|
زوجي ما يرد على رسايلي .. هل أتوقف ..؟
السلام عليكم ..
بداية .. أشكر كل القائمين على هذا المنتدى بأعضائه ومشرفيه ... بصراحة أنا أحس إني في مشكلة ... تملكت من شهر تقريباً ... المشكلة إني أرسل لخطيبي وهو ما يرد على كل 9رسايل رسالة ...هذا إذا رد.. وأنا ما ني أكثّر يعني كل يومين رسالة وحدة بس ... أو كل يوم ... ما أدري ما ودي أحس إني ذابة وجهي عليه .. ويتغلى هو ... ولا ودي يحس إني جامدة كمان .. هو يتصل يومياً تقريباً أنا أحياناً أتصل مو دايم ... لكن أرسل رسايل... ويقهرني إذا ما رد ... من جد شيء يحبط ...!! ما أدري إذا هو ما يحب الرسايل ... وإلا يحس أنها شيء تافه ... بس أنا أقدر الرسايل مرررررررة ... واحس بالمشاعر فيها ... وش رايكم أصارحه ... أقول إذا أنت ما تحب الرسايل خلاص ما راح أرسل ...؟ وإلا أسكت ... وأعبر عن مشاعري بدون ما أنتظر رده .. وإلا ايش أسوي ...؟؟؟؟ تكفون أنتظر ردودكم خصوصاً الرجال ... ودي أعرف وجهة نظرهم .... إذا الزوجة هي الي ترسل بس يحسون إنها ذابة وجهها ...؟؟؟ أنتظر بأحر من الجمر ...؟ |
قوليله ليه ماتحب ترد على رسايلى؟وشفى رده هيكون ايه وبعدين حددى هتعملى ايه بناءا على رده
|
صارحيه وتكلمى معاه لانه هو الوحيد اللى يقدر يشرحلك السبب و بفتح الموضوع حتفهمى وجهة نظره و لكن ردودنا كلها سوف تبدأ بكلمة ممكن يكون كذا او ممكن يكون مشغول أو و ألخ
|
اختي
يبدو ان خطيبك بما انو ما برد عليك انو بشعر بالملل من كثر الرسائل اعطي دائما للشيء حقه ولا تكثري الرسائل الا بين الحين والاخر حتى يشتاق لقراااتها وبما انو بحكي على الهاتف كل يوم اذن ما في داعي كل يوم للرسائل او كل يومين وشكراااااااااااااااا |
لا تقولي شي
الانسان ما بشعر بالنعمة حتى يفقدها كما لا يشعر بالصحة الا عند المرض احرميه منها و شوفي رد فعله و على كل حال لا أرى انه الأمر عطيم و كبير و مشكلة لهذه الدرجة زوجي لا يحب الرسائل و انا أحب أرسله لكن و بعد مرور سنة و نصف أصبحت لا أرسل له لأنه لا يرسل لي و اعتدت على هذا الأمر و لا أشعر بالضيق منه بصراحة خدي الموضوع بصدر رحب عليك أن تراعي اختلاف الناس في الطباع لو لم تستطيعي ان تراعي هذا الأمر فستواجهين الكثير من المتاعب في حياتك مع زوجك و غير زوحك لا سمح الله طبعا الله يوفقك يا رب |
بعض الرجال يقولون احنا مشغولين ،، لكن فعلا الرسايل لها تأثير جميل لما تقراها وتحس بمشاعر الشخص المرسل ،،
