زوجــك يسولـف معاك ويحب الجلسه معاك..؟
 

مرحبا.....:d
زوجك يسولف معاك دايم وتجلسون مع بعض باليوم لساعات طويله ...؟ وتلعبون مع بعض :23: ..؟ لان زوجي مايسوي هالاشياء ابد:29: ودايم انا اللي اسحبه علشان يسولف معاي او يلعب :( بس هو اذا جلس عندي يا على النت او التلفزيون كأني ماني موجوده قدامه:25: ولا يحسسني بأنوثتي بالمدح او الغزل مثلا اذا لبست حاجه جديده او غريبه....:( مع اني وربي ((( مابي امدح نفسي))) بس حلوه ونعومه.. ودايم اقوله لو انك ماخذ شينه وش بتسوي.......:28:
ابـــــــــــي ردوووووووودكم الله يخليكم .. بي اشوف كل الازاج مثله وهذا شي طبيعي ولا لا..؟

ياختي السوالف واللعب مو بكل وقت او طول الليل والنهار ... اختاري الوقت المناسب حتى يسوي الي تبيه

وحطيها في بالك .. معظم الازواج مايعبرو عن حبهم بالكلام .. بالافعال وبس... اصبري شوي .. واختاري

الوقت المناسب له .. و شوفي كيف راح تنبسطي معاهـ

ابسئلك .. اذا سحبتيه يلعب معاك ولالا ؟؟ اذا يلعب معاك .. معناه انه راغب بالهشي .. بس الوقت مو

مناسب.. خلي كل شي بوقته .. وانتي زوجته تعرفي وقت فراغه ووقت راحته ...


الله يسعدك يارب


هموووم

اختي انتي حببيه بالسوالف والقعده ... شوفي ايش يهتم وايش هواياته ... وادخلي له عن طريقها ..

وسوي جو ...مو دايم ... عشان ما يمل ..


تمنياتي لك بالتوفيق والسعادة

الحال من بعضه

100%

لا وازيدك يقولي دايما((نحن افعال لا اقوال)):29:

انا اوافقك الرائي واتوقع انها فترة فتور بين الزوجين يعني مهما عملتي لا يهتم

فيه ازواج مايحبون يتكلمون بس مو معناه انه انتي ما عجبتيه او ان لبسك مو حلو

يمكن هو يشوف ان الكلام والمدح ينقص من رجولته لأن بعض الرجال كذا تفكيرهم وبعضهم عكس كذا


.. أسألي مجرب ... انا عانيت من هالنقطه في زوجي بس الأن تفهمت اسلوبه واعرف انه يمدح

بصمت بنظرات عيونه..فقط لاغير..

:d هوني على نفسك اختي كلنا في الهوى سوى ،،انه اروح حق زوجي الصبح اسولف معاه يقولي مو وقت سوالف واقوم عنه اروح له الظهر يقولي مو وقت سوالف الروح العصر مو وقت سواف المغرب العشاء باختصار كل الاوقات مو مناسبه عنده حق السوالف مادري متى الوقت المناسب عنده ،،،،الجزء الثاني للسؤال:زوجي ما يقعد على النت كلللش ويطالع التلفزيون وكاني قطعة اثاث يمه ولا يحسني بانوثتي يعني اذا يوم من الايام قال لي كلمه حلوه اعتقد ان بيغمى او بامرض من الفرحه والصدمه والخافي اعظم ،،،بس اهم شي ابي اعرف هانت عليج مصيبتج او لا؟؟:25:

حبيبتي انا بعد زوجي مثل زوجج دايما مقابل النت او التلفزيون قبل كنت اظايق نفسى بس بعدين خلاص تعودت صرت اقعد معاه سوا كان عن النت او التلفزيون وانا الى ابتدى السوالف واتدلع عليه غصبا عنه يكلمني لاني دايما اكون كاشخه له... حتى المباريات اتابعها معاه واذا لعب بلى ستيشن بعد اكون معاه والحين اهو الى يبني اقعد معاه ويناقشني في كل شيء ويحب يسولف معاي صرنا ربع واكثر لووووووووووول اكيد اكثر لاني زوجته

وسلامتكم

رأيي زي ماقالت عاشقة تانغوي000

نادرا ما يفعل وأنا بصراحة ما أحب أتكلم معاه لأن أي موضوع لازم يقلبوا جد أكثرمن اللازم فينقلب الكلام نكد أو يقلبه سخرية علي وعلى طريقتي في الحياة ثم ينقلب نكد فبالتالي ، لا أفضل أن يحدثني أو أحدثه ، الحمد لله على كل حال

كلامي زي قهوه مغليه والله ضحكت من التعليقات الحال من بعضه قعدته زي عدمها ولو جبت سالفه أو موضوع في الأخير خناقه عشان كذا ألتزم الصمت
بصراحه إختلافات كثيره بين الزوجين أسلوب التعامل ثقافته وضعه الإجتماعي كلها مختلفه
أنا أهلي هادييين الطباع وزوجي حاد الطباع والله المستعان بس أحاول أتأقلم

انا بصراحة خطيبي لززززززقة بمعنى الكلمة حتى صرت اتمنى يفج عني شي

بصراحة مو كل الازوج مثل زوجك

أنا زوجي يحب يتكلم معي ويجلس معي كثير

بس انا اعذر زوجي علشان ظروف العمل والمحل

ولكن اذا كان فاضي نطلع مع بعض وعنده اجازة يوم الجمعة والسبت نقضيها مع بعض


أختي حاولي مع زوجك ولا تيئسي يوم مثلا اعملي لها قهوة او عصير او حلويات

ترا الزوج يحب التغير المفاجئ من قبل الزوجة


والله يعينك

مولازم الزوج يقوم بهذا كله أهم شيء شوفي أشياء ثانية حلووووة فيه وقولي الحمد لله ................

انا رايي من راي عاشقة تانغوي

انا من طبعي ماحب ان زوجي يقعد عالنت مع انه مايقصر معاي بس ماحب احس النت ياخذه مني بس اقعد معاه واشاركه راييي والحين اذا قعد يناديني ويقولي يالله تعالي جوفي جي احسن ولاجي
حتى البلي ستيشن اكرهه كره العمى لان ريلي وااايد يحبه ودايما اقوله انت متزوجاربعه انا والنت
والبلي ستيشن والكوووره بس اضطريت اتعلم البلي ستيشن ولاصرت يوم العب يستانس بس شسوي مافي طريقه الاجي
بس الحمدلله هو من النوع اللي يسولف معاي عادي ويقعد معاي بس الوحده تبي الريال 24 ساعه