|
الرؤية الشرعية نهاية الأسبوع وأنا خااااايفة
السلام عليكم ورحمة الله وبركاته،،، عندي الرؤية الشرعية نهايةالأسبوع وأنا من داخلي قلقة لدرجة كبيرة وفي نفس الوقت ما أشعر بالراحة تجاهه!!! دلوني شو أسوي؟؟ كيف أشل الخوف اللي بداخلي عشان ما يظهر على وجهي؟؟ وهل هالخوف طبيعي؟! كيف أتصرف بوجوده؟ هل أسأله أم لا؟ لأن بداخلي أسئلة أبحث لها عن إجابات لكن أستحي أسأله .. الموقف صعب شو هي الأسئلة اللي يمكن توضح طريقة تفكيره وتعامله مع اللي حوالينه وتبين شخصيته؟!! فهل من مساعدة؟!! |
خليكي طبيعية جدا ... المسالة تخصك .... اذا سالك ردي وبهدوء طبعا في الببداية في خوف وبعدين عادي جدا تشوف الموضوع حلو ...... لا تتصنعي
الولهان |
الاخت خلك معاي بداية يجب عليكي الاستخاره فا الحاجة لغيرالله مذله
وإذا أتاكم من ترضون دينه وأمانته فزوجوه وإذاكان اهلك سألين عن الرجال إش الفايدة من القلق لكن سبحان الله النفس لها دور كبير وأرجو من الله العلي القدير أن يقر لكي زوجا" صالحا |
صلي الاستخاره وربي يوفقك
|
الله يوفقك و يكتب لك اللي فيه الخير
لا تنسين الاستخاره |
طبيعي جدا تخافين
اذكري الله واستغفري واقري المعوذات قبل ماتدخلين وماظنتي تسألينه اي سؤال رجولك بتتصافق وقتها:d بالك مو مع احد الا اذا متعودين بمجتمعكم البنت تسأل هذا شي ثاني احنا بس البنت تدخل دقيقة دقيقتين الا هي طالعة بس المهم يالحلوة اجلسي بنعومة ميلي رجولك شوي يعنني نعومة:d لبسك هادي وانيق وناعم غير متكلف.. لاتحطين مكياج كثير خلي شكلك طبيعي وشعرك لازم تفكينه وابتسمي وعيونك بالارض واذا سألك ارفعي راسك لازم تناظرينه من حقك بعد تدرين وش اصعب موقف؟ اذا بغيتي تقومين من ع الكنب وتطلعين <<<< احسه عذاب لأن هالوقت بيناظرك وبيحرجك اكثر وان كان فيه خير ان شاءالله ترتاحين له ويرتاح لك موفقة الله يكتب لك الخير ويسعدك |
كيف لا تشعري بالراحه تجاهه
اذا كان فيه اسباب لعدم الراحه هذه فلا تقدمي على الرؤيه الا بعد ان تفهمي مصدر هذا الاحساس هل هو منطقي ام انه خوف وقلق طبيعي اما بالنسبة للاستفسارات فاذا كانت مهمه ومرتبطه بموافقتك على الارتباط به فيمكنك الاستفسار قبل الرؤية من اهله الذين تربطك بهم علاقة الذين خطبوك او عن طريق اخوك يسأله شخصيا اما اذا كانت استفسارات لا تحددموقفك من الارتباط به اي انه تخص اشياء بعد الزواج او ترتيبات الزواج فيمكنك تأجيلها الى وقت انسب اي لا تشغلي تفكيرك وتقلقي نفسك اكثر من قلقها المعتاد وقت الرؤيه لانك لن تستطيعي بسهوله سؤاله في هذه الحاله وانت اول مره ترينه واسال الله لك التوفيق وان يرزقك الزوج الصالح ولا انسى الاستخاره والدعاء بالتوفيق |
يسر الله لك أمورك
وكتب لك كل ما يحب ويرضى |
توكلي على الله واللي فيه خير يجيبه ربنا
وفقك الله |
اقتباس:
المهم اتوكلي على الله وطبعا الاستخاره والخوف اللي فيكي والضيقه هذا طبيعي لانه مجرد التفكير بالزواج ومعرفتك انك رح تتركي اهلك وتنتقلي لحياة جديده تخلي قلبك ينكمش.. الله يختارلك اللي فيه الخير. |
