|
نصيحتكم ، هل أساعده بمدخراتي ؟
السلام عليكم ورحمة الله وبركاته .. أنا طالبة جامعية , وزوجي يكمل دراسات عليا .. الآن الوضع المالي لزوجي سيء لأنه يدرس دون تفريغ من جهة العمل الأصلية .. لأنه لا يعمل سوى الدراسة .. صار لنا 9 شهور متزوجين وأجلت فكرة الإنجاب لظروف دراستي ودراسته .. ومن أن تزوجنا ووضعه المالي سيء لأنه لم يلتحق بوظيفه من أن تزوجنا إلا متعاونا في بعض الجهات الرسمية .. السؤال ! الآن أنا آخذ مكافآت دراسية من الجامعة بالشهر ألف والآن جمعت 6 آلاف , هل أعطيها زوجي مساعدة , أم أدخرها وأشتري بها شيء لنفسي عقد أو حلق أو خاتم .. أو أضعها في البنك وأنساها ..أو أعطيه منها شيء .. هو لا يقصر علي , لكن أخشى أن يعتاد ويقصر بالنفقة بحجة معك ما يسد حاجتك , خاصة أن أسرته تتصف بالبخل أو الارشاد الاقتصادي .. وأخشى إن أعنته بها أن يرى أن دخل شهري متواضع مثل الذي تعطيه لها الجهات التي يتعاون معها يسد في سير حياتنا , ويتكل , ولا يهتم بتطوير نفسه وإيجاد مصادر مالية أخرى ... وأخاف أن يقول أين مكافآتها ويشك أنني أعطي أهلي منها , مع أني أحاول إفاهمة أن الدراسة والكتب والملازم لا تبقي من مكافأتي شيء ... انصحوووووووووووني الله يخيلكم |
الله يعينك حبيبتي ويرزقكم من حيث لاتحتسبون وييسر أموركم أنا رأي إن كان هناك ضروره ملحه تجعلك تفعلين ذلك فافعلي ولكن لاتخبرينه بما لديك وضعيه في حسابك الشخصي وهذا يعتمد على نوعية الزوج فاذا هو ماعنده احساس تجاه هذه المسؤوليات وتجاه الحياة التي تعيشينها والتي تجعلك تؤجلين حلم كل متزوجه من الامومه فلاتخرجين فلساً واحداً هو كان عليه من الاول توفيرحياة لانقول فاحشة الثراء ولكن تسد الحاجات وانت عليك الاتتحملين هذا العبء يكفيك حرمانك من حقك لتصبحين أماً دعيه ووازني كما ذكرت لك الله يفرج لكم ويسعدكم يارب |
لا تبخلوا علي ّ بمشورتكم أي أحد يدخل يرد بأسمع النصيحة وأطبقها إذا ناسبتني إن شاء الله |
اعتقد انه المسؤل على الانفاق وليس انتى
|
اقتباس:
الحياة الزوجية هي حياة مشاركة في كل لحظة من لحظاتها واذا لم تقف الزوجة مع زوجها في الظروف الصعبة فمتى يكون ذلك وعلى كل حال انتي ادرى بزوجك وهل يستحق التضحية بمالك من اجله وبناء عليه قرري. وفقك الله |
امممممممممم
اعانك واعانه الله يارب اختي اذا كان زوجك الكريم في حاجه الى هاذا المال فالحوز انك تساعديه اما العقد وموضوع انج تخلينها في البنك ترا ماهي بظروريه كثر مساعده زوجك نعم هو النافق الاول والاخير ولكن صدقيني لو رايتي بنساعدتك له الفرحه في عينه ساعديه فهاذا زوجك اولاا اجر من الله ثانياا صدقيني تكون في ميزان اعمالك وتكون النظره الاكثر ايجابيا من الزوج اعطيه بنية المساعده وربي يطرح لك البركه والخير سلاام |
لو انا انحطيت فى موقفج ما راح اتردد باعطيه الفلوس و انا مغمضه اللى هو يصرف على او يدخره
اكيد حق مستقبلنا و يسهل اموركم |
لو أنا في هذا الموقف راح أعطي زوجي 1000 وأنا 1000 والباقي في البنك وأنساهن! وطبعاً ماراح أعلم زوجي بالمبلغ هذا!!!لان ما أعرف المستقبل كيف بيكون!
