|
قصتي مع الشات مهم للشباب والبنات
انا لاحظت من فتره ان المواضيع كثرت عن دخول النت وكيف الشباب يفضلون البنت اللي ماتدخله
وخوف بعض البنات من البوح لخطيبهم عن دخوله اتمنى من الشباب التفكير بعقلانيه ومو كل بنت تدخل النت رايحة فيها وينكم عن التطور العالم وين وصل وانتو موقفين على النت والبنات مو تخبي على خطيبك انك تدخليه ولا تقوليله على طول بالتدريج وبالاسلوب الزين اذا كان من النوع الشاد في موضوع النت شوي:24: انا خطيبي يعرفني مدمنة انترنت بس ماكنت ادخل الشات ابدا لفكرتي عنه بعدين قلت لخطيبي ابي ادخل الشات واشوفه المهم خلاني ادخل وراواني اياه بعدين صرت ادخله لمدة شهر تقريبا وكنت اقول لخطيبي كل شي من اللي اشوفه هو طبعا بحركته هاذي يبيني اتركه لوحدي بدون تدخله يبي اشوف انه مو زين عشان ابد ما ادخله لاتفتكروا خطيبي مايغار كان يموت غيره بس مايقول بس كان يحذرني ما اكلم شباب ابد:30: المهم انا عجبني الشات ومسخرته وكل جديد لذيذ صح قالي بعدمرور اسبوعين تقريبا من دخولي اتركي الشات خلاص وانا كنت تعودت عليه ولان كان عندي وقت فراغ كبير حاولت اتركه بس ماقدرت دخلت بدون علمه لاكن كان اذكى مني وعرف المكان اللي ادخله ودخله وحاول بكل جهده ادخل معاه خاص وبعد محاولات مستميته دخلت وقلتله نعم وش بغيت المهم حاول ينصحني وانا لما كنت ادخل لما يسالوني مخطوبه اقولهم مخطوبه وان خطيبي مايرضا اكلم شباب بعدين حاول ينصحي اني جالسه اخون ثقة خطيبي واني لازم اطلع من ذا العالم اللي مافيه فايده وكلام كثير من اخ لاخته وبعد كذا حسيت بتانيب الضمير:29: وليش اسوي كذا وانا حسيت بالملل من ذي السخافة علما اني ادخل لمسخرة بس وتضييع وقت واحب خطيبي كثيييييييييييييييييييييييير بعد ماتركت الشات بفتره كنت جالسه اتكلم مع خطيبي وصارحته وقلتله اني دخلت الشات بعد مامنعتني وقلتله عن كلام الشخص اللي نصحني اتركه وكان وانا اكلمه يبتسم وبعد محاولات قالي انا اللي كنت اكلمك :25: هنا حسيت باحراج كبير واني صغيره قدامه واني ما اسوى لانه كان يدخل بالبدايه يراقب كلامي ويشوف اللي يبون يتقربون مني وكان يحاول يكلمني بس يتركني ويدخل باليوم الثاني لين قدر يخليني اكلمه طبعا كلامي كله ضحك ومسخره مافي اي شي ولا احب اكلم احد خاص لابنات ولاشباب عشان لاتاخدوا فكرة عني الخلاصة من الموضوع ابيكم تاخوا المشاكل برويه لاتاخدوها بالعجلة تندموا وخليكم حكيمين بتصرفاتكم وكل مشكلة ليها حل بس لو نفكر شويه واذا بترفضوا لشي لخطيباتكم حاولو تبينوا مساوءه مو ترفضوه وانتهى الموضوع هذا للشباب طبعا اما للبنات خليكي عند حسن ضن زوجك او خطيبك لاتخوني ثقته ابد وحاولي تشوفي الفايدة اللي بتجنيها من اللي بتسويه قبل خليكي صريحة معاه وابتعدي عن الكذب لا تقولي تسليه مو عذر اشغلي حالك باي شي واتركي الخرابيط والكلام الفاضي انا خطيبي كبر بعيني كثييييييييييييييييييير بعد اللي صار وشفت ردة فعله وسلامتكم اتمنى اتكونو استفدتوا لو بجزء بسيط:22: |
