|
الفلوس عذبتني
يا جماعة الخير أنا متزوج من ثمان سنين وداخل بالتاسعه بعد هذا العمر كله تجي زوجتي وتقولي أنت تحب الفلوس ، كل هذا عشاني ما أعطيها مبالغ ليدها على طول ، كنت أعطيها لكن المشكله أن دخلي متوسط وهي تأخذ على أساس أنه مصروف البيت لكن كنت أتفاجأ أني انأ جالس أشتري أغراض البيت والفلوس اللي معها ما تصرفها قلت طيب لكن كل ما جمعت قرشين تبيني أوديها السوق بدأت تتراكم على الديون فصرت ماأعطيها أوفر لها كل اللي تبيه ضروري وغير ضروري ومعيشها أحسن عيشه لكن ما عندك أحد .
منكده علي حياتي ما أعرف منها سواليف الا التذمر البيت مو عاجبها الأثاث موعاجبها تبي تشتري الشيء الفلاني والشيء الفلاني وليش ما قلتها أن أخذت المبلغ الفلاني وليش ما قلت أنك أستلمت الراتب ومن هذا القبيل وش الحل كرهة الزواج والحرييييييييييييييييييييييييييييم . أرجع من الشغل تعبان ما أقعد شوي تحط اللأكل وتفتح قناتها الإقتصاديه نبي الشيء الفلاني واشتري الشيء الفلاني وانت قلت لي بتعطيني . يا ناس والله حرام . |
عشان ترتاح منها افتح لها حساب وعطها بطاقه .. وحول لها شهريا مبلغ بس شهريااااا مثل الراتب وهي وشطارتها تبي تجمع تبي تصرف تبي تبذر بكيفها ,,
اما لبس ابنائك ومصاريف البيت هاذي عليك الله لا يهينك .. امشي على النظام هذا وبكذا راح ترتاح .. |
اقتباس:
أنا معاك 100% ياأخي أعطيها مصروف معين 500 أو 1000 على حسب اتفاقك معاها وهي تجمعها أو تصرفها على كيفها وإنت الله يعينك عليك مصاريف البيت وبالنسبة لأثاث البيت ماله داعي يتغير دائما أنا عندي أكثر أثاثي من وقت ماتزوجت قبل 7 سنوات والحمد لله جديد وأنا بصراحة ودي أغيره بس زوجي يقولي اصبري وإن شاء الله شوي شوي لأن راتبه مو عالي مرة وقبل مدة اشترى سيارة وعليه تقسيط فالصبر هو الحل وإن شاء الله بتعوضها بالخير تحيـــــــــــــــــــــاتي |
صحيح ... افتح لها حساب وحطلها مبلغ معين ينزل لها كل شهر... وهي بكيفها تصرف ولا توفر.. لان الصراحة من غير حساب الحرمة تصرف اكثر.. يعني انا مثلا يوم كان عندي حساب كنت اصرف عشان مافلس لين اخر الشهر (لكن شغلات البيت على زوجي طبعا) لكن من غير حساب احس اني اصرف فلوس اكثر...
|
فعلا رأي ياربي لا تحرمني مناسب ممكن تحل الإشكال
|
اقول
انتم من جد تتكلمون ؟؟؟؟؟؟؟؟؟؟؟؟؟؟؟ يفتح لها حساااب ايش يا ناااااااااااس لو راتب الرجال 2000 ريال ايش بيفتح وايش بيقفل اولاً : اخقولك يا اخي الله يوووسع لك في رزقك .... ويفتح عليك كمان وكمان يارب وبالنسبه للزوجه .. اعطيه مصروف طبيعي لها شخصي يعنى 100 او 150 شي زي كذا لانها هي لا طلعات ... ولا روحات ولا شي هي اصلاً ما تحتاج الفلووس ومقاضي البيت .. انت جيبها ... والسووق شووف شو تحتااج وخذها معك للسووق واشترو اللي هي تبي بدووون زياده ولا نقصااان... وبهذي الطريقة ... تقصدر تتخلص من هات هات او اعطيني اعطيني ,... وريح راسك واذا قالت لك انت بخيل .. قول لها انا ما نقصت عليك شي ... تبي السوق نروح سوى وتبي اشتري مقاااضي ... اعطيني هي انا اشتريها يعنى بصراحه انت كفيت ووفيت احترامي |
كان الله في عونك وهناك الكثير من النساء امثال زوجتك ولكن راي انا ان تحرمها من الفلوس فتره وانت تشتري اغراض البيت بنفسك علشان تعرف النعمه الي كانت فيها وماقدرتها.....
