|
ما هو الحل مع خطيبتي
الله يسعد مساكم جميع
الحقيقة عندي مشكلة مع خطيبتي بصراحة انا متضايق من تصرفاتها خطيبتي مهملة من ناحيتي لا اهتمام ولا سؤال حتى الاتصال اتصل ما ترد الا بعد ساعة او ساعتين تروح مع اخوانها اسواق وعزايم ما تقولي نهائيا الا بعد ما تطلع وترجع انا بصراحة موزيها انا رايح الدوام ارسل لها رسالة صباح الخير وان طالع اكلمها اشوف تغدت والا لا وفي الليل اكلمها للاطمئنان وهي ولا عمرها سالت هل هذا تصرف عادي في فترة الخطبة وعندي سؤال المفروض ما تستاذن مني قبل خروجها مع اهلها حتى في فترة الخطبة تحياتي |
السلام عليكم أخوي
أعتقد انت بالخطبة تقصد كاتبين كتابكم... على العموم صارحها وفهمها انك تتضايق من تصرفاتها... وبعدين الانسان ما بيعرف اذا هو مخطىء الا اذا انت قلت له... الله يوفقك ويوفقها ان شاء الله |
صارحها وفهمها انك تتضايق من تصرفاتها
الله يوفقكم ان شاء الله |
وهيك تنقلب الامور عندنا
انا اتحرق لكي يتصل علي او يتذكرني ولو مرة في اليوم.....و اكلمه وارسل له مساجات حتى التلفون يبي يتكلم ..اتركيني يا أختي.دخيلك..... .حرقتيني.......... وانت اخي لا تكلمك والله خطيبتك من نوع ثاني يا ريت كنت مثلها .......مشاعر واحاسيس لا تجيب الا وجع الراس بس نصيحتي حاول ان تتكلم معها وتفهمها انك تبي ولو شوي اهتمام ....مساج او كلمة ما رح ينهي الدنيا... تمنيات لك بالتوفيق والسعادة |
قللها أنا أحب اننا نتعرف على يوميات بعض
يعني حاولي تقولولي ايش سويتي وكيف يومك... بس لو البنت كانت في بيت اهلها ما تستأذن من خطيبها حتى لو كانت عقدت عقد النكاح لأنها عند أهلها يعني ما هي لحالها لما تصير عندك ذيك الساعة تستأذن ع الروحة والجية بس دحين ما احسها حلوة في حقك الله يوفقكم يا رب |
والله ياخوي المفروض تكون ثقيل في نفس الوقت دللها ودلعها مع موزانة المعادله اخوي والله تجدها امراه محبه لك
|
اقتباس:
حتى و أنا في بيت أهلي و أمي أصلا ما راح ترضى لي أخرج غير بعد ما أستأذن منه و يكون عارف ؟ ومدري إذا بالشرع الأمر واجب أم لا ؟ عالعموم خلك ثقيل شوي |
طيب اخي كلمها بكل صراحه وان شاءالله راح تفهمك
الله يسعدك اختك:الحائــــرة |
الحل أنو تفهمها على إلي بتحبه
على فكرة أكثر البنات ماتعرف تتعامل مع الرجال وتتنتظر هي الأهتمام والحب ماتعرف أن الرجل يحتاج للحب والكلام أنا زوجي لما كان خطيبي كنت أنتظر منه الكلمات والهدايا فصارحني أنو يحتاج كلمات حلوة هو كمان ومابخلت معاه والله يوفقكم |
اخوي من ناحية انها ماتكلمك بصراحه انت مومعطيها مجال ماشاء الله طول الوقت
وانت مسجات ومكالمات <<<طيب وين الفرصه اللي تتصل هي عليك ومن ناحية الاستأذان انا عن نفسي ولا مره أستأذنت من خطيبي وهو ما يتضايق ليش لأنو انا لحين عند اهلي لكن لما نتزوج اكيد ماراح اسوي اي شيء الا بعد اذنه بصراحه انت عامل زي السجان لها واكيد هي ما تعودت على كذا....................... لكن بالتفاهم راح تجد لكل مشكله حل...............الله يوفقكم يارب |
