|
مواصفات جمال المرأة في عين الرجل؟
صباح الخير
مادري كيف ابدا اضن الموضوع مو جديد بس ابي اعرف ايش مواصفات الجمال في عين الرجل. هل المراءة الطويلة المليانة ام النحيفة ااو القصيرة النحيفة او العكس ابي اعرف تكفون تردون اكيد تقولون اش حارق رزها ذي؟بس ابي اعرف لسبب ماحبيت اقولة ويعلم الله اني بموت على الاجابات" :24: :24: |
1-ذات خلق ودين
2-لما يطلع من بيته لدوام يتأكد تماماً إن زوجته راح تصونه وتصون البيت في غيابه 3-ذكيه_سريعة البديهه_تجيد حسن التتصرف بعقل ومنطق_لبقه في الحديث_تجيد فن الحوار 4_تحترم اهله وتقدر كل إللي يعز زوجها 5_تقدر ظروفه الماديه والنفسيه 6_تتقبله بكل ما فيه لأنه مافيه احد خالي من العيوب بس ماتتقبله على طول مع الايام تغيره 7_حنونه_عطوفه هدا إللي عندي حالياً وإن شاء الله اكون افدتك لو بنقطه واحده ودمـتي |
جاااااااااااااااااري انتظار الرجال
لان كل واحد يختلف عن الثاني |
للمعلومه..والله إن قريبي ذا منصب وجمال ودين وعلم عااااااااالي ويتمتع بحاله مادية فوق الخيال وكلنا توقعنا انه حيخطب فلانه وكانت غير سعوديه ولكن ايه ايه ااااااااااايه في الجمال والطول وكل شيء باختصار
المهم قام واختار وحده ليست جميله بالرغم من انه مررررررررو حلو واختار بنت فيها اغلب الصفات اللي ذكرت ولما سألوه ليه فلانه بذات قال:الجمال يروح ومايبقى غير الروح بس اكيد الرجال يبغاها بيضاء_متوسطة الطول_شعرها ناعم طويل ودمتي بود |
المسألة نسبية بين الرجال وكل واحد وله مواصفاته الخاصة، وبالنسبة للطول تجدي بعضهم يفضل الطويلة ( وأنا منهم ) يعني اللي يزيد طولها قليلاً عن 170 سم أو 165 سم والبعض يفضلها متوسطة الطول أو حتى القصيرة، وما ذكرنا من الطول فيهن السمينة والمربربة والنحيفة ولكلً طالبوه ومحبوه وإن كانت الطويلة ومتوسطة الطول المربربات صاحبات الحظ الأوفر، وقد روي عن أم المؤمنين عائشة رضي الله عنها أنها قالت : ( لايفوتنّكم الطول والبياض فهما علامتا الجمال ). ومنهم من يفضلها بيضاء والبعض الآخر سمراء والبيضاء مطلوبة اكثر، وقد قال عمر بن الخطاب رضي الله عنه: ( إذا تمّ بياض المرأة في حسن شعرها فقد تمّ حسنها ). والبعض قد يتنازل عن بعض المواصفات من اجل مواصفات أخرى كأن تكون الفتاة مثلاً بديعة الجمال لكنها قصيرة أو العكس ممشوقة القوام ممتلئة الجسم ولكن جمالها عادي أو متوسط.. وذكر أبن القيم صفات المرأة الجملية وقال: ومما يستحسن في المرأة طـول أربـعـة وهن أطرافها وقامتها وشعرها وعنقها وقصر أربـعـة يدها ورجلها ولسانها وعينها فلا تبذل ما في بيت زوجها ولا تخرج من بيتها ولا تستطيل بلسانها ولا تطمح بعينها وبياض أربـعـة لونها وفرقها وثغرها وبياض عينها وسواد أربـعـة أهدابها وحاجبها وعينها وشعرها وحمرة أربعة لسانها وخدها وشفتها مع لعس (السواد المستحسن في باطن الشقة) وإشراب بياضها بحمرة ودقـة أربـعـة أنفها وبنانها وخصرها وحاجبها وغـلـظ أربـعـة ساقها ومعصمها وعجيزتها وذاك منها وسعـة أربـعة جبينها ووجهها وعينها وصدرها وضيق أربـعة فمها ومنخرها وخرق أذنها وذاك منها ( ربـما قصد الفرج ) وقال أيضاً: ومما يذم في النساء المرأة القصيرة الغليظة، ونفس الشئ ينطبق على الرجال. عموماً أغلب الرجال لايتمسكون بجميع المواصفات الجمالية في المرأة إذ أن اكثرهم يتنازل عن بعض المواصفات إذا كانت الفتاة فتاة صالحة ذات دين ومن أسرة محترمة، مع توافر مواصفات أخرى يفضلها. |
وعليكم السلام ورحمة الله وبركاته................
