|
خطيبي اكبر مني ب 8 سنوات
اخواني واخواتي مالي غيركم استشيره
انا فتاه عمري 32 خطبني شاب لم يسبق له الزواج وذلك لظروفه الاسريه وعمره 41 وحاسه بخوف من الموضوع . ادري راح تقولون لي انتي كبيره لكن هم بعد يمكن هو افكاره تكون غير عن جيلي شو رايكم ساعدوني |
حياك الله اختى
انا حاسه ان فارق العمر جدا طبيعي الذي عمره في الثلاثينات والاربيعينات تكون افكارهم جدا متلائمه بعكس الى يا دوب لسه في بدايه العشرينات او لسه ما دخلت العشرين تحسين افكارها افكار شبابيه اكثر ويكون صعب تتاقلم مع واحد في نهايه الثلاثينات طبعا لكل قاعده شواذ!! وفقك الله |
أحس الفرق مناسب جدا ؟
|
شفيها يعني 8 سنوات
اختي اهم شي رجال مصلي ويقدر يسترج صلي صلاة استخاره وترا عمره جداا عادي كلش ولا تخافين من شي وتوكلي على الله اهم شي دينه وصلااته والله يطرح الي فيه الخير والصلااح لج وله يارب سلاام |
احس ان العمر مناسب
وياما زيجات من هذا النوع ونجحت بالعكس اكيد الافكار متقاربة بين ذوي الثلاثين والاربعين لأن ما في فرق كبير بينكم الله يوفقك ويسعدك استخيري وتوكلي على الله فالعمر يمشي ولا احد يحس بيه الا انتي الله يسعدك بالزوج الصالح ياااارب |
|
يابعد عمري
اولا: مين قال انك كبيره..... ثانيا: عمركم انتوا الأثنين يعتبر سن النضج يعني انتوا الأثنين ناضجين يعني مافي فرق متى نقول فرق العمر مختلف وقد يكون عائق حينما تكون البنت 18 وهو26<<<<<لاحظي نفس فرق العمر 8 سنوات ولكن هنا لم يتم النضج بالنسبه للبنت وهنا تبدأ العوائق هذي نقطه النقطه الثانيه والسؤال اللي يطرح نفسه هل تشعرين بتوافق فكري مع بعضكم؟ هل تشعرين بأنسجام؟ هل تشعرين بأرتياح لكلامه لأسلوبه لطريقة تفكيره لطريقة في حل المشكلات؟ اذا كانت اجوبتك نعم ،،،،،،،،،فهنيئا لكما ونقطه ثالثه لاتنسي صلاة الأستخاره لاتوقفيها خذيها مني نصيحه لوجه الله كل مااحترت في امرك او حسيت بإنزعاج او ضيق اوقلق او او او على طول اسبغي الوضوء وافرشي السجاده واستخيري ربك ولاتقولي ابغا انتظر بالليل استخير لالالالا بأي وقت بنفس اللحظه على طول حتى بعز الظهر واذا ماتقدري لظروف خاصه ان تصلي اقرأي دعاء الأستخاره احفظي الدعاء مثل اسمك وتأكدي انك بتشعرين براحه براحه لم تتوقعيها ابد واحمدي الله واشكريه على نعمه طبعا لاتنسي {الا بذكر الله تطمئن القلوب} اذكري الله كثير بتقولي انا اذكر الله... بأقولك اجل زيدي واكثري من ذكرك ويارب يشرح صدرك وينور بصيرتك ويسخرلك الزوج الصالح اللي يخاف الله فيك يارب ويارب يألف بين قلوبكم ويحنن قلوبكم على بعض ربي يسعدك ويفرج همك وينولك مرادك وصلي اللهم وسلم على سيدنا محمد عليه افضل الصلاة وتسليم |
بنسبه العمرك حلو ليش الخوف
اهم شيء ياقلبي الدين الله يوفقك ويسعدك انا بيني وبين زوجي 12 سنه كان عمري 16 وزوجي 28 |
عاااااااااااادي الفرق بينكم انا الفرق بيني وبين زوجي 9 سنوات انا عمري 28 سنة وزوجي عمره 37 سنة
|
و انا ايضا الفرق بينى و بين زوجى ثمانى سنوات و لا احس ان هذا اثر على اى شيىء فى حياتنا
استخيرى ربك و توكلى و نحب ان نسمع عن زفافك عن قريب باذن الله تعالى |
8 سنوات مو فارق كبير صدقيني... أجل تبين تاخذين واحد ياهل... تاخذين ريال فاهم وناضج يعزج ويقدرج ويقدر معنى الحياى الزوجيه
