|
اريد هديه لزوجتي بعد النفاس
السلام عليكم
لدي سؤال ما افضل هدية اقدمها لزوجتي بعد الاولادة . ارجوا المشاركة من الجميع وبذات من بنات حواء ولكم تحياتي :22: تم تعديل العنوان ليتناسب مع الطرح فيافي |
شغاله!!!
|
ممكن ان كنت مستقدر
(سلسلة ذهب ) وان كانت ظروفك لا تسمح حفلة صغيرة بينكما الاثنين يعني جاتو على شموع على بالونات وكلة في غرفة النوم |
ولا شي ولا تفتح لنفسك بوابة تصير كل ماولدت تقول لك ليش ماسويت لي حفلة وله جبت لي خدامة وليش وليش ...... اقفل البوابة .... والباب اللي يجي منه الريح سده واستريح
بس اهم شي انتبه على صحة زوجتك ... وانتبه على صحة الولد وخليها ترضعه زي الناس لمدة سنتين واشتري له اغراض اللي يحتاجها في اول الايام ..... واقرا عن صحة الطفل كثير جدا لان الحريم يفتو بغير علم ويصبح الواحد محتار جدا ارجوك اقرا عن صحة الطفل والوقاية من الامراض وكثر خيرك |
اقتباس:
|
اقتباس:
|
الحمدالله على سلامة زوجتك
والهديه تتحدد على حسب ظروفك الماليه اذا تقدر تعليقه ذهب وتكون بعلبه هدايه او اي شيء عارف زوجتك كان خاطرها فيه واقل شيء لو تكتب درع وورده وتغلفها تغليف حلو او عطر مع حفله صغيره شموع وحركات الزوجه اي شيء من زوجها بيعجبها مايهمه نوع الهديه |
أفضل هدية بعد الزواج إنك تصبر على الأربعين يوم اللي راح تشوف فيها نجوم الليل في عز النهار, وطبعا أنا أقصد إنك ما تتزوج عليها مع إنك راح تفكر بالزواج خلال هذي الأيام فيكفيها إنك ما تتزوج عليها وهذي أحلى هدية,,,
تراني أمزح عسا ما تجينا قذائق نسائية :16: وبالنسبة للهدية, ممكن تسافر إنت وياها لأي مكان مدة ثلاث أيام علشان تقدر تعوض نفسك عن الأربعين النووية :d , وفي نفس الوقت تعطيها هدية ساعة غالية أو خاتم الماس بالتوفيق والله يجعل أبناءك من الصالحين |
اقتباس:
ليش مو هي زوجته وام اولاده وتستاهل يفرحها لو بسلسلة اكسسوار !!! مااقووول الا الله يعين زوجتك المسكينة .. |
اشكر الجميع على التفاعل
واتمنى لكم السعادة وفي الختام تهادوا تحابوا |
سوارة او خاتم
|
..... ماتدري وش كثر تأثير الهدية على نفسية المرأة .
مع ما مرت فيه من آلام تبغى حاجة ترفع معنوياتها هذا الرد على الولهان إن كانك ماتزوجت الله يعين زوجتك مستقبلا عليك......... وممكن تتغير وتحوش لها من الهدايا الكثير ! |
في مثل يمدحونه ( لتقل خيرا أو لتصمت)!!
