|
هل يحق لأمي تاخذ مصروفي الي من خطيبي ؟؟
السلام عليكم
صباح ومساء الخيرات يارب انا متضايقه من تصرف امي الله يحفظها ... تفتش في محفظتي وتاخذ مصروفي دون علمي .. انا اتفاجئ انها اخذت منه ... ولا ادري انها خذت منه الا لما اسئل من الي اخذ من الفلوس ؟؟؟ انا ما ابخل عليها بشي ... لكن هاذي فلوس زوجي ... احيانا تحاسبني عليها .. كم اعطاك .. وليش قليل وش راح تسوين في هالفلوس ... واخر شي قبل شوي جيت عند شنطتي لقيتها الي داخلها كله برى سئلت قدامها من فتشها .. قالت انا .. سئلتني وين فلوس زوجك .. مع انها تدري انه حنا طلعنا نشتري لنا ملابس .. بس سوت نفسها ماتدري ... انا مقدره لها اهتمامها لي ولمصلحتي لكن انها تفتش وتاخذ وانا مادري هاذا الي مضايقني .. انا كثير قلت لها اذا بتاخذي فلوس قولي لي .. لانه احيانا خطيبي يحط عندي فلوس ويقولي بعدين اخذهم .. يخاف يصرف منهم اذا كان محتاجهم ... بس هي ولا كانها تسمعني لو تاخذ من مصروفي الي تعطيني ياه هي او ابوي عادي عندي .. بس فلوس زوجي لا .. انا ماقدر اتصرف فيهم براحتي... لانه مره اخذت فلوس خطيبي وطلعت .. وجا خطيبي يبيهم .. بس مالقيتهم عندي .. ولا عرفت شلون اقول له من الفشيله .. لو اني ادري كان افضل ... الي عنده طريقه حلوه اكلم فيها امي اني متضايقه من هالشي يقول لي .. بس لاحد يفتكر اني اكرهها .. لاا.. انا ما اكرهها .. بس اسلوبها يقهرني الله يحفظها نسيت اقول .. انه خطيبي مايخلي فلوس عندي الا اذا كانت تخصني ومحتاجينها اي وقت يعني مايحطها في البنك .. لانه بيتهم قريب من بيتنا .. اختكم .. هموووم |
ينقل الموضوع لقسم المقبلين على الزواج مكانه الأنسب
|
الله يساعدك حبيبتي صراحة قصة تضحك يا زينها أمك أحسن شي تحاولي تحطي الفلوس في مكان ماتعرفه في جيبك في أي مكان إذا كان جوزك رافعها عندك و يبغاها بعدين أما إذا أعطاكي هيا خلي امك تاخذها فداها, أنت و مالك لأبيك. و الله يوفقك و يسعدك.
|
ياخوي مدري اختي ... انا فلوسي لها عادي فديتتها ... لكن فلوس خطيبي ماقدر اتصرف فيهم على كيفي
تسلم(ين) ع الرد هموووم |
والله انتي محظوظه حصلتي خطيب يكع من اول يوم في الملكه
شوف مدام انتي في بيت ابوك ليش يعطيك على كل حال الله يزيدكم الرسول صلى الله عليه وسلم ي يقول انت ومالك لابيك امك تاخذ الذي تبيه ما تقولين لها لا او انك تخفيه بحث ما تدري عنه بس تدري انه عندك فلوس وهي محتاجه وتمنعينها لا مايصير ابدا |
اخوي ولد جده أول شي .. انا مخطوبه من فتره مو اول يوم مثل ماتقول ... وهو يصرف علي لانه هو يشوف
انه لازم يصرف دام تمت ( الملكه) وصرت زوجته ...ومن ناحيه الفلوس هو ماشاء الله عليه مو بخيل .. مسرف الـ 100 ريال ماتجلس بجيبه ساعه .. وهو يشوفني محافظه اكثر منه .. والفلوس الي عندي لبناء الشقه الي ببيت اهله ومستلزماتها.. بس هاذي فلوس زوجي كيف امي تاخذهم دون علمي وعلمه .. وانا لو هو مصروفي يفداها عادي تاخذه ... لكنها تدري انهم لبناء شقه .. بس مدري ليش تسوي كذا امي الله يحفظها ياخوي ماهي محتاجه ابوي مو مقصر عليها ابد .. وهاذا كلامها مو كلامي بعد .. عالعموم يعطيك العافيه هموووم |
لا تقولي لأمك شي عشان ما تزعل و الفلوس اللي تخص زوجك و يحفظها عندك خبيها في مكان محد يعرفه و لو سألتك لا تقولي لها انه ترك مبلغ عندك أما مصروفك مو مشكله إذا هي محتاجه شي جيبي لها و إذا مو محتاجه لما يعطيك زوجك المصروف قوليها انه عطاني مبلغ كذا و بشتري فيه اشياء محتاجتها و عددي لها الأشياء وقولي ان شاء الله تكفي :d |
انا ما اقول لها اختي لولو .. لكن هي تدري لانها تفتش فيهم
