المكالمات ..... والأحراج والأسلوب
 

السلام عليكم ورحمة الله وبركاته




صار لي ياجماعه خاطب من 6 شهور وخلال أول شهر كانت المكالمات يوم عن يوم وكله كلام رسمي

وبعدها خفت المكالمات تدريجيا -- شكل السوالف خلصت --:25: وبعدها صار كل يوم رسايل عااااااااديه

جدا وماتتضمنه من العتاب بشكل غير مباشر بسبب قلة الأتصالات :27: وأنا بكل صراحه وأقولها لكم ماني

برايق زي أول آخرتها أمس كلمت خطيبتي زوجتي وتنتظر كم كلمة حلوة ماني قاااااااادر أعبر أو أوصف

أو من كلام الغزل أعبرلها عن مافي داخلي كله من الأحراج :29: والله فترة 6 أشهر مابين وصل وأنقطاع

كل الكلام رسمي كل السواليف رسمية ماأقدر أقول أي كلمة فيها غزل أرجوووووووكم هل هذا الشي

طبيعي المشكلة والطامة الكبرى أن زوجتي في مدينة وأنا في مدينة أخرى ولا نقدر نشوف بعض كثير آخر

مرة جيتهم كانت البنت فيها نوع من الخوف ماصارت مثل أول :24: رغم أني مالمستها بس احست بالربكة

من يوم ماتغيرت عليها وأنا مثل ماقلتلكم أختفي عشان أظهر يالمظهر الحسن من كل النواحي خصوصا

السوالف والكلام بينا هل هذا الشي صحيح يعني كيف الشخص يفتك من الأحراج ووشو الكلام إلى تتوقعه

كل متزوجة أو مخطوبة والله مشكلة :( وفي نفس الوقت أحس وش راح تقولون في إجاباتكم بس يالله

مهو مشكلة نفضفض لكم وودي أسمع كلام يضرب على الوتر وأسف جدا على الأطالة :28:


والسلام عليكم ورحمة الله وبركاته

أخي الكريم أول شيء مبروك وعسى الله يتمم لكم على خير وهذا الشيء اللي تذكره شيء طبيعي لكن نصيحتي لك دائما قبل ما تكلمها أنك ترتب أفكارك اللي تبي تقولها لها في التليفون وتناقشونها سوا وتأكد أن هذه هي أجمل فرصة وأسعد لحظة ....وخصوصا أنك ممكن تتكلم عن المستقبل وكيف سعادتك في ارتباطك فيها ومعاها وممكن أيضا تتكلمون عن ترتيبات شهر العسل والمكان اللي تحبون تروحوه وزي كذا....أهم شيء لا ترفع السماعة وتتصل الا وفي بالك أيش تبي تقول وممكن تخلي وقت للحديث العفوي وممكن أيضا تخليها في بعض الأحيان تطرح الموضوع اللي تبيه خصوصا انها أكيد تحب تتعرف عليك أكثر وتعرف شخصيتك وهذا أحسن فرصة لهذا الشيء...

والله كلامك يدرس ومعك حق أول أدق وحاط في بالي كلمتين والموضوووع يمشي زي الحلاوة

بس بعدين مادري إلا جاري الأتصال وماأتنبه إلا هي معي على الخط على بالي السوالف تجيب

بعضعها ويطلع ماااااااااحولك أحد ولكن باقي مشكلة الكلام الحلو والغزل عطونا الحل بالله وإلا الوضع عادي

والله المستعان أول أسمع أن البنت يبيلها ذكاء وأسلوب وأقول ولا شي ويوم صار صدق ضاعت علومي

ليش ماتقولها كلام حلو

انا عندي لك فكرة شوف الشي المشترك بينكم هوايات او كذا وحاول تتكلم عنه اقرا كتاب ممتع وقولها عنه
وبكذا يكون عندكم موضوع للنقاش

السلام عليكم
اخوي والله هي تحتاج كلام حلو تحتاااااااااااااجه
لازم تراعي هالشي اولا
ثانيا ممكن قبل المكالمه ترتب افكارك وتحضر لها مفاجأه مثلا قصيده تقراها
لها
أو خاطره بنفسك تكتبها إذا هوايتك تكتب
أطلب منها يوم تقول لك شي حلو مثلاااا ابيك بمكالمة بكره تقولين كل اللي في قلبك ناحيتي
وكذا هي مارح ترفض وعلطوول انت بادلها وبيطلع الكلام الحلو
وترى الفتور لازم منه يعني ممكن تبتعدون عن بعض فتره بإتفاق بينكم وماتطولون ورح
تشوف وشلون اشتقتوا لبعض.........
ولو استمريت كذا صدقني زوجتك بتصير مو تستحي وبس منك إلا تاخذ حذرها ويمكن يجي في
بالها انها متزوجه واحد {جاف} واسف لو الكلمه قويه وتصير تراقب تصرفاتها معاك.............
الله يوفقك لاتحرمها الكلام الحلو لأنك لو عطيتها أكييييييييييييد بتاخذ منها أكثر
وفقك الله واياها لما يحب ويرضى

