|
خطيبتي ذهبت للمبيت في بيت اختها لأجل الطلعات معهم من غير أذني، ماالحل؟
طبعا كل يوم جايب لكم مشكلة جديدة مع خطيبتي
اليوم اتصلتانا عليها وقالت لي انها راح تروح عند اختها اللي اكبر وهي متزوجة قبل سنتين وراح تجلس معاهم يومين لاكن المشكلة اقولها ليش رايحة وش الداعي للروحة تقولي على شان زوج اختها دايما يطلعون من البيت يعني تمشيات وروحات وجيات واسواق والاخت فالله تبي تروح معاهم طبعا ما قالت ايش رايك اروح ولا استاذان ابغا ارئكم في القضية لاني بصراحة فكرت في الطلاق الأشراف: تم تعديل العنوان ليناسب النص. |
الطلاق شيله من بالك نهائيا ...
التفاهم افضل شي .. شوف و عندها من كلام ووش ردها ... كلمها زين .. واجلس معاها بعد اذا تقدر قول لها الي بقلبك بس الطلاق لا قول لها الي يضايقك ياخوي وهي راح تتفهم لكن ياخوي .. فيه شي الحين .. هي تروح مع زوج اختها لانه يطلعها .. وانت ليش ماتطلعها وتمشيها مقصر معاها علشان كذا تطلع معاهم هي شوف بايش مقصر وشوف الي تحتاجه .. ولا راح تزعلك وتطلع من دون استاذانك قبل ماتطلق فكر !!! الله يهديك ويسعدك يارب هموووم |
عشان موضوع زي هذا تبي تطلق
لاتفكر في الطلاق عزيزي ابدا بعدين عادي خلها تروح مع اختها تتمشى وتنبسط لاتصير حساس مررره مو اي شي تفكر بالطلاق الله يوفقك تحياتي لك |
http://www.l22l.com/l22l-up-1/0ca272a33f.gif أخوي انت تخرجها وتخرج معاها ولا لاء ؟! يمكن قالت كذا عشان على قولهمـ اياكـِ اعني فاسمعي ياجارهـ .. يعني شوف زوجها يخرجها دايما ً وانت لاء .. واذا كنت تخرجها اتفاهم معاها وقول لها انكـ انت اولى تخرجها ,, لا تفكر على طول بالطلاق مارفع نسبة الطلاق الا التفكير بهذهـ الطريقة والعجلة ,, اتفاهم معاها عن اللى يضايقكـ ,, وحاول قدر المستطاع تفهمها .. وفهمها انكـ زوجها وبالنسبة لكـ لازم تستأذنكـ لما تخرج ,, والله يسعدك ويوفقك دنيا وآخرهـ ويسكنك الفردوس الاعلى انت ومن تحب .. http://www.l22l.com/l22l-up-1/0ca272a33f.gif |
انت رجل و عقلك اكبر
كل شيئ بالسياسة |
شو تركت لمشاكل الايام القادم بعد الزواج؟؟؟
اهم شيئ بحياتك كلها ان تنسى كلمة اسمها طلاق لا تفكر بها ولا تذكرهاولا تسمعها. وعليك بالنقاش الهادىء . |
أعلمها بعدم موافقتك على ذهابها لأختها وخلاص..
|
صلي على النبي ما تستاهل الحكاية توصل طلاق,,
|
والله أنا مرة من المرات كلمت زوجي أيام ما كنا مخطوبين وقلت له إني أنا مسافره
فقاللي ليش ؟؟؟ قلت له أبغ أشتري ملابس صراحة أتضايق لأني ما أستأذنت منه .........وأنا والله العظيم كنت أجهل الشي هذا ولا جا في بالي أبدا .....لكن نبهني وقاللي وأنا ليش ما أخذتي رأيي ولا أنا على الهامش ؟ من وقتها خلاص أنتبهت وعرفت أنه لازم أستأذن منه في فترة الخطوبة يعني يا أخوي يمكن تكون ما تعرف فنبهها الله يوفقكم |
عاداتنا ما تسمح لنا انه تطلع معاي والا ياليت
الله يوفق الجميع |
خير إن شاء الله فيه شيئ اسمه حوار ونقاش لأن الأمر عندها عادي مافكرت إنك ممكن تستهجنه .
|
أخي .......
انا مع رأي الأخوان والأخوات الي قالو انك تكلمها وتقول لها شنو مضايقك وصدقني راح يتعدل الوضع اهم شي تبدا حياتك بالصراحه مو تزعل وتكتم في قلبك وهي ماتدري شنو السالفه... والله لا يجيب طلاق بينكم ويوفقكم يارب ......... |
وإذا تبغى تطلع عند أختها... تعرف هي عروسة وتبغى أحد يساعدها في أشياء السوق: يا أخي ايش رأيك أنا أقول لخطيبتي دائما خلي أحد ينزل معاك السوق!!!
