|
اهل زوجي يعتقدون اني ........ شئ لايصدق
السلام عليكم ورحمة الله وبركاته
اخواني وخواتي عندي مشكله اعاني كثير من اهل زوجي يعتبروني اكبر (عائنه ) يعني حاسده احسدهم على اي شي حلو عندهم ودايما يخبون اسرارهم عني علشان ما احسدهم وحتى اذا مدحت بنتهم الصغيره اسمع همسات ان انا يمكن احسدها مع اني اذا اعجبني شي اذكر الله عليه واحيانا اجاملهم في شي ويفهمون غلط بعطيكم مثال عشان تفهمون مره اخت زوجي قصت شعرها قمت جاملتها قلت ماشاء الله القصه مناسبه عليك وشعرك حلو بعدها بفتره زوجي قالي اختي تقول انك اعطيتيها عين وشعرها الحين يتساقط بسببك قلت له الله اكبر عليكم والله ماكان عاجبني صدق مجرد مجامله ومره اخته الثانيه سافرت مع زوجها للدمام تمشيه طبعا وكانوا يتكلمون امها واخواتها ومايبوني ادري ويوم عرفت بالصدفه قالوا لي امانه اذكري الله لايصير لها شي بسبب عينك المشكله اني ساكنه معهم وهم يخبون عني كل شي خايفين من عيني واذا طلعت عندهم في الصاله كل واحد يروح لغرفته وكانه داخل عليهم وحش والله سببوا لي حاله نفسيه الله يخليكم علموني وش اسوي معهم وكيف ارد عليهم اذا تعرضت لموقف مثل هذاhttp://www.66n.com/forums/images/icons/icon9.gif |
هلا فيك اختي
طنشيهم .. اخصريهم .. احقريهم .. وش تبين تسوين فيهم ومن الصعب تغيرين هالقناعة اللي معششه بروسهم ... اخوك البدوي . |
طيب لماذا ماتسكنين لوحدك عشان تعيشون بسلام
|
صح لابد ان نؤمن بالعين لكن مو لدرجة الوسواس
شوفي انا اخذت درس لما أشوف أي وحدة موسوسة زي اهل زوجك ماأمدحهم ابدااااااااااااااااااااااااا انت اكشخي وتزيني عشان مايشوفون عليك قاصر ولاتمدحينهم كثير ودائما خلي ذكر الله على لسانك عشان يسكتون ولاتسألينهم عن أي شي بخصوصياتهم.. مثل وين رايحة؟ من وين شاريته؟ بكم؟ طنشيهم وبيني لهم انه هم اخر اهتماماتك.. وانه همك الاول والاخير زوجك وبس اهتمي فيهم من ناحية وحدة وبس.. لما أحد يمرض اسألي عنه اما غيره طنشي ادري انه صعب بس حاولي.. وتبين نصيحتي افردي عضلاتك شوي سوي نفسك فاهمة بالأمور كلها --------- الله يهديهم ويصلحهم الاشراف /عفوا :من فضلك اختى الكريمة .... من المفروض ان تكونى قدوة للاعضاء الجدد الابتعاد عن اللهجات المحلية قدر الامكان ..ولكم جزيل الشكرفهذا مخالف للبند رقم 21 من قوانين المنتدى http://www.66n.com/forums/announcement.php?f=3 |
يا حبيبتي يا ديمه
والله حاسه فيكي لاني عشت مع اهل زوجي الله يسامحهم انا اقول لك شي وريحي راسك من العور انا كنت اجلس بغرفتي 24 ساعه اطلع علشان اكل او اجلي او اكنس وبعدين ارجع على الغرفه اولها يمكن يكون صعب عليكي بس بعدين بتتعودي وخليهم هم ما يبوكي وانتي مو قاتله روحك علشان تجلسين وياهم وتعرفي اخبارهم يعني ريحي راسك من هالعور احسن لك مع كل الي يعملوه لك ادعي لهم بالهدايه لانه اذا ربنا هذاهم ان شاء الله بكون لصالحك وهذا دعاء كنت ادعي لهم وتغيرت معاملتهم معي (اللهم سخر لي قلوبنا احوجتني اليها) اللهم سخر لي قلب زوجي) وماتنسي انك شو ماقلتي لهم وعاملتيهم منيح علشان ربنا مو علشانهم الله يوفقك ويسكنك ببيت بروح وترتاحين من مشاكلهم طمنينا حبيبتي عنك في رعايه الله |
-------------
والله حالتك تحزن !!!! احسن حل انك تتركين المجاملات وكل ماتشوفي شئ تقولين --------- حتى لوكان عاجبك وهم الظاهر عندهم مشاكل وماعندهم غيرك يرمون عليك سبب مشاكلهم ولاتستغربين ترى فيه مثل حالاتك كثير وعندنا وعندك خير وزوجك لازم يكون له دور أساسي وايجابي بالموضوع ويحاول يكون له تأثير على أهله والا يطلعك في بيت مستقل اذا كان مو قادر يوقف بوجه أهله والله يكون بعونك |
الله يجزاكم خير
بس المشكله اني ساكنه معهم واطبخ لهم وكل شي انا اسويه لهم ومع ذلك يخافون مني وموضوع السكن المستقل صعبه لان زوجي هو الرجال الوحيد المسؤل عن البيت ابوهم متوفي الله يرحمه اختي شوبارد انا والله معاد امدحهم بس الخوف في قلوبهم والغريب انهم مايخافون من الناس الباقين مني انا بس والله اني صرت اكره نفسي |
"""طيب ليش ماتسكنين لوحدك عشان تعيشون بسلام""" مقتبس
ترى كثر الإحتكاك يسبب المشاكل عيش لوحدك أحسللك طبعا إذا رضي زوجك |
اقتباس:
رأي الأخت شوبارد مناسب جداً .. |
ينقل الى قسم الثقافة والتوجيهات حيث مكانه الأنسب |
الله يعينج .. والله ..
