|
ساعدوني الخادمة ومافعلته بأبني
السلام عليكم ورحمة الله وبركاته
ياجماعة الخير قبل شوي كنت أرتب مطبخي وجيت جهة الزبالة أكرمكم الله برمي فيها الأوساخ وطاحت بعض الأوراق على الأرض ولما نزلت أشيلها لقيت كيس تحت الدولاب مربوط وخرجته ولقيت داخل الكيس قارورة حقت المحلول لولدي ومليانة مويه فتحت أشوفها وإلا ريحة معفنة أكرمكم الله ناديت على الشغالة وحققت معاها أول شي قالت أنا ماأدري من حطها تحت الدولاب وبعد ماخاصمت عليها وقلتلها مافي غيرك يدخل المطبخ ووووو اعترفت وقالت هذه فيها مويه عادية ومتفلة فيها... الله يكرمكم وتشربها ولدي عشان يقعد عاقل ومايأذيها خلاص ياجماعة حسيت بإنهيار وبضربها بس قلت بلاش أضربها لكن نوديها الترحيل وعرف زوجي بالخبر وقالي هاذي مالها قعدة بعد اليوم وبنرحلها على طول المشكلة هذا اللي سوته الشغالة هل هو صحيح مثل ماتقول مويه وتفااينها الله يقلعها ولا سحر علموني الله يخليكم إذا سحر قلولي وش أسوي أنتظركم تم التعديل على العنوان |
حبيبتي عليكم إبلاغ هيئة الامر بالمعروف وإحضار الخادمه لهم لانه قد يكون سحر مع أني جازمه وقد تكون عملته لكم ولاأحد يستطيع فكه إن رحلت ولم يحققوا معها مشايخ الهيئه إنت بأي منطقه بالسعوديه والا خارجها |
لاوم تتأكدين أنه مويه عادية..
الله يكفينا شرهم... |
هذا سحر لانه معفنه وهذي من علامات السحر لايكون طفلك مسحور وانتي ما تدرين وديه عند الهيئه عندهم قسم خاص للسحر وبيعلمونك وشو لكن لاتسافر الشغاله الا بعد ما تعرفون وشو والشغاله احبسيها في غرفه بعيده عن طفلك وعنك حتى لا تنتقم منك لما عرفتي
الله يكفكي شرها |
ياجماعة أنا لسه ماخرجتها إلا لما أتأكد أنه مو سحر
عشان ماتروح واحنا نقعد مانعرف وش نسوي بس قولولي كيف أتأكد انه سحر هل له علامات؟؟ انا مرة خايفة على ولدي الله يحفظه لي ويبعد عنه الشر قولوا آميين |
لا تسفريها الا لما تفهمى شن الموجود بالمية لازم تتأكدى ما تهونى الموضوع
|
المهم حبيبتي لا تسوين لها شي ولاتحاولين تبين إنك إكتشفتي أي شي علشان لاتأذيكم الله يكفيكم شرها ويحفظكم يارب |
أنا من السعودية يامشرفتنا
وجزاكم الله خير جميعا قبل شوي طلع زوجي ومعاه الشغالة وبيوديها للهيئة ادعوا يارب أنه مايطلع سحر يارب وإن شاء الله ربي يكفينا الشر جميعا وبإذن الله بطمنكم شكرا لكم |
حبيبتي روحي فتشي أغراضها إن كانت ما أخذتها وبيتك فتشيه يمكن يكون في شي حاطته الله يصرف أذاها عنكم والله الواحد يجيبهم يشتغلون له يقومون يشغلونه |
فتشت أغراضها كلها ومالقيت شي
لكن دحين أروح أفتش البيت وإن شاء الله مااحصل شي مشكورة مشرفتنا الغالية |
انتبهي يالغاليه
لاتسافر الا وانتم منهين الموضوع معاها |
خليها تشربه كله
هدديبها قوليلها اذا ما شربته توديها الشرطة :11: اذا شربته تعرفي انها مويه عاديه ( وطبعا هذا مستحيل ) واذا ما شربته تعرفي انه سحر وقولي اللهم اكفنيهم بما شئت وانفثي عليها |
الله يكفيك شرها ويصرف عنكم اذاها
وربي ان الشغالات اكبر ابتلاء الله يحمينا يارب لازم تتأكدين من سالفة المويه لازم لازم وماتسافر الا والسالفه منتهيه لاتحسسينها انك عرفتي او فتشتي لاتسويلك شئ لاسمح الله ربي يطمن قلبك ويحميك وعايلتك من كل سوء |
السلام عليكم ورحمة الله وبركاته
حبيبتي دحين أول شيء تسويه أفتحي شريط في سورة البقرة أو أقرئيها بنفسك عشان تنحرق الشياطين اللي في البيت ضروري عشان ماتقدر تأذيكم باذن الله وحصّني نفسك وأطفالك وزوجك خليه يحصّن نفسه بالاذكار الله يحفظكم يارب |
وعليكم السلام ورحمه الله وبركاته
الله المستعان على بلاويهم اتصلى فى شيخ وهو يقولك لاحول ولاقوه الا بالله العلى العظيم الله يسلمكم من كل شر الله يعطيك العافيه لك فائق احترامى |
والله يابنات ماني عارفه انتوا كيف مخليين لشغلات في بيوتكم وتامنوهم على عيالكم كم سمعت من قصص وبلاوي والله نصيحتي اذا انتي ماتشتغلي لاعاد تجيبي شغلات بيتك ياختي وعلى قوله المثل ( تعب ايدي ولا تعب قلبي )
الله يحفط لك ابنك اختك ام مجيد |
هذا جزاء من تترك أولادها مع الشغالة؟؟؟!!
