|
خطيبي يمنعني من السفر مع اهلي؟ساعدوني
بسم الله الرحمن الرحيم...ووبعد
لااعرف ماذا اقول واقعه في مشكلة وحيرة من امري لااعرف لمن التجي ضاقت بي الدنيا فقلت التجي لكم احبتي لما لكم في مد يد العون لمن له مشكلة في حياته الزوجية فأنا مشكلتي اعتبرها كبيرة بنظري افكر لااكف عن التفكيير بها اسفة على الاطاله المشكلة في (خطيبي)زوجي مانعني من السفر مع اهلي ابكي طول اليوم احس احساس القهر ضائقة فيني الدنيا محتاجة اغير جو كل شي والروتين اليومي اللي امر بيه طفشت من حياتي مااقدر امي تفارقني وتروح عني اتعب نفسيا ولااقدر هم يروحون عني مدة اكثر من عشرة ايام فدائما المح له بهالموضوع بس ماشي فايدةمعاه فحتى لومنعني فهمته انا بيت اهلي كلهم بيروحون يعني انا اطل مع من بالبيت لكنه معاند يقول هذا الكلام تناقشنا فيه سفر مافي ويجيب له اعذار وتبريرات حتى يوصل للزعل والغلط عليي لاااعلم لماذا يمنعني من الخروج حتى مع اهلي اذا حصلت مناسبات حاولت معاه دائما ماذا افعل بكل الطرق حاولت ساعدوووووووووووني |
والله ما ادري بس صج قهر يعني ليش يعاند
الله يهديه و يرضا تروحين و تيبين لى هديه :D |
اختي الغاليه..يمكن علشان يشتاق لك مايبقاكي تسافري ..
وموضوع الخروج مع الاهل ممكن تصاريحه انك متضايقه من هذا الشي .. الله يهديه.. الله يسعدك.. اختك:الحائــــرة |
أنت حاولي تعودي نفسك تصيري مستقله بنفسك بعدين لما تتزوجي و يروح للعمل بتجلسي لوحدك في البيت عودي نفسك
إلا اذا كان كل ما راح للعمل قلتيله وديني بيت اهلي صعبه اعرف وحده ماكانت تجلس في بيت اهلها دايما اذا خرجت امها معاها و تزوجت و بسبب هذا التصرف تم الطلاق كل مايخرج زوجها تروح معه كل خرجه |
السلام عليكم أختي .. ممكن تجاوبين على الأسئلة هذي علشان ممكن أقدر أساعدك : س1 : من متى معقود قرانكم مع بعض ؟ (( أهم سؤال )) س2 :هل هو قريب لك ؟ س3 : هل فيه بعض الخلافات بينه وبين أهلك ؟ س4 : هل وضعه المادي ممتاز .. وما هو وضع أهلك المادي ؟ س5 : هل تم تأجيل موعد زواجكم من قبل أهلك ؟ |
اصلا مو من حقو هو لسا خطيبك وانتي في بيت اهلك شورك في يد ابوك لما تروحي في بيتو يتحكم زي مايبغا بس انت في بيت ابوك دحين هو المسؤول عنك
خطيبك غلطان ومامعاه حق |
اختي الكريمة إذا هو خطيب ....... يعني بعد ما كتب الكتاب ( ما ملك ) فما يجوز اصلاً ان تحدثيه لأنه رجل اجنبي بالنسبة لكِ .... أما إذا كان لا والله كتب عليكِ وهو مملك ومو باقي إلا حفل الزواج فقط ............. فهنا كلام اخر اختي الكريمة طول ما انتي ببيت أهلك فهو ماله حكم عليكِ .... لا رحتي بيته له الحق في هذا هذه القصة صارت مع بنت عمي ومليكها بيسافرون وهذا على التليفون يخاصم ويرفع صوته ............ والله ما تروحين والله والله قالت له تعال عندنا ابوي يريد يشوفك لما وصل جلس معاه عمي ........ وقال : شوف ياولدي البنت لا راحت بيتك احكمها زي ما تريد أما مدام هي في بيتي فمالك صلاح فيها عجبك كلامي الخير وأهله ما عجبك بنتنا عندنا ..... و كل واحد يشوف نصيبه أم تحكم البنت وهي تحتي .... يعني أنا بضيعها ولا ما انتبه عليها .... ربيتها من هي صغيرة إلين جيت وطلبتها قام الأخ يقول ..... والله يا عم مو قصدي .... بس انا وانا وانا المهم من بعدها الرجل حرم إنه يقول لها ما تروحين وما تجين والأن ما شاء الله بنت عمي هذه تزوجت وهي حامل في الشهر الخامس فما قدامك اختي إلا هذا الحل لأن الزوج مسكين فرحان بنفسه ويشوف إنه هذا الشئ يثبت فيه نفسه ..... فالموضوع عادي أسأل الله ان يفرج همك وييسر أمرك بوركتم |
ينتقل لعالم المقبلين على الزواج
بوركتم |
الله يكون في عونك
وطالما انت في بيت اهلك شورك في يد ابوك ... الله يهدي سرك ويهدي سر خطيبك |
ام الحسين والعمر
شاكرة لج مرورج ويسلم راسج ايب لج هدية تامرين امر الحائرة شكرا حبيبتي وماتقصرين بس انا سئلته تشتاق لي ماتبي فراقي ماجاوب؟؟ والله العالم |
بصراحة أنتي مدلعتة زيادة
مالة كلام عليك الحين إذا صرتي عنده يحلها رب العالمين |
خليك مع اهلك وبلا كلامه الفاضي
طاعة الزوج ما تجب الا بعد دخوله على الزوجه وهي مثل النفقة ما تجب الا بعد الدخول |
طول ما انتي في بيت اهلك خطيبك المفروض ما يتحكم فيكي حاولي تناقشيه في موضوع السفر والخروج مع اهلك واذا ما نفع كلامك المفروض النقاش يكون مع الوالد |
dlo3ti
شاكرة لج على مرورج وان شاء الله اسوي اللي قلتي عليه وعود نفسي ان مااتعود على الخرجات وايد وتقبلي تحياتي مجنوننها هلابيج حبيبتي ان شاء الله راح اجاوبج اول سوال: معقود قرآنا من سنه ونصف ثانيا : موقريبي هو غريب ثالثا : مافي خلافات بينه وبين اهلي هم يحبوه وهو يحبهم رابعا : وضعه المادي ووضع اهلي لابأس فيه ولله الحمد بس السفرة من عند اهلي وهم بياخدوني معاهم خامسا : نعم تم تاجيل موعد الزواج مرتين متتاليتين لكن مومن قبل اهلي من ظروف الحياة وربي يسهل ان شاءالله وشاكرة لج اهتمامج ام جوري 07 هلا اختي اولا شكرا لج على مشاركتج والله حبيبتي ان اتناقشت معاه بهالشي حتى وصل للزعل من كلمة قلتها له ان مالك حق عليي قال هي الدنيا سايبه انتي زوجتي ومافي حد يقدر يمنعني بحقوقي الله كريم |
المجاهد
هلا بااخي الفاضل لاحنا مالكين طبعا وشي طبيعي لو انا موزوجته مابكلم رجل غريب لا وبعد يتحكم فيني مااسمح لنفسي اصلا واما انتي ببيت اهلك وماله حكم عليج الا اذا رحتي بيته فاقول لك واقول لباقي الاعضاء اللي قالوا مثلك ان اهلي معاه قالوا لي زوجج وبكيفه لازم تاخدي شوره رضى رحتي مارضى خلاص مولازم تروحين مانقدر نمنعه ويزعل علينا ولك تحياتي loliy جزاج الله كل خيريالغالية ومشكورة على الدعاء فأنا احتاج للدعاء gamar2 اي والله صدقتي اختي مدلعته انا وايد من كثر ماارفض له طلب وشاكرة لج مرورج يتيم هلابك اخي يتيم اذا قلت الطاعه ماتجب الابعد الدخول مثل النفقه لاتجب الابعدالدخول اذن فهو ينفق الان فلذلك تجب الطاعه؟؟