الغالية هذا امر عادي جداً كل وحدة تمر بنفس الشي.. بعدين اذا صار نصيب بتصير هذي ذكرى مرة حلوة
|
عليك بالاستخاره أولا
وإذا أتاكم من ترضون دينه وأمانته فزوجوه وأدعو الله العلي القدير أن يكون لك زوجا صالحا |
توكلي على ربك
وخلي كل شي يجي من نفسه انا يوم الشوفه كنت مرتبك وانا ولد في لحظتها كل واحد رايح فيها وشايل همه ماعليك يعني انا مرتبك وهي مرتبكه ولابد هذا الموقف لانه جديد بنسبه لك وله بس خذي الامر بساعة صدر ولا تقدمين له شي وانتي داخله افضل لك <<< بغى يطلع وثوبه كله عصير ههه بس صراحه احلى يوم في حياتي يوم اشوف زوجتي :) كل ما اذكرها في اليوم هذا نضحك على بعض وزي ماقلت لك اختي ترى الامر عااااااااادي وتوكلي على ربك واستخيري قبل |
أفكر أفركشها لأني صدق خاااااايفة وأحس بداخلي بعدم القبول والراحة للطرف الآخر
ما أعرف شو أسوي؟؟ أخاف أرفض وأسكر باب للخير فتحلي!! وأخاف أتوكل وتكون النتيجة سلبية علي أو عليه!! ما أعرف تعبت من التفكير |
أول ماتقدم لك
ماطليتي عليه وشفتيه؟ اهلك اخوانك مثلا ماقالو شي عنه؟ مدحوه مثلا.؟ هدي نفسك تراه طبيعي الخوف من الشوفة |
أول مرة يزورنا وطالب الرؤية قبل الاتفاق
|
أهلك ماشافوه ابد؟
اذا ماشافوه لاتطلعين عليه ياختي حرام اي واحد تطلعين عليه وبس لازم تكون عند معلومات عنه |
احساس بالخوف عادي بتمر بيه اي فتاة في مرحلة رؤية شرعية
حاولي تكوني هاديئة وغير متصنعة وعادية في تصرفاتك استخيري الله وان شاء الله يصير خير لك |
اقتباس:
|
أجل تبغين نصيحتي لاتطلعين عليه
بعد مومعقولة اي رجال يدخل بيتنا يشوفني وبس وانا مادري عنه ولاعرف معلومات عنه شاوري اهلك وخلي الوالد يقوله تعال نتعرف عليك نشوفك على الاقل تعرفين راي اهلك وش قالو عنه يتعرفون عليه اكثر وبعدها الشوفة موفقة عزيزتي |
هذا طلبه بس أعرف أهلي ما بيوافقون يشوفني قبل ما يتفقون
|
اختي الكريمة
انصحك من جهة اللبس بالوان بناتي ابتعدي عن الاسود (حتى لوكانت تنورة استبدليها بالجنز الفاتح)ابتعدي عن العنابي الداكن اختاري الوان هادية وحلوة من جهة الشكل ادخلي بثقة كاملة (بلا غرور)حاولي تخفين ورائك ابتسامة خفيفة (تخرج في وقتها المطلوب ) لا تخلين الخوف يسيطر عليك لان هذه الا وقات واللحظات من احلى لحظات عمرك ولن تتكرر حاولي تعيشينها بسعادة (واكيد مشاعر الخوف طبيعية )وراح تتذكرين هالايام بكل الحب باذن الله الله يوفقك ويسعدك يا رب |
ببالي أسئلة هل أتجرأ وأسأله ولا أتفق مع حد يسأله وأسمع رده لأحكم على تفكيره؟!!!
|
أختي الفاضلة اولا عليك بالاستخارة لاكثر من مرة
إما بالنسبة للنظرة الشرعيه أنصحك بعدم التصنع وخليك طبيعيه وإذا سألك رديه عليه بكل صراحة والحياء والخوف ياحبيبتي طبيعي جدا وحاولي إنك تغلبين على خجلك وتسالينه كل الاسئلة الي تخطر على بالك وذا ماقدرت تقدرين ياحبيتبي تسألين أحد المقربين له وهذا افضل من إنك تسأليه أنت بنفسك :22: بس إنتبه أختي لا تحطين مكياج ولا تبالغين في الزينه يعني على طبيعتك ربي يوفقك ويكتب لك الي فيه الصالح آآآمين |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©