يمكن يمل بسرعه أو يمكن يحب أنه هو بنفسه يعبر عن مشاعره ،،، لا ترسلي له ،،، ادري شي صعب ،،، بس حاولي انك تمسكين يدك اشوي عن الرسايل خليه يحس انك ما ترسلين ،، بس لا تصارحيه ،،، انتظري اشوي ردة فعله ،،، وبعدين صارحيه ،،، |
اقتباس:
كلام فى منتهى العقل |
الموضوع عااادي جدا مايحتاج تنقهري الرجال ماتهمهم هذي الاشياء بقدر ماتهم المراه راسليه هو بيفرح صدقيني لكن اكيد ماعنده شي يرسلك هو ولا ماعنده اسلوب للكتابه يااختي اعذريه واذا حابه تكلميه عاادي بس جيبيها باسلوب حلوو يعني لاتعاتبي وتزعلي يكفي انه الحمدلله يتصل كل يوم يعني مو مطنشك ويحبك خلاص 000
انا زوجي كذا ويحلف انه مايعرف يكتب رسايل ومااحد طبعا يراسله رسايل حب عشان كذا ماعنده بس زوج اختى متيم بالرسايل يعني كل شخص يختلف عن الاخر والرجال ماهم سوى |
انا اعرف وحدة متملكة من فترة بسيطة
وزوجها كل يوم يكلمها ومرة مرتاح معاها بس ماأرسل لها ولارسالة ابدااا وهي ارسلت له يمكن 4 مرات وقالت له ليه ماترسلي مثل ماارسلك؟ قال انا احب اعبر بالكلام على طول والدليل لما ترسلين ادق على طول اما رسايل واكتب واضغط ازرار ووقت يروح ماني فاضي!! وحتى البنت منقهرة بس شتسوي! بس هي خلاص حرمت ترسله كرامتها منعتها:d يمكن زوجك مثل زوجها عادي طنشي يابنت الحلال المهم انكم مرتاحين لبعض بس اسأليه قولي ليه ماتراسلني |
اختي بصراحه انا أمر بنفس مشكلتك لكن مارتحت الا لمن سالته وقالي ماعندي رسائل حلووه جميع الرسائل الي فصندوق الوارد من عندك بعدها سكت وماعاد سالته ودام يكلمك الحمدالله جات على رسائل
الله يهنيكم ويسعدكم |
السلام عليكم
أنا مثل الأخت أم براء زوجي لا يرسل لي رسائل و انا دائما اللى ارسل فعرفت انه ليس لديه رسائل حلوة و اذا حصل على اي رسالة حلوة ببعثها لي فاعتقد ان زوجك ليس لديه رسائل عشان يبعثها فلهذا يا اختي لا تقطعي الرسائل لانها بتعبر عن احساسك بس انت خليها رسالتين او ثلاثة فى الاسبوع مش كل يوم و يارب يسعدك مع زوجك و يحفظكم لبعض |
اقتباس:
اتفق معاك في الرد... زوجي مايحب يرد على الرسايل.. لكن يفرح لما ارسله .. يحس اني دايم افكر فيه.. |
حبيبتي اغلبيه الرجال مايحبون الرسال انا زوجي نفس الشي من تزوجته لي 5 سنوات يمكن رسالتين او ثلاث بس بس انه يدق على كل وقت واذا سالته قال ماحبها وماتعجبني حتى اوقات ارسل وبعدين اتاكد هل وصلت له ولا لا لان ماشوف لها تاثير عليه والله يوفقكم...
|
مو شرط يرسل الرجال الرسائل وكل يوم يكتب احلى الكلام لكن بمجرد نظره او مكالمه عنده اهم بكثير من هذه الرسائل طبعاً الزوجه تكون متحمسه جداً لهذا الوضع لكن اعتبري برود الرجل عادي جداً لانه ما يحرص على هذه الاشياء ..