والا شووو والله احترت في امري ماعرف شو اسوي فتقبل كل احترامي روز الشرقية شاكرة لج مرورج حبيبتي وعطاج الله العافية ان شاءالله بحاول اتناقش اكثر وربي يجيب اللي فيه الخير |
والله مشكله
يمنعك من السفر ومن المناسبات وانتي للحين عند هلك ؟؟ كيف اجل اذا تزوجتوا؟؟ مبين خطيبك شديد ويحب يفرض رايه بدون سبب اختي تفاهمي معاه انك محتاجه تغيرين جو ولازم تختلطين مع الناس مو معقوله يحبسك بهالشكل الله يهديه ويسخره لك يااااااارب |
ام خالد
اهلا بيج عزيزتي والله موعارفه هو شديد لو لا سافرت قبل كذا مع اهلي ما مانع مسكين وقلت له محتاجة اغير جوو بس مستغربة بردة فعله يقولي انا عايشه بتهاون بالحياة نوم واكل وسهر وتبين تسافرين يقول لازم احس احساس المسئولية وانا والله العظيم مااحس اني متهاونة ابدا شسوي طيب وشاكرة لج مرورج وعطاج الله العافية |
السلام عليكم
اختي الفاضله الله يحفظك ويحميك حبيبتي مافي لادلع ولا شي خذي الامور بالسياسه اتصلي عليه وقولي له بكل هدوء وحنيه ودلع ونغوجه كمان ((( حبيبي بالنسبه لموضوع سفري مع اهلي ايش قررت؟؟؟ اذا قالك لا وعصب ووو على طول انهي الموضوع من غير مايكمل عصبيه وقولي له حاضر حبيبي ولا تزعل ولا شي ابشر خلاص مارح اسافر اهم شي ماتزعل ولا تعصب )) وسكري الموضوع وغيري الموضوع وسولفي واضحكي ونكتي وووو طبعا هو راح ينطفي زي اللي صبيتي عليه ماء بارد بعدها بكم يوم.. لما تكلميه (((حبيبي ودي اقولك شي واستشيرك بشي بس لاتعصب ولاتزعل مني.... خير حبيبتي فيه شي... بصراحه حبيبي انا خايفه ... من ايش حبيبتي... خايفه اجلس لوحدي بالبيت لما اهلي يسافرون ووووو انت ايش رايك ؟؟؟ اذا قال لأ ومصر على رائيه قولي طيب انا ماقلت اني بأسافر انا قلت اني خايفه وابغاك تنصحني ايش اسوي طبعا هذا كله وانت هاديه وبدلع وبعدين اسأليه حبيبي انا كيف انظم جدولي في الفتره اللي يسافروا فيها اهلي؟؟؟ ايش رايك اسجل بنادي ترفيهي ثقافي وصدقيني بيحن عليك ويوافق اهم شي اهم شي 1_ وافقيه في البدايه ولا تعارضي. 2_ لما تفتحي الموضوع مره ثانيه لازم تختاري الوقت المناسب. 3_ الهدوء والدلع والحنيه في التخاطب. وصلي واستخيري في السفره نفسها والله يوفقك انت وزوجك ويألف بين قلوبكم ويحنن قلوبكم على بعض |
صح نسيت اقولك
ليه ماتقولي له يسافر معاكم :17: اذا كانت 10 ايام مره راح تنبسطوا مع بعض وحتى هو يغير جو اسأليه قولي له حبيبي طيب ايش رايك نتقابل هناك نغير جو انا وانت ونجدد نشاطنا ومن هذا الكلام شوفي ايش يقول والله ييسر امرك |
ايه والله انا بعد اقترح انه يسافر معاكم ..
