|
اختي وتصرفاتها
السلام عليكم ورحمة الله وبركاته
اخواني واخواتي مالي غيركم الجئ اليكم لاني من جد تعبت عائلتنا عباره عن 4بنات و4اولاد انا ترتيبي الثالثه بينهم واحنا 3كبار والباقي صغار المشكله في اختي الكبيرة اكبرمني ب8سنوات النقطه الاولى: تغار مني اهي متزوجه اذا ابوي يجيب لي شي تزعل وتقول ليش مايجيب لي واذا شافتني رايحه مشوار مع الوالد تنقلب الدنيا احسها مريضه بجد والنقطه الثانيه: انا من النوع الاجتماعي وعندي صديقات وزميلات بمعنى اصح واختي الله يهديها تكره ان يكون لي علاقه بأحد لاحظت عليها هالتصرف اذا بنت اتصلت لي تقولها اني مشغوله او نايمه او طالعه وطبعا كذب ولما اعرف شنو سوت تصير سالفه بيني وبينها وفي الاخير الوالده تتدخل وتطلب مني السكوت وانا من النوع الي قدام امي وابوي مااقول لا مستحيل فأسكت ومرت الايام واهي تتمادى واذا عرفت اني طالعه لبيت فلانه تظل معصبه وماارجع الااهي مجهزه كلام حلو تسمعني اياه اني كل اطلع ومااجلس مع العلم اني زياراتي قليله جدا. واذا شافتني اتكلم تليفون لازم تجي تقول كلام وتمشي مثلا تقول (وبعدين مع السوالف الي ماتخلص ناس فاضيه) علشان كذا صرت اكره اكلم احد واهي جالسه لان ماودي احد يقول عنها انها عديمه اسلوب او اي كلمه مهما كان اختي....الحمدلله للحين ولابنت سمعت كلامها لاني على طول اسكر او اقطعه وارجع اتصل للبنت واعتذر ان في خلل في التليفون واختي ماعندها زميلات ابد ولااحد وكل هذا منها اتذكر انها قبل لاتتزوج اذا اتصلت لها بنت كانت معاها بالمدرسه او الكليه ترفض تجاوب وترفض تقابل احد.وترفض تعطي احد رقم جوالها او شقتها ماتحب احد يكلمها من البنات لين يقطعونها والحين تبقاني اصير مثلها وانا رافضه هالشي مادري كيف اتصرف معاها؟؟ياريت تساعدوني اسفه طولت عليكم اختكم:الحائــــرة |
اهي مبين عليها اتغار منك ليش انتي اجتماعية وأبوك يجبك ..............وكذا
تدرين الحل انك تقعدين معاها وتصارحينها وتقولين لها ليش ماتفتحين قلبك للناس كلمي صديقاتك وانا اشوفك وحيدة ولا أحد يسأل عنك وانتي بعيدة عن الناس وهالشي موبزين علشانك وعلميها اشلون تكسب صديقات والفائدة من الصداقة او حتى الزمالة وعبري لها عن مشاعرك لما تتكلمين مع زميلاتك وحاجتك النفسية لوجودهن في حياتك وعبري لها عن مدى انزعاجك من كلامكها يعني الصراحة وااااااااااااااااايد بتريحك واكسبيها في صفك تحياتي يالغلا الحائرة . |
يا قلبي يا حيورة
عاذرتها أنا لأختك حدا يتكلم مع حيورة العسل وما يحبها والله تمنيت أعطيك نصيحة بس تعرفيني ما عندي أخوات الله يهنيك ويسعدك ويخليلك الوالد والوالدة ويحنن قلب أختك عليك ولا يحرمكم من بعض أم وليد |
اقتباس:
اختي انا حاولت كم مره جلست كلمتها تقولي انا كذا كيفي ماابقاكي تتكلمي مع احد ولاتكون لك علاقه بأحد مهما كان خلك لوحدك احسن اقول لها لوحدي مو زين وكم مره قلت لها طيب لاتقولين كذا قدام البنات عيب قالت والله انا الكبيرة واقول الي ابقى اهي من النوع الي يحب السيطره وانا مااحب احد يسيطر علي خاصه اني مااسوي شي غلط . امي حاولت كلمتها تقول لها خير ان شاءالله وترجع مثل ماكانت يعني مايعنيها كلامنا ابدا اهي كل في بالها انها الصح والكل غلط ومره كنا في حفله وجات وحده تسلم عليها ماعطتها وجهه لما قلت لها ليش تسوين كذا قالت احسن علشان ارتاح..من جد غريبه مشكورة يالغاليه الله يسعدك |
