|
صورة امرأة في جوال زوجي
ابغي نصيحه
اذا وحده شافت في موبايل زوجها صور بنت لابسة قميص نوم ورسائل حب ،شو من الممكن تسوي زوجي يكذب كثيرا لدرجة اني ما قمت اصدق ولا كلمه منه حتى لو قالي احبك والله اني اعاني |
الله يعينك ............
|
اذا كان من النوع اللي عنده ضمير سوي ينفسك ما شفتي ، أو وصلي له انك شفتي و انك صابرة و محتسبه و الدعااااااااااااااء لمن يخجل من نفسه الله يهديه
|
نصيحة طنشي انك شفتي شي وكوني طبيعية مع زوجك وعامليه بالحسنى يمكن يستحي على دمه
واغريه بكل الوسائل هذا زوجك وحلالك ليه تخلين وحدة ثانية تاخذه منك شفتيها لابسة قميص نوم البسي قميص نوم احلى منه واهتمي بنفسك وسوي حالك ولا شايفة شي ولا دارية عنه وراقبيه من بعيد لبعيد وراجعي حساباتك ليه زوجك اتجه لهذي البنت لو ماشاف تقصير منك أشبعي زوجك وبتشوفينه مابيشوف غيرك ان شاء الله ونصيحة لك لاتواجهين زوجك الحين تمكني منه بالاغراء وبالحب وحسسيه انك محتاجة له وحسسيه بقيمته بحياتك صدقيني يالغالية هو من حاله يترك هالبنت ان شاء الله لان الرجل بشكل عام عنيد بطبعه واذا عرف انك عرفتي ممكن يتمادى اكثر خليه خايف وبنفس الوقت راقبيه من بعيد لبعيد واوصيكي بالدعاء وقيام الليل وعليكي بالاستغفار ربي يوفقك ويسعدك ويسخر زوجك لك ويبعد عنه بنات الحرام اختك الجازية |
عفوا أختي..
حالتك ليست جديدة او وحيدة.. لكن تحتاج لكثير من الصبر والحكمة.. طبعا لن نحتاج ان نوصيك ان تهتمي بنفسك وتخففي من المشاكل وتتجاهلي بعض التصرفات... لكن لا تهملين هذا الموضوع.. ممكن تعلقين على موضوع مختلف وتتوضحين أنك شايفة الصورة لكن مستهترة بها يعين كأنك عارفة بالموضوع ومطنشة لكن أسلوبك مع زوجك لا يزال رائع وممتاز... ممكن وأنت تسولفين معاه ممكن تطرحين أي موضوع وتربطينه بان الإنسان يكون قدوة لأهله وزوجته وأولاده لان الغلط إلا ما يقع منهم! بعدين ليتك تذكرينه بالله كل فترة وفترة .. لان المانع الحقيقي هو الخوف من الله بالتوفيق |
انا مع اختي الجازية 100%
|
الجازية ...100% كلامها سليم
قد اذا واجهتيه يعترف ويقول لك سوي اللي تبغينه .. وهنا انت الخسرانه لان راح يتبجح بالتصرفك امامك شوفي وش ناقصة واهتمي فيه اكثر لمحي له بان صديقتك اكتشفت ان زوجها عنده علاقات وهذا بيتها انخرب حسسيه انك تثقين فيه ولكن راقبية من بعيد لبعيد اهم شي تأكدني انه ما تكون العلاقة جسدية ...لان هنا الامر يختلف السالفة راح يكون فيها نقل امراض لك ...عفانا الله واياكم جميعا الله يعينك |
الله يصبر قلبك
الله يكون معاك |
الله يصبرج ويعينج ..
ماقدر ازيد عن الي قالوه الخوات ... والله الموفق |
الله يعينك ويصبرك
والله الأزواج في هذا الزمن حالهم زايد.. |
الطفره .. الله يصبرج موقف صراحة صعب ومب اي وحده تقدر تتحملة بس نصيحه أختي لا تواجهينه الحين
تحتاجين وقت للمواجهه ما تنفع المواجهه وأنتي ضعيفه وما عندج خبره .. أختي في دورة تطرح على النت أسمها أستراتيجيات التعامل مع الزوج الخائن من أستاذه مختصه في هالحالات أسمها أ ناعمة الهاشمي أبحثي عنها وهي دوره غير مجانية .. يعني الاشتراك فيها بفلوس وأنا من المشاركات فيها مب شرط الاشتراك لسبب الخيانة لا أنا اشركت لاستفيد لأنها تعلم عن أنماط شخصيات الأزواج .. |
اشكركم على الردود بس ما قدرت اسوي الي قلتولي عليه
ما قدرت وواجهته اول شي قالي اياه ليش اتنبشين التلفون هو اول ما تزوجنا قال لي مالج شغل بتلفوني بس انا قلت فخاطري هو ما قال هذا الكلام الا وتلفونه فيه شئ عشان جي فتشت وزعلت كم يوم وبعدين قالي ما اسويها مره ثانيه اسف بس انا مب مطمنه من الموضوع |
الدعاء ياختي يعمل العجايب
والله يكون في عونك ويحفظ زوجك من كل فتنه ويجعله قرة عين لك |
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©