|
طالب وأرغب بالزواج ومحتار ،، مشورتكم.
سأسرد لكم الموضوع مباشرة.. انا شاب ابلغ من العمر 27 سنة كنت في الطب ولظروف دراسية حولت على الهندسة ثم اعتذرت عنها والتحقت بمعهد نيوهورايزون تخصص تقنية الشبكات والحمد لله انا مرتاح جدا ومتفوق في دراستي وباقي لي حتى أحصل على الدبلوم 7شهور تقريبا إن شاء الله ... انا ريد الزواج وحقيقة لم يعد للصبر فيني مكان وانا إنسان اخاف على نفسي ولله الحمد لم اقع في اي مشكلة إلى الآن و لاأريد وخاصة مع اي فتاة أو إمرأة خوفا من الله وايضا خوفا من تهديدات الوالد لي، المهم انا فاتحت اهلي بالموضوع وابدوا استعدادهم فوالدي الله يعطيه العافية ابدى استعداده لتحمل كامل النفقات وايضا مصروف شهري مقداره 3000 ريال سعودي وسكن بشقة ملك حتى اتوظف او تنقضي سنة على الزواج ايهما أسبق وبالنسبة للوظيفة انا مو شايل همها لأن التخصص مطلوب والمدينة اللي انا فيها تحتاج هالتخصص ووضعها هين حتى لو بواسطة مو مشكلة.. المشكلة أو مكان الحيرة انه مو عارف من اختار فالوالدة طرحت خيارات متعددة من الزوجة الصغيرة أو الموظفة أو الطالبة بالثانوي او بالجامعة أو الكلية سواء من الأقارب أو غير الأقارب ( وايضا انا خايف من كلام الناس بعني يقوالوا هذا ابوه يصرف عليه والكلام اللي يرفع الضغط ). وانا حقيقة أميل للموظفة لكي نتساعد بالحياة ولكن هي ستكون اكبر مني او بمثل سني وهنا مو مشكلة لكن المشكلة اخاف تنظر لي بفوقية وانه هي معها بكالوريوس وانا معي دبلوم وانه انا باخذ مصروفي من ابوي او كنت باخذه ووو إلخ أخاف من هالموضوع ولا ادري وش بتكون ردة فعلي. وانا حقيقة انسان مثقف ورياضي وشكلي تمام وعندي لغة واخاف من الله ولو ان هناك بعض الذنوب وانا والله والله ان اريد اتوب وابتعد عن المعاصي واعف نفسي علما اني احترم المرأة فمبالكم إذا كانت زوجتي اموت ولا اشوف الدمعه بعينها او انها تتمنى مارضيت فيني انا اريد انسانة تسعدني واسعدها ... فيابنات إذا اتاكم شخص بها المواصفات هل بترضوا فيه أم لا ، واذاعندكم اي راي ياليت تكتبونه ، وانتم ياشباب بعد مانستغني عنكم الاشراف: تم تعديل العنوان لينساب النص. |
لسه تاخذ مصروفك من ابوك !! وتبغى تتزوج موظفه عشان راتبها !! عن نفسي ما اقبل فيك ولو تكون اخر رجل على وجه الارض .. ولو اعنس عمري كله !!!! |
الي صبرك 27 سنة راح يصبرك 7 شهور
خذها نصيحة مني لاتتزوج لين تتوظف |
بصراااااااااااااااااحة وش فيها تتزوج وأنت لسة ما توظفت
اصلا الزواج سبحان الله من اسباب الرزق ثم ان ابوك ما رح يقصر معاك تزوج وثق تمام الثقة انها إن أحبتك من كل قلبها فلن تتكبر عليك و ما رح تشوف نفسها انا عادي عندي بكالوريوس وزوجي عند الثانوي علما بأني تزوجته وانا بالمتوسط وهو كان عنده الابتدائي فقط لآنه ترك المدرسة وهو صغير ومشت حياتنا اللهم لك الحمد يعني لا تشيل هم وانا اختك والمراة إذا احبت رح تضحي بكلللللللللللللللللللللل شيء عشان حبيبها لا تشيل هم وتوكل على الله وفي رأيي انه ما هو لازم موظفة اصلا انت باقي لك كم شهر وتتخرج والوظيفة بحول الله جاهزة كما قلت فتوكل على الله و تزوج و الله الله في ذاااااااااااااااااااااااااات الدييييييييييييييييييييييييييييين تربت يداااااااك ذات الدين والاخلاق ولا تتزوج للوظيفة أو للعائلة او للنسب نصيحتي تزوج فورا والله خير الرازقين ما من دابة في الأرض إلا على الله رزقها وقد تكفل الله برزق ثلاثة ومنه والناكح يريد العفاااف يسر لك الله الخير حيث كان |
أخي , أول شي ربي يوفقك و يختر لك الي فيه الخير ..