أخي الفاضل..أن المرأة تحب المفاجاءت فأروع مفاجاءة هي أن تجهز المنزل بطريقة رائعة اما بالشموع او الورد استقبالا لها عند عودتها وتطلب منها الصعود اولا بينما انت تحمل الاشياء حتى تتفاجىء ولا مانع من هدية رائعة كقرطين من الذهب لان المراة بطبيعتها تحب الذهب او عقد ناعم.. وهناك اطقم ناعمة في حدود الف و500 وانت وميزانيتك وذوقك.. ولتعلم يااخي ان هذه الاشياء تؤثر في نفسية المرأة كثيرة فول تجاهلتها ولم تهدها شيئا لحز في نفسها ولو لم تصارحك..وليس المقصود بالهدية شيء غالي ولكن شيء يعبر عن المحبة واحلى شيء تقدمه فور زيارتك لها في المستشفى بعد الولادة الورد مع كلمات من قلبك الله يسعدك ان شاء الله أختك حائزة |
اولا 00الحمد لله على سلامته زوجتك
وتستاهل اغلا هديه انا عن نفسي زوجي قدم لي طقم ذهب كامل ولما جبت البنت بعد الاولاد جابي لي شغاله وكمان طقم ذهب وما زلت محتفظه بهم من زوجي العزيز على قلبي واذا كانت زوجتك تستاهل يا خي قدم لها اغلا واثمن هديه بس قدمها لها يوم الاربعين |
اقتباس:
شو لا تشتريلها شي؟؟ يا سلام !!!!!!!!!!!!! حملت تسع شهور.. وولدت واتالمت .. اتعرف شو هو الم الولادة ؟؟ الزوجة بعد الولادة مو بس يشتريلها هديه... لازم تنحط على الراس .. اسمحلي انت ماعندك احساس!!!!!!!!!!! بعد زين قلت انتبه على زوجتك ... وشو الحريم يفتو من غير علم!!!! خلينا العلم حقك ماشاء الله عليك!!! والسائل ... اول شي مبروووووووووووووووووووووووووووك على ماياك تقدر تاخذلها طقم ذهب... ولا اي شي يسوى انت اتعرف ان خاطرها فيه ... وصدقني بتقدر لك هالشي.. وجزاك الله خير ياخوي لانك افتكرت في زوجتك .(ماشاء الله).. انا استانست لانك فكرت فيها فكيف هي؟!!! الله يسعدكم ويوفقكم ويخليكم لبعض.... مودتي... |
اقول للاسف انو فيه ناس بها الوقت بالبخل هذا وبعدين الي ذكرته انو يهتم فيها ويشتري لها اغراض هاذ واجب لازم نكون نميز بين الواجب والذوق والرحمه
|
اخوي اولا مبرررررررررررروك ما جاك ويتربى في عزكم
ثانيا شوف هي ماقيد لمحتلك على شي نفسها فيه يعني انا مثلا كان نفسي في ساعة وجابها لي زوجي لمن ولدت , انت شوف وش نفسها فيه او اعطيها مبلغ وهي تتصرف فيه. |
ياعيني ماشاء الله تبارك الله
الله يهنيكم ببعض اخوي ويسعدكم يارب مثل ما قالو الأخوات شوف وش نفسها فيه من قبل مثلا رحتوا محل وعجبها شي بس كان ما عندك ولا غالي وتيسرت امورك روح خذه لها أو خذ لها طقم ذهب ناعم او سلسال مكتوب فيه اسمك وأسمها او حرفك وحرفها علشان تخليه عليها على طوووول أو خذ لها سواره ناعمه وخلخال نعوم وياليت ذهب ابيض عشان تخليه عليها على طول ومعاه عطر ماركه أو قميص نوم خاطرك فيه مع الذهب طبعا والورد فيه كثير هدايا تقدر تأخذها لها وتغلفها في محل تغليف الهدايا بطريقه جذابه وتشتري لها بعد باقة ورد مع الهديه لا تنسى الله يوفقك خيو ويسعدك يارب |
:17:
اولا الف مبروووووووووووووووووووووك لما جاك ويتربى بعزكم ثانيا اصبر شوي ما اشوف الكيبورد من الحمق في واحد راد عليك مستفزني |
[QUOTE=راتيل]اخي الكريم الهديه عربون محبه والرسول عليه السلام قال تهادو تتحابو بدون مناسبه ترسل الهدايا احيانا حتى نتحاب كيف اذا هناك مناسبه