اقتباس:
مشكورة :o :o :o اختي بقولك موقف مره بالكليه جات لي بنت قالت لي اختك فلانه قلت لها ايه اختي قالت ول فرق بينكم سبحان الله ومشت انا ماعرفت شنو ارد بصراحه لاني فهمت قصدها مشكورة يالغاليه الله لايحرمني منك الله يسعدك |
حبيبتي حيوره
بصراحه هي يمكن تحبك وتعبر عن حبها بهذه الطريقه علشان كذا حاولي بس تكون عندكم تبقي معها يعني تجلسي بقربها وتسولفي معها هذه اختك ولازم تتحملينها ويمكن هي مو حابه زوجها او ما عندها اطفال فعشان كذا تتفشش فيكي ماعليكي غير انك تدعين لها بالهدايه وممكن انك تمدحينها بكل شي يمكن عندها نقص الله يوفقك حبيبتي وانا بعد اضم صوتي لام وليد في احد يعرفك وما يحبك............. في امان الله |
اقتباس:
انا دايما اجلس معاها وانا متحمله بس تعبت من تصرفاتها اهي تحب زوجها وعندها الحمدلله بنتين الله يهديها وبصراحه اهي فيها نوع من الغرور يعني كل الناس اقل منها تسلمي حبيبتي |
اليوم كلمتها بصراحه قلت لها انك اختي ماارضى احد يقول عنك شي واذا عندك شي تعالي كلميني
ترى مافيه انسان معصوم من الغلط قالت انا عمري مااغلط ابدا شوفيني ناجحه بكل شي قلت لها الحمدلله بس تصرفاتك معاي غلط ياريت تفكري اشوي بتلاقي انك غلطانه قالت انا عمري مااغلط ولاعمري فشلت بشي مو مثلك قلت لها وش تقصدي بكلامك قالت قصدي انك كنتي مخطوبه يعني فشلتي قلت لها مو عيب هذا قالت عيب وراح يظل معاكي لنهايه عمرك لانهاتجربه فاشله دليل على فشلك وهذا دليل على انك الغلط وانا الصح.................... |
اقتباس:
الله يعينك مالك غير الدعاء لها |
ياما ناس عايشه بعذاب بسبب اخواتها اسأليني
|
اقتباس:
رباه أعنا .. اختي العزيزة ... ربما و الله أعلم لو تتصرفين معها بالمستقبل بالعودة الى ديننا في النقاشات لكان أفضل .. مثلا كأن تقولي لها كل شيء قسمة و نصيب و ها ليس فشلا و إنما لم يكن من نصيبي فهل يعني ان كل فتاة فشلت خطبتها أنها فاشلة و هل يعني ان كل مطلقة فاشلة .. و كذلك حاولي ام تخجليها بكلامك بأن تقولي بصراحة توقعتك ستقفين في صفي و تسانديني لا أن تتكلمي معي بهذه الطريقة ... ثم قولي لها ان النجاح الحقيقي ليس في هذه الحياة بل في الاخرة .. من سيكسب الجنة بارك الله فيك اختاه و أسعدك |
[ALIGN=CENTER]
|
السلام عليكم..حبيبى اختك شكلها وااايد مغروره بنفسهااا...وما درى شالسبب ألى بخليها دائما تشوف الناس اصغر منها......و بالنسبه لصديقاتج..بالعكس شئ حلوا ان الوحده تصير اجتماعيه و لها صديقات...لا تسمعين كلامها...يمكن فيها عقده وهى صغيره علشان كذا كرهت الصديقات...او انها تغار منج......والحل شنوا!!...انا اقولج انتى كلمتيها...و امك كلمتها....بقى ابووووج.....ليش ما يفهمها بطريقته الخاصه.....هذا حل..الحل الثانى تقربى منها و عامليها بالطيب علشان تستحى منك....شلون...انا اقولج...مثلا جيبى لها هديه بعيد ميلادها مثلا...مع ورده...و كتبى عليها احبك يا اغلى اخت....او....قولى لها انا باخذ بناتج عندى الليله و انتى طلعى مع زوجك و استمتعوا بليلتكم...........وهكذا بعدها بتفكر بتصرفاتها و شلون أهى غلطت معاج و إن شاء الله تتغير....او عزمى صديقاتج و خليها تقعد معاكم علشان تحس شلون ان الوحده تستانس بوجود جو الصديقات.................................الله بهديها و يخليكم لبعض.
