|
العائلة محتارة
السلام عليكم عندي موضوع ابي اخذ برايكم فيه الموضوع انه اختي وعمرها 23 سنه متقدم اليها احد من الشباب من اصحابي وعمره 28 سنه ولما درت العائلة كلها ودار الخبر اتظح انه احد من العائلة يبيها صار اليه 5 سنوات المهم وعرفنا بالخبر ان فلان من العائلة يبي اختي بس الفرق بين الشابين انه صديقي: عمره 28 سنه متوسط الخلق يعمل اسبوعين واسبوع بالبلد اخلاقه غير مستقره من اول والحين تمام الدين ليس متدين انما وسط بين وبين والي من العائلة عمره 19 سنه اخلاقه عاليه يدرس بالثانويه ما يقول عنه كلمة سؤاء الكل يمدح فيه الدين من ظاهره متدين وختي فكرت بالامر وقالت انه تبي الي من العائلة بما انه من العائلة فأنه اذا ااتزوجها بحطها بعيونه وانا واقف في صف اختي وحتى امي وابوي يبون الي من العائلة يقولوا ما نحصال واحد احسن منه وصديقي عائلة ما ترتاح اليهم امي بس اخواني يقولوا انها فررررررررصة ما تعوض بما انه متقدم الك الحين شااااب ويمكن الي من العائلة يغير وجهة نظره بعدين ما تدري يقولوا كم وكم واحد قال يبيها وحدة وبعد كم انتظار تركها يقولا اخواني لاختي فكري بعقلك لا بقلبك واحنا محتارين وشي ريكم تحياتي من صديق |
ما ادري ما اتشوف انها أكبر عن اللي عمره 19 ب4 سنوات! هل هي راضيه ترتبط بريال أصغر منها
|
قول لاختك تفكر قليلا بما سيحدث مستقبلا..
فبعد كم سنه ستكون بعمر قد يبدأ عليها تاثير الزمن... وسيكون هو بقمة حيويته وشبابه...وربما سيبحث عن زوجة اخرى وهذا من حقه.. وانا ارى دائما ان الذي يبحث عن زوجة ثانية بجيل ال40 اول ما يقولون زوجته اكبر منه ب4 او 5 سنوات يقولون : معه حق الله يعينه...مهما يحبها بس هذا حقه!!! لذلك عليها الانتباه الى هذا الامر وانا ارى ان جيل الشاب صديقك ملائم جدا ..جدا .. قل لها تستخير وتفكر بعقلها مو بقلبها. |
خي في الله انصحها بالاستخاره فوالله ماخاب من استخار الله واكيد انتو تعرفوا كيفية الاستخاره ودعائها
وفقكم الله جميعا لما يحبه ورضاه |
السلام عليكم ورحمة الله وبركاته
أخي من الشروط الواجب توافرها في الزواج لصحته هو التكافؤ الاجتماعي والثقافي وغيره والمهم هنا أنه أصغر منها وهذا أكبر عائق ولكن لتستخير الله فما ندم من استخار |
مو حلو ابدا ان الشاب يكون اصغر من زوجته
وبكرا يعايرها هذا اذا كان يبيها صدق 19احسه صغير جدا على التحكم بعواطفه هذي لسه مراهقة والدليل انه يبيها من 5سنين يعني من يوم عمره14 وهذا اكبر غلك انا من رايي تغظ البصر على الصغير وتشوف الكبير وتستخير اولا واخيرا وبالتوفيق عاد لاتنسانا من الاخبار الحلوة على فكرة احسك مو مرتاح لصديقك اتوقع انك ماتبيه زوج اختك |
حياكَ الله وبياك !!
دع أختكَ تستخير الله عز وجل فيما هي مقبلة عليه ! وتفكر في الإمر ملياً !! وفقكم الله |
تشكرو على مرروركم الكريم
|
و الله يا اخي انا شايفه ان من الافضل انها تقبل صديقك لانه لي من العايله صغييييييييييييير و هي اكبرمنه باربع سنين
|
السلام عليكم
حبيت اعرض اليكم هلمشكلة وهي صاااااااااااااااااااااااارت من قبل 2 سنتين بس حبيت اقوليكم انه البنت تزوجت الي من العائلة والحين عندها بنت كتكوتة ولا احلى وعايشين احلى عيشة ولا مبين عليهم فراق السن الي مستغربه انه منه انه الي ما احد صاااااار الي من العائلة الكل صار ويا صديقي تشكرون على مروركم الكريم تحياتي |
ما فهمت شسالفه ياخوي..!!؟؟ انته حاط الموضوع عشان ااتشوف ردود الاعضاء ورايكم اذا الولد اصغر من البنت في فرق السن ولا كيف؟؟ اذا جيه فاقول الله يهنيهم ان شاء الله.. وكلن ياخذ نصيبه.. ............. |
لاتعليق
|
اقتباس:
السلام انا حبيت اطرح هلموضوع وانا في فكري كمشكلة لناس الي يعتبرون الي يزوج بنت اكبر منه مشكلة فقط لا غير مشكور اخي على ردك |
السلام عليكم ورحمة الله وبركاته
اخي حسب مافهمت من كلامك ان صديقك هو المتقدم وان الشاب اللي من العائله لم يتقدم بعد صح؟ طيب خلينا نفكر بالموجود ولانجلس نحير انفسنا ...........يعني خلي اللي من العائله على جنب لأنه ممكن مايجي اصلا المتقدم فكروا فيه مضبوط هل هو زوج مناسب لأختكم لاتقارنوا بأحد ثاني هو دحين كشخص هل هو مناسب؟؟؟؟ من ناحية الدين والأخلاق من ناحية اسرته من ناحية عمله من ناحية طباعه هم هناك توافق بينهم؟ اذا جاوبتوا بنعم بأنه مناسب والبنت مرتاحه له كشخص من غير مقارنه بشخص ثاني فالتستخير وتتوكل على الله ام اذا كان غير مناسب كشخص فالله يسخرلها احسن منه ويسخر له احسن منها يعني لاتخيروها خلوها تحدد تفكيرها بشخص واحد حلو الكلام حتى الأن؟؟؟ طيب نرجع اللي من العائله موعيب انه يكون اصغر منها اهم شيء انه عاقل وحكيم يعني ياما رجال اعمارهم صغيره لكن عقولهم توزن جبال من الحكمه والحلم والرزانه بسسسسسسس اهم شيء انه يكون عن قناعه تامه في الأرتباط فيها وبالنسبه للأخوه اللي قالوا بعد الأربعين ممكن يتغير تفكيره صحيح شفت نماذج كثير ولكن هل نضمن اعمارنا ؟؟؟؟ يعني كله بيد الله والخيره فيما اختاره الله لاننسيى صلاة الإستخاره والدعاء والأستغفار الصدقه ولاتنسى التروي بالتفكير وعدم تشتيت اختك في التفكير فقد يكون نصيبها شخص ثالث غير المتقدمين الأثنين:) وربي يسعدكم ويفرج همكم وينولكم مرادكم وحصنتكم بلا اله الا الله |
اذا انت تقول انه صديقك اخلاقه غير مستقرة وكانت فيما مضى سيئة فكيف بالله ترضاه زوجا لأختك
|
| الساعة الآن 05:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©