الله يخليكم لاتهملون موضوعي
 

الله يوفقك ويسعدك...ويكتب لك اللي فيه الخير

ممكن تسألينه...كيف علاقته مع ربه....الصلاه و..و..

ومعاملته مع زوجته وأبنائه...وانك ما تحبين تتسببين بأي مشاكل...ولماذا التفكير في الزواج من ثانيه

وممكن تكلميه عنك..مثلا....

ان شاء الله الي يدخل يكون عنده درايه أكثر مني..ويفيدونك..

بالتوفيق..

يافوح البساتين الله يوفقك دنيا واخره ويحقق لك الي تتمنى ..

ام خالد

الله يسعدك يارب على نصايحك

لكن اختي .. هو سبق وان تقدم لوحده اصرت على ان زوجته تدري بالزواج لكنه رفض وراح ومارجع لهم

وبصراحه بصراحه انا ارتحت لهالشخص من جد .. وخايفه لو اصر على هالشي يروح بلا رجعه

والشي الثاني طبعا الزواج بإذن الله راح الكل يعرف عنه من قرايبي والناس كلهم ماعدا زوجته لانه مايبغى شوشره من البدايه لان زميلتي قالت بالعكس هو يبغى الاستقرار ورغبته بالزوجه الثانيه رغبة حقيقية


وان شاء الله انا راح اسأله وش سبب الرغبة هذي .. عشان اعرف الاسباب ..


وتسلمين يالغاليه على مشاركتك وردك علي ... والله يوفقك يارب و يسعدك..

يارب ييسر لك الخير ..

واذا فيه خير لكي ييسر ويرضيكي بي ..


ويجمع بينكم في خير ..

انا ولهانة.. الله يوفقك اختي الغاليه على دعواتك الحلوه ..

الله يوفقك ويسعدك...ويكتب لك اللي فيه الخير

عروس بالاسم

الله يوفقك انتي بعد ويسعدك وينول لك الي ببالك يارب..

هالأمور تجي كذا بدون تخطيط"الأسئله"

الله يوفقك ويسعدك...ويكتب لك اللي فيه الخير

مادام انك استخرتي ارتحتي إن شاء الله الأمور تعدي على خير

الله يكتب لكٍ اللي في الخير ويسخرك الزوج الصالح يارب

تقبلي مروري \\طيف سحابة\\

الله يوفقكم يارب ومشكورين على نصايحكم

وربي اكثر شي اسعدني دعواتكم لي بالخير ...

تسلمين ياقمر النساء

ومشكوره اختي الغاليه على مساعدتك لي ..

وبالفعل الاسئلة الي قلتي عنها بعضها ما خطر على بالي ..

والله يجزاك الف خير .. والله يكتب الي فيه الخير ان شاء الله ..

شوفي اختي الله يكتب اللي فيه الخير للك ومو عيب ان الوحده تكون زوجه ثانيه يمكن ان الرجال حلاله واجد ويبي يمتع عمره بالحلااال ادرسي الرجل واذا كتب الله بينكم نصيب خليه يعطيك وعد انه يخبرها في مو ضوع زواجكم بأقرب فرصه شوفي انا عندي تجرررربه من وحده اعرفها ان زوجها تزوج عليها وبعد شهر العسل علم الاولى صدقيني راح يعلمها بس مسأله وقت واهم شي ان المجازفه برجال متزوج اهم شي قادر انه يصرف على بيتين واطفال بالمستقبل ولا يمنعك من الحمل ممكن ماتعرفين نيته لعب ولا اي شي صدقيني اختي يا ما في رجاجيل تزوجوا الثانيه وصار لها مكانه بقلبهم وصارت شي مهم بحياتهم

أهم شي تسأليه عن صلاته -1-
أخلاقه -2-
عمله و هل كسب رزقه بالحلال و لا لأ ... لو ما قدرتي تعرفي منه مباشرة لا بد ان تسألي معارفه - 3-

و على كل حال انا أنصحك أن يكون كلامه معك بمعرفة أهلك

هلا وغلا بك اختي فتون .. صحيح ان الزوجه الثانيه مافيها شي .. ولكن وربي اني شايله هم زوجته الاولى ان عرفت بموضوع الزواج .. ان ربي كتب بينا نصيب .. والله يسهل ان شاء الله ..
ومشكو ره على مرورك ومشاركتك لي .. والله يوفقك ويسعدك.

هلا وغلا بك اختي ماريا.. ان شاء الله ان كسب رزقه حلال واكيد ان شاء الله هالاشياء لابد من السؤال عنها..

وبالنسبة للمكالمه امي تعرف بالموضوع

وشاكره لك مرورك صفحاتي ومشاركتك لي ..والله يوفقك .

اولا وقبل كل شيء .....المكالمه هذي يدرون عنها اهلك.....ولا سر بينك وبينه...؟؟؟

اذا كانت سر فانا اشوف انها اكبر غلط.....واذا تبون تجلسون مع بعض و يسألط وتسألينه فهذا من حقكم.....يجي يتقدم رسمي......وانتي تعرفين الباقي.....

المهم بالنسبه لاهم الاسئله.......هل هو مواظب على صلاته....؟؟,,,,,,مدى التزامه بالدين؟؟؟.....حاولي قدر الامكان تعرفين علاقته باهله......و زوجته الاولى......لان اللي مافيه خير باهله مراح يكون فيه خير فيك.....





