|
خطيبتي على الصامت
أخواني أخواتي عندي مشكله ياليت تساعدوني على حلها
مشكلتي اني مملك من سنتين واكلم خطيبتي يوميا والوضع عادي لكن المشكله ان زوجتي ماتتكلم ائما ساكته يعني لو ماتكلمت انا ماراح تتكلم واذا قلتلها ليش ماتتكلمين تقول ماعندي شي اقوله ماتسألني عن امور الزواج والترتيبات ولاتسألني وين نسافر يعني ولاشي حتى ماتعلمني عن الحاجات اللي تسويها والمشكله ادري من ناس اخرين ولما اسألها وش رايك نسافر هنا او هناك او اطلب منها تشاركني في اي شي يخصنا تقول لي مدري او بكيفك طبعا كلام حب ما كلام حب انسوا واذا قلت لها ليش ماتتكلمين تقول لي والله هذا طبعي انا احبها وانا متأكد من حبها لي بس ابغى منكم تساعدوني كيف اغيرها وهل اللي قاعد تسويه طبيعي لانها مثلا مستحيه؟؟ علما أن زواجنا ان شاء الله بعد شهرين الله يجزاكم خير |
هاااااااانت بعد شهر بتغيير رايك
يمكن لان الزواج قريب والبنات عموما يشيلون هم اشياء انت ماتفكر فيها يكفي انكم تحبون بعض وان شاء الله فتره وتعدي اهم شي انت حسسها انك مو متضايق لان كثر الظغط يسبب ردة فعل عكسيه يعني لو عندها سالفه مارح تقولها اذا حنيت عليها كثير خلك عادي واذا هي ماتكلمت انت تكلم مافيها شي الله يوفقكم واتمنالك حياه زوجيه سعيده باذن الله |
مع احترامي الشديد لشخصكم ...من سنتين وانت عاقد عليها ويوميا تتحادثن وتطلب منها ان تقول لك اي شي... لوني مكانها سوف اقول لك نفس الكلام ليس ما عندي ما اقوله لانه خلال تلك السنتين طرقتم جميع الاحاديث سواء الخاصه والاجتماعيه او او او ...شهر شهرين ثلاث اشهر معقوله انك تستغرب لماذا حديثها معك قليل لكن سنتين !!!!ممله العمليه ...تقول عائشه رضي الله عنها (زد غبا تزدد حبا ) |
شاكر لكم مروركم وتفاعلكم
الله يجزاكم خير |
والله يا اخي طول الملكة بيخلص فيها الكلام هذا شي طبيعي لانكم بتتكلمو يوميا
|
بعدين بزواج وببيت واحد بتمل من هذرته
بعدين هي بتتظرا انها تتكلم اوتقول شي والمعاشره بتخليها تفك معاااك وبتصير تهذر وبعدين تعال قول ماتسكت هههههههه ولك تحياتي والله يوفقك بزواجك اختك/ام عزيز |
السلام عليكم
هذا شي طبيعي ... ومثل ماقالو الاخوان والاخوات .. قد تكون تفكر في شي أنت لا تفكر فيها .... أنا لا أعلم اذا تطرقتو عن المعاشرة الجنسية او لا ..؟ قد تكون خائفة من المعاشرة , او لم تأخذ منك الحب الكافي ... حاول أنت تبتدأ بالكلام الجميل المعسول ... وتتكلم عن الجنس .. لان باقي فقط شهرين على زواجكم ... وفقنا الله وأياك بكل خير |
هذا أكبر عيب في تطويل الخطبه
أنصحك نصيحه بتدعي لي عليها لا عاد تتصل عليها على الأقل عشرة أيام وشف وشلون بتدق عليك بلهفه |
سنتينن
وتلكمها يومياااااااااااااا هههههههههه الله يحللها ... من ين بتلاقي كلام تقوله !!!!! بس برضه ضروري تتفاعل معك .. يعني مو كل شي بكفيك أو مدري ؟؟ يمكن هذا طبعها ... ويمكن للحين تستحي الله يوفقك يارب بس قلل مكالمات بعدين مابتلاقوا شي تتكلموا فيه بعد الزواج والله |
لاتخاف بعد الزواج ان شاء الله تقوله وش يسكتهااا
وبعدين بالعكس حلو الانسانه الى كذا تحسها هاديه وخلوقه الله يتمم عليكم ويسعدكم |
أكيد ياخوي البنت مستحية والمفروض انك تفرح بهالشي ان زوجتك تستحي
وكلام الغزل لاحق عليه بعد الزواج ::: ياستار مافيك صبر شوي ههههههههههههههههههههه الله يوفقكم إن شاءالله أدعولي بالزوج الصالح وياااااااااااااارب تزوج البنات المستقيمات الرجل الصالح الهين اللين الدين والشباب المستقيمين المرأة الصالحة الهينة اللينة الدينة >>> آآآمــــــــــيــــــــــــــــــــــن <<< |
مثل ماقالوا الاخوان سنتين اكيد خلصت السوالف !!
