|
محتاجه حنان
ياجماعه انا عندى مشكله
انا ماما مش حنينه خالص ولا بابا ولاعمر حد فيهم اخدنى فى حضنه او باسنى وبرده اخواتى انا اصغر واحده وانضربت منهم كلهم انا عمرى دلوقتى 23 سنه ومخطوبه بس لسه سنه على جوازى او اكتر معرفش طول ال23 سنه دول شفت خناقات كبيرة فى البيت وضرب وخصام طويل واهانات وتجريح فى كرامتى وقسوة واخواتى متجوزين وانا مع بابا وماما لوحدنا فى البيت وهم اوقات كتير بيسافروا ويسيبونى لوحدى ويقعدوا حوالى اسبوع او اكتر وممكن لو ماما مخاصمانى متكلمنيش فى التليفون طول فترة السفر علشان تطمن عليا مع العلم انى فى بلد مفيهاش اهلى ولوحدى فى البيت وبابا علشان مفيش حوار بيننا اساسا فمش بيفكر يتصل يطمن عليا انا على فكرة فى السنه النهائيه فى كليه الطب ومنتقبه انا اللى مزعلنى انو وحتى وانا لوحدى بحس بالحزن جدا وبالضعف من جوايا لما بفتكر الذكريات الاليمه اللى شفتها بسببهم من ضرب وخصام وكل المواقف اللى انضربت فيها على وشى غالبا فاكراها جدا جدا جدا من كل اللى فى البيت الا اخويا حتى فاكرة المواقف اللى انضربت فيها وانا عندى 5 سنين واوقات بلاقى نفسى بفتكرها كلها ورا بعض فبحس بحزن كبير وكره لبيت بابا زمان وانا صغيرة خالص وانا عمرى خمس سنين كانت لما ماما تزعلنى وتقللى روحى الاوده جوة كنت بروحلها كل شويه اقللها (ماما انتى بتحبينى؟)كانت بتقللى لا ادخلى جوة فكنت بدخل وارجع تانى اقللها نفس السؤال تقللى نفس الاجابه لحد فى الاخر تقللى ايوة انا عارفه طولت عليكم بس بجد انا حاسه انى فى مشكله نفسيه كبيرة لانى كل شويه افتكر المواقف اللى انضربت فيها ومأثره فى نفسيتى جداااااااااااااا وحاسه انى عاوزة اخرج من بيت بابا واتجوز بسرعه جدا لانى بجد تعبت ياريت الاقى دعم منكم وردود على موضوعى باى تعليق حاسه انى هرتاح كتير لو لقيت منكم اهتمام بموضوعى |
مفيش تعليق واحد على مشكلتى؟ياجماعه ارجوكم قولوا رأيكم قولولى حتى انو مشكلتى تافهه بس بجد محتاجه احس بتواصلكم معايا
|
أختى فى الله......
انا حاسة كتير بيكى وازاى بيكون صعب ان احنا نعانى من قسوة اللى المفروض يكونوا هما نبع الحنان ومصدر الامان والدفىء لينا..... لكن ممكن ننظر لأمور من جهة أخرى حتى لا نعقد الامور على انفسنا.... انا معكى ان استخدام وسيلة الضرب هى وسيلة مكروهة ولكن لا ننسى انها قدتكون وسيلة مرغوبة للأصلاح والتهذيب فى بعض الحالات.... من الخطأ بالطبع الاعتماد على هذه الوسيلة كوسيلة اساسية ووحيدة للتربية لأن هناك وسائل ومرغبات أخرى قد تكون هى أفضل واصلح لتقويم النفس والخطأ الذى يقع فيه معظم الاباء والامهات هو الاعتماد على وسيلة واحدة وفى الغالب تكون "الضرب " على اعتقاد انها الانسب _او الاسهل_ ولكن قد يأتى هذا