|
حبيبتي يمكن لانه يتصل يوميا فاكيد هو يحس انه الرسائل ما هي مهمه مثل الاتصال
اقصد اكيد هو في خاطره يقول ليش ما تتصل وبس انا الذي اتصل ؟؟؟!! ترى فيه ناس الاتصال اهم عندهم من المسجات انا زوجي نااااااادرا يرسل مسج بس ما شاء الله يتصل باستمرار يوم يكون برا ما ادري بس انصحك تقللين المسجات وشوفي رده ويوم بيعاتبك قولي له ما شفتك مهتم فقررت ما ارسل لك!!! |
السلام عليكم
طيب بأسألك يأ أختي سؤال هل رسائلك التي ترسليها له عاديه يعني حب وشوق يعين رسايل مرسله او أنك أنتي أللي تكتبيها بيدك وتعبري عنها بمشاعرك ..؟ الشي الثاني الرجال يختلفون منهم من يحب ان يعبر برسائل منهم من يحب أن يعبر بكلام منهم من يحب ان يعبر باللمسات والفعل وهكذا أنتي حاولي ان تعرفي الأجابه بطريقتك مثلا أرسلي له رساله وقولي له هاه وش رايك فيها ترى كاتبها عشانك وبعدين أنتي بتحسي في رده هل هو يحبها ولا ما يحبها أو يحبها بس ما يحب ولا يعرف يرد عليى رسايلك وهكذا أو لا ترسلي له رسائل لتعرفي مقياس تأثيرها عليه وكمان المساله بسيطه يا أختي فالرجال طبايع وما هم سوا |
انا من رأيي ما تسأليه ليش ما ترد على رسايلي,
لأنو لو كانت رسالة عادية, يعني مش سؤال يحتاج يرد عليه حيقول لك الرسالة ما يبغالها رد الحل الوحيد انك تخففي قدر الامكان من رسايلك, و هو اذا لاحظ و سألك , تقدري تقولي له شفتك ما ترسل لي قلت يمكن ما تحب الرسايل مجرد اقتراح :) |
أهلاً بجميع من رد ..
جزاكم الله كل خير ... أسعدني تواصلكم الكريم معاي ... وفعلاً أراؤكم أسعدتني .... شكلي راح أقلل رسائل ... وأنا بصراحة مو كثير أرسل حب ... لأني ما أحب يحس إني ذابة وجهي من أولها ... يعني انوع ... مرة نكت ... مرة شوق ... وكذا .... أرتحت للي يقول لا تسألينه ... راح أوقف رسايل وإذا سأل أقول يمكن ماتحب الرسايل ... مع إني بقلق لأني أحب أعبر عن مشاعري بس من خلال الكتابة أكثر من الحكي ... لأني بصراحة أستحي أحكي له كذا ..... مشكورين كل من رد ... الله يسعدكم ويحفظكم من كل شر ... ويوفقكم ... مرسيييييييييييييي أوي ،، ريحتوني الله يريحكم ،، |
عادي يمكن مو من النوع الي يتعامل مع الرسايل
|
يمكن ان الله مااعطاه في الرسائل
اختي العزيزة: التمسي له العذر. لان بعض الناس ما يهتم كثير بالرسائل. مع انه رومانسي ويحب الكلام الحلو. والكلام هذا ينطبق على الرجل وعلى المرأة.لذلك لا تشغلين بالك كثير بهذا الموضوع. وخذي الامر ببساطة. واكيد لخطيبك طريقته الخاصة في التعبير عن مشاعره تجاهك, اتمنى لكما حياة سعيدة
|
اختي الكريمة
بعض الرجال يقولون مانحب نعبر عن حبنا برسايل وانت تقولين انه يكلمك كل يوم ماشاالله يعني هو لما يشتاق لك يكلمك مايرسل رساله بس لا تشغلين بالك بهذا الأمر انت راح تتعودين على طبعه انا كنت اول مثلك ارسل واحب انا اكتب الرساله احسها تكون طالعه من قلبي واجتهد ومايرد :( مره ومره ومراااااات بعدين خلاص تعودت صرت انا بدل ماارسل له في اليوم كذا رساله ارسل له رساله وحده او بدل كل يوم صرت يوم ويوم لا واذا زعلانه عليه اجلس يومين مارسل له انا ماانصحك تتوقفين عن الرسايل لان صدقيني يشتاق لرسايلك ويفقدك اذا تركتيه فتره ماارسلتي وجربي اتركيه يوم يومين ثلاث بس لا تطولين موفقه حبيبتي دمتي في حفظ الله اختك لذة عشق |
السلام عليكم