اترك عندك كلام الاخ الولهان الي يقول عشان ماتتعود ومدري ايش هذا الله يعين الي هي بعصمته :( هديتك على قد ظروفك الماديه اذا كويسه راتب شهر مش بطال يسفرك ثلاث ايام انت بتونس نفسك قبل ماتونسها صح:14: اشتري لها ساعه حلوه مثل فندي الجديده اذا هي تحب الساعات ولا تعليقه ناعمه ذهب والله مو كثير على الزوجه هو كله شي نفسي وبعدين يا الولهان اذا مااهديت زوجتك بها المناسبه متى بتهديها والله من زين الكرم عندك هذا والحريم مايحملون كل سنه اجل لو الولاده كل شهر كن ايش تسوي على التعويد متكيثر على زوجتك بعد كل ولاده للحين فيه عقول زيك الله لا يبلانا قال تتعود قال الحمد لله والشكر |
السلام عليكم ورحمة الله وبركاته
مبروك ما جاك والله يخلي لك زوجتك والبيبي الجديد .. مثل ماقالوا الاخوات والاخوة قبلي .. المرأة تحب المفاجأت وماتهمها الهديه كثر مايهمها انه زوجها فكر فيها .. يعني مثلاً انا زوجي يوم ولدت جاب لي باقة ورد مع بطاقة .. وبالرغم انها مجرد باقة لكن والله تعني لي الكثيييييييييير .. والبطاقة لحد الحين لما اقراها ابكي .. لاني أحس اني فعلاً غالية عليه .. ولو كان بس جايب لي بطاقة بعد كنت بحس انها أغلى هدية .. كفاية عبر فيها بكلام من قلبه .. الله يخليكم لبعض .. واذا انت في خاطرك يعني تتفن لها .. يعني اشتري لها مجموعة كريمات من بودي شوب مثلاُ او اي ماركة تحس انها تحبها .. مع طقم ناعم وحلو .. او مجرد ساعه حلوة .. مع شنطة حلوة وحطهم كلهم في بوكس ووده محل تغليف مع اشوية ورد وشوية شموع .. وان شاء الله تعجبها .. وربي يخليكم لبعض :) |
حمدلله على سلامة زوجتك ومبروك ماجاك:15: شوف اخي الفاضل ا>ا كانت زوجتك توهاوالده فمن الحين لازم ترتب امورك علشان مايضيق عليك الوقت:18: :18: واول شي لازمتسويه ترتب البيت زين يعني ماتجي وهي شايله هم التنظيف علشان تفضالك صح:22: :22: جب خدامة اهلك اواستجر خادمه بليوم ترتب البيت على سنع وخاصة المطبخ ولاتنسى البخور واللعطور ثانين غرفة النوم حول تحط حركه حلوه فيها حط صورتها في اطار مع كتابت كلامات جميلة ام الهديه فلايهم ان تكون غلاية على حسب حلتك المادية وعلى راي البنات انت ادرى وش بنفس زوجتك وانصح بسفر لو ثلاث ايام وان شاء الله اكون افدتك والله يهنيكم:17: :17: |
الله ياسلام عليك اخوي شوف اشتر لها خاتم حلللللوووووووو مره مو شرط الماس ممكن ذهب بموديلات الالماس ثانيا سافر انت وياها وخل النونو عند اهلها ولا اهلك وروحو انبسطو انت وياها . بصراحه هذي احلى هديه ممكن تقدمها وشي ثاني انك تكون مراعيها بعد النفاس لان الوحده تكون مرتبكه وحوسه ولاتعرف تظبط وقتها بس فتره بسيطه وتعدي.وعلى البركه والله يخليلك ماعطاك
|
تعليقة الماس ناعمه
|
انا زوجي في الولادة الاولى ماجاب ليا شي عادي لكن عوضها في الولادة الثانية وجبلي طقم دهب والله
مسكين ماكان عنده فلوس وكمان في مستشفى خاص قلتله يكفي هدا الله يسعده جبلها خاتم دهب او جوال او عطر اي شي شي كان نفسها فيه طبعا غلفه ومبروووووووووووووووك عليك وشكرا |
| الساعة الآن 08:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©