وين اخبيهم انا اخاف يضيعو .. اما اني اقول لها ان شاء الله تكفي .. على طول تهزئني تقول مسرفه انا :d مع اني والله مو مسرفه الي احتاجه اشتريه تسلمين خيتو عالرد هموووم |
السلام عليكم
اختي وعروستنا الله يحفظك ويسعدك ويا زوجك ويألف بين قلوبكم شوفي ياقلبي مافي احلا من الصراحه بس قبل الصراحه لازم نعرف امك ليش تاخذ الفلوس ؟ هل هي بحاجه؟؟ ناقصها شي؟؟ اسأليها ،،،، وفاجئيها بأنك تخصصي لها كل شهر مبلغ معين من مصروفك مو من تحويشتكم وقولي لها ياماما انا كلي لك انا مين لي غيرك ياجنتي ياماما تحبي تشوفيني مبسوطه وسعيده مع زوجي؟ ياماما زوجي بيجمع الفلوس عندي عشان البيت اما المبلغ اللي يعطيه لي لمصروفي العادي فإن شاء الله ياماما بأقتطع منه مبلغ مين واهديه لك كل شهر وفعلا كل شهر اعطيها مبلغ معين وخليها تنبسط فيها والمبلغ اللي يحوشه زوجك لاتحطيه في الشنطه خبيه بدرج في قفل مو عشان امك لالالا ماشاء الله البيت اكيد في داخل وطالع واوقات تحطي الشنطه هنا وهنا فممكن تنسرق عليك والله يوفقك ويحنن قلب امك عليك وييسر أمر زواجك حصنتكم بلا اله الا الله |
لا ليس من حقوقها بالطبع..
اخبرها بالإحسان ياامي هذه الاموال تخصني اتحبي ان اخذ من اموالك بدون اذنك؟ والاموال التي يعطيك اياه زوجك فور دخولك غرفتك اغلقي الباب وخبأيها في جيب قميص في ملابسك وكذا ماراح تشوف الوالدة اي شي أختك حائزة |
الله يعينك انا من رايي انك تخبيهم باي مكان تحت الثياب مثلا او اي مكان
واسمحيلي كذبي في هالحالة وقوليلها ما اعطاني اما اذا حالها يسمح بالتفاهم قولي لها بالصريح الواضح هذي مهي فلوسي فلوس زوجي مخبيها عندي بليييييز ابيها اعطيني اياها |
روح الغالي .. أمي ماهي محتاجتهم مثل ماقلت ابوي مو مقصر عليها بشي ولا ناقصها شي ابد
وهي تعرف انهم فلوس البيت ... وانا مو مقصره عليها مو مدح في نفسي .. لكني كل شهر اعطيها ما اخليها ...اخبيها في درج معقوله .. بخبيهم وبشوف تسلمين اختي ماقصرتي حائزه اختي ... اخاف اقولها تزعل مني ولاتكلمني نور اختي ... ماقدر اكذب .. كيف اكذب وعلى امي بعد ... مااااااقدر.. وياختي هي تعطيني ياهم بس بعد ماتقهرني وتزعلني .. انا بس مابيها تاخذهم دون علمي .. تسلمين اختي يعطيكم العافيه ماقصرتو هموووم |
السلام عليكم ورحمة الله وبركاته .... اختي الكريمة / هموم ليس من حق امك ان تأخذ مال غيرك ... بما ان امك ليست محتاجة فلماذا تأخذ المال؟ لو طلبت الام بأي شي قليله عليهم ان نفدي بأرواحنا لكن ان تتعدى على حقوق الغير فهاذا لايسمح به . اختي الكريمه ,,, ماهو فأئدة البنوك ؟ افتحي حساب في احدى البنوك وبدون صراف وكلمي خطيبك بأن يحول المال في حسابك . اذا سألت امك اين المال ( قولي لها ان خطيبي فتح حساب خاص ليجمع المال فيه لفترة كم سنة ) ولا تقولين بأي كلمه انسي الموضوع كأن شي لم يحصل لان الام حساسة بمعنى الكلمة , وأنتي لابتخلي عليها بأي شي حتى لو ماتطلب. وفقكِ الله الي مايحبه ويرضاه لك مني اطيب تحية |
د.عبدالعزيز
يعطيك العافيه اخوي لكني للحين مو عارفه كيف اتعامل مع عصبيتها هموووم |
اقتباس:
اختي / همووم تقبــــــلي عصبيتها بصدرٍ رحب قولي لها ان شالله على العين والراس (ورشِ سكر على الكــــلام ) |
........................
الاشراف: _ارجوا الالتزام بالنصح المفيد. _ الخطيب العاقد القرآن يطلق عليه زوج. |
د.عبدالعزيز ... مشكور .. تدري عاد .. انا ولو قلته ماتسمعه من صوتها العالي
لمن تعصب الله يحفظها ... بس انا هاليومين بحاول معاها وان شاء الله خير يعطيك العافيه هموووم |
| الساعة الآن 02:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©