|
مشكلتي مع خطيبي وزوج المستقبل ان شاءالله
السلام عليكم
حبيب بالبدايه تقبلوني صديقه جديدة واخت ان شاءالله لكم وهذة اول مشاركه لي بالمنتدى اولا انا ودي اتكلم لكم عن اللي بقلبي وابيكم تساعدوني انا مخطوبه من شهرين تقريبآ ومشكلتي مع خطيبي ماطلب يكلمني ولا حتى طلب ملكه<عقد قران> والصراحه هالشي مخوفني كثير لاني احسه بارد بمشاعره وخصوصآ كل اللي اعرف انه اول ماتتم الخطبه يكون متلهف على سماع صوت خطيبته وبعظهم يطلب قبل الملكه وهذا الشي خوفني منه اكثر حتا اخواني واهلي يسألوني ليه ماطلب والله خايفه ساعدوني الله يجزاكم خير والمهر قدمه تقديم تقليدي من دون هديه اخاف ان تفكيرة قديم او بخيل لاتبخلون علي بردودكم والله مااستغني عنكم والف شكر |
حبيبتي
انا مثلك انخطبت وجلست فترة وخطيبي لاحس ولاخبر رحت اقصد تشجعت وقلت للوالده متى الملكة اسأليهم ودقت عليهم وحددوا بتقولين صعبه وانا بقول عادي مافيها شي يمكن خطيبك واهله لهم عادات ان البنت عندهم ماتملك الاقبل الزواج باسبوع ويحسبون انتم مثلهم فتشجعي وكلمي امك و ان شاء لله خير نسيت اقولك ان زوجي نفس الشي في البدايه يحسبنا مثلهم والحمدلله انا ملكت وزواجي بعد شهر ادعيلي موفقه |
هلا والله بعروستنا
يالغاليه لاتقلقين هذا شيء طبيعي وتلقينك بعد ظلمتيه تلقينه كمان هوه متلهف بس ماعنده اللي يفضفض له او يوصل لك مشاعره بالعكس الخاطب يبي يعرف عن مخطوبته كل شيء وتلقينه قاعد يسأل عنك وعن صحتك بس مافيه احد يعلم عنه يمكن انه يهرج مع امه او اخواته وترى بعض الناس يستحي يقول ان العريس دايم يهرج عن عروسته خوفا من اهل العروس يعني يحسبونه خفيف او من هذا الكلام ارجو ان تكونين فهمتي قصدي بس فعلا انتي اسألي واعرفي متى الملكه وهذا ماهو عيب او حرام دعواتي لك يالعروس بالتوفيق والسعاده يارب اختك ام الشقرديه |
مشكورة اختي على المشاركه وتفاعلك معي والله يوفقك ويسعدك
بس احنا سألناهم وقالو اهله ماتعودنا على الملكه تكون بدري وبعد قالو انه هو اصلا ماطلب عموما الله يوفقك ومشكورة |
الله يوفقك ويسعدك يارب ياشيخة الزين
بس لاتنسين تدعين لي |
ام الشقرديه مشكورة اختي على تفاعلك معي بس زي
ماقلتلكم ان اهله ماتعودو على الملكه تكون بدري الا قبل الزواج باسبوع وانا خايفه احس من حقي افهمه واعرف تفكيرة دعواتكم |
أختي الكريمة
انا خاطب من شهرين والناس إلي خطبت منهم ماهم من اقرباي تصدقين ان اخبارها ما تجيني إلا بالقطارة ولما ادري ان الخطيبة كلمت وحده من خواتي على طول اسوي اجتماع مغلق ( تحقيق بالعربي ) وابي اعرف التفاصيل. السؤال: هل هي تدري وش يصير فيني؟ هل هي تدري ان النوم ما يجيني للفجر والسبب هي ؟ انا اقول طولي بالك في شيء قاعد يصير وانت ما تدرين عنه. تمنياتي للجميع بالتوفيق |
وعليك السلام ورحمة الله وبركاته أختي الكريمة .. ألف مبارك إن شاء الله وبارك الله لكما وبارك عليكما وجمع بينكما في خير بالنسبة لموضوع خطيبك ... أولا : إتصالاته ,, أختي يمكن هو بفضل يكلمك بعد عقد القران عشان يياخد راحته معاكي .. وهو أفضل لأنك تكوني زوجته شرعا .. ثانيا : إنتي قلتي مقدم مهر يعني مستحيل يتردد أو يغير رأيه .. فما تخافي .. وبعدين مو شرط يقدم هدية مع المهر .. ترى المهر أكبر هدية .. ثالثا : وبالنسبة لموعد الملكة أكيد هو يرتب أموره .. فأرى أن ممكن حد من أهلك يكلمه ويلمحله على شو ناوي .. عليك بالصبر قليلا والدعاااااء .. الله يوفقك |
السلام عليكم..