بالنسبة للزواج, انت سنك جداً مناسب اذا شايف نفسك حاب تاخذ وحدة موظفة , تقدر تاخذ وحدة مناسبة لسنك, ما انصحك ابدا تاخذ وحدة أكبر منك أو حتى اصغر منك بشوي, ممكن تلاقي وحدة عمرها 22 او 23 و موظفة بالنسبة لإنك خايف انها تنظر لك بفوقية, فهي بتكون وافقت عليك بالمؤهلات الي معاك, و ياشيخ اذا مرة خايف خذلك وحدة معاها دبلوم عشان ماتشوف حالها عليك انا اشوف انو الي تشوف حالها على زوجها عشان مؤهلاتها أعلى هذي عقلها صغير , بس ايش نسوي هذا الشي موجود و نصيحة زيادة, بما انك 7 شهور و تتخرج, تقدر تبدا تخطب من الحين و تخلي الزواج لبعد التخرج |
عادي يا اخي ما دام انك موفر لها بمساعدة الوالد الله يخليه لك استقرار المادي
فاي واحدة تتمنى دالك كانت موظفة او اليها اي مؤهل علمي عالي فدا على حسب نظرتك وتقبلها هي فلا تستهين بنفسك ولا تنظر الي نفسك بدرجة اقل االيك عزيمة وتقة واسرار على نجاح و وضع هدف امامك حتى لو كنت معك دبلوم وماشاء الله شهادة مطلوبة حاليا وليها مكانتها فتوكل على الله وان شاء الله يسر لك امورك |
|
اعقلها وتوكل واحتسب في ذلك اعفاف نفسك وبإذن الله سترى كل خير ولو تسمع كلام الناس راح تعيش بتعاسة فرضا الناس غاية لاتدرك
بس أهم شئ ابتغ مرضاة الله في كل أمورك |
ياخوي مافي مشكله ولله الحمد توكل على الله واخطب وانا متاكدة باذن واحد احد راح تجد لك فتاة مناسبه تخاف الله فيك
والاهم من اموال الدنيا كلها الخلق والدين وانت من خلال كلامك انهم يجدون فيك ولله الحمد ثبتك الله على مانت عليه ووفقك الى مايحبه ويرضاة وقد(( قال رسولنا الكريم في مامعنى الحديث من جاءكم ترضون خلقه ودينه فزوجه)) فلم يقل ماله او مستواة التعليم الله يوفقك وتوكل على الله وانا كل يقين بالله انه سوف يوفقك وييسر امور زواجك |
ممكن تاخذ طالبة لسه ما تخرجت ، تتخرج بعد ما تكون انت وقفت على رجولك واعتمدت على نفسك ،
عشان ما تحس انك آخذها عشان راتبها لأنه احساس مرررررررره أليم.. وعشان منظرك قدام نفسك وقدام الناس أبوك وزوجتك يصرفون عليك.. |
لاتتزوج طالما لازلت تأخذ مصروف من عند والدك اعتمد على نفسك وكون مستقبلك ومو شرط تفكر ببنت موظفه حاول انك تكون قادر على تكوين اسره واسعاد شريكتك حتى ولو لم تكن موظفه اصبر وكل تأخيره فيها خيره الله يوفقك
|
استخير الله
واستعين بالدعاء دائما ولاتنسى توصي الوالده تدعي لك......... بالنسبه للزوجه انت أختار بنت حلال حتى لو معاها دكتوراه بس تاكد من اخلاقها وسمعتها ودينها,,,,,,,,,,,,, وفقك الله تعالى وكتب لك مافيه الخير ........ دعواتك |
اخي الفاضل
كثير من المجربين يقولون ان المرأه التي لا تعمل أفضل لراحة الزوج وكل واحد له دور في الحياة المرأة دورها كبير في البيت والرجل دوره خارج البيت ,,, نصيتي لك يا أخي تزوج ولكن زوجة مؤمنة وليست موظفة أنصحك لوجه الله يا أخي ,, وتعلم من تجارب الاخرين تغنم أدعو الله لك الخير والتوفيق |
اقتباس:
انا مراح آخذ المصروف من ابوي على طول بل كم من شهر وثانيا زواجي من الموظفة ليس هدف وغاية بل هو وسيلة ، يعني مشان نكون نفسنا مع بعض ونتساعدفي هذه الحياه فكما تعلمين الحياة صعبة والمعيشة اصبحت اغلى، وانا هنا لاأسوق اعذار لنفسي ولكن اريد ان اسمع منكم وحقيقة ان على ضوء آرائكم سوف اقرر وشكرا لكم |
اقتباس:
|
اخي مواصفاتك جميعها لم يكن فيها ما يعيب , اما مسأله اخذك للمصروف من والدك فهذا الشئ الذي استوقفني .
ليس عيبا ان تفكر في مستقبلك وان ترتبط مع انسانه تساعدك على اعباء الحياة المهم الا تكون اكبر منك سنا , فهناك فتيات اصغر وموظفات او بنفس سنك " لاضير او مشكلة في ذلك " موضوع رغبتك ان تعف نفسك فهذا حقك وما يشفع لك عند الغير ... ويا اخي من تقبل فيك ستكون عارفة بوضعك ومتقبله الموضوع ... المهم الا تعتمد فقط على والدك وان تحاول ان تجد وظيفة وانت تكمل شهاتك .. وفقك الله واسعدك بزوجه ترضيك وترضيها . اسعى للزواج وتوكل على خالقك , فهناك من يرغب بتزويج ابنته لرجل وان لم يملك الا القليل المهم الا تستسلم وتعتمد على والدك فقط . |
سلام عليكم
اخوي توكل على الله وتزوج
بالنسبه انها تكون موظفه فانصحك لاتاخذ الا وحده اصغر منك بكم سنه ثانيا انت لس ماتوظفت فاذا كنت تبي تتتزوج فانصحك انك تاخذ من قربياتك ناس يعرفونك وتعرفهم لانه صعب الناس تزوج شخص مو موظف وهذ حقهم الله يوفقك اخوي |
أعقلها وتوكل ولا يهمك كلام الناس طالما انت راغب ومستعد انك تتحمل مسؤولية الزواج والزوجة.
وسبحان الله ربي راح يرزقك من حيث لاتحتسب لانك نويت خيراً .. الله يوفقك.. وتمنياتي لك بالحصول على زوجة صالحة تكتمل كل متطلباتك فيها .. دمت بود. |
الله يعينك
|
توكل على الله وتزوج بالعكس الزواج يفتح ابواب الرزق والحمدلله دام انه الوالد ما راح يقصر معك الى ان تتخرج وتتوظف انا ما اشوف فيها اي مشكلة وبالنسبة للزوجتك يمكن لو تاخذ وحده بعدها تدرس بيكون افضل انا مخطوبة وخطيبي على ابواب التخرج من الجامعة والحمدلله ابوه ساعده في مصاريف الخطوبة وعلى ما نتزوج بيكون تخرج وتوظف انت توكل على الله واخطب وتقدر تأجل الزواج سنه او اقل من سنه الى ان تتوظف وتستقر في وظيفتك والله يوفقك |
انا عن نفسي بوقف معاه بما إنه إلا سنة وما يهمني غير شيئاااااااااااااااااااااان وبس
1- كيف تعامل أهلك (لأن الذي ما فيه خير لأهله ما فيه خير للناس) 2- علاقته مع رب العالمين بس انا هذا مقياسي وباقي الأشياء ما تهمني |
أخي بالنسبة لرأيي فأنا مع الذين ينصحونك بالتريث إلى أن تتوظف ،،،
فلو تقدم لي شخص بمواصفاتك بغض النظر عن شهادتك ،،، فهي ليس مقياس ،،، سأقبل به ولكن بشرط أن يتوظف ويحصل على راتب ،،، لأن موضوع أن يصرف عليك الوالد الله يخليه لك لا يبني عائلة ولا يفتح بيت ،،، المسئولية الشخصية والثقه في أنك ممكن تتحمل مصاريف عائلة هي الأهم في شروط شريك الحياة ،،، لذلك اصبر قليلا ،،،، سبع شهور ليست بالكثيرة ولا بالطويلة ،،، سبع شهور وتعدي وبعدها تتوظف وتكون واثق من نفسك وتقدر تصرف على بيتك ومرتك وعيالك ،،، بعدها تكون مستعد للزواج ،،، اعذرني على صراحتي ،،، وشكرا |
انت توكل على الله وتزوج