وجهة نظر ( من ناحيتي إذا حسيت انه الرسالة عبارة عن نسخ ولصق وارسال فهي مشاعر زائفة ولا تعبر عن المرسل ابدا لأنه بكل بساطة ما تعب عليها وألفها ويزد الطين بله إذا كانت الرسايل التجارية كثيرة فهي من جد ما يكون لها طعم ) صدقيني اختي لو تكتبين له احبك واشتقت لك ( بس ) احسن واصدق بكثير من انك ترسلين قصيدة كاملة من تاليف خالد الفيصل. فكري في إلي قلته تمنياتي للجميع بالتوفيق |
اقتباس:
احسنت :22: |
يا أختي أنت أخطأتي خطأ كبيرا في الرسائل المفروض أنك تركدين وتصيرين ذات عقل وثقل ترى الرجاجيل مايبون المرأة التي تطير في العجة ، المفروض شافك وشفتيه وكل واحد شاف صاحبة أنتهى كل شيء الى ليلة الدخلة لا رسائل ولا مكالمات ولاهم يحزنون 0نصيحتي توقفي فورا عن الرسائل حتى ولو أرسل لك مائة رسالة وربي يوفقك
|
اختي الكريمة احسن حل تصارحيه
انا وزوجي بنرسل رسايل كتير لبعض ، ومرة ارسلتله رسايل وما رد علي زعلت انا بس خليته على راحته يوم تكلمنا عالموبايل تكلمت في هالموضوع وبينت له اني ما احب هالحركات وانقهر منها في نفس الوقت بلهجة مزح ضحك وقالي احب اشوفك معصبة المهم من هداك اليوم بطل يعمل هالحركات يعني حتى لو ما قدرتي تدخلي مباشرة في الموضوع لمحيله |
ههههههههههههههههههه
احس سبحان الله مشاكل المخطوبين نفسها ماتتغير انا مثلك مليت وانا ارسله اذا رسلت له رسالتين باليوم يرسل احيانا على حسب مزاجه بس اكتشفت انه ماعنده رسايل ومن تجيه رساله مايقصر مسكين يرسلها وهو مايحب شغله انه يكتب ويدور رسايل زبدة الموضوع بعد عدة حوارات معاه اني هونت ماارسل وهو عرف السبب عادي يعني بتتعودي |
مشكورين يالغالين ... الله يجزاكم خير .... ويسعدكم دنيا وآخرة ،،،،
|
والله انا اشوف ان المشكله شوي حساس باانسبه للبنات انك ترسلين ولا يردون عليك بس اذا كان يعبرلك باالتلفوون عادي
طيب وش تقولون في المراءه الي ماتدق على خطيبها ابد ويمكن\تدق بس بعض الاحيان ودايم يقولها ليه ماتدقين وليه البنت تستحي |
ياحبيبتي ... لا تكوني حساسة مرررررررة .
بعدين زوجك مو مهملك او مطنشك لكن وسيلة تعبيرة تختلف عن طريقتك هو ما يقصر معاك بالمكالمات وانتي بالرسائل عاااااااااادي . اقولك حاجة ..: انا ماشاء الله تبارك الله واللهم لك الحمد زوجي كل يوم يتصل علي ونجلس بالساعتين والثلاث هذا غير الاتصالات الخفيفة السريعه , ومع كل هذا انا لما احس بمشاعري اكتبها له برساله ( طبعا كل ما كانت من قلبك ومن تأليفك يكون وقعها على قلبه اصدق) , ومع ذلك ما اتذكر ارسل لي 4 رسائل حب او شوق او كلمات يعبر فيها عن حبه لي ( مع العلم انه بالتلفون مو مقصر ) . فعشأن كذه حبيبتي خلي لوجودك مكانه لو قطعتي بالرسائل واتصالاتك مرة قليلة بيقول اش في هذه مو مباليه او مهتمه فيني وبمشاعري " صدقيني تراه يفرح لما ترسلين له , ويفتقدك لما تقطعينها بسبت زعل " لاقدر الله " , وبعدين هم ما يعرفون يصيغون مشاعرهم بكلمات وكتابه ووصف اذا بقلبهم حاجة قالوها لك بوجهك او سمعتيها بأذنك منهم " طبعا مو الكل " يعني بالمختصر المفيد ... حبيبتي لا تقطعين رسائلك لمجرد انه ما يرسل مدامه مهتم ويتصل فيك كل يوم . وفقك الله وسخر لك زوجك واسعدك ياااااااااااارب. |
والله انا نفسج .. سألت زوجي ليش ماترسلي مسجات قال انا ما احب المسجات.. اذا تبين شي دقي ..شي غريب !!