أما الطلاق -معاذ الله- انسى أصلا هذي الكلمة وشيلها من قاموسك... ولا ترى بتجلس توسوس!!!! الله يوفقنا وياك ويصلح لنا أزواجنا وزوجاتنا :) |
لا حول ولا قوة الا بالله
يا اخي طلاق مرة وحدة هو الزواج لعبة وبنات الناس تسلية اذا انت من البداية تفكر في الطلاق اعانها الله عليك كل كلمة والثانية طلاق اتقوا الله وين عقولكم كلامك هذا( هز لى بدني )على قولة اخوانا الاشوام الرجال صار ينعدون على الاصابع ادري ان ردي هذا بينحذف لكن قهر الله يخلف على بناتنا لازم الواحد يقسوا في الردعلى بعض النوعيات علشان ترجع لهم عقولهم لا حول ولا قوة الا بالله اذا صارت في بيتك تحكم فيها على كيفك |
الله يكون فى عون زوجتك انك بتفكر من اول اوائل الامور انك..........احسن ما اقولها
تعرف اية اكتر حاجتين عجبونى فى زوجى.........انا كنت احبهم عموما بس هو الحمد لله اللى طلبهم اولا...........انا كنت فى البداية لما يحرجنى اقول له خلاص انا كدة هقول للماذون يقطع الورقة اللى معاه(قسيمة الزواج)بس طبعا بهزار خااااااالص..ولا كنت اقدر ابعد عنه.......... المهم ان هو قالى ان هو بيضايق جدا من السيرة دى حتى لو بهزار وبلاش نقولها على لساننا خالص....ودة عجبنى جدا وطبعا نفذت طلبة وانا سعيدة....... ثانيا ولو انها خارجة عن الموضوع.بس مهمة كتير........انه قالى ان مشاكلنا(لا قدر الله)بعد او قبل الزواج ماينفع نقولها لاى احد.........ودة طبعا عجبنى جدا لان لو المشكلة طلعت برة الاتنين صعب جدا جدا تتحل...ولو اتحلت ممكن يرجعها الاطراف الخارجة تانى......... وانا اصلا كان نفسى اقولة كدة علشان اعرف اسر سبب مشاكلهم بل طلاقهم.....تدخل الاهل(اللى هم اعز الناس) |
انتوا كل شي عندكم أفكر أطلّق
ايش التفكير هذا, و ايش الشي الكبير الي سوّته البنت ؟؟ أنا بالنسبة لي أشوف انو بما انها لسا فبيت أهلها فمالك حق تطالبها تستأذنك , أبوها المسؤول عنها .. |
اخوي يزيد غلاكم انت اتقول كل يوم جاي بمشكله .. يعني طرحت بعض المواضيع هني ويمكن انا ماقريتها بس مادري اذا ذيك المشاكل تستحق الطلاق او لا.. ويمكن تراكمت عليك وحسيت بالضيق..
بس حبيت اقولك ان مو كل بنت وقت الخطوبه ايي في بالها انها تستاذن من خطيبها ترا وايد الي مايدرون وانا منهم .. بفترة خطوبتي كنت والله ماعرف شو اسوي ولا شو اقول ويمكن بدرت مني اشياء خلته يتضايق.. بس كان صابر علي... اصبر عليها .. وفهمها .. ترا صدق يمكن ماتدري |
اخووي خليها تطلع مدام انها مع اختها وانت قولها مرة ثانية تستاذن منك ومشي الامور على خير
|
اولا في فترة الخطوبة لايزال الامر لها
مع اسرتها ثانيا لم اجد اي سبب يذكر فيما شرحت يكلف الغضب اما الطلاق مرة واحدة بهذه السهولة فيا عجب العجب الله يكون في عونها بعد الزواج |
هذا المنتدى ................. تم إنشائه للإصلاح وليس للهدم وإذا لم تكن صاحب كلمة خير فوجودك غير مرحب فيه ابداً هذا هو الإنذار الأخير |
اخى الفاضل ان ابغض الحلال عند الله الطلاق....... فالامر ليس بهذة السهولة ضع اختك او احد من قريباتك مكان خطيبتك هل ستقرر وقتها بالطلاق
اخى الفاضل يزيدغلاكم... الاخوة الاعضاء ماشاء الله كفوا ووفوا فى الرد عليك وعلى موضعوعك ....... فاستعذ بالله من الشيطان الرجيم ولا تجعل شىء بسيط كهذا يهدم عشتك مع خطيبتك... وسع صدرك لها وحاول ان تحل المشكلة بمنتهل الحكمة والهدوء فالموضوع سهل وبسيط فى حلة ان شاء الله.... واذا كانت كثرة المشاكل التى بينك وبين خطيبتك ترجع الى عدم الاتفاق بينكما فحاول ان تصطحبها فى خروجة فى مكان هادىء وافتح معها كل المواضيع التى ترى انة يوجود فيها عدم اتفاق بينكما وحاول تقريب وجهات النظر بينك وبينها فهى زوجتك وستكون ان شاء الله رفيقة دربك ... وفقك الله وجعلها لك كما تحب وجعلك لها كما تحب هى . والله المستاعان . |