|
صح ان بعض الحريم نقاقات
بس ترى انتو يا الرجاجيل تقهرون طيب انت قعدت معاها وفهمتها بالتفصيل حالتك الاقتصاديه والديون اللي عليك!! ولا بس توعدها انك راح تعطيها ا تسوف بدون ما تشرح لها الوضع انا اشوف يا اخوي انك اذا شرحت لها حالتك واتفقت وياها على حل يرضي الطرفين بتنتهي المشكله مافي حرمه تحب تنكد على زووجها و صدمني الاخ اللي يقول 100 ريال هذي شو تجيب!! معجون اسنان وشامبو؟! :25: |
كان الله في عونك اخي
اذا الزوجة ما تقدر ظروف زوجها ..مين يقدر ...الجارة ؟؟؟ اجلس معاها .... وحطوا لكم جدول مصاريف للشهر واذا كان في زيادة ..عطها المتوفر ... وضروري يصير عندكم ملبغ للطوارئ ما تحركونه وبكذا ما تتهمك بالبخل ... تحياتي |
اقتباس:
ونعم الرأي |
اقتباس:
صح كلامك وانا معك بهالرأي |
يا أخي
قال تعالى"((الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا .. الآية إن أغلب ما يعرض في الأسواق من مقتنيات يجذب المرأة ويشد انتباهها فهي بطبعها تحب التجديد والتغيير تحب الزينة واللباس والعطر قد أنشئت في الحلية منذ صغرها أفتستكثر عليها ما يسد عندها هذه الحاجة ؟ أتظن أن اطعامها واسكانها يكفي لاشباع غريزتها كأنثى تحب الجمال والظهور أنا لا أدعوك بحديثي هذا إلى التبذير وعدم الاقتصاد ولكن امسك العصا من منتصفها وبصراحة قد استغربت وضعكما ففي مجتمعي ... لا بد للرجل من أن يخصص مبلغ مالي لزوجته شهريا على أن يتناسب مع وضعه المادي فلو كنت فقيرا .. أعطها ما تيسر واشرح لها وضعك الاقتصادي لتكون على بينة من أمرها وإن كنت مقتدرا .. فلا تشح عليها ما قد تذكرك به بعد مماتك وتدعو لك بسببه وتذكر هذاالحديث ((دينار انفقته على اهلك، و دينار انفقته في سبيل الله، و دينار انفقته في رقبة، و دينار تصدقت به على مسكين، و اعظمها اجرا الدينار الذي انفقته على اهلك » . و قال-صلى الله عليه و آله-: «ما انفق الرجل على اهله فهو صدقة، و ان الرجل ليؤجر في رفع اللقمة الى فم امراته » . بادر إلى تخصيص مبلغ ثابت شهريا لزوجتك يتوافق مع وضعك المادي .. ليس لشراء مستلزمات المنزل بل لتفعل به ماتشاء .. لتشتري لباسا أو عطرا .. او أي شيء حلا لها ورغبت به فإن لم تعطها أنت .. فمن أين ستأخذ " اللهم يا كريم يا وهاب يا رزاق .. أغدق على زوجي من واسع فضلك واحسانك ، افتح له أبواب رزقك ، وأغنه في الدنيا والآخره ... اللهم بارك له فيما أعطيته ، وزده من الخير ، واجزه عني خير الجزاء اللهم اكسه من حلل الجنة ، واجعله يتقلب في النعيم والرخاء ... اللهم مامنعني يوما من حاجة اشتهيتها ، وما بت ليلة كسيرة الخاطر عنده اللهم فاجعل ذلك في ميزانه يوم لا ينفع مال ولا بنون .. اللهم فرج له كرباته ، ويسر له ماتعسر أنك سميع مجيب الدعاء |
الأخ a.m.a
ممكن نعرف دخلك الشهري عشان نقدر نفيدك .. |
الصراحة الحرمه اللي ما تقدر ظروف زوجها ما تصلح بهالوقت .