مادري ليش مايحب الرسايل !! http://www.66n.com/forums/showthread.php?t=128742 |
ههههههههههههه يا حبي لك يالحزينة من جد مشكلة .. هالرجال يا شينهم ما يعرفون يعبرون ...
وه ... الله يصبرنا بس ... **** دمعة حنان : مشكلة والله إذا هي ما تدق أبد ... يعني أوكي هو يدق دايم بس تحاول تدق أحياناً عشان ما يحس أنو ذاب وجهه عليها ... والله ترى هالإحساس مررررررررررررررة شين .... لما تحس أنك ذاب وجهك على أحد ... ! *** قمر النساء .. ((يعني بالمختصر المفيد ... حبيبتي لا تقطعين رسائلك لمجرد انه ما يرسل مدامه مهتم ويتصل فيك كل يوم . وفقك الله وسخر لك زوجك واسعدك ياااااااااااارب.)) مشكورة يا قلبي ... وأياك يا رب يسعدك مع زوجك ويسخره لكِ وأهله ... ولكل من رد وكتب أي حرف .. الله يسعده ويسخر له زوجه ويبارك له في ماله وولده ... مشكورين والله ما قصرتوا ،، |
اي والله انا احس اني منحرجه بس الخجل وما ادراك ما الخجل
وش اسوي يعني يمكن انا باالرسايل اعبر اكثر |
يا أختي وش تبين أكثر من كذا إذا هو كل يوم يدق عليك
معناه ما يقدر يصبر عنك 00إنتي ترسلين وهو يدق كثير ن الرجال ا يحبون يراسلون بس صدقيني لو قطعتي رسليلك راح يفتقدك حتى لو ما كان يراسلك تمنياتي لك بالتوفيق والحياة السعيده |
اقول لكم حاجة ياقلبي ما تعرفونها عن طبع الرجل .
الرجل يعبر مباشرة الشي اللي يحبه ويقبله قال كذه كذه " مباشرتا بينما المرأة تتعامل مع الموضوع بمشاعرها الخاصة ... وعلى فكرة كثير من المشكلات اللي يقع فيها الزوجان هي عدم تفهم وجهة نظر الآخر بمعنى انا ممكن اكون متضايقة من شئ بزوجي لكلمة قالها "انا اكون شايله عليه بقلبي وزعلانه ومتضايقة وكل يوم يمر اكرهه وازعل منه زيادة لانه ما اهتم فيني وما رضاني في حين ان الادمي مسكين ما يدري عن الموضوع نهائي ولا يفكر ان فيه شئ مزعلني .. يعني بالمختصر الانسان مو داري عن الزعل والا اش فيه .وبهالشئ لازم المصارحه بكل شئ عشان الامور تكون واضحه للطرفين . |
يا اختي الكريمة لا تاخذي المساله على انها مشكله
انا كنت ارسل لزوجي رسائل وهو والله العظيم ولا مره ارسل لي رساله الا رساله لما كان في الحج يخبرني بوصله لمكه وانا الحين ما ارسل له الا اذا سافر سائلته كم مره ليش ماترسل ولما شفته مايحب الرسائل تركته ومشيت الامر عادي فانت مادام يتصل عليك ويعبر لك عما في نفسه الحمد لله اهم شئ وجود الحب اسال الله ان يوفقك ويبارك لك |
المتعبة ... ولموووو ..