ترى الركادة والرزانة حلوه
|
اثقل عليها
انت الآن تعيش تحت ضغط مشاعرك و حبك لها عشان كذا تبيها تعاملك بنفس الشعور اثقل عليها شوي طبعا مو تنطنيش لكن خير الامور اوسطها |
حبايبي يعطيك الف عافية على الردود بصراحة كل رد احسن من الثاني
لاحظت هناك اتفاق على توضيح ما اريده منها للمعلومية هذه الفكرة رددتها كثيرا اوضحت لها كل شي والشي اللي انا ابغاه والمشكلة تقول عارفة وش تبغى بس ما اقدر اقولك شي الحين الا بعد الزواج بالنسبة للاستذان قبل سته اشهر قلتها ما دام انك عند اهلك مو مشكلة روحتك وجيتك معاهم هي اخذت هذه الكلمة وما صارت تذكرني بشي يعني فرصة وما اقدر اتراجع فيها بالنسبة للثقل انا ما توقع فيه احد اثقل مني تحياتي للجميع |
من رايي انها لازم تستازن لانه انت صرت زوجها وعشان تتعود بعد الزواج انه دايما تستازن منك
بالنسبه لعدم سؤالها عنك جربها : طنشها كم يوم وشوف شو بصير رح تقلق عليك ولا لا وازا قالتلك وينك ما اتصلت علي قلها ليش انتي ما تطمنتي عني .... ترى الطناش احيانا بيعمل مفعول حلو ويخليها تحس انك مش فارقه معاك فرح تحاول انها ترجع تجزب اهتمامك ..وتنقلب الايه وتحقق مرادك ..:22: |
أنا ارى أنه دلع بنات
ويمكن البنات موصينها تسوي كذا تحملها ياأخوي وان شاء الله تتيسر أمورك ومافي مانع لو تناقشت معاها باسلوب راقي بس لاتكثر عليها تزيد عناد يعني خله حوار رومانسي وأنت جالس معاها وبإذن الله تشوف نتايج طيبه ............................................. وفقكم الله لما يحب ويرضى |
اقتباس:
اوافقها الرأي ,, انت اتصل عليها وقول لها طمنيني عنك اذا طلعتي واذا اتصلت عليك او ارسلت لك انها بتطلع قول لها طمنيني اذا رجعتي وهكذا ,, ولازم تصارحها بهالشيء قول لها ليش ماتعطيني اخبارك ويومياتك وتهتمين فيني مثل ما اهتم فيك ... بخصوص الاستئذان لا الشيخ يقول ماتستأذن منك طالما هي لسى ببيت ابوها لما تصير عندك تستأذن منك والله يوفقكم |
هلا اخوي انا نفس حالتك خاطب لاكن انا ماني مثل حالتك حريصه علي ... لاكن انا ابي انصحك نصيحه اثقل عليها واغير اسلوبك اشوي اشوي وهي راح تفقدك واذا اسالتك ليش متغير علي قلها مشاغل هادنيا لاتعلمها الصراحه الين ماتلقاها هي الي تدورك وتلاحقك واذا وصلت للمرحله الي انت تتمناها ولاتنسا كل هل الوقت خلك ثقل لانها راح تعيش هي بخوف انك تكرهها او تطيح من عينك وبعدها صارحها وقلها انا متعمد اسوي معك كذا لانك كنتي مهملتني بالسؤال يعني واشرح لها وجهت نظرك وراح هي تعرف بعدها وتهتم فيك لاكن لاتبين لها مررره وحده انقطاع عشان ماتحس انك متعمد !!!! بالتوفيق اخوي
|
يمكن تدلع او تتغلى .. جرب اترك الرسايل كم يوم وشوف كيف ردها .. صدقني راح تسئل
الله يوفقك ويسعدك يارب هموووم |
| الساعة الآن 03:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©