|
اريد المشورة..صاحبتي وموقفها المحرج
مرحباااااااا
بصراحه بغيت اشاوركم في موقف صار لصاحبتي المسكينه هي عروس توها متزوجه وعند زوجهاعامل عادةً يسمح له زوجا يدخل البيت وينظف بما انها توها عروس فيساعدها في الكوي وعمل قهوه الصبااااح وتنظيف المطبخ لكن طبعا بوجود زوجها :30: وتكون هي عادة في اثناء ذلك في الجامعه واذا كانت بالبيت والعامل موجود زوجها يعطيها خبر عشان تجلس بالغرفه الى ما ينتهي لكن اللي حصل ان العامل دخل هذ الصباح للبيت كالعادته بوجود زوجها وهي كانت غايبه عن الجامعه زوجها كان بغرفة المكتب وناااااااااسي انها غايبه ونايمه بالغرفه :25: والعامل كان بالمطبخ ينظف قامت من النوم وراحت للمطبخ وتفاجأت بوجود العامل اللي شااااااافها بملابس النوم :o بصراحه موقف لا تحسد عليه !! هي الحين حالتها حاله من ضيقت الصدر وش رايكم تقول لزوجها ولا تستر على نفسها؟؟هي تقول زوجي ماراح يتحمل لانه غيوووورجدا وكيف راح يكون موقفها مع العامل اللي شاااااافها......هي مرة محرجه وكارهه نفسها :24: |
الحل تقول لزوجها ما عاد تبغااااااه بالبيت
الله يستر علينا والله موقف صعب جدااااا لازم العامل يطلع من البيت فورا ولا عاد يرجع له ابدا الله يستر علينا وعلى بنات المسلمين |
لازم لازم تقول لزوجهاا وان الغلط من الزوج هالحين خلصوا العاملات وجاب عامل . والله لو لاسمح الله ثار العامل من المنظر وسو بالبنت شي من الغلطان ان شاء الله.
|
والله انا مع الاخوات .........لازم تقول لزوجها ماريد عامل يدخل البيت لاي حجه كانت تقوله انها سمعت عن قصص مش زينه ........
|
والله لو كان غيوووووووووووووووووور مادخل عامل للبيت اصلا
الحل تقول لزوجها يبعده قبل مايقع الفاس في الراس |
الله يستر علينا وعليك أحسن حاجه لا عاد تجيبون العامل والله أحسن لك
|
اقتباس:
كلام سليم .. سلمت يمينك .. |
هل تعالج الخطا بخطا اخر
اصلان دخول العامل للمنزل خطا بحد ذاته والموقف الاخر خطاء واهمال من الزوج وين الغيره القويه الى بتقولي فلا بد من اخبار الزوج وابعاد العامل عن المنزل وعلى فكره اعتقد ان الزوجه جايزلها ان عامل يدخل للبيت ولا كان رفظته البتاء |
عامل !!!
وإذا عـــروس ؟! الله يهديه ويهديها اللي ساكته من رأيي تقوله بطريقة عادية مايحتاج عمّال أنا بقوم بشغل بيتي وماتقوله السالفة لأنها بتفتح أبواب هي في غنى عنها الأهم بعد ذلك إنها تحافظ على البيت وتتأكد يوميا ً إنه الباب مقفل ومافيه أماكن مفتوحة إحتياطا ً لأي شي من العامل لاسمح الله أو حتى من غيره فشياطين الإنس كثيييييير لو قدرت تخترع أي سالفة بعد فترة إنه تغير كيلون الباب الخارجي يكون أفضل الله يستر على الجميييع |
لازم تقول لزوجها ،،،
وممكن يغيروه ،،، الله يستر عليها وعلينا |
لن ينساها هذا العامل وماذا كانت تلبس الشيطان حريص التخلص منه نصيحه نصيحه نصيحه لوجه الله |
والله هذا يتوقف على نوعية اللبس
يعنى لو كان كاشف جدا او قصير او ما شابه فطبعا ممكن ان يوسس الشيطان الى العامل ولكن من الحرام ايضا ان يقطع رزقة بسبب خطأ ليس له يد فيه وعموما يرجع هذا الى دين العامل ومدى قربه من الله انا اذا كان غير مسلم فلا يؤمن عاقبتة |
انامع الاخت جودي كلامها صحيح
والله يهدينا ويهديكم |
لازم اتقول حق زوجها في اسرع وقت .....