صحيح صادقة ... بس بالبداية المرأة ما تعرف إذا هو يحبها وإلا لأ ... والرسايل عند البعض مؤثرة أكثر من الكلمات ... خصوصاً عند النساء ... كمان ... ممكن تكون هي بصرية وهو سمعي أو حسي ... فعشان كذا يختلف أسلوب التعبير ... لكن إن شاء الله راح أتفهم الوضع ... والله يجزاكم خير ،، *** قمر النساء ... صادقة يا قلبي ... مشكلة وكمان ما ودك تتزعلين على أي شيء .. بيقول وش هذي متعبة ..!! فعشان كذا حلو التغاضي ... والله يوفقك .. *** دمعة حنان ... صحيح الخجل مشكلة ... لكن حاولي هي البداية بس .. وراح تتجرأي .. وصدقيني تنبسطين .. وصحيح المرأة تقدر تعبر بالرسايل أكثر ... لأنو في مساحة من الحرية ... الله يوفقك يارب ويسعدك ... |
السلام عليكم
استغربت ردود البعض قد اكون مختلفه تماما عنهم اختي بأقولك نقاط معينه اتبعها في حياتي سواء مع خطيب او صديقه او اخوات. 1_ دائما (زعلي غالي) بتقولي لي كيف زعلك غالي؟؟؟ يعني ماازعل بسرعه ولا ازعل كثير حتى لو حاولوا يزعلوني عارفه ليه لآن وقت الجد ووقت الموضوع اللي يحتاج زعل من جد ازعل وأدخل بحالة صمت،،، بتلاقي الجميع يدور الرضا لأرضى وتلاقي التغير واضح في الجميع _نجي للرسائل انا ارسل عادي كل ماسنحت لي الفرصه وكل مااشتقت للشخص ارسلت له سواء كلمات جاهزه ولكن تعبر عما في داخلي او كلمات من مشاعري الخاصه المهم ارسل وارسل حتى لو مالقيت رد مو مهم المهم عبرت عن حبي واشتياقي اوقات يكون دعاء 3_ نجي للعقاب ( ماأحب اعاقب كثير) حتى يكون العقاب وقت الجد اكثر وقعاً :) يعني نادرا مااعاقب واحرم ففي مره احرم حرمان بسيط يكون وقعها قوي على الشخص لآنه ماتوقع مني :) شفتي كيف سياستي:) ارجع لموضوعك اختي يمكن ماعنده رسائل يرسل لك انا جوالي فاضي مافي رسائل وأحرج اذا احد رسلي ومارسلت له لكن ادبرها من هنا ومن هنا :d صدقيني الرسائل الخفيفه مره مزح مره دعاء مره غزل مره اطمأنان تقوي علاقته فيك لكن لاتخنقيه انت وين؟ مع مين ؟؟ليه ماكلمت؟؟ ليه مااتصلت؟؟ هذي الرسائل انتبهي منه تماما واخير ا ربي يوفقكم ويسعدكم ويألف بين قلوبكم |
سبحان الله العكس عندي
انا كنت في اليوم ارسل لها اربع او ثلاث رسايل وماشاء الله عليها ابد ماترسل :( وذحين لي اسبوعين قاطع مارسل لها ولا حياة لمن تنادي بس ماحبيت اصارحها قولت يمكن تتغير مافي امل وانا كرهت ارسل |
|
أهلاً بالجميع ،،،
روح الغالي ... تصدقين ... هذه تقريباَ شخصيتي ... زعلي ما هو كثير أبد.. لكن إذا زعلت ... أصير صعبة ..!! لكن ... شيء جديد عليك ... ومشاعر جديدة اول مرة تحسين فيها ... إذا ما لقيتي تجاوب معها ... تشكين في نفسك ...! تشكين في العلاقة هل ستنجح ...؟ أمور من هذا القبيل .. والبنت بطبعها حساسة ... لكن بعد قراءتي للردود ارتحت ... وحسيت إني بالغت بالسالفة شوي ... لكن حتى الرسايل متنوعة .. دعاء ونكت .. وشوق .. وكذا ... وعلى قولتك الواحد يعبر عن شعوره ولا يتنظر شيء ... مشكوووووووووورة قلبي والله يسعدك ويوفقك ،، *** زيرو .. ورومنسي ... الله يجزاكم خير .. وما قصرتوا .. وكلامكم عين الصواب ... الله يسعدكم ويوفقكم يارب وجميع من رد ،، |
| الساعة الآن 04:01 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