توكلي على الله واستخيري وبشرينا يا عروووس |
اشكر الجميع على ردودهم الحلوه والله شلتو هم من قلبي وان شاء الله معزومين على فرحي وربي ييسر لكم ويفرح قلوبكم ودعواتكم لي ان الله يتمم لي بخير
|
فارق حلو ماشاءالله
قولي الحمد الله |
مبرووووووك ,,, وبصراحه سن زوجك مناسب جدا لسنك ,,,
والحمدلله ترا الزواج ستر .. وان شاء الله الذريه الصالحه |
الركة على اللى جو موب العمر
انا الفرق بينى وبين زوجى 12 سنة تزوجت وانا 24 وهو 36 واحس انه فرفوش أكثر منى |
توكلي على الله صدقيني فارق العمر مايكون عائق لحياه زوجيه سعيده ابدا
انا اختي الفرق بينها وبين زوجها سنتين ودايما مشاكل وخلافات وانا (لاتنصدمين)بيني وبين زوجي 19سنه مااقولك مابينا مشاكل لا لايمكن تلقين حياه زوجيه خاليه من المشاكل لكن اقولك اعامله كاني اتعامل مع ابوي ومافيه بيني وبينه ميانه ومزح وكلام فارغ ابدا لكن انتي مااحس ان بينكم فرق كبير كلكم من جيل واحد راح تكون افكاركم وحده والرجال مهما كبر يبقى بداخله طفل ماتشوفه الا زوجته |
السلام عليكم ورحمه الله وبركاته
استخيرى الله ترى الموضوع من رجل لرجل مختلفه انا اصغر من زوجى ب30 سنه والحمد لله يارب وماشاء الله تبارك الرحمن مبسوطه وسعيده معاه الله يوفقك ويختار لك الى فى الخير الله يعطيك العافيه لك فائق احترامى |
بالعكس انتا تعتبر كبيره عليه بمعني انو المفروض ياخذ زوجة اصغر منك يعني قرابة 28 29
لانو الافضل للرجل يكون نصف عمر الرجل + 7 = ونصف عمر زوجك يعني المفترض ياخذ وحده عمرها 28 - 28 مش 32 يعني تعتبري انتي كبيره الولهان |
اعتقد ان الفرق طبيعي ..
اسالي عن الرجل ..وان وجدتي ما يرضيك ويسرك ..وافقي وان شاءالله ربي يوفقك ويكتب لكم الخير |
ما شوف في مشكلة عليك بالستخارة ....
|
اختي الحبيبة لا اجد من مشكلة في فارق السن بينكما , فانتما ناضجان
فاذا كان هو رجل صالح و متدين و خلوق و يقدر الحياة الزوجية و يخاف الله فلا تترددي .....................و لا تنسي قوله صلى الله عليه وسلم (اذا اتاكم من ترضون دينه و خلقه فزوجوه) و انا براي عندما يكون الرجل اكبر من المراه (8_10) سنوات , تكون خبرته و تجاربه في الحياه اكبر , و يكون اكثر نضوجا و تكون قدرته على تحمل المسوءليات اكبر , و بالتالي يكون احساس المراه بالامان معه اكثر من الرجل الذي يكون في سنها او اكبر منها بسنتين او اقل و على فكره عندما تزوجت كان عمري 18, و زوجي 28, يعني الفارق 10 سنوات |
الله يوفقك ويسر امرك ويسر خاطرك
|
مبرووووووووو الله ييسر لج امرج ووووووووك
اختي يوم تزوجت كان عمرها 21 وريلها 31 يعني الفرق 10 سنين ووحده تقربلنا الفرق بينها وبين ريلها 15 سنه وماشالله عليها مستانسه واااايد وايد |
مااحس فيه مشكله كلكم من جيل واحد 0
|
عادي مااشوف فيها شي 00(احسن يكون كبير وتفكيرة عاقل مو صغير يطفشك )
|
إذا الفرق بينكم 8 سنوات فقط........فالفرق بيني وبين زوجي 20 سنه........تعرفين شو يعني 20 سنه!
إنتي بتعرفين طريقة تفكيره أيام الملكه ....بس نصيحه...كونوا صريحين مع بعض علشان تعرفون شخصيات بعض..........أما الكلام الحلو فما يمنع بين الحين والحين! الله يوفقكم |
بالعكس انا اشوف فرق العمر مناسب جداً
الله يوفقكم يا رب |
عاااااااااااادي حبيبتي
كثير اعرفهم فرق بينهم 8و10سنيