمي سلاحك كتالي : - اكثري الحديث عن زوجك ومدحيه - كوني متميزه في لبسك وكشختكي وكل شي - اذا جاتك هرجه قوية حاولي تبينين انك مو مهتمه واضحكي واذا تقدرين تردين ردي بضحكه واستهزا خليكي طبيعيه وقويه وطيبه ( الضعيف ما يعيش ) |
اختي الكريمه خليك واثقه من نفسك ومن انك اكيد على صواب وهذه غيره وحسد التزمي انت بعدم الرد عليها فكل اناء بما فيه ينضح وكوني قريبه من زوجك وجدتي رحمها الله كانت تقول (خذ من الحزمه عود والباقي تشيله القرود)انت يهمك زوجك وبس والله يصبرك
|
ينتقل لعالم الثقافة والتوجيهات
المرجو منكم تغيير الصورة الرمزية لأنها مخالفة بوركتم |
بالعكس انتي اقهريهم بصمتك واهم شي علاقتك مع زوجك وبس لانو الاهم وماعليك من احد ولاتسمعيلهم وربي يسعدك انشاءالله
|
حبيبتي خلك واثقه من نفسك وزي مايقولون الحقران يقطع المصران والزم ماعليك زوجك والباقي لايهمك .. وانا صار لي مثلك قبل تزوجت وعمري 17 سنه .. ومع اني بيت لوحدي ماتركوني زوجات اخوانه بحالي لاني صغيره وهم كل وحده متعديه الثلاثين ويغارون مني بشكل كبير ويحاولون يسون لي مشاكل ويقهروني .. بس اطنشهم وماكأني اسمع شي .. بس قوي قلبك واهتمي بزوجك واتوكلي على الله ..
|
حبيبيتي كل الكلام الي قالوه الاخوان والاخوات كلام سليم
واتركيها ولا تنكدي حياتك وانتبهي كل شوي تشكي لزوجك بعدين يحس انا غرفتكم جهنم ويوروح يدور مكان ثاني يرتاح فيه انتبهي مو لازم يا نظر عيني تجلسين معه حاولي الفتره الي هي تكون بغرفه او مشغوله تجلسي مع ام زوجتك وتعامليه كويس والباقي خلك بغرفتك وريح بالك ما لك بكل ها الهم |
الثقة بالنفس مطلوبة والمحافظة على هدوء الاعصاب شي ضروري في مثل هذه الحالة والأهم هو رضى الزوج وامه وما عدى ذلك فهو في بحر النسيان ... اختي في الله عليك بالصبر على البلاء والمحافظة على رونقك امام زوجك وروحك التي كانت قبل زواجك وتذكري دائماً أن من أحبه الله ابتلاه والمؤمن إذا صبر واحتسب كان له اجراً عظيماً .. ولا انسى اكثري من الدعاء والصدقة فإنهما الملجئ إلى الخروج من هذه الكرب بإذن الله تعالى
اسئل الله أن يعظم اجرك في مصابك وأن يفك كربتك وأن لا يحرمنا الاجر ... تحياتي |
اختي طنشيـــــــــــــــــــــــــــــــــها
ولا عليك من كلامها وخير ياطير اذا الواحد مرض اغلب الناس تجيهم امراض حتى الأطفال يمرضون ربي بكره يبتليها بمرض تتمنى انها تتعافى منه انتي خليكي طيبه ولا تسمعينها خير شر والحقران احسن حل لمثل هالنوعيه السيئه لا تسمعين لها كلمه وخليها حالها وحال الجدار واحد عندك ألزم ما على الواحد صحته وحياه مع زوجه يعني اذا انتي وزوجك حياتكم مستقره ما عليك منها تلاقيها مقهورة منكم وانتبهي لنفسك لأن القولون متعب جداً جداً انا ياما عانيت منه والى الآن اعاني منه صحتك اهم ... |
قووووووووي قلبك قوووووووووي قلبك
اتذكري نفسج قبل ،، اشلون كنتي مطنشه كل شي وعايشه حياتج بالطول والعرض ، والكل يتمنى حتى لو يتكلم معاج كلمه فهمتي علي ؟؟ خلي بالج على زوووجج وبس ،، عشان لا يروح منج انتبهي ،، ترااه يحبج حييييييييل وانتي بعد تحبينه بس هذي اللي عندج ممكن تضيع اللي بينكم بسبب سخافتها ماعليج منها ابدااااا شوي شوي مع الايام راح تتعودين ، بس بالأول صعب ، طنشيها ،، واختلطي مع الثانيه اكثر ، واطلعي انتي وريلج ،، اطلعي من الجو اللي انتي فيه انا كنت كل ما اتضايق من البيت احبس روحي بداري ،، بس عقب عرفت انه مب الحل ، فقمت اختلط بالناس اللي حولي شوي افضفض ، بس الفضفضه مب الحل ،، حاولي انج توكلين امرج لله وشوفي الناااااس وعيشي معهم وعسى الله يوفقج ويسدد لج خطاج يارب |
انا بقول لج حل بيريحج
هذي ماينفع معاها الا القطيعه اي اقطيعيها لانها الحين تسبب لج مشاكل باجر والله العالم يمكت تدخل بينج وبين ريلج تقبلي مروري والله يوفقج |
كان الله في عونك
|
الله يعينك اختي و اقول لك مثل ما قال الاخوة و الاخوات طنشيها و
الباين انها حتموت من الغيظ و غيرانة منك كثير و لا تهتمي بها اطلاقا و ان شاء الله موفقة |
اصبرى مادام زوجك خلوق
وحاولى تجلسى فى سكن آخر والحى فى الدعاء وربينا يكرمك |
الله يعينج عليه وعلى امثالها
|
بالتوفيق
|
الحقران يقطع المصران
سمعي الكلام من هالأذن وطلعيه من الأذن الثانية ولاتبينين لها أنك متضايقة أبداً عشان ماتستقوي عليك حاولي بقدر ماتقدرين تعاملينها أحسن معامله طبعاً أهي وغيرها في البيت معاك عشان اذا حصل اي شي ماتكونين انتي الملامة وطبعا قولي حق زوجك كل شي عشان يكون بالصورة الله يحميك ويوفقك |
أختي الله يكون في عونج ويصبرج ما في لاحل الا تطلعين من البيت ...
|
ولا تشيلي هم
السالفةكلها غيرة وحسد ... أكيد فيك شيء غايظها و يميزك عنها ولا تهمتمي ولا تمرضي والسبب انسانه مالها معنى ولا أهميه ولا كأنك تسمعي منها .... طنشيها ... والحقران يقطع المصران :) أهم شي حافظي على زوجك وصحتك ... وعيشي حياتك ولا تفكري بالطلاق وانتي مرتاحه مع الزوج اهم شيء الزوج دام مرتاحه فالكل تطنيش :) و إلى الأمام سر و موت في غيظك يا حسوووووود >>>>>>>>>>>>>>>>> اسأل مجرب ولا تسأل طبيب |
| الساعة الآن 06:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©