اخوي البنت قرب عرسها و محتاجه جهاز كامل.. و كل يوم طلعات و اسواق و مشاوير ما تنتهي.. يوم بتطلع مع امها و يوم مع اختها لحد ما تخلص.. و كل هذا لمين؟؟ بتتعب و تشتري أحلى لبس و تطلع في أحلى صوره لك انت بس.. خليها تجهز على راحتها و لا تنكد عليها و ان شاء الله لما تتزوجوا و تشوف الحاجات الحلوه اللي اشترتها عشانك بتندم على الكلام اللي قلته.. يمكن انت لما سألتها ليه رايحه لاختك قالت لك عشان نطلع و نتمشى لكن مو شرط يكون هذا الهدف من طلعاتهم بس.. اكيد هي محتاجه السوق هاليومين أكثر من أي فتره.. كبر عقلك.. |
أخواني واخواتي
لنقل خير او لنصمت والرجال باقي حلوول مو طلاق ولا تدخلها يا فلاان في راسه ترا هاذا خراب بيوت بارك الله فيك... اخي الكريم انت في وضع خطوبه والله يوفقك يارب ولكن اخي الكريم كل شي بالتفاهم حط خطين تحته والطلاق انساه بالمره وماله داعي ترا هاذا.... انت الان تعلمهاا شو الي تحب وشو الي ما تحبه وقولها وصارحها لين زرتهم وانت ود لها هديه وبعدين كلمها بئسلوب لبق مع بعض الوجه البشووش يعني اسلوب امر ومزاح وانه يضايقك هالشي في زيارتك لبيت اهلها قولها وخلك ذا عزيمه ووشوي من الرفق والعشره الحسنه لي عوده وفقك الله |
الطلاق!!!!!!!!!!!! ابهذه السهوله ... الهذا الموقف.. أين صبركم ايه الرجال.. يا سبحان الله... اخي في الله لا تفكر بالطلاق لان المشكله لا تستحق ابدا حتى التفكير بالطلاق.. ناقشها وافهمها بانك تريد ان تعرف كل الاماكن التي ستذهب هي إليها باتصال او اي شيء المهم تعرف خلاص وإذا كررتها اصبر عليها وقل لها نفس الكلام بس لا تفكر ابدا بالطلاق بنات الناس مو لعبه ومعنى الزواج اكبر من هذا.. وفقك الله في زواجك ظلم الناس |
بجد بجد بجد
الله يصبرها عليك كان الله في عونك ياحواء |
الله يهداك طلاق مره وحده
تعوذ من ابليس وعادي قول لها هالشي باسلوب حلو وبين لها انك متضايق من هالشي وهي ان شاء الله بتسوي اللي يرضيك |
اخي الغالي
عشان تريح راسك وما تتعب نفسيتك خذ الأصول في الموضوع وحيث البنت في بيت اهلها ....................... مالك حكم عليها لا ............ راحت بإذن الله بيتك هناك تحكم فيها على كيفك وهذه هي الأصول وهذا هو المنطق بوركتم |
شو سالفة شباب هالزمن توه خاطب يفكر ف الطلاق باجر بتمرون بمواقف صعبة صعبة جدا ع طول بتفكر ف الطلاق لا حول ولا قوة الا بالله
|
تعوذ من الإبليس يا خوي ولا تطلق ولا شي إذا كل أثنين على أتفه الأسباب يبون يتطلقون جان محد عاش في الدنيا بعدين تطلع مع أختها وزوج أختها ولا تطلع من ناس غرب يعني أكيد أختها بتحافظ عليها مثل ما أنت بتحافظ عليها ويمكن أكثر
صل على النبي وتعوذ من الإبليس وحاول تتحاور معاها بأسلوب حلو علشان أتعرف أهيه شنو فيها.. أختك أم روان |
هذي البدايه وفكرة بالطلاق.............الله يعينك بعد الدخله والحياه بينكم!
خلاص دام إن هذي الكلمه في بالك ..فراح تستخدمها كل ما ضاق صدرك! وسع صدرك وحاول تعرف شخصية زوجتك أكثر وأكثر قبل الدخله....وإذا فيه تناقض بالشخصيات فأحسن تنفصلون دام إنكم على البر! يا أخي إنت صعب! |
| الساعة الآن 04:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©