لماذا لاترعون أولادكم بأنفسكم وتطعموهم من ايديكم انتم فقط هل تأمنوها وهل هى عندها امراض او قرف وخلافه.... على العموم لا ينفع البكاء على اللبن المسكوب ويارب يارب يكون خيرا.... ان شاء الله ربنا يسلمك انتى وأولادك |
|
لا حول و لا قوة الا بالله
طمنيني يا اختي؟ |
إنا لله وإنا إليه راجعون
يا حبيبتي أنا مع الاخت اللي قالت لك شغلي البقرة واقرأيها وإن شاءالله خير طمنينا عليك |
أنا أشوف إنك تخليها تشرب منه
|
أنا كمان أشوف إنك تخليها تشرب منه لا تشربه كله كمان
وكذا تقطعي الشك باليقين ولا تسافر أبدا إلا إذا أنتهى الموضوع إنتبهي لا تضحك عليكم وتسافر والله ما تحصلينها بعدين خليها تعترف لو بالموت طمنينا عن أخبارك يالغالية |
الله يكفيكم شرها وان شاء الله مايكون اللي سوته سحر بس لازم تتاكدون قبل سفرها والله يحفظكم من شرها ويحفظ ولدك ان شاء الله .
|
فرج الله كربك ونجاكم جميعا من كل شر
|
الله يفرج عنكم ويحفظلك ابنك يارب
أختي أنصحك لاعاد تجيبي شغالات أبدا وصدقيني نظمي وقتك وحتلاقي الوقت الكثير وأنا في انتظار إنك تطمننينا ولا تنسي سورة البقرة والرقية الشرعية دمتم بحفظ الرحمن تحياتي |
الله يحفظكم ويكفيكم كل شر يارب
طمنينا |
الله يعينك ياختي والله يرفع عنك ان شاء الله انا متابعة موضوعك من الاول وانا مع الاخوة الاعضاء بردودهم بس انتي مالاحضتي على ابنك شي يعني حاسة انو فيه شي متغير تصرفاته و حركاته يعني الشغالة من زمان كانت تشرب ابنك من الموية ولا جديدة الشغلة الله يعينك ياختي ويصبرك وانا لله وانا اليه راجعون ولا حول ولاقوة الابالله بننتظر تطمنينا |
اشهر شيخ في مشاكل الشغالات من هذا النوع هو الشيخ عادل المقبل في هيئة الامر يالمعروف حي الفاروف بالرياض
خبير جدا في حركات الشغالات من سحر وغيره ودوها له ويعرف نوايها من نقاشه معها الله ينفع به ويكفيكم شرها والمسلمين اجمعين |
مشكله هالشغلات .. حسبي الله عليهم
الله يحفظكم اختي لكن طمنينا على الي يصير معاك الله يريح بالك على ولدك ويخليه لك يارب هموووم |
يا ربي
وبعدين كل يوم بنسمع خبر عن عمايلهم الله يعطينا خيرهم ويكفينا شرهم امين يا رب العالمين |
الماسه اختي
مثل ما قالو لج لا تسفرينها اله متئكده وفتشوها تفتيش قبحها الله ولا تخلين ولدج يمها ثانيه وحده وخل الهيئه تشوفهاا وبعدين سفرووها بختم انها ما ترجع المملكه حسبي الله ونعم الوكيل هاذي فعايل الخدمقبح الله وجهااا حااااااااااااااسبو ان شاء الله مو سحر |
الله يعينك يا أختي ...
الله يكف أذاها عنكم ويحفظكم من كل شر .. لا تنسي تحطي سورة البقره يا عزيزتي في البيت.. وخلي هالمجرمه قاعده بغرفتها ما تطلع منها .. وطمنينا عليك.. فعلا الخادمات مصيبه.. |
أختي الكريمة ..