اهم شئ ياخوي الكلام الحلو
حاول بشتى الطرق
وبعدين ايش الي يمنعك انك تقولها ليش الاحراج البنت بحاجة لهذا الكلام لا تبخل عليها
صدقني بيجي يوم تمل من جفافك
الله يوفقك يارب

و عليكم السلام و رحمة الله و بركاته


احراجك شيء طبيعى و لاكن حاول ان تسمع خطيبتك كلام حلو عبر لها عن حبك انا اقدر احراجك لانى انا ايضا خطيبى زوجى فى البداية كان محرج كثيييييييرا لمدة حوالى 6 اشهر و نحن ايضا كل واحد منا فى دولة و لا نرى بعضنا و لاكن بعدها الحمد لله :d بدأالكلام يأتى شوية شوية

لكى لا تنحرج حاول فى البداية مثلا قول لها كلمة حلوه و بعدها فى المكالمة الثانية قول لها كلمتين وكل مكالمة تزيد فيها عن الاول يعنى تدريجيا و بعدها لن تحس بالاحراج ابدا لاكن لا تحرم خطيبتك من الكلام الغزل و حسسها دائما انك قريب منها و مثلما قالو لك الاعضاء حاول ان ترتب افكارك قبل المكالمة:22:

و يارب يسعدكم و يحفظكم لبعض

الله يعينها عليك !!!!

قبل الزواج و خلصت السوالف... اجل لما تتزوج شكلك بعمرك ماتكلمها!!!

مشكلة السوالف وغنها تخلص ..

يااربي يعني مو بس انا اللي ما أعرف أسووولف مع خطيبي ..


الحمد لله إن فيه أحد يشااركني مشكلتي .. وان شاء الله نلقى التجااوب ...

أخى العزيز حاول , وجرب مره واثنين وثلاثه..

لاتسكت , البنت مثل الزرع ان قطعت عن المويه يموت , والبنت ان قطعت عليها الكلام الحلو بتبعد عنك..

عبر عن حبك وشوقك لها اطلق للسانك العنان , لاتخاف من كلمه تقولها..

خلى ثقتك بنفسك كبيره..

بالتوفيق عزيزى..

دمت بخير.

حرام عليك ست شهور ماتقول كلام حلووو ؟؟

اجل ليش ملكتوا الحين ؟؟

مسكينة تلاقيها مو حاسة نفسها انها عروسة مثل كل البنات ولا هي حاسة بهالفرحة
وكل ماشافت رقمك يتصل قالت اكيد الحين بيقول لي شيء ..


اول شيء لازم تبدا بالكلام الحلو بالرسايل لين تحسون انكم اخذتوا على بعض
واذا كلمتها علق على الرسايل وش رايك برسالتي وواذا هي ارسلت علق على مسجاتها
وهكذا لين تاخذون على الكلام الحلو الي بالرسايل بعدين شوي شوي تكلموا عادي

اول ماتكلمها اسمها ماتناديها فيه دلعها بدلع ماعمرها سمعته من احد ثاني لازم تشبع
هالجانب عندها لأن الوحيد الي يقدر يشبع هالجانب عند المرأة هو الزوج ,,,


بخصوص خوفها طبيعي مسكينة لأنه ماتشوفك كثير ,, بعدين المكالمات شبه معدومة
واذا صارت موجودة فهي رسمية لأبعد حد ماكأنكم زوجين ,, حاول تقرب منها وتزورها
على الاقل بالشهر مرة ,,


والله يوفقكم ويسخركم لبعض ,,

....... ذكرتوني ببنت عمي ... هذا حالها لما يتصل زوجها (بعد الملكة) كأنها بتسوي شئ غلط وتروح تكلمه في الحديقة بعيد عنا وترد لنا بعد 3 ساعات تقريبا والضحكة شاقه الحلق ......... فديتهم عصافير الحب ... أول ما ابتدت تكلمه كانت بس كلمتين وبعدين تتحجج بالمذاكرة أو أمها تناديها وتدور أي حجة علشان تسكر عنه بسبب المستحى ... بس هالحين الجرأة نشوفها فعيونها وابتسامتها ...........

يعني كل شئ بالتدرج يصير ونصيحتي لنفسي أولا ولكم أخواني وخواتي ثانيا أن تكونوا على طبيعتكم وخلوا في بالكم إنكم تكلموا شخص عزيز وغالي وشريك حياتكم

حطوا تحت كلمة شريك الحياة مليون خط!!!!!
يعني تشاركوا في كل صغيرة وكبيرة مع بعض!!!!
وصدقوني السوالف ماراح تخلص!!! أسأل مجرب ولا تسأل خبير!!!!

شكــــــــــــــــرا


شـــــــــكرا


شــــــــكرا





طبعت كلامكم وبذاكره لين يصير ذا الشي عادة ونتعود من نصايحكم كل شوي علشان نتحمس ودعواتكم

أخواني انا اواجة نفس المشكلة

ماعندي سوالف

الف مبروك
و لا تقلق الكلام الحلو يطلع منك تلقائيا

ترا البنت تحب الكلام الحلو

اذا الرجل ما بدأ بالمبادرة مشكلة!!!!!!!!!


الله يعينها >>>>> لاتزعل