|
ما أضحكني قولك ان زوجها غيووووووووور جدا , الغيرة في وادي وهو في وادي
|
والله واضح انه غيور الدليل انه يدخل عامل بالبيت
حتى لو كانت مو موجوده .... |
صبـــاح الخير
حبيبتي ما كو سبب يخليها تتوقع انها بتستر على نفسها لانها ببساطة مش عامله حاجه غلط مش بالعنيه هي قامت وراحت المطبخ لو أكو احد غلطان اسمحيلي زوجها لانه نسى انها غايبه لا حسن تقوله عادي لانها اذا تعودت على انها تقول زوجي غيور جداً اقول له ولا لا بتدخل في دوامه خليها ببدايه حياتها نبنيها على الوضوح والصراحة اتمنى ان افدتك تحياتي |
اقتباس:
نفس الكلام إلي كنت راح أقوله وانتبهي تقول لزوجها عن إلي صار |
اولا من الاساس دخول العامل في داخل البيت مشكله كبيره لان العمال لا امان لهم ومن المفروض ان تخبر زوجها على طول حتى ولو كان غيور كي يتعالج الموضوع اما السكوت عن الموضوع راح يجعل العامل يتجرء يوم ما بتفكير شيطاني لان لو حصل هذا مره ثانيه راح يفهم العامل القصد هو في الموضوع وبتكون له الجراءه القويه بفعل شيطانيه . فارجو سرعان حل المشكله
|
ياأختي قلة عاملات علشان يجيب لها عامل ينظف
في أسوأ الحالات العامل ممكن يعرف دوام الزوج متى ويراقب البيت ويسوي اي شي وهي موجودة لحالها وخصوصا بعد ماشافها نصيحة لاعاد تجيب اي عامل على البيت لانه الرجال مالهم أمان ممكن بكل بساطة يحط كميرا للتسجيل او التصوير صح او لأ ؟؟ |
اشكر جميع من ادلى بدلوه
وانا مع من قال منكم((خلصوا العاملات يوم يجيب عامل)) نعم هذا الخطاء الاكبر ولو كنت مكانها لرفضت وجوده منذ البدايه هو في الاصل عامل يعمل في دوام زوجها ويأتي به من حين لاخر....حتى لايفهم البعض انه عامل خاص بالمنزل.. على العموم انا ارى ان الخطاء الاول والاخير يقع على الزوج الذي اتى به... ((اما قضية الغيرة في وادي وهو في وادي)) اقول ربماااا :) اعان الله صديقتي المسكينه.......................... تحياتي للجميع |
قولي لها اتقول حق زوجها لا عاد يجي العامل البيت ..
وخله يجيب لها خدامه تشتغل فتره الصباح وهيه فالجامعه واتروح بعدها وخلاااص.. |
المفروض تقول لزوجها أنها تخاف من العامل لأنه بيطلع على البيت وأسراره وممكن يتفق مع أحد يدخل البيت في غيابه للسرقة أو شئ من هذا القبيل اللهم استرنا بسترك
|
مرحبا اختي في وجة نطري الازم تقول لزوجة بموضوع ولي صار افضل وبعدين لي تعليق لية عامل مافية خدامة افضل ولان صديقتك عايشة في سويسرا يعني ولا كيف... مجرد سؤال ...
|
أستغرب كيف زوج يدخل عامل ( رجل ) الى منزله كي يرتبه وينظفه ؟!!
يجب تبليغ زوجها بما حصل، وتتمسك برأيها انها لاتريده بالمنزل نهائياً، وياحبذا لو تستقدم شغالة أزين لها وأريح. |
من الذكاء ألا تقول لزوجها دام إنه غيور جداً .. أقترح لو : تطرح عليه فكرة تغيره بعد مدة بقاءه بخادمة أفضل .. .. ليش تقطعون رزق الريال بغلطة من الزوجة ..! تحياتي لج، إختج : خلك إيجـــــــابي ! |
يجيبون خادمه ويطيرون العامل وبهذا إنتهت المشكله.
|
لازم العامل مايرجع البيت واصلن ماله داعي وجود عامل
اذا تبي مساعده تنادي وحده من خواتها وتساعدهاا في تنظيف المنزل |
واية لازمة العامل من الاول فية خدامات ،،عموما موقف وراح لحالة انسية خالص ولا تخبرى زوجك
|
ضروري تخبر زوجها 000000000
وأظن زوجها غلطان ماله داعي دخوله في البيت سواء كانت في البيت او برى البيت |
تطلب من زوجها ماعاد يجيبه البيت مرة ثانية
وهي تقوم بشغل البيت الله يعينها . |
العامل لم يخطئ في شئ كما فهمت عشان كده حرام تقول لزوجها اي شئ غلط عن العامل حرام لان ده مش فيه وطبعا لازم تقول لزوجها علي الي حصل والمفروض تقله وهي متاثره عشان هو غلطان ويستاهل انه دخل رجل غريب بيته
|
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©