والله الموفق



دووووووووت

عزيزتي بل غاليتي :
قلت في بداية حديثك أن لكل شخص وجهة نظر خاصة بها .. وأنا الآن أطرح أمامك وجهتي نظري ..
الاستخارة في هذه الأمور أمر لا بد منه وتتبعها استشارة أهل الرأي السديد .. وفقك الله لما يحبه ويرضاه .. ولكن لماذا استخرتي هل لتكلميه في الهاتف أم لترتبطي به كزوج .. عليك بالاستخارة مرة واثنين وثلاث ثم وكلي أمرك لرب العالمين هو وحده سبحانه أعلم بمصلحتك واين الخير لك ..
عزيزتي : لو لم تحدثيه لكان أفضل ولكن بما أنك قد حدثتيه فأسليه قدر ماتستطيعين كما أفادتك في ذلك الأخت ((قمر النساء )) وبقية الأعضاء الكرام ..
ولكن لا تقدمي على أي خطوة حتى تكوني متأكدة منها ومطمنة لها تماماً ..
وفقك الله حبيبتي وإن شاء الله نسمع خبر زواجك عن قريب ..

هلا بك .. المكالمة يدرون عنها اهلي ..وان اتصل ان شاء الله بسأله هذه الاسئلة .. وشاكره لك مشاركتك ومرورك ...

هلا بك اختي الغاليه .. انا الحمدلله استخرت تقريبا ثلاث مرات .. وفيه كل مره اشوف بمنامي اشياء حلوه صحيح انه ينقصها شي لكن بالنهاية تكون حلوه.. وبعد الاستخارة احس بارتياح شديد اتجاه هذا الشخص ..
وانا استخرت بزواجي منه مو عشان المكالمه لاني رفضت بالبدايه مكالمته لكن اصرت علي زميلتي بحكم انه انسان عاقل وكبير ويبغى يشوف اسلوبي وعقلي قبل مايقدم على اي خطوة رسمية ...

ومشكوره يالغلا على مشاركتك ..

قصايد شوق نصيحتي لاتكلميه مادام لايوجد رباط رسمي بينكما أقصد انه يدخل في حكم الأجنبي (ليس بمحرم) فلا تجوز محادثته... عندما يخطبك ويعقد القران يكلمك وقبل ذلك لا كي لاتقعي في الأثم... واتمنى لك السعاده واسأل الله لك لوكان فيه خيرا لك بأن يجعله من نصيبك ولوكان فيه شرا لك بأن يصرفه عنك ويعوضك بأحسن منه...

أختي الكريمه
لامانع أن تكلميه أبدا فكما هو يريد أن يتعرف على نفسيتك وشخصيتك فهي أيضا فرصه لك
لتتعرفي على شخصيته وعقليته وأي نوع هو من الرجال فالله عزوجل يقول
(وَلاَ جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاء أَوْ أَكْنَنتُمْ فِي أَنفُسِكُمْ عَلِمَ اللّهُ أَنَّكُمْ سَتَذْكُرُونَهُنَّ وَلَكِن لاَّ تُوَاعِدُوهُنَّ سِرًّا إِلاَّ أَن تَقُولُواْ قَوْلاً مَّعْرُوفًا وَلاَ تَعْزِمُواْ عُقْدَةَ النِّكَاحِ حَتَّىَ يَبْلُغَ الْكِتَابُ أَجَلَهُ وَاعْلَمُواْ أَنَّ اللّهَ يَعْلَمُ مَا فِي أَنفُسِكُمْ فَاحْذَرُوهُ وَاعْلَمُواْ أَنَّ اللّهَ غَفُورٌ حَلِيمٌ) [سورة: البقرة - الأية: 235]
ولذا يجب أن يكون كلامك معه في نطاق القول المعروف ولاتخرجي عنه أبدا لتكسبي رضاء الله أولا
وإعجابه ثانياوعند الكلام معه كوني عاديه جدا وعلى طببعتك وبدون أي تكلف
حاولي أن تسمعي منه أكثر مماتتحدثين وإذا تحدثت فقط لتجعليه يتحدث أكثر
لاأنصح بأن تسأليه عن زوجته وأولاده أبدا فأنا أعتقد بأنه سيتضايق من هذا الموضوع
إذا تكلم معك من تلقاء نفسه عن زوجته وأولاده فاسمعي منه وتجنبي التعليق
تكلمي معه عن المستقبل وعن خططه المستقبليه
أسأل الله عزوجل أن يتمم لك بخير وأن يسعدك في الدنيا والآخرة

السلام عليكم و رحمة الله

أهم شيء لا بد من زوجته الأولى تعرف ضعي أنت نفسك موضع هذه الزوجة كيف سيكون ردة فعلك زوجك تزوج عليك و لم يخبرك ثاني شيء كلميه لتتعرفي على شخصيته لكن احذري من مكائد الشيطان و الله الموفق

الشريف العلمي الله يجزاك خير على نصيحتك وشاكره لك تعاونك معي .. والله يوفقك .

ربي يسعدك دنيا واخره ويوفقك يارب

وان شاءالله ادا كان فيه خير يكون من نصيبك وادا كان فيه شر يبعده عنك

اتمنالك كل خييير وان شاءالله نسمع اخبار حلوه عنك قريب

كارولين الله يجزاك الف خير على دعواتك الحلوه

وربي يوفقك ان شاء الله ويرزقك باللي تتمنيه.

خليكي معه علي طبيعتك وتكلمي بكل صراحه ووضوح في اي سؤال تحبي انت تعرفيه موش عيب لا تخافي لو لكي نصيب في شيء سوف تنوليه وربنا يوفقك للصالح

ولماذا التفكير في الزواج من ثانيه؟

لا تكثري من هذا السؤال.


مع التحيه والبتوفيق وخليك على طبيعتك ولا تصطنعين شي ولا تتكلفين

والرجال يحبون البساطه خليك بسيطه في كل امورك