|
ازددت حيرة أعطيه وإلا ما أعطيه ...؟! حتى أنا لو أعطيته أحس أبمن عليه لو حتى بداخل نفسي .. أذكر وحنا تونا ببداية الزواج تقريبا عقب شهر أو شهرين كنت أبجيب هدية لبنت خالتي إلي توها والدة ويوم رحنا واخترت الهدية لها ولأختها الوالدة قال أنت تدفعي وحدة وأنا أدفع وحدة .. وبصراحة قعت أصيح , وانقهرت مرة لأنو ليه أنا أدفع وأنا ما معاي إلا مكافأة .. فأخاف أعطية وأخليه أنا يتعود على الامساك !!! |
برأيي إنك أعرف الناس بزوجك وبطبعه
والقرار حتى قرارك لكن قبل تقريين إنك تعطينه أو ماتعطينه لازم تكونين حاسبة في بالك النتائج ومستعدة لكل شي وبرأيي الخــاص لو كنت مكانك راح أساعده باللي أقدر عليه مهما كان هذا زوجي والحياة حياتنـا مع بعض ، ليش أبخل عليه وأنا أشوف وضعه إنه سيء أعطيه عن طيب خاطر لكن مش جميع المبلغ وإحتسبي الأجر لله وصدقيني بيجيك أضعاف مادفعتيـــه من مال وراحة بـال ورزق وفير من الله أرحم الراحمين بس نصيحة لك لا تحسسينه إنك إنت ِ اللي متفضلة عليه ، أعطيه إياها بطريقة تبين له إنه هو أهم من كل شيء بالدنيا عندك ولا تعيدين وتزيدين عليه بعدين وأكيد هو بيقدر اللي عملتيه له لاسيمـا إنه هذا كرم منك لأنه هو المسؤول عنك وليس العكس وبالتوفيق لك .. |
السلام عليكم
انا راي تعطيه جزء يسير و الباقي تحوشيه بس لا تعطيه كل اللي معاكي اهم من كل ده اخلاص النية لله لان البشر ينسون و الله لا ينسي:21: |
اولا اكثري من الاستغفار فإنه يزيد الرزق
ثانيا : شكله لما قلتي عن قصه هدية الوالدة انه احتمال يكونبخيل ولاحظي كلمة احتمال ( انتى ادري ) ثالثا : اشرايك تعطينة مبلغ صغير وما يدري عن المبلغ الاصلي - بس من رح يكون مصدر الفلوس اخاف اذا عرف المصدر يمكن يطابك فيهم كل شهر ؟ المهم دبري حجة عن مصدر الفلوس او حتى قولي تسلفتهم وانت الحين تسلفهم منى ورجع لي المبلغ وانا ارجعه لصديقتي عشان ما يظن انها عطيه ومرح يحمل مسؤليتها |
والله أنت يا اختي أعلم بحال زوجك الان هل هو بخيل أما لا . . . على حد علمي بان التعاون بين الازواج مطلب أساسي على ظروف الحياة اليوم اختبري زوجك بان تساعدة بجزء بسيط من المال مثلاً 2000 ريال أو 1500 دون أن تعلمية بالمبلغ كله ثم أنظري الى ردته فعله وكيف يتصرف بالمبلغ من خلال هذا الامتحان يمكن معرفة هل زوجك شحيح أو كريم أو مبذر وغيرها من الصفات . . هذا رآي
|
نقل الى قسم المتزوجين مع تعديل على العنوان ليتناسب مع المحتوى
|
إذا حسيتي أنه مزنوق ساعديه
|
أختي
أول شئ هل الخاتم أو الكماليات هذه تتقارن بحاجة زوجك للمال ؟ ثاني شئ مثل ما قلتي زوجك مو جالس عاطل عن العمل لكن يبحث عن العمل و أحيانا يعمل كمتعاون فالظروف هي اللي ضده و مو بيده يعني يسرق عشان يعيشك ؟؟؟؟؟؟؟؟؟؟ ثالث شئ فكري إذا لا سمح الله لاسمح الله زوجك صار فيه شئ ، هل راح يفيدك المال بشئ ؟ إيوة المال يفيدك لكن أقصد مافائدة المال بدون وجود زوجك بجانبك و بجانب حبه و حنانه و عطفه هل تنتظري زوجك يقول لك أعطيني أنا محتاج ؟ أختي أنا برأيي إنه لا أفراط و لا تفريط صح هو الرجل و المسؤول عنك ، فإذا شعرتي من خلال حياتك معه إنه لو معه ما راح يبخل عليك و إنه يقدر مساعدتك و إنه عارف إنك تساعديه عشانه و تحرمي نفسك عشانه فساعديه بالقدر المعقول و نفس الوقت شيلي لنفسك عشان لا تشعري بالحرمان بيوم من الأيام و تبدأي بداخلك تشعري بالمن عليه لكن أعطيه و الله يرزقك من غير حساب و حتى لو أهله مثل ما قلتي ( بخلاء ) فإنت مالك دخل فيهم و أهم شئ إنه ما يكون مثلهم و أهم شئ إنه مالك اللي تعطيه يصرفه عليك و على نفسه و لو معاه مال يصرفه عليك و الله يوفقك |
حبيبتي انت اعرف بزوجك
انا عن تجربة ساعدت زوجي كثثثثثثثثثثثثثثثثثثثثثثثثثثثثثثثثثثثثثثثثثثثثثثثثث ثثثثير وهذا ليس مناً .............. ولكن اصبح معتمد علي ويقولي انت ادفعي من عندك هذا وانا لسه طالبة اجل كيف لو اشتغلت حاطة في بالي ان اكيد بيصير مشاكل عشان الراتب لازم تعوديه من البدايه اذا شفتيه انزنق مرة اعطيه مبلغ بسيط 200 _300 فقط وقولي هذا اللي بقي عندي |
انا في رايي وانتي ادرى بظروفكم
ان كان زوجك مره مره مزنوق ومحتاج للفلوس عطيه 500 وقولي له ان هذا الباقي من مكافاة الشهر هذا وخلي الباقي في البنك واصرفي منه متى ما احتجتي ولا تعلمينه بالمبلغ اللي عندك لانك ماتدرين عن ظروفك بعدين- لان بصراحه لو عطيتيه بيتعود منك انك تعطينه وانك تصرفين على نفسك وصدقيني بتملين من هالشي اذا تخلى من المسؤليه-- والله ما قلت هالكلام الا عن تجربه ومليت بجد-- لكن يوم صرت اقوله ان ماعندي شي صار يضطر انه هو اللي يصرف--- وبالاخير ااخيار لك انتي |
| الساعة الآن 02:41 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©