السبب واضح من عنوانه.. بسبب عدم حدوث الملكة أو عقد القران.. فعلى أي أساس يكلمك.. من الأساس المكالمات وتبادل الحب قبل الملكه بها إشكال شرعي.. يعني لو تم عقد القران يحق له أن يتبادل معك كل أنواع الحديث والكلام.. لكن يحق له فقط في هذه الفترة التي تسبق عقد القران السؤال عنك فقط وعن إحتياجاتك فقط لا غير.. ولا يجق لكما تبادل الحب والغرام وغيرها...... كل التوفيق لكما وجمعكما الله بالمحبة إن شاء الله.... |
اقتباس:
لازم الخطيب يكون محرج قليلا حتى لو كان رجل لو كان منفتح هذا لازم تخافين منه وليس الساكت كما ان المهر ينبغي الانتباه لشغلة مهمة الرجل في فترة الزواج يكون قبلها بسنوات قد جاهد وحاول التحويش وما الى ذلك فما دفعه لك يكون من دم قلبه وتعب فيه والترتيب والتجهيز سواء لمخطط الشقة او البيت او الغرفة مثير للقلق والصداع ولو قدم كل شي على احسن وجه مع الاكسسوارات الملاحقة اعتقد انه غير طبيعي لانه فعلا يحتاج لتعب شديد كما ان طقوس الزواج تختلف من بيت الى بيت فكما ترين فيه غرابة في التقديم فقد يكون راى غرابه فيكم في شيئ آخر ولكنه سكت مستحيل ان يكون بيتين متجانسين في التصرف وطقوس الزواج ومقدماته واكسسواراته الا نادرا ومع الوقت ، حبة منك وحبة منه وتشوفينه مثل الارنب ان شاء الله . لايمكن ان يكون الانطلاق بقوة من البداية اولا يبدا ب :24: ثم :15: ثم :25: ثم :23: ثم :14: |
اقتباس:
اولا السلام عليكم مشكور على ردك لموضوعي بنسبه لك انا مااتوقع ان خطيبتك تدري عن اللي فيك والله يسعدك ويا خطيبتك ان شاءالله مو هذا اللي قاهرني اني ماادري وش اللي بيصير معي الف شكر |
اقتباس:
انا ياقلبي مو اقول يكلمني قبل الملكه انا ابيه يقول ودي اتملك عشان اكلمها لانه ماطلب ملكه من الاساس ولا تكلم بهذا الشي مشكورة اختي والله يوفق الجميع |
اقتباس:
والله يبارك فيك حتى انا والله افضل اكلمه بعد الملكه بس مشكلته ماسأل عن مو عد الملكه وهذا الشي مخوفني كثير صحيح مو شرط تقديم هديه مع المهر بس كثير من الناس يقدمون المهر ومعاه هديه للعروس والله احنا كلمناهم عن موعد الملكه وقالو احنى متعودين قبل الزواج بسبوع وانا ودي اكلمه قبل ودي افهمه ويفهمني والاهم ابي رهبه الزواج تروح والله يوفق الجميع |
اقتباس:
هههههههههههههه حلوة مثل الارنب والله كلامك حلو ومشكورة على تفاعلك معي |
السلام عليكم ورحمة الله وبركاته
أهلا وسهلا فيكي أختي معانا بالمنتدى ... والله يا أختي أنا زيك بالضبط بس لي الحين تقريبا سنتين مخطوبة وزواجي بالصيف بإذن الله .. وكنت أحس نفس إحساسك أقول معقولة ما طلب يكلمني أو يطلب نسوي ملكة ...:( صراحة إحساس مرررره يضايق .. لدرجة إنو ياكثر ما كنت أبكي والله بس أرجع وأقولك اتطمني .. أكيد بيصير فيهم نفس الشيء الله يوفقك ويوفقنا كلنا يارب |
اقتباس:
الله يوفقك يارب ويسعدك يااحلى قمر تصدقين نفسيتي من هالشي مرة تعبانه خصوصآ ان مجتمعنا اول ماتنخطب البنت العريس يطلب يكلمهاعلى طول والله مااتوقع انهم يحسون باللي احنا نحس فيه لانه لو يحسون كان اطلبو وش اللي يمنعهم لاكن مااقول الا الله يحنن اقلوبهم علينا والله يوفق كل عروسه ومشكوووووووووووووورة |
تم دمج الموضوعين
|
دام هم متعودين على موعد الملكة قبل الزواج باسبوع .. فالله يعينك أعتقد أنها صعبة شوي خصوصا على البنت .. لأنه من حقكم ان تتعرفون على بعض أكثر .. حاولي مع أحد من أهلك يكلمهم ويخليهم يقدمون موعد الملكة شوي .. أما إذا مافي مجال .. فعليك بالصبر والدعاء لكما بأن يوفقكما الله .. والله ييسر أمورك حبيبتي .. الله معك |