بتستانسون .. صدقيني.. شوفي انا احس انه ماله حق يمنعك من السفر.. يعني يسافرون اهلك واتظلين انتي بروحك .. مع اني مالومه يمكن لانه بيشتاقلك وماراح يقدر يشوفك .. بس الي مستغربه منه شي واحد .. ليش مايخليك تطلعين مع اهلك .. ياختي ضروري .. ضروري اتعرفين الاسباب.. لان مو حلوة من الحين يمنعك تطلعين مع اهلك بالمناسبات والي فهمته من كلامك انه دايم يمنعك من الطلعه وياهم .. لازم اتعرفين الاسباب... بهدوء طبعا .. وبدلع .. |
روح الغالي
سعدت بمرورك جدا لاتسعني الفرحة بأهتمامك بموضوعي ردك افرح قلبي وعلي اللي قلته ان شاءالله راح اجرب هاليومين واشوف شو بيصير؟واقولكم الا ان مااعرف اتدلع هههههه بس يالله وعلى يسافر معانا فتحت هالموضوع والكل اقترح بس ماعنده اجازة ومايقدر يسافر ويترك الشغل وربي يسعدك ياروح الغالي ويوفقك ولك كل الاحترام |
ام وداد
غاليتي ام وداد شاكرة لج مرورج العطر مثل ماتفضلت قبل ان انا اقترحت علية السفر بس ظروف العمل ماتسمح يروح فهذة بعد المشكله فلو عنده بعد اجازة مااظن بيروح واللي يمنعني من الطلعه معاهم (مواهلي بيتنا بيت ابوي) ( يمنعني منهم مثلا اقربائي اهل امي اهل ابوي) يقول مايبني اروح واجلس معاهم ولااحتك معاهم يمكن لان صارت وايد مواقف بيني وبينهم فزعل و اخد موقف منهم لان كنت ازعل واشتكي له فقال شو لنا بالمشاكل خلج بالبيت ابرك فأنا انسى الزعل واحب اشوفهم مرة ثانية لكن هو خلاص اسفة حبيبتي اطلت عليج ولج كل الاحترام |
اها اوكي.. الحمدلله .. دام جذي .. معاه حق ابعد عن الشر وغنيله ..
شوي شوي حاولي تقنعينه .. وحسسيه ان القعدة بروحج ترعبج .. |
ماتقصرين ياأم وداد ان شاء الله احاول
|
السلام عليكم ورحمة الله ...
عفواً .. أنا رجال مهوب حرمة بالنسبة لأسألتي اللي سألتك : تحليليها يحتمل لاحظي (( يحتمل )) التالي : 1- سنة و نصف معقود قرانكم كفيلة أنها تجيب بعض المشاكل . 2- ممكن أنه منقهر وضايق صدره .. لأن العالم بالصيف تتزوج وتسافر وانتم توكم ما تزوجتو . 3- ممكن أنه يحس أنك لما تسافرين بتتركينه وماله أي قيمة .. حتى لو أنتي عند أهلك . 4- ما فيه أي سبب مقنع علشان يعارضك على السفر . أسأل الله لك التوفيق والسداد ،،، أخوك علي . |
المفروض يخليكي اتروحي لان مازلتي في بيت اهلك لما تزوجي تالي على راحتة
واتمن من اعماق قلبي لة بالهداية انشاء الله |
مجنوننها
عذرا مجنوننها يمكن صحيح الاسباب اللي قلت عليها لان حددنا زواجنا وبعدين عشان الظروف لغيناه ومضايق عشان ظروفنا وكنا بنعرس فكل شي تغير وبتركة وبسافر وهو لحاله يحاتي العرس وشو يسوي وشاكرة لك اهتمامك اخي العزيز ملاك عمري شاكرة لج مرورج العطر فتقبلي تحياتي |
السلام عليكم ..:d
هذي الأيام إذا كلمتيه قولي له : والله بنسافر .. وفراقك صعب .. و هالسفر ماله طعم لأني على طول بشتاق لك و السفر اللي أنا بأنبسط فيه لما أكون معك .. ومن هالكلام خليه يحس بأنك ماتبين تتعدين هالديرة بدونه صدقيني .. صدقيني .. والله بطيح اللي براسة و يصير الموضوع عنده عاااااااااادي |
لا تقنعينه هو! لأن شكله ما منه أمل!