الاسلوب بطريقة عكسية مثل : افتقاد الشعور بالحنان والامان كما فى حالتك.... او ينقلب الامر من وسيلة للأصلاح الى وسيلة للأفساد وهو غالبا يحدث مع الاولاد الذكور الذين يشبوا ناقمين على والديهم او يفعلوا عكس ماهو مطالب منهم على سبيل العناد ورغبتهم الداخلية والاشعورية فى الانتقام منهم : مثل الفشل فى الدراسة,,,مشاكل مع الجيران،،،،تبديد اموالهم،،،،وقد ينقلب الى ماهو أسوأ مثل الدخول فى مرحلة الانحرافات الخلقية: الادمان ،،،السرقة،،،،البلطجة،،،البغاء...الخ يتبع...... |
السلام عليكم
رغودة كلنا بنمر بمواقف نفس مواقفك بس يمكن انتي حساسة شوي وياقلبي يمكن انتي بترغي كتير عشان كذا اخواتك بيضربوكي مو معقول يضربوكي عا الفاضي وبالنسبة لماما وبابا كفاية من ماما انها حملت وتعبت وربت والله رغوده ماما بتحبك بس يمكن ماما انسانه عملية بس نصيحتي كملي دراستك وانشغلي فيها ولاتفكري بالموضوع واول ماتفتكري المواقف على طول اشغلي نفسك باي حاجة وان شاء الله خطيبك راح يعيشك ببيت مبني من حنان ورحمة وموووده يارب بس برضوا ماتنسيش ماما :d (وش رايك اعرف اتكلم مصري:22: ) الله يووووفقك وتتخرجي ان شاء الله وتعالجيني:d |
دى اول مرة اعلق على موضوع
يمكن علشان نفس المشكلة بس عوض ربنا مفيش احسن منة |
اختى مهمومه جزاكى الله خيرا على ردك عليا
اختى شوق شكرا ليكى على ردك وانتى بتعرفى تتكلمى مصرى احسن منى كمان انتى عارفه انو مفيش حد مش بيغلط واكيد هم لما ضربونى كانوا شايفين انى غلطانه باى شكل من الاشكال انا مش بتكلم عن سبب ضربهم ليا انا بتكلم عن النتيجه اللى وصلتلها بسبب الضرب ده تفتكرى يرضى ربنا اللى وصلتله ده؟ |
اختى elsanultربنا يعوضك ويعوضنى خير يارب
|
اختى مهمومه انا معاكى انو الضرب بيكون اوقات مفيد بس مش الضرب اللى انا انضربته الضرب اللى بشوف فيه كل الغل والقسوة والكرة
انا اختى الكبيرة من كتر ماضربتنى ومن كتر ماشفت منها الوش القاسى جدا جدا مش بقدر ابص فى وشها خلاااااااااااااااااااااااص انا سمعت مفتى الجمهوريه بيقول انو الضرب المفيد عامل تمام زى الحضن يعنى الحضن بنعبر بيه عن الحب انما الضرب الكويس هو اللى بنعبر بيه عن الرفض لتصرف معين او ماشابه انما مش بيكون بمنتهى القسوة والغل |
اذا نتفق ان معظم الاباء فى غالبية الاحيان يكون هدفهم من الضرب هو التقويم واصلاح الابناء
اى بدافع الخوف وحب الابناء وهذه هى القاعدة اما الاستثناء ان يكون ضربهم لهم بسبب عقد نفسية او كره احد الابوين للطفل بسبب جنسه او بدافع انتقاهم احد الابوين من الاخر ((بسبب انفصال او مشاكل بين الزوجين))) ويكون انتقام احد الطرفين من الاخر فى صورة القسوة وتعذيب الابناء.... وهو والحمد لله ما لا أعتقد ان هذا فى حالتك لأنى كما أرى.... ا : انهم لم يبخلوا على تعليمك وانتى كما ذكرتى فى كلية طب ((الله يوفقك)) ا : انك لم تذكرى انهم يبخلوا عليكى بشىء او حرموكى من شىء... انما اعتقد ان مسألة ضرب ابويكى لكى هو اعتقاد فى داخلهم ان هذا هو اقوم لكى واصلح وهذا خاطىء لان التربية على اساس اسلوب واحد خاطىء يجب التنويع بين الترغيب والترهيب ....القسوة والحنان... حبيبتى.... انا ارى فى داخلك انكى فتاة حالمة ورومانسية كما اجدك متدينة ومتفوقة والحمد لله كما انكى مرتبطة وهذه كلها مميزات ونعم احمدى الله عليها اولا... علاجك قد يكون او سبيل له اولا ان تجلسى مع نفسك وتكررى انت لست ضحية كما انك لست ضعيفة بل بالعكس انا اراكى فتاة مميزة ومتفوقة اذا العيب ليس من شخصك او ذاتك ثانيا لابد من المصارحة بينك وبين امك او اخوتك ان هذا الاسلوب لايعجبك ولا يليق بكى وانه يكفى فقط الاشارة او التوجيه باساليب اخرى غير الضرب كالاقناع ثالثا يجب ان يكون فى قرارة نفسك وان تقنعى نفسك ان ابويكى يحبوك وانهم فقط اخطئوا فى الطريقة التى يعبروا بها عن هذا الحب وانكى فى المقابل لن تعاملى المثل بالمثل بل قابلى الاساءة بالاحسان والقسوة بالحنان واغدقى عليهم من عطفك وحبك ولاتكونين فقط حزينة ومنطوية وتقولى انا ضحية..... بل واجهى الجميع بحبك و بعطفك....وقوة شخصيتك وصديقنى سيذيب احدهما الاخر... وبالطبع سيتغلب الحب والحنان على القسوة والجفاء.... فالدراسات اثبتت ان كثيرين من الاشخاص يتعاملوا بطبيعتهم اول الامر ثم لايلبثوا ان يتعاملوا بطبيعة من يتعاملون معه..... ولكى فى رسول الله قدوة حسنة قال تعالى : "ولوكنت فظا غليظ القلب لانفضوا من حولك" فكثير من الصحابة دخلوا الاسلام لما وجدوا من لين ورحمة الرسول صلى الله عليه وسلم وتحولوا من غلاظ جفاء قاسيين القلب _((حتى انهم كانوا يدفنون البنات احياء))_ الى رحماء بينهم يبكون من خشية الله... |
حبيبتى مهمومه جزاكى الله خيرا
بجد مبسوطه كتير بكلامك انا عاوزة اقللك انى خلاص تخطيت مرحله الضرب خلاص انا كبرت انا اللى معذبنى القسوة النفسيه والخصام والاهانات والتجريح يعنى مثلا اوقات اقول لماما حرام تعملى كذا تيجى فى اوقات تقللى عامله نفسك متدينه!!!!!!!!!!!! وتنهال عليا بأى كلام يجرح ويكون هدفه واحد(انتى سيئه) مع انى والله محبوبه جدا وكل صحباتى بيقولولى انى طيبه جدا وكل الناس بتقللى كده ومحدش قاللى انى وحشه على فكرة انا فعلا دى الحاجه الوحيده اللى بشتكى منها لانهم مش بخلا وبيدونى كل اللى انا عاوزة ومش ناقصانى اى احتياجات ماديه الحمد لله ومش بقول انهم بيكرهونى بس للاسف هم ماقالوليش انهم بيحبونى ابدا ولا عبروا عن ده |
اذا السبيل الاول للحصول على الحنان هو اعطاء الحنان والحب.....