واختار ذات الدين ثم الصفات الأخرى ولو موظفة بعد أحسن على قولتك اقلها تشيل نفسها في هالزمن وترى الناس اذواق وفي شباب مايبون زوجة موظفة .............. وحط في بالك ان الزواج قسمة ونصيب يعني انت لما تتقدم لبنت لا تتوقع انك ستوفق من اول مرة الا اذا الله كتب لك ذلك يعني اش كثر بيعرضون عليك بنات ........... وانت تقدم للي فيها الصفات اللي تبغاها وبعدين لازم تشوفها وتشوفك وتعجبها او تعجبك يعني باختصار اتخذ الخطوات اللازمة للزواج وتوكل على الله بالنسبة لصفاتك ................ما شاء الله ما عليك قصور ....................الا ................ولا بلاش........... توكل على الله ولا تنسى الأستخارة عند كل امر وخبرنا وش سويت طمنا مو تنسانا . |
اقتباس:
مشكورة على الرد ولكن عندي سؤال هل احسستي بيوم من الأيام بانك أخطأتي كونك اخذتي شخص اقل منك شهادة ولو لم تصرحي بذلك؟ |
انا اقولك تزوج بنت توها مخلصة الثانوية وخلوقة وجميلة صدقني بترتااااااااااااااااااااااااح
:22: |
رأيي الشخصي
لا تتزوج الان انا اشوف من زماااااااااان انه الرجل الي ما يصرف من جيبه ما يصير يفتح بيت ارفض الفكرة تماما كيف ارتبط بانسان يتحمل مسئوليتي ويتحمل ظروف الحياة وهو مو معتمد على نفسه؟ كيف اصير مسئولة منه ؟ انا كذا باكون مسئولة من ابوه يأكلني ويشربني ويتحمل مصاريف زواجي وسفري كلها كم شهر وراح تتخرج حتى تكون كبير بعين زوجتك لما تتزوج ومسئول عنها وتقدر معنى كلمة زواج وانه ما جا بالسهل وتحترم زوجتك وتقدرها صحيح في كثير رجال يتزوجون وهم يدرسون وابائهم يصرفون عليهم بس انا ما اشجع على هالشي هذا يشجع الولد على عدم المسئولية وعدم تقدير معنى الزواج اختك : كأس عسل |
اخونا الفاضل
أجد ان مواصفاتك جيدة ولا مانع كونك تدرس..فلو جاء لي أحد بهكذا مواصفات ارضى به ولكن ليس كل بنت تقبل ان تعطي من مالها الخاص للمساعدة في تكاليف البيت لأان شرعا انت المتكفل والله يوفقك |
ياناس باركو لي خطبت وملكت كمان والزواج بعد الاختبارت
|
الف الف مبروك
مبـــــــــــروك |
الف الف مبرووووووووووووووووووووووووووووووووووووووووووووووو ووووووووووووووووووووووووك الله يجعلك درررررررررررررررررررررررررررررررررررررررره في قلبها ويجعلها دررررررررررررررررررررررررررره في قلبك اللهم اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااامين
|
الف الف مبروك
|
اقتباس:
يغلق الموضوع حتى لايتغير المسار ونيابة عن جميع الاعضاء نتمنى لك التوفيق والسداد وراحة البال وان يألف الله بين قلوبكم ويجعل بينكم الموده والرحمه حصناكم بلا اله الا الله |
| الساعة الآن 02:20 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