أقنعي الوالد.. طالما ما ينفق عليك ولا دخل فيك.. فماله حق يطلب هالطلب! قولي للوالد لو مرضت والا صار فيني شي.. شسوي؟! لو دخل علي حرامي..واستفرد فيني.. شسوي؟! لو اسم الله عليك اغمى عليك والا صارت حريقة بالبيت.. شتسوين؟ لازم يقتنع الوالد بأي طريقة.. إذا اقتنع خليه يكلمه..ويقول له ما اقدر أخلي بنتي لحالها!! ترى صدقيني.. إذا الأهل ما رزو بنتهم و سووا لها قيمه.. الزوج اللي زي شخصية زوجك يستقوي عليها أكثر...وما يترك أي مناسبه علشان يتحكم.. مافي شي أسمه وحده تقعد بالبيت لحالها 10 أيام.. ما أبي اسيئ الظن.. بس إذا ما كان دخل عليك.. فهو ناوي خلال فترة سفر الأهل.. لما يخلى له الجو ينفذ المخطط اللي براسه!!!! الله يوفقك.. ويلين راس زوجك.. ويخلي شخصيته سمحه.. قولي آآآآمين.. وإذا وافق إن شاء الله كافئيه أحلى مكافئة( أترك لك حرية الأختيار) وبيني له شكثر أنتي فرحانه وتشكريه كثييييييييييييييييير..علشان يعرف الفرق بين لما يكون رقيق ومتفهم لك.. وبين لما يكون عنيد ومتحكم فيك.. |
الله يكون في عونك والله
|
اشكر الجميع من اهتم لمشكلتي وجزاكم الله كل خير احبتي
|
انا مستحيل اوافق سبق وسافرت مع اهلي للامارات مرتين
ومع اخوي اروح البحرين مستحيل ارضا يمنعني عن اهلي مهما صار الله يعينك حبيبتي |
دلوعته
هلابيج حبيبتي شاكرة لج مرورج حبيبتي لكن انا سافرت من قبل مع اهلي مامانع بس مدري ليه هالمرة وعلى السفر دايما نروح البحرين مع بعض ورحنا الكويت مع بعض في السفر عادي بس هالمره مدري شوبلاه وربي يعطيج العاافية |
تبغين الصراحه انتي عودتيه انه يتحكم فيج! لازم لازم يكون لج راي مو معقوله يمنعج انج اتسيرين مع اهلج سواء طلعات ولا سفر! هاييل اهلج! عيل ويا منو يبغيج تطلعين! لازم اتكون لج كلمه! وما ادري ليش ما يبغيج اتسافرين ويا اهلج! عيل تيلسين بنت بروحج في البيت مب عدله! خلي الوالد يكلمه
|
يمكن يغاار عليج ..اني حجابك كامل ؟؟؟؟؟ يمكن يقول لنفسه ايه بتسافر وانا بلحالي ولالي قيمة وهي بتروح وبتنسه ويمكن خايف عليك من نظرات الشباب اذا ما تلبسين برقع
|
امممممممم ما ادري والله اختي
انا زوجي ما يرضى لي اسافر مع اهلي حتى لو للبحرين :) وتعودت على هذا الوضع بس الي مو عادي انك تجلسين بالبيت لحالك المفروض هو يخاف عليك يعني صعبه مافيه احد بالبيت وتجلسين قولي له اهلي يقولون ما اجلس بالبيت لحالي الله يسخره لك يااارب |
شاكرة لكم جميعا مروركم الجمييل
فتقبلوا كل احتراامي |
ماشاء الله تبارك
أخي المجاهد كفى ووفى كعادته قدم لك الحل المناسب |
معليش والله انتي ببيت اهلك لسى ماله حكم عليك
وانتي لا تطاوعينه ..من الحين يناغشك ويعاندك واهلك هذول مو اجناب يخاف عليك منهم رفضه مرفوض نهائيا تعالي له بأسلوب ولا دخلي اخوك ولا ابوك في السالفه اما تقعدين في البيت لحالك خير ان شاء الله ؟؟؟؟؟؟؟؟؟؟؟؟؟؟؟؟؟؟ |
| الساعة الآن 12:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©