لازم تجلس معها وتفهمها هالشئ واذا ما قتنعت انت طنش ولا عليك بأحد وخلك طبيعي .. الوقت هذا صعب وكفاية مصاريف الأكل والشرب الي اصبحت تفوق الالفين شهريا .. |
أشكر الجميع على المشاركه ، وأحب أن أوضح بعض النقاط :
1- دخلي الشهري الصافي بعد خصم الديون واللي يروح للوالدين 1500 ريال . 2- كنت أعطيها شهريا 300 ريال في مقابل هذا الصافي مبلغ كبير لكن للأسف الشديد تستلمها من هنا وتبي تروح السوق من هنا . إذا ما وديتها تبدأ ديباجة المشاكل وتعكير المزاج وانا بصراحه من الناس اللي ما يحبون سوق الحريم لأن أرجعغ من السوق وأفتح الأسئله وراك تطالع ذيك وذيك طيحة عيونك مدري في سوق الحريم وتسأل وش تطالع أغمض عيوني وأمشي . 3- جلست تنق ألين طلعنا من بيت أهلي وصرنا في شقه لحالنا وطبعا مثلكم عارف المصاريف راح تزيد . 4- قلت بتريحني الحين لكن لا حياة لمن تنادي . 5- جلست تنق على رأسي تبي جهاز ألعاب لولدي اللي عمره 5 سنوات وشريت وخربه وشهريا 100 إلى 150 أشرطه وتصليح للجهاز . 6- الشيء الفلاني ما جبته وحرمة أخوك الفلاني طلعت وأخوك الفلاني عطى حرمته . 7- طبعا أنا قطعت عنها الملبغ النقدي من يوم طلعت في بيت لحالي . مشكلتها في ذا البيت أنها يوم أستأجرته كان في مشكله ووديتها بيت أهلها وأستأجرت البيت فما ما في شيء عاجبها . هذه بعض النقاط اللي أذكرها عطوني حل ممكن يركد ذا المره لأن بصراحه أحس أنه يا بتجلطني يا بتجيب لي سكته . |
هههههههه ياخوي هدي بالك والعن الشيطان .
بيني وبينك الزواج في ظل قصور بالمادة وربي شي يخليك تهوجس وتفكر افكار يمكن تقودك لأشياء خطيرة. اخوي تبي الصراحه حاول تكثر من دعاء قضاء الدين وانا واثق بأن الله سوف يخرجك من همكـ . وزي ماقلت لك حاول معها وجيب لها امثلة عن الازواج المتساعدين وانها لازم تصبر لين يفرجها ربك . اهم شي لا تلين انت ولا تخلي هالاجواء تعكر عليك حياتك. جرب طنشها اسبوع ولا تكلمها حتى .؟ وتشوف والله تتأدب |
اخوي الغالي a.m.a
ترى ذولا هم الحريم ... وخصوصاً الغيروين .. يعنى لا تشيل هم هناك من الحريم من هم العن من زوجتك .. وخصوصاً انى اشووف ان زوجتك طيبة وحبوبه لك عندي راي .... ودي الولد لبيت اهلك او خله ينام .... وجيبها في غرفه لحالكم ... تعرف الاجتماعات العاالمية اللي يحطون وطاوله وكرسي ويخلون النور خاااافت .... سو مثلهم ترى انا اتكلم جد والله جيبها في غرفه وشغل لمبه وحده واجلسوا في النص ..... هي بتستغرب شنو بتسوي انت وقفل الباب .. وجلسها على الارض او على طاااوله .... ولما تقفل الباب اجلس مقاابل وجهاً لوجه ... وقولها انتى ايش قصتك ... وايش النهاية معك وخذ قلم ورقه وخليها تقول لك كل شي ناااقص عليها ... واكتبها في ورقه ولما تنتهى من كلامها وريها الورقه وقولها هذا هو اللي منغص حيااتي .....واجلسو اتفاهمو على كل وحده وحده ... ايش الاسباب انك ما تجيبها .... ولما تقتنع اشطب عليها وايش الاسباب انك ماتعطيها ... ولما تقتنع اشطب عليها والاشياء اللي فيها امل انك تجيبها ... واعطيها وعود يعنى مثلاً خلال 5 اشهر بيكون متووفر هذا الشي ... ولما تقتنع اكتب جنبها موعود اهم شي قولها انا مو منغص حيااتي الا شغلة الفلووس .. يعنى لا تقومون ولا تخرجون من الغرفه الا وانتم متفااااهمين ومخلصين وضعكم نهائياً ,.... واذا خرجتكم وانتم راضين .... خوفها اكتب تحت طلباتها ... تعهد اقر انا فلانه الفلاني ( اسمها ) زوجت فلان الفلاني .. بأني لا اعود للنقنقه .. ولا للطلبات التي ليس لها ضروره بحته ... وانى اكون مخلصه لزوجي وبيتي واطفالي ... واي نقاقه تخرج منى او تقصير تجاه بيتي .. فأن لزوجي الحق فيما يراه مناسب التوقيع وخليها تووقع من جد .... هي ما راح تدري انت ليش كتبت هذا التعهد ... وتحط في بالها