بس في همن شغله مهمة .. بعض البنات مايحبون يتكلمون او يعبرون خوفا من انها تغلط وبالتالي اتغير نظرة زوجها لها.. تخاف تقول شي تفهمة انت غلط ويخلق مشكلة ويصر انفصال لاسمح الله !! لاحقين عن السوالف .. والله يوفقكم |
ياخي سنتيين وايد خفف من اتصالاتك لها
لا تتصل كل يوم علشان تصير اشياء تتكلمون فيها لاكن كل يوم اما عن انها دايما تكول مادري وبكيفك فهذا شي غلط بالشخصيه ولازم هي تبدي برايها هذي مب حياتك انت بنفيك هذي حياتها معاك يمكن هي كانت دايما تقول هذي الكلمات وماتعبر عن نفسها لين صار هذا الشي فيها وانت اذا هي قالت لك مادري قول لها مايصير لازم تبدين رايج حاول تغير هذا الشي فيها لاتسكت اذا هي قالت لك مادري او تنتقل لموضوع ثاني قول لها رايج يهمني اي شي من هذا الكلام وبتوفيق لكم |
أَضم راااي للرااي الاخوااان
انا خطيبي نفس الشي يقوولي انتي ليش ماتسوولفيييين مع انه يكلمننني كل يوووووومم احس تخلصالسواااالف مافي شي اقوله لان كل شوي يتتتصل فاضل ساااااااااكته مكاعندي شي اقوول وبالموت تطللعذ سااااالفه انا انصثحك تخففمكالماااات وشوف السوالف شلون بتطلللللللللع الله يوفق امرررررررررك ويسعععععععععدك |
اشكر الاخوان والاخوات
الله يسعدكم ويرزقكم انا ماكنت اكلمها كل يوم من سنتين كنت اكلمها مرتين في الشهر بس من 10 شهور صرت اكلمها يوميا بس ابغى اقولكم شي هي طبعها كذا وحتى مع البنات كذا فكيف اغير طبعها |
اسألها بكثرة ..
خليها هي تجاوب .. ولا تكون اسئلتك : من نوع اجابتها : نعم او لا ! وربنا يجمع قلوبكم على .. المودة والرحمة |
بعد شهرين بتكتب خطيبتك موضوع عنوانه
(زوجي لا يتكلم ماذا افعل معه؟؟؟) هذا حال الدنيا قبل الزواج الرجال اللي يتكلم والحرمه ساكته وبعد الزواج يصير الزوج يشتكي من كثرت كلامها وهي تشتكي من صمته الرهييييب |
أكيد بتكون الصامت , لأنك ماسك الخط السريع وكاسر الفرامل
لكن او أنك وقفت اتصالاتك , شي بديه بيكون ردة فعل منها بالتغيير لكن أنت منت مقصر , فأكيد المتوفر ممتهن |
يا أخى الله يهديك ترا يمدحون الثقل..
وربى انه لملل سنتين .. ابعد شوى ان كنت تكلمها وتغازلها فى كل مكالمه صدقنى حتشتاق لك ولكلامك المعسول ان كنت تقوله.. وان كنت ما تقوله خلك 4 ايام تقوله وبكثافه وبعدها اقطع 10 ايام مثل ما قالوا الاخوان.. لانه المرآه تحب الكلام الرومانسى وتغزلك فيها .. نصيحه من اخيك , وربى يكرمك بالسعاده وبالحياه الطيبه .. دمت بخير. |
اسأل الله لكم التوفيق
صدقني سيتغير حالكم للأفضل بإذن الله |
بكرا تصير ترن رنات بجميع لغات النسا :d
وتفتكر ايام الصامت وما احلى هذيك الايام (الصامت):25: :25: تقول ام وليد قالت اسألني انا:d ام وليد |
عسى الله يوفقكم
وياارجال يازين الصاامت الحريم مافيهم صامت مصيرها للقرقة والطلبات وال........الخ؟؟ الله يجمعكم على الخير,,,,,,,, وشكرا.. |
مادري بس احس غريبة
ربيعتي وايد تستحي ,, اول الايام لما كانت تكلم خطيبها تقول ما اتكلم وايد اخاف اقول شي ما يعجبه او شي يضايقه ,, لين ماعرفته وتعودت عليه صرت اتكلم اكثر منه ,, ومن قال الكلام يخلص اعرف وحدة كلمت خطيبها سنتين وما خلص الكلام لان يتكلمون عن كل شي كيف قضت يومها وهو بعد كيف قضاه ومواقف ايام زمااااااااان وتطلع الحوارات بس الريال يقدر يقلب السكوت اربيعتي اعرفها ما من النوع اللي تتكلم لما تكون مضايقة تتم ساكته هو غيرها تقول كل ماكون مضايقة يقول لي شفيج وقولي لي لازم اعرف مابنام الليل ومابرتاح ومن هالكلام لين صارت تقول له كل شي ويسألها كيف قضيتي يومج و....... وبعدين يمكن عشان قرب العرس خايفة وتفكر بوايد اشيا ,, وتعبانة من التجهيز للعرس وروحة الاسواق حاول تكسر حاجر الصمت ,,, كلمها بحنان وبين لها انك مهتم بكل صغيرة وكبيرة وتبي تعرف عنها كل شي كيف تقضي يومها ,, واذا في شي ينقصها ,, وبين لها شكثر مهتم فيها وتبي تعرف كل شي يفرحها ويضايقها لانك زوجها حبيبها ,, وستحيل تستمر هي على صمتها بعد الزواج ,, او اتركها جم يوم لاتكلمها هي بروحها بتتصل وبتشتاق لسماع صوتك واخبارك ,, |
| الساعة الآن 03:59 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©