ازرعى الحب فتجنى ثماره.... بالنسبة لأختك وضربها لكى هل هذا مستمر حتى الان؟؟؟!! ام انه كان فى الماضى وانتى متأثرة به؟؟؟ اذا كان مستمر للأن فحان الوقت لتقولى انا لايستخدم معى هذه الطريقة وابدأى معها بالحوار وصارحيها بما فى نفسك وقولى لها مثلا: اختى انا احبكى كثيرا وكما ارى انكى حانية عليى هلا تكرمتى حبيبتى ان توصلينى ما أغضبك منى بوسلية اخرى غير الضرب فهو لا يليق ان تستعمله اختى الحنونة....وهكذا لتحريجها امام نفسها فعاملى السيئة بالحسنة ولاتنسى الدعاء وقبل كل شىء فادعى الله ان يلين قلوبهم ويحنن قلبهم عليكى وان يمحى من ذاكرتك ونفسك مابدر منهم من اساءة..... فهو مؤلف القلوب قادر على ان يؤلف قلوبهم..... اما اذا كان امر سبق ان بدر منها فأذكرك بقول الله تعالى: "فليعفوا وليصفحوا ألا تحبون أن يغفر الله لكم والله غفور رحيم" اية 22 سورة النور وللحوار بقية |
وبتعذب اكتر لما بلاقى بابا او ماما بيعبروا عن حبهم لاى حد غريب او لواحده من صحباتى وانا مش بيعملو معايا كده ومش بينادونى باسم دلع خالص وبيقولولى على طول يا بت
|
بالنسبه لضرب اختى هو مستمر طالما فيه احتكاك اخر مرة كانت فى رمضان لكا انا خلاص اتعلمت مبقيتش احتك بيها خالص علشان انا تقريبا انضربت منها حوالى 100 مرة بجد من غير مبالغه ومبقيتش احبها وكل ضربها كان بقوة وعنف ومؤلم لدرجه اوقات كنت بحس باختلال فى التوازن لما بتضربنى على راسى وكان بيعلم فى جسمى
|
حبيبتي رغوده
اتبعي قول الله تعالى ( واخفض جناج الذل من الرحمة و قل رب ارحمهما كما رباني صغيرا ) وتذكري ان امك حملت بك 9شهور و ربتك من أول يوم دخلت به الدنيا إلى الآن ، هي التي اطمعتك و اعتنك بك و ألبستك و سهرت الليالي عليك 00 فضلها عليك كبير ، ( وقضى لابك ألا تعبدوا إلا إياه و بالوالدين إحسانا إما يبلغن عندك الكبر احدهما أو كلاهما فلا تقل لهما أف و لا تنهرهما و قل لهما قولا كريما ) ( و ان جاهداك على ان تشرك بي شيئا فلا تطعهما و قل لهما قولا معروفا) اختي 00 اعتقد ان الاغلبية مروا بمرحلتك اختي ، و لعلي انا ايضا شعرت بهذا الشعور تجاه والدي ، لكن احسني إليهما و بادري بالحب (و لو انك تغصبين نفسك على ذلك ) فقلب الوالدة كبير ان شاء الله يسع للعفو و الرحمة وان وجدت منهم حنقا و غضبا منهم عليك ابتعدي عنهم وادع المولى عزوجل بأن يحنن قلبهم عليك ، الله يعينك اختي والآن سوف تتزوجين و تذهبين عنهما وسيفتفدونك كثيرا ، فاجعلي آخر عهدك بهم جميلا مملوءا بالبر و الدعاء لهما بالصلاح و الهداية بالتوفيق اختي |
أوقات يكون هناك أشخاص لايعرفوا كيف يعبروا عن حبهم....