انه انت تفكر تتزوج عليها .. وتبي تمسك عليها اي شي في ظني ووجهة نظري هذا هو الحل الاخير اخيراً انصحك .. انت لا تعصب في الحوار خلي الحوار عقلي بحت ... بحيث انك ما تصارخ او تنقهر .. واذا هي صارخت قولها كبري عقلك ... اقنعيني واقنعك ... حاول تنوع من افكارك والاشياء اللي ما تقنع فيها حاول تقنعها بأسلوب رائع ... واذا هي قالت لك فكره وما اقتنعت فيها حاول انك تغير شي بسيط في الفكره وتقتنع ترى الحريم طيبووات وحبيبات وعسوولات اللي يخليهم لنا ويقتنعون بسررررررررررررررعه احترامي ياغالي |
اقتباس:
لو أنا مكانها بقول خلاص هونت مابي شي!! |
اعرف كثير بنات بنفس هالطبع
القناعة في وادي وهي في وادي ثاني المفروض ترضى بوضع زوجها وظروفه اذا هي تحبه مو عارفه قيمة عطائك ولا تقدر تعبك في الفولس لأنها اكيد مو موظفة والله انها عايشة ملكة ومو دارية تجي تشوف البنات اللي كل شي يدفعونه من الفواتير والاكل والاثاث واللبس وكل شي يكفي انها تشبع نوم وتصحى تلاقي كل شي متوفر وبخصوص اللبس والاثاث لازم تنظم نفسها على ظروف زوجها على فكرة ترى الحريم اللي بالبيوت يقنعو بعض انه الوحدة لازم يكون لها دخل ثابت من زوجها توفر منه وتشتري كل شي تبيه بدون ماتتكلف تقول له عطني صحيح المفروض تعطيها كل شهر شي بسيط يكفي مصاريف متفرقات لها وبنفس الوقت مايضايق ميزانيتك لازم تعلمها كيف تصير قنوعه عندك اشرطه لجاسم المطوع جدا رائعة ربي يعطيك من خيرها وكيفيك شرها الله يوفقك بينكم |
يا أخي ...
فرج الله همك ، وقضى عنك دينك ، ويسر لك ما تعسر ... ما يتبقى لك من مرتبك بعد أداء التزاماتك المادية لا يفي بقية متطلبات الحياة .. وأنا أعيش ارتفاع الأسعار ، والغلاء الفاحش ، وابتزاز التجار ... المبلغ الذي كنت تعطيه لزوجتك مناسب جدا لما يتبقى من دخلك وما تمر به من ظروف يبرر لك إيقافه ولكن إليك مني نصيحة أخرى ... لابد أن تصارح زوجتك بوضعك وأن هذه هي امكانياتك وأن عليها مراعاة ذلك ولكن لتخاطبها برقة وحب المرأة تتاثر بالكلام أكثر من أي شيء آخر أغدق عليها من بحر الكلمات ما يجعلها تحلق في السماء قل لها : كم أتمنى أن يرزقني الله لأفعل لك ، وأشتري لك ، وأترفك أشعرها بأنه لو كانت أحوالك أفضل لوجدت منك كل ما يسرها ولعلها بعد ذلك تشعر بالاحراج من أن تطلبك إلا إذا كانت امرأة جافة بلا مشاعر ولتكثر يا أخي من دعاء الدين ، واسأل الله من فضله فهو ملك الملوك ولتخرج من مرتبك مبلغا زهيدا كصدقة ثابتة تبارك لك ما يتبقى معك تصب بها دعوة ملك يقول: اللهم أعط منفقا خلفا وأتمنى من الله أن يجعل أحوالك في تحسن وأن يجعل لك من كل ضيق مخرجا وأن تصبح هذه الفترة من حياتك .. حكاية تذكرها في المستقبل وتتبسم عليها تحياتي |
( إظفر بذات الدين تربت يداك )
( اعلموا انما الحياة الدنيا لعب ولهو وزينة وتفاخر بينكم ) هناك من النساء أعرفهم لو تحصل على ريال واحد لحمدت ربها وسجدت لله شكرا المرأه التي يضعف إيمانها لا تجد طعم للحياة الا بالمال والمظهر إتعب على صقلها وتربيتهاروحيا حتى ينقشع عنها حب المال |
حب المال والجاه وحب الدنيا رأس كل بلوى
( إظفر بذات الدين تربت يداك )
( اعلموا انما الحياة الدنيا لعب ولهو وزينة وتفاخر بينكم ) هناك من النساء أعرفهم لو تحصل على ريال واحد لحمدت ربها وسجدت لله شكرا المرأه التي يضعف إيمانها لا تجد طعم للحياة الا بالمال والمظهر إتعب على صقلها وتربيتهاروحيا حتى ينقشع عنها حب المال |
ياخوي لازم تخصص لها راتب خاص فيها شهريا
خاص فيها (مو للبيت واغرضه) ,وهو يكون مصروفها ماعاد تطلب منك ابد ويكون هالراتب 25-30% من راتبك وبكذا ترتاح ,هي تحتاج بس عيبها ماعرفت متى تطلبك الله يوفقك |
| الساعة الآن 12:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©