ما شاء الله عليه.. الله يحفظه لك اختي العزيزه .. أستعمل العقل بشكل سليم.. بالنسبه للنت.. انا ما عندي مانع لو تزوجت واستعمل النت بس كل خطوه تكون بعلمي.. يعني الشات اكيييييد ممنوع.. المنتديات ممنوع لاني شفت سخافتها وشفت لعب الشباب فيها والرسائل الخاصه كل ما عجبتهم عضوه ارسلولها الرسائل طالبين الميل فهذي محسومه عندي... ما ادري والله لو تشوف المنتدى بدون ما تشترك فيه ما عندي مانع.. ومثل هالمنتدى نفس الشي ما عندي اي مانع لانه ما في رسائل خاصه مباشره والحمدلله.. |
ظلم الناس تصدق فرحت كثيييييييييييييييييييييييييير بردك على الاقل عبرتني وقلت رايك
كلامك صحيح بس مو كل المنتديات فيها لعب انا في بعض المنتديات تجيني رسايل يبون يتعرفون بس ولا اعبرهم حتى لو كانو بنات اتمنى الردود من الاعضاء اللي يشوفوا الموضوع ولو بشكر بس يالله اهم شي تستفيدوا |
ماتوقعتها منكم ابد
خليتوني اندم اني حطيت لكم شي من واقع تجربتي مشكورين اللي مرو بدون تعليق |
على العكس يانور الغدير
انت كبرت جدا في نظر العقلا والعاقلات بعد شرحك لتجربتك مع الشات لاسيما وكنت انت المنتصرة على كل اغراء الهروب من الشات اوغيره لايحمي اي فتاة من السقوط في الغلط ما لم يكن عندها شخصية قادرة على التفريق بين الصواب والخطاء ما لم يكن هناك رقيب في قلب الفتاة وعقلها يردعها عن الخطر فلن ينفعها اي هروب كاذب من خارجها |
صباح الخير أختي نور الغدير
ماشاء الله خطيبك عقلاني ومتفهم بالفعل الشات مسخرة وانيميا أخلاقية ومعظم الكلام الي فيه مايرضي الله ورسولة ........ياترى ايه فائدته؟؟؟ لاتندمي متأكدة ان الأعضاء الي مروا استفادوا وأنا أولهم يارب احفظنا واحفظ بنات المسلمين تحياتي |
كفشك هههههههه
ما شاء الله عليه طلع حكيم وعقله كبير الله يحميه ويخليه لك يارب.. اتمنى اتكونو استفدتوا لو بجزء بسيط(كتييييير تصدقي احس كل يوم اتعلم شيء جديد في دا المنتدى وخاصه من التجارب الشخصيه) الله يوفقك ويسعدك مع خطيبك أختك سبيال انتظر مزيد من (تجاربك)بس لا تكون زي دي ههههه |
بكل صراحة وعدم تجريح كلامك سليم وتصرف زوجك سليم وغايتك سليمة ولكن وسيلتك بكل أسف غير
صحيحة وخاطئة جدا جدا جدا أقل شي عدم الأهتمام باأحاسيس الطرف الآخر إلي هو زوجك خصوصا إذا زاد ذا الشي عن حده إلى درجة خليتيه يشيك من وراك ويتأكد صحيح وحاس أن هذا الشئ فيه تسلية ومتعة ولكن على المدى الطويل للعلاقة الزوجية يظل الشات دودة تنخر في كيان الثقة وتغطي الغيرة وتظهرها بشكل ممقوت وسلامتكم |
مشكور اخوي صقر الجنوب على ردك الرائع وكلامك جدا سليم احس تجربتي علمتني اشياء كثيرة
وعلى قولتهم الواحد مايتعلم الا اذا اخطا والحمدالله خطأئي مو كبير كثير مو معنات هذا اني اصغر اللي سويته بالعكس اللي سويته كان اكبر غلط في حق نفسي ثم في حق خطيبي لاني الاكثر تضررا من واقع التجربه |
نجلاء مشكورة على مرورك الكريم واللي فرحني كثيير
ومثل ماقلتي كلام الشات مسخره وكلام بذئ توقعت ينطرح فيه موضوع وتكون الاراء ورا بعض يعني اسرع بس طلع غير ماتوقعت والفضول وحب التجربه هو اللي دفعني بس ماعمري جربت اني ادخله قبل من خوفي على نفسي |
السلام عليكم ورحمه الله وبركاته
ماشاء الله عليه الله يزيده عقل وحكمه على قول البشر هدول الله الله باالركاده الله يوفقك ويسعدك ويتمم لك بخير الله يعطيك العافيه لك فائق احترامى |
سبيال مرورك وتعليقك كان جدا رائع وبالفعل ماتوقعت خطيبي يعمل كذا
