مشكلتي..وأريد الحل
 

السلام عليكم...

أكتب لكم وانا ميته ضيق وماأعرف أشتكي لحد غيركم أبيكم تساعدوني,,صار لي اسبوعين مالجة(عقد قران) وفي هذا الاسبوعين ماكنت عارفة كيف اتكلم معاه وايد رسمية حتى هو نفس الشي واللي مضايقني أكثر إنه مايتصل فيني ولايسولف معاي, أحسه عادي ما مهتم فيني ومرات أشك إنه يحب وحدة غيري أرجوكم تساعدوني لانه ما قادرة أفكر بحل ,,,أبي يهتم فيني ماأعرف كيف؟؟؟؟

الله يعينك صراحه

يمكن منحرج ومستحي...

صبري عليه شوي.. وان شاء الله كلها ايام وتلقينه ملهوووووف ومايقدر مايسمع صوتج ..

يا اختي اصبري شوي عليه وساعديه كمان انه ما يكون رسمي يعني انت تكلمي معه واساليه عن حياته وتعليمه عمله وشوي شوي ابداي بسؤاله عن المستقبل واجعليه يتكلم وما يكون فقط يجاوب اسئلة وفقكم الله

اختي انتي تلحلحي شوي
اقصد ابعدي الرسميه
طرشيه له مسج كل يوم
اتصلي فيه وهو بالشغل سالي عنه
ادعي الله دايما يخليكقره عينه ويصب محبتك في قلبه

الله يعينك يا اختي والله مشكلتي قريبة من مشكلتك غير انني متزوجة حديثا و كثيرا ما افكر مثل تفكيرك فتعودي من الشيطان والله يفرج همك

نفس الراي و الله يوفقكم

مشكورين على تفاعلكم معاي وأتمنى إنه يتغير ودعواتكم لي إن الله يسر لي ولكم يارب.......

اختي روح بالعكس افرحي ان خطيبك كذيه
بالعربي محترم
واخلاق ومهو مشفوح.....يعني حق غزل قبل الزواج

يمكن الرجال ما يبي يحرجك او انه محترم وايد يعني تبين واحد من اليوم الثاني هاك اتصالات

اللين انتي تشكين انه غزلنجي ...

الا احسن لك انه مؤدب وثقي اللي زي كذا تراه ما يصدق فيك ليلة الدخلة ..

بعدين انا اتحفظ من الاتصالات قبل الزواج لانها احيانا تنفسخ الخطوبات بسببة

الله يهديك لسه اسبوعين ومسويتها مشكله لسه حتى ماقلتو بسم الله الرحمن الرحيم حبيبتي اصبري
ليش تفكري كدا وتوسوسي بيحب غيري ولا ماكلمني الامر بدري عليه الشك وبدري جدا جدا احسني الضن يمكن مستحي او يبغى يتقل شويه او عنده شغله هذي اليومين عشان الزواج او مشغول مع اهله او او او
تغاضي تغاضي تغاضي لاتدققي على اشياء مالها داعي

وهل هو مااتصل فيك او انه يتصل بس رسمي

طيب فرفشي انت وخليك بشوشه واضحكي وامزحي من غير رجه وهبال بس اقصد ابدئي انت ولو اني اقول ان كلها مسأله وقت الله يهنيكم ببعض

بقولج شي وبتستغربي إنه أول يوم في الملكة مااتصل فيني بس طرش مسج, وفي أوقات مايتصل ينتظرني اتصل والله تعبت من اسلوبه وما أعرف كيف أخبره إنه هذا الشي يضايقني,,,