انا حاسه بموقفـك انا بعد عشت في بيت اهل زوجي وشفت الظيم .. وقعدت بغرفتي ماطلعت منها ... الا للضرورة.. سوي نفس الشي يمكن يلتهون بشي ثاني ولا حد غير ك... وقولي اللهم سخر لي زوجي... |
الله يعينك ويفرج لك كربتك
صراحه أهل زوجك ناس موسوسين قولي لهم وصارحيهم ولكن بإسلوب ليش تعتبروني حاسده لكم والله إني أتمنى لكم الخير أنتي أم زوجي يعني أمي وأنت أخت زوجي يعني أختي أنا ايش سويت لكم عمري أعجبني أو ماعجبني شئ ذكرت الله عليه الشيطان يحاول يدخل بينا بخوفكم من إني أحسدكم وأنا (والله) من داخلي أتمنى لكم السعاده مثل ماتمناها لنفسي وإن شاء الله إنها تفيد معاك يارب ومثل ماقالت الات شو بارد ربي يحفظها لا تمدحينهم خير شر الله يعينك ياقلبي |
هاها ههههههي الله يكون بعونك هذولا مساكين وصل بهم الحاله إلى هذه الدرجة ذكرتني بأهل أبوي مع أمي والى الأن لهم الأن 26 سنة نفس الكلام الفاضي هذا كان الله بعون أمي الي صبرت وما زالت صابرة لكن الحمد للها الأن أمورها تمام أصبري يفرجها لكي ربك سبحانه لكن عليكي بدعاء فهو المفتاح الذهبي لكل شئ
|
اللللللللللللللللللللللللللله يعينك
و ربي انك على أجر بس عليك بالدعاء يا قلبي ، و ثاني شيء زووووووجك ( هو أهم واحد فيهم ) اذا صار واثق منك و يحبك ، البااااقين طز و اذا منهم جيل صغير فاهم ... حاولي تحتكين فيهم و الا العجز والكبار خليييييييييييهم منك هههههههههههههههه بس ودي تسوين مقلب فيهم ........ و تنظلين واحد منهم و تخليهم يخافون منك عشان تطلعين لحالك :D هههههههههههههههه لا تصدقين .... |
السلام عليكم
حبيبتي انت لازم تفتحي المووضع مع زوجك ، تقوليله ان هذا يضايقك نفسيا وقولي له انك تقدرين انه يتعب لاجلكم كلكم والله يعطيه العافيه وانك لا تريدين بيت لوحدك وان اهله اهلك ولكن قوليله هذا تاعبني يا ريت لما يصير موقف مثل هذا امامك لا تحرجني امامهم بموافقتك لهن او يتفهم ويعرف ان هذا خطا ، وقولي لحماتك ، امي انا احبك وانا مثل بناتك وانا مستاءة جدا ليه تعاملوني كذا.؟ وقوليلها اني احب الخير لكم وما بدي احسدكم وادعي الله وتوكلي عليه |
تصدقين شيء يضيق الصدر .. ماعندك إلا مثل ماقالوا لك .. طنشي .. والأهم تجاهليهم بالكامل ولايسبب لك أزمه.. . . . يمكن حكاية القصة وإعتقاداتهم رسخت شي بعقولهم مهما تعملي ثابت .. الحل تجاهلي الوضع.. . وتجاهلي أي شيء يخصهم .. والله يعينك كل شيء بأوله صعب .. . . بكره ينشغلوا بغيرك يرموا عليه أفكارهم . . . |
مالك الا انك تسوين نفسك انتي بعد خايفه من عيونهم
وخلي زوجك يوصل لهم ويخليهم يذكرون الله مثل ما وصل لك كلامهم ومثل ما قالو اللي قبلي لاتمدحينهم |
|
شوبارد ماقصرت ولو أنا مكانك طلعت وخليتهم
|
اقتباس:
|
السلام عليكم
اختي اذا كانوا هم اصلا من النوع الشكاك مع النس جميعا فاأعتبري الموضوع عادي طنشي لاني اعرف ناس فعلا يخافون من العين بطريقه عجيبه هذا مرض بصراحه وسواس اما ان كان شي جديد بينكم فحاولي تسأليهم ليش اكيد مدحتي شي حتى لو مجامله وحصلت لها شي مو شرط من عينك بس خلاص اخذوها عليك المهم فعلا لاتحاولي تدخلي او تمدحي شي اويعني قولي مثلا ماشي حاله عشان تحاولي تبعدي الفكره عنهم بس برضوا دايما اقول التطنيش مع اهل الزوج بالذات هو المفيد لان الزوجه هي الخسرانه اذا نكدت على نفسها وزوجها فابلاش من الزعل اصلا الله يعينك ويساعدك |
--------------
الله يعينك وربي ان هذا التخلف بعينه لكن مانقول غير الشكوى لله ومثل ماتفضلوا به الأخوان والاخوات طنشيهم احقريهم اسحبي عليهم واكشخي واعتبري نفسك مانتي عايشه عندهم . ادري فيك انه صعب بس حاولي انك ماتهتمين بأمورهم لأن مثل حالة اهل زوجك شي مستعصي ماله علاااااج ولاله حل ومااقول الا الله يكوووووووووون بعونك ويسدد خطاك ويفرج همك |
طنشيهم وسوي نفسك ولا كأنك شايفتهم
|
الله يجزاكم خير
|
| الساعة الآن 02:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©