الرجال مواقف مو مظاهر خلاص شجعتيني للكتابه مع انه معظم وقتي استفيد ما اكتب الا اذا احس ان ردي بيعطي فايدة شوي |
الفتى الوسي
انا بالعكس اتقبل تعليقك برحابة صدر وانا اعترف اني غلط في حق خطيبي وحق نفسي بس مثل ماقلتلك تعودت على الصراحة حتى لو بتعاقب لان اب ابني حياتي على الصدق ويمكن بكذا كبرت بعين خطيبي ويمكن اللي خلاه يتاكد اني لما قالي اتركي الشات بينت له اني ما ابي يمكن لكذا بس لما كنت ادخل الشات وهو مايدري كنت احس بتانيب الضمير وبالعكس انا ما خالفت كلامه لما قالي اتركيه تركته بس حنيت له بعد فتره وصارت مرات دخولي قليله جدا واحيان ما اشارك او ادخل على اني ولد وكل هذا بسبب تانيب الضمير اللي عندي بس الحمدالله خطيبي كان حكيم ومتفهم |
ماء القمر مشكورة على مرورك
ودعواتك الحلوة واتمنى من كل شخص يكتب تجربه مر فيها وانحلت حتى اخوانا واخواتنا يستفيدون مع تحياتي |
نور الغدير بالرك الله لك في خطيبك وبارك الله له بك
هذه القصة جيده لاخواننا من الفتيات والشباب لكي يتعضوا ويبعدوا عن الشات ومصايبة ولا يجربوه لان فيه فتنه ولا يدري الواحد هل يستطيع الرجوع ام لا بالنسبة لي اثق في زوجتي ودائما اضع لها في المفضله بعض المواضيع التي احس انها ستستفيد منها لانها خبرتها بالانتر نت محدوده |
انا هنا مشكور على المور
ومثل ماقلت لازم تكون ثقة بين الزوج وزوجته لانه هي الاساس لو ماكان هناك ثقة اكيد بينهدم في اول مشكله تواجهم وكلامك من حيث الفتنه جدا سليم لانه تحس الشخص يتعلق فيه ويبيله احد يطلعه ومو سهلة ابدا وماشاء الله عليك تهتم بزوجتك في هالاشياء وانا اشجع كثير العقليه هذي اللي مع التطور لاكن بحدود والانترنت مثل ماقال احد الاخوان سلاح ذو حدين نقدر نستخدمه بالخير وبالشر والعاقل اللي يعرف يستخدمه بحيث مايضر نفسه |
صقر الجنوب كلامك ذهب
ينم عن شخصية واعية لكن لا احد يبرر لنفسه دخول الأماكن هذه فنحن نهينا ان نتبع خطوات الشيطان |
غلا القلب مشكورة على المرور والتعليق
|
قصة رائعة يااختي ..حقيقة دائما افكر في نقطة ان تدخل الانسان لعالم الخطأ وتريه الخطأ وتجعله يتركه
من نفسه افضل من ان تمنعه دون ان يعلم الاسباب فيندفع وراء الفضول والشيطان وان شاء الله اطبق هذا على اولادي..الله يسعدك مع زوجك أختك حائزة الأمل |
حائزة الامل كلامك جدا جميل واتمنى تسعدي باولادك وتربيهم احسن تربية ومشكورة على المرور
|
حبيبتي الله يباركلك في خطيبك
وياريت ماتخبي شيء عته وخليه هو المرجع الوحيد إلك ودايما شاوريه واسمعي نصيحته لأنو رجل ونعم الرجال |
مشكور اخوي على المرور والتعليق وهذا بالفعل اللي جالسه اسويه
ومشكور على الدعوة الحلوة |
فعلا الشات مسخرة....
انا كمان جربت ودخلت الشات في فترة معينة بس والله استغربت...ماشفت اي فايدة... حتى احيانا لما تطلب من الموجودين يتكلمو بموضوع جدي ما يرضو... يعني حاولت كم مرة اطرح موضوع علشان نتناقش فيه نقاش جدي ونفيد ونستفيد بس ولا فايدة... ما يردو غير على المسخرة وقلة الادب... علشان هيك تركتو...وما عاد هالعالم يستهويني.... مع تحياتي... |
| الساعة الآن 07:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©