الله يحميكم ويكفيكم شرها ويجعل تدميرها في تدبيرها ... والله يحفظلك إبنك ويحميه ويسلمه من كل شر ... آمين وطمنينا شو صار معكم؟؟؟؟ أختك، أم رند |
أخواني وأخواتي
الحمد لله والشكر له سبحانه وداها زوجي الهيئة واعطوها على راسها وطمنونا أنه مو سحر الحمد لله والله أنه انزاح هم كبير من قلبي يقول الشيخ شكله هذي عندهم معتقدات بأنهم يسوون كذا ويهجدون الأطفال والحمد لله أنا أحصن أولادي يوميا ليل ونهار وربي أبعد عنهم الشر وعلى فكرة جلست مع ولدي واتكلمت معاه (عمره خمس سنوات) وسألته ماشربتك الشغالة شي حبيبي؟ قالي إلا أول طلب منها كاسة مويه وقامت صبت شوي من اللي سوته فيه وأعطته إياه بس ماشربه عشان فيه ريحة ورمى الكاسة على الأرض(عصبي الله يحفظه) وعندي ولدي أي شي نجيبه أكل أو شرب لازم يشم ريحته إن عجبته أكلها ولا مايحطها بفمه ويعصب ويقلب الدنيا علينا وبصراحة كنت أحاسبه ........... بس الآن لا (تأكدت أن هذا الطبع يجيب فايدة) والحمد لله ........ الله حماه يارب لك الشكر وأنا والله ما أحتاج الشغالة إلا لأني مريضة .......أيام أكون طيبة وبعافية وأيام الحمد لله أكون مرة تعبانة عشان كذا أحتاج الشغالة وولدي نبهته أي شي يبغاه يجي يطلبني أنا الله يحفظهم لي يارب وجزاكم الله خير كل اللي اهتموا بموضوعي الله يبعد عنا وعنكم وعن جميع المسلمين الشر ويحفظ لكم أهلكم وأولادكم............آمييييييييييين شكرا جزيلا لكم تحيــــــــــــــــــــاتي |
حمد لله على السلامة اجت سليمة هذه المرة ليش يا اختي ماتغيري الشغالة او تحضري وحدة بدوام جزئي وتحاسبيها على الساعه. اختك |
ياااااااااااااااااااااااااااااااارب تكفيناااااااااااااا شرهم وتردكيدهم في نحورهم يااااااارب
يارب تحمي اطفالناااااااااااا منهم والله الشغالات احيانا يكونون شر لابد منه خاصه اذا الوحده تدرس واهلهاااااا بعيد عنها وش تسوي ...؟ الحمد لله على سلامة ولدك اختي الماسه والله يبعد عنا وعنكم بنات الحرام منهم ..... |
الحمد لله على السلامة
وأنتبيهي لنفسك يا غالية ولبيتك وألادك تحياتي |
لا تخافي أختي الكريمة
حتى لو كان سحر إقرئي الفاتحة والمعوذات على القارورة ثم أسكبيها في مكان عام مثل الشارع العمومي وإن شاء الله ما يصيبكم شر أو أذى لأن السحر إذا مزق أو فرق إنتهى مفعوله بإذن الله وماتشفون إلا كل خير . . وما في مانع مثل ما قالت ليتني أسلى بتفتيش البيت والأغراض فإذا وجدت شئ تشتبهين فيه إقرئي السور السابقة ثم فرقيه ولا تخافي . . وأوصيك أختي بإعطاء الخادمة بعض الكتيبات عن تحريم السحر وعموم الدين فإن لك أجر تعليمها ففي الغالب أنهن لا يعرفن دينهن بشكل جيد . . والحقيقة هذه غلطتنا نحن عندما نستقدم الخادمات لا نعلمهن أمور دينهن . . في أمان الله |
الحمد لله على سلامتكم وسلامة ابنك أخيتي...
الحمد لله إنكم اتطمنتوا ... بس رايي بعد هالعملة انك ما تخليها لأنك ما رح تضمني إيش ممكن تساوي مرة ثانية فيكم ... يعني هالمرة جت سليمة والله يعلم شو وراها ... حبيبتي إذا انتي بحاجة لشغالة غيريها وجيبي وحدة ثانية بس هي لأ ... زي ما بيقولو "الباب اليي بيجيك منو الريح ، سدو واستريح" .. والله يشفيكي ويعافيكي ويديم عليكي الصحة انتي وأولادك ... اللهم آمين أختك، أم رند |
الحمد لله على سلامتكم
الله يحفظكم واعتقد حتى لو مريضه ما ترجعي للخدمات هذه المره الله لطف لكن تاني مره ؟؟؟؟ اتعبي شوي ولا تتعبي طول العمر مع خدامه ما تخاف الله في امان الله |
| الساعة الآن 04:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©