باختصار اختي سؤالك عام.....!!! وبالتالي الجواب راح يكون في مجمله عام......!!! انا عندي سؤال لك قبل لا اجاوب؟؟؟ اي فاكهه تحبين انتي؟؟؟ يمكن اتجاوبيني احب التفاح والا يمكن البرتقال والا الكرز والا الخوخ والا والا والا..الخ وكذالك الاكل وكذالك اللبس وكذالك كل شي في الحياة.....!!!! وكذالك المرأه ... لا يوجد مقاييس معينه لسؤالك لانه باختصار هذي امور نسبيه!!! ...حتى ملكات الجمال اللاتي تشاهدينهن في وسائل الاعلام ...!!! نسبه كبيره من الشباب لاتعجبهم ملكات الجمال ولا اجسامهن (كانها طالعه من القبر بسند كفاله) ابدااااااا اختي...... بعضنا تعجبه الطويله ويحس بهيبتها وبعضنا تعجبه القصيره (منتصحا بقول الحجاج الثقفي تزوج القصيره ولاتسالني). بعضنا تعجبه البيضاء ويرى الخير في وجهها وبعضنا تعجبه السمراء ويرى الحنان متوسما على جبينها وبعضنا تعجبه الحنطيه فهذه تقل الحيلة امامها . بعضها تعجبه العيون السود الواسعه (ويصرعن ذا اللب حتى لاحراك به...وهن اضعف خلق الله اركانا) وبعضنا تعجبه العسليه فيستسلم لسحرها وبعضنا تعجبه البنيه وماادري ليه!!؟؟؟؟. لكن يمكن الحاجه الوحيده التي نتفق عليها..هي حجم الانف كلنا يريده صغيرا....وكلنا نريد ان نسال عندما نراهااااااا....كيف تتنفس هذي.!!؟؟؟ كل غايتي من هذا الكلام اختي الفاضله اريد ان اوصل لك فكره ان المرأه مثل الفاكهه لكل لون وطعم ونكهه خاصه بها..فلا تفكري بالامر كثيرا فنصيبك قادم ان شاء الله. واذكر هنا حادثه عرضتها بالمنتدى قديما..ان شاب هو قريب لي وقد اعطاه الله من الوسامه والكمال الشي الكثير...عندما تزوج (كان شكل زوجته عاديا جدا) حتى ان والدتي عندما عادت من حفلة زواجه..قالتلي بالحرف: بصراحه ماهي زوجه لفلان من ناحية الشكل..!!! بس يمكن روحها احلى بكثير..!!! الى الان انا ارى قريبي هذا وهو سعيد جدا ووجهه (يقطف نووور>>>>دليل السعاده) عسى الله يهنيه. واخيرا اقولك هالبيت وخليه نصيحه اطلب منك تذكرها دائما. ليس الجمال باثواب تزيننا..................بل الجمال جمال العلم والادب اخوكي اخطيت |
وينكم نبي اكثر
|
اقتباس:
اخي الكريم ماشاء الله كلامك مررررره حلو وكثير استفدنا منه والله يكثر من امثالك وتطمنا فعلا على الشباب وطريقة تفكيرهم وانه اخر شي مايبقى الا جمال الروح. والله يكثر من امثالك يااااااااااااااااارب |
شوفي اختي الفاضله
مع انه اخوي المؤمن بالله واخي اخطيت اظن انهم كفوا ووفوا لكن بالنسبه لي شخصيا ذبحي وموووووووتي الخشم الصغير والفم الصغير>>>نقطة ضعفي وماابغاها طويله كثير وابيها بيضاء وشعرها اسود وعيونها سود وناعمه ومنطلقه ومثقفه و و و.....الخ اقولك لو اظل لين الصبح مااخلص..بس المصيبه جماعتنا ماعندهم رؤيه شرعيه وبالتالي زواجنا قائم على طريقة الجح ياابيض يااحمر والله يستر. نرجع للجد مافيه اختي مقاييس محدده انا اذا ارتحت لبنت اتصور كيف ماكان شكلها ماراح يهمني المهم انها توصل لقلبي مجرد مااشوفهااااااااا هذا يكفيني ويغنيني حتى عن الخشم الصغير والفم اللي مثل حبة الزيتونه الذي طالما حلمت فيه. |
اهم شي جمال تقاسيم الوجه وشعرها ناعم
باقي الاشياء لا اعتقد انها مهمة كثيرا بالنسبة لي |
المؤمن
اظن اللي ذكرها ابن القيم في الجنه ان شاء الله هههههههه صدقوني اخرة اللي يتشرط يتعب ويستسلم واللي يدور الجمال فقط ويتغاظى عن غيره يقع في شر اختياره |
اقتباس:
لا يا أختي غلا القلب، لاحظي أن ابن القيم قال ومما يستحسن والاستحسان يطلق على مايهواه الإنسان ويميل إليه وإن كان مستقبحاً عند غيره، وليس شرطاً توافر جميع هذه الصفات في المرأة حتى يقال أنها جميلة، كما أن هذه الصفات هي مما يُرغب فيها في جمال نساء الدنيا ولم يقصد بها نساء الجنة.. وعلى قولكِ اللي يقعد يتشرط آخرتها هو الخسران ويدفع ثمن ذلك من عمره. |
جمال المرأة زائل ومهما كان !!