اقتباس:
مراحب ام اليمان أشكرك اختي على المشاركه اللهم آآآآآمين والله يوفق الجميع لاتنسوني من دعائكم |
الله يوفقج حبيبتي
|
عزيزتي اولا الف مبروك الخطوبة .. :14: :14:
ثانيا.. ليش ماتقولين لأبوك او احد اخوانك يكلم خطيبك ويسأله (متى ودك تتملكون؟؟) واذا قال قبل الزواج باسبوع .. خليه يقوله ليش ماتتملكون الحين علشان تفهمون بعض وتزول الرهبة بينكم قبل الزواج !! لأني ملاحظ ان عروستنا متخوفة مررررررررررررة ونفسيتها تعبانة من التفكير.. :24: فهمتيني ؟؟ يعني خلي ابوك يتكلم معه على انها وجهة نظره هو :25: .. واذا ماعندك جرأه تكلمين اخوك كلمي امك وخليها هي تكلم ابوك او اخوك.. الله يوفقك ويسعدك ... بانتظار اخبارك |
اقتباس:
آآآآآآآآآآآآآمين يارب وتسلمين يالغاليه والله يوفق الجميع |
اقتباس:
بعد قلبي انتي تسلمين يالغاليه والله يبارك فيك يارب شوفي ياقلبي انا ماابيها تجي منا احنا انا ابيها تجي منه هو مو من اهلي ودي احساسه ومشاعرة تتحرك من نفسها مو احنا اللي نحركها لان امي لمحت لامه بس شكلهم مايبون الحين فهمتيني وانا صراحه اللي مستغربه منه ان الشباب تفتحو وماصارو زي اول يالله اهم شي التوفيق ولاتنسوني من دعواتكم ومشكورة قطرة مطر |
الله ييسر الأمور
وخبرينا شو بيصير معك الله يسعدك |
و الله يا اختي ما بعرف
بالنسبة لي أعتبر الأمر هذا غريب لكن أعتقد أن الأمر تابع لعادات البلد و يختلف من بلد لأخرى ابقي طمنينا عنك و ألف مبروك على الخطبة و لو انه بعد شهرين هههههه |
اقتباس:
آآآآآمين الله ييسر اموري وامور كل مسلم ان شاءالله بخبرك بكل جديد ومشكورة |
اقتباس:
اهلين ماريا لا عاد لاتبالغين مو غيرب بس قليل من نوعه ههههههههه الله يبارك فيك وان شاء الله بقولك عن الجديد |
وين الردود وين تفاعلكم
تدرون لين الحين لا حس ولا خبر ادعولي |
ممكن بيكون خجول ولازم تصبري علية
واذا كنت مستعجلة على عواطفة كلمية انتي ب وربنا يوفقك ويفتح عليكي الاشراف: 1_ ارجو الابتعاد عن اللهجات المحليه. 2_ ارجو كتابة رساله خاصه بأسمي ( روح الغالي) في عالم الرسائل الخاصه للأهميه .. |
طيب اش رايكم في اللي مايحوش وجاي بطوله وبارد ولايطلب ملكه هذا اش بتقولون عليه
|
لا تجعلي نفسك ألعوبة بوسواس الشيطان , أكيد الرجل يرتب اموره وأشياء لا تدرين أنت عنها
فأتمنى انك تقدريها بدل أن تستسلمي للوسواس |
هلا بج اخت عزيزه فالمنتدى...
حبيبتي ترى وضعج عاااااادي .. ومافيه شي يخوف ترى الناس طبايع وكلن يمشي حسب طبعه.. وعاداته وتقاليده في ناس تملك وتتزوج وهي ماسمعت صوت الزوجه قبل العرس وبالنسبه للهديه .... يااختي المهر يسمى هبه ... يعني هو الهديه تقدم للعروس يعني انتي تريدين المهر وفوقه بعد هديه ثانيه مو معقوله.. يمكن انتو العادات عندكم جذيه ... بس مو الكل يسويها لاتستعجلين الامور .. وانتظري لين تملكون وتخلصون هذيك الساعه اكتبي لنا مشكله نقدر نحلها |
انا احب هذا المنتدى كثير وجزا الله القائمين عليه
انا شاب خاطب من 3 شهور- ماكلمت خطيبتى ولامره! لكن فى الاسبوع الماضى رحنا زياره لهم بمناسبه نجاح الخطيبه ،وقدمت لها هديه عباره عن موبايل راقى. شويه شويه بقيت ارسل لها رسائل وهى ترسل لى ،واليوم كان اول اتصال بالتلفون وانا اليوم سعيد جدا لان اتكلمت معها ارجوكم ادعو لى |
| الساعة الآن 08:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©