|
الله يعينك ويصبرك
ولا تحطين في خاطرك عليها سامحيها الله يصلحها صدج اسلوبها جارح بالنسبة للخطوبة هذي قسمة ونصيب ..........والله ما كتب الزواج مو معناته شي ثاني والمؤمن مبتلى وانتي انسانة مؤمنة لا تحطين في قلبك وطنشيها وسوي اللي تشوفينه صح واستشيري الوالدة وما عليك منها هي مو صح اهي في هالشي مخطئة وهو التعامل مع الناس انتي كبيرة وعاقلة ما شاء الله واخلاقك عالية هذا اهم شيء الله يسعدك ياعسل . |
اقتباس:
الله يهديها |
اقتباس:
|
أختي نفسيا الناس الي بيعنوا من التعالي ع الناس
علاجهم عكس ما ذكر الاخوة هو تـطنيشهم وعدم المبالاة بأقوالهم لأنه إذا سايرتهم بتأكد صحة أراهم وبتزيد حب التملك لديهم بيحتاج منك وقوة شخصية وليس تصادم بمعنى عدم الجرح ولكن تفهيمها أنه الكمال لله وحده وفيما عداه فكل بني أدام بيخطأ تاني شئ تجاهلها بمعنى تبين لها أن معاملتها لك ولا تأثر فيك ولا تجرحك يعني عادي لأنها بتستغل نقط ضعفك هذول الناس بيكونو كثير أذكياء الأنا تبعهم كثير عالية بمعنى كل شئ أنا ما تعرف غير أنا والكل في نظرهم ولا شئ برجع أكتب لك بعدين الله يوفقك حيورة أم وليد |
اقتباس:
اهي ادور على شي يكون لها سلاح لانها لما قالت لي هالكلام جرحتني وانا التزمت السكوت مشكورة الله يسعدك |
اقتباس:
انا الحمدلله علاقتي مع الجميع جيده اختي تتصرف معاي كذا من لما كان عمري14وانا صبرت واتحملت بس لكل شي نهايه الله يوفقك اختي مشكورة |
اقتباس:
فعلا كل الي قلتيه انا سويته واصلا بناتها طوووول اليوم عندنا ومره جلست معاي مع صاحباتي وضلت ساكته وتناظرهم من فوق لتحت كأن مافيه احد عاجبنها وانا فشلت من نظراتها واسلوبها الله يهدي الجميع الله يوفقك مشكوره |
اقتباس:
ابوي كان موجود في نقاشنا قالي خليكي انت اعقل منها اهي عقلها صغير ماتتعرف تتصرف واسلوبها جارح الله يسعدك ويوفقك يالغاليه |
اقتباس:
انا بشكل عام شخصيتي قويه بس انا مو النوع الي مااحب المشاكل ابدا يعني اذا حسيت ان الموضوع بيطول التزم الصمت احسن انتظرك يالغاليه مشكورة الله يسعدك |
اختى كل بيت فيه مثل اختك
والله يمكن انا واختى الكبيره نفس المشكله بس انا من النوع اللى بتكبر دماغها شويه:22: |
اختى كل بيت فيه مثل اختك
والله يمكن انا واختى الكبيره نفس المشكله بس انا من النوع اللى بتكبر دماغها شويه يعنى لما تبقى عندكم بلاش تتكلمى فى التليفون وياريت تحسيسى اختك انها صدقتك وحبيبتك وانها قدوتك ومثلك الاعلا وصدقينى المشكله هتتحل لانها بس عايزه تشعر انها الكبيره والامر والناهى عليك على اساس انك اصغر منها وبنسبه انها بتغير ان بابكى اشترى ليك شيئ وهى لا كل البنات بعد ماتجوز دايما بيكون عندها احساس ان اهلها لغوها من حياتهم علشان كده بتغير منك ولازم تتطلعك انك فاشله فى كل شيئ امام نفسك وامام اهلك صدقينى ده ليس مرض كما تصورتى بس ديه مجرد ضعف فى الشخصيه من اختك ولكن بالذكاء تقدرى تطلعى من الموضوع ده وانتى كسبانه اختك ليس خسرانه وان شاء الله تتجوزى:14: وترتاحى من الهم بسبب اخواتنا:11: |
اقتباس:
ابوي مايقصر معاها بس بصراحه انا مكانتي عند ابوي غير لاني اكثر وحده اجلس معاه واهي من زمان كذا من قبل ماتتزوج الله يهديها مشكورة |
| الساعة الآن 05:28 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©