ولو ما يوخذ إلا الجميلات قعدن بنات الحمايل !! بالنسبة لي .. لا أحبث عن جمال المرأة بتاتاً بقدر خلقها وأخلاقها وتربيتها السليمة ودينها ! هذا ما يهم بالنسبة لي !! ايضاً قبل كل شيء أحرص على أمها !! وزي ماقال المثل إسأل عن أمها قبل تضمها !! يعني .. لا يهمني الجمال الخلقي بقدر ما يهمني الجمال الأخلاقي والروحي ! .. |
أعذروني على الوصف لكن انتوا طلبتوا.. بحب البنت الي متوسطه الطول انفها صغير وفمها صغير.. ذات راس شبه دائري واكيد ناعم وابيض ومليان.. متوسطه لا نحيفه ولا مليانه ولاكني اميل إلى المليانه اكثر :25: طبعا الكثيرات بهذا الصفات ولكن اغلب الجميلات جمال الجسد فقط و قبيحات من الداخل للأسف. وهذا ما لن اقبل بهي في زوجتي وافضل الجمال العادي على ان اتزوج امرأة جميله ولاكنها تشيبني من الغيره والحركات التي تجنني وتشعل غيرتي.. وكما يقال" كل فتات جميلة إذا ما تمكنت من إضهار ذالك الجمال وطبعا ليس أمام الرجال فهذا حرام ومن تفعل هذا لن تحصد سوى المضايقات والعلاقات المحرمة إذا كان إمانها ضعيف.. الستر يا بنات المسلمين عيشوا من اجل الاخره الباقيه وليس من اجل الدنيا الفانيه" اعذروني طلعت من الموضوع!! ظلم الناس |
اقتباس:
أخوي أعتقد أنه يوجد ايضاً في بنات حمايل جميلات إن لم يكن رائعات الجمال. |
السلام عليكم
صحيح مو رجل وداخلة عرض في الموضوع :d لكني حبيت اقول شي :29: :29: الرجل يحلم ويتمنى هذا اللي يبي الرشيقة البيضة اللي كانها عارضة ازياء وهذا اللي يبي عيونها زرقة وخضرة وواسعة وهذا يبي مليانة وحلوة هذا وهذا وهذا الاغلب يبي علامات كبيرة من الجمال لكن اذا اختار الرجل هذه المواصفات هل هذا الرجل سيعجب المرأة صاحبة هذه المواصفات ؟؟ :d :d صراحة سمعت عن وايد شباب وشفت ناس من الاهل لو تسمع مواصفاتهم تقول هذه اللي يبيها ملكة جمال :28: حلوة وبالاضافة الى الثقافة والدرجة العلمية وهو تلاقي شكله الله لا يراويك حتى بياع الخضرة اشيك منه :d :d هذا لو تكلمنا عن الشكل وتفكيره رايح فيها يعني صاحب تفكير السطحي جدا يعني لو اليوم اخذتها حلوة وباجر لا سمح الله احترقت وتشوهت ؟ لو صادها مرض مثلا رفع نسبة الهرمونات وصارت برميل :25: في هذه الحالة شنو راح يسوي الرجل ؟ بيقول بتحمل وهو يناقض نفسه وبعدين يتزوج عليها حتى لو كانت قايمة بكل واجباتها وحجته اللي صار لها؟ بيطلقها ؟ لازم نكون واقعيين في حياتنا و امنياتنا مثلما انت تبي هي بعد تبي الله يرزق المو متزوجين بالزوج او الزوجة الصالحين:14: |
| الساعة الآن 05:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©