اتعرفين قصة القطة التى أكلت اولادها من كثرة خوفها عليهم..... لازالت انصحك ان تتبعى معهم عكس أسلوبهم وتدعى لهم .... عاجلا او اجلا ستجدين ماتحلمين بهم وقد تكون أمك هى اللى محتاجة الحنان.....فاغدقى عليها انتى بالحنان ولاتنتظرى منها شىء وان شاء الله ستجدين ثمار برك وعفوك....... اختى بالنسبة للمسئلة التجريح او قولهم انتى ملتزمة انتى.... صدقينى لايوجد بيت يخلوا من هذه الاشياء حتى امى ايضا عندما اخطىء او اغضب زوجى تقول لى على الفور "فين الالتزام " وهكذا وبالطبع هم لايعنوه وبالتأكيد وكونى متأكدة من ذلك انهم فخورين بكى من داخلهم ويحبوكى كثيرا وستعرفى ذلك وتشعرى به عندما تغادريهم الى بيت الزوجية ان شاء الله.... تمنياتى لكى بالتوفيق والثبات على طاعة الله..... وستجدى مننا هنا فى المنتدى كل الحب والحنان أحبك فى الله |
رغودة ،، حبيبتي إن كان في العمر بقية سأمر عليك في الغد إن شاء الله . مشكلتك أثرت فيني : إختك تخصص إرشاد نفسي ، وحابة فعلاً أساعدك تسمحيلي أطرح المشكلة على مختصين يساعدوني أكثر في حلها لك . تحياتي لج ، إختج : خلك إيجـــــــــابي ! |
شكرا يااختى مهمومه جزاكى الله خيرا على تفاعلك مع موضوعى واسأل الله ان يريح قلبك ومتبقيش مهمومه انا هحاول اعمل اللى قلتيلى عليه
مع خالص حبى وتقديرى ليكى ولكل اللى مروا |
اختى خللك ايجابى اشكرك جدا على مرورك وانا موافقه انك تعرضى المشكله على المختصين وجزاكى الله كل خير
|
حبيبتى الهدى انا مش حابه خالص ولا قاصدة انى اكون بنت عاقه وعارفه والله فضلهم عليا انما انا بتكلم على مشكله وصراع نفسى حاصلين جوايا وبيدوروا جوا قلبى
|
انا يمكن اللى زود حساسيتى انو مبقيتش قادرة اتعامل معامله الطفله الصغيرة واتعاقب وينهرونى زى مانا متعودة
حسيت انى خلاص كبرت وجوايا طاقات عاطفيه ومشاعر واحتياجات كبيرة جدا محتاجه جدا اكون ام ومحتاجه احس بالحنان والحب اوى اوى لدرجه انى بحلم كتير انى حامل او شايله ابنى او بنتى |
اختي العزيزه رغوده...
اسئل الله الكريم ان يكرمك بلزوج الصالح والحنون وان يعوضك خيرا ... فلا تنسي ياعزيزتي اننا في دار ابتلاء وامتحان والله تعالى اذا احب قوما ابتلاهم... فاصبري على السويعات التي ستقضيها مع اهلك فهو فعلا كالجهاد... ولا تضيعي عمرك وترهق تفكيرك فقط في التركيز على المواقف السيئه واعملي العكس .... واريد ان اسئلك... ماهو سبب ضربك... هل انت في حاجه لمزيد من التربيه بنظره من اهلك؟ هل يتضايق والداك من حجابك او سلوك معين؟ هل يضرباك مباشرة ام يكون هناك نوع من التهديد والحوار؟ بماذا يجيبانك اذا سئلتيهم سبب ضربك وايذائك؟ فانت تستطيعين الحوار السمح مع والديك لكنك لا تستطيعي ان تعامليه بالمثل فجربي وتحدثي معهم واذا اردت طريق قصير فعليك بالدعاء اسئليه بصدق ان يصلح مابينك وبين والديك.. وربما كانا والديك مع احترامي لهما تنقصهما الثقافه الصحيحه في التعامل مع الابناء ويحتاجون الى تصحيح لبعض المفاهيم لكن لا تيأسي عزيزتي وحاولي في اصلاح ما يمكن اصلاحه...وحاولي التعايش مع المشكله حتى لا تسيئين اختيار شريك الحياة المناسب فانتبهي هناك انجذاب حقيقي لشخص يناسبني وهناك انجذاب مزيف او وقتي ... وفقك الله اختك ام ريان |
اختى ام ريان جزاكى الله خيرا على ردك الجميل
انا كل اللى اقدر اعمله انى اتعايش مع اللى حاصل وربنا يخليلى خطيبى معوضنى بحنان العالم كله بس خلاص مش قادره استنى عاوزه اكون معاه وفى بيته انا دايما عايشه فى احلام اليقظه بفكر فيه لان هو منفذ الحنان الوحيد فى حياتى وربنا يخليهم ليا اهلى يمكن دى طريقتهم فى التربيه لكن الحمد لله انو مش باقى كتير علشان ابدأ حياتى انا مع حبيبى جزاكن الله كل خير حبيباتى |
ادعوا لى ربنا يعجل زواجى
|
اقتباس:
إختي الكريمة / رجعت لج حاملة بعض الكبسولات لك علها تفيدك بإذن الله . 1. لا تتذكري المشكلات قدر المستطاع خاصة اقتباس:
تذكري اهتمامهم بك وقت المرض ، تذكري ضمت ماما لك ، تذكري تعب بابا في العمل تذكريها ليرق قلبك و يتحول تفكيرك . 2. يخيل بي من خلال صياغتك رهافة حسك و رقتك فمنها أقول لك ، بادري أنت ! وهذه الكلمة سمعتها كثيراً من مختصين مهرة ، نعم بادري ، قدمي ، ازرعي و سترين كيف أن لكل عمل صدى !! احتضني ، ابتسمي ، شاغبي ، تهادي ، تغاضي ... و تواصلي بأكثر من طريقة لها فعالية على الشخص الذي أمامك تكسري بهذه الطرق الحواجز و تمتلكين قلبه . 3. تذكري أيضاً غاليتي إن هذا البيت راح تتركيه قريباً فتمتعي بلاحظاتك فيه . 4. لاحظي إختي إن كل بيت فيه مشاكل ولا تخلو أي جماعة من منغصات !! ليش ؟ لأنا بشر فطبيعي هذا الأمر و دافع العدوان فينا غريزة !! ( نظرية فرويد ) 5. أختي الكريمة : راح أضيف آخر كلمة لي ولن أبالغ فيها أبداً إن قلت لك أنني بحكم تخصصي تأتيني استشارات في هذا الموضوع أذهل منها حتى الفجع .. فتخيلي آباء و أمهات لا يستحقون أن يكونوا آباءً و أمهات ..!! ما تشمين رائحة عاطفة فيهم !! ماذا أقول غير : إن كنتُ أنام و كنتَ تنام فعين الله لا تغفى ولا تنام !! الله ييسرلج الزواج و تحظين بقلبك هذا بزوج نقي حنــــــــــــــــــــــون يغدق عليك منه حتى الأمتلاء !! تحياتي لج ، إختج : خلك إيجـــــــــابي ! |
والله اختي وضعك بالنسبه لي طبيعي فأنا بحياتي كلها لم احصل على الحنان هذا
لكن زوجي الله يخلي لي هو الوحيد الي حن علي دائما اقول له ابي حنان يحضني على قولت زوجي هي وينها حنان ليش ما ترد علينا:d |
ربنا يخليكى ليا يا حبيبتى خللك ايجابى بجد ردك عليا ده كنت منتظراه وفرحت بيه جدا حاسه انها فعلا كبسولات علىرأيك وان شاء الله هحاول انفذ ده قدر المستطاع واتغلب على حساسيتى وانطوائيتى اللى بقيت فيها والله ياحبيبتى انا تقريبا مش بخرج من اودتى لو فى البيت وبشغل وقتى لو مش بذاكر بانى علطول امام الكمبيوتر وبقيت وحيده بمعنى الكلمه ادعيلى انتى بس
|
انتى عسوله يافوفو ودمك خفيف ربنا يهنيكى يارب وانت زوجك ويسعدكم قولى امين وميبعدش عنكم حنان ابدا
|
ياه ياما انضربنا وطلع عنينا
وبرضه لسه عياشين و بفضل الله وكرمه نيسينا اللى فات الظاهر انك حساسه شويه اخت رغودة84 وبتدورى على سبب لما ان شاء الله تتجوزى تسيبى البيت وانتى سعيدة او انك نفسك تسيبى البيت من دلوقتى علشان عريسك الله يسعدك اهم ما فى الموضوع ان الاب والام هما سبب وجودنا فى هذه الدنيا ولو رضناهم ان شاء الله يكون سبب دخولنا الجنة لما ربنا يكرمك وتتجوزى تذكرى ماكنتى تعانيه وعوضيه فى اولادك بأذن الله اديهم الحنان لكن بدون تفريط فى حقوق و واجبات ربنا يسعدك اختاه فى حياتك المقبله |
اختى العزيزه ربنا معكى وربنا يعوضك خير فى زوج المستقبل ومش هاقدر اقول لكى اكتر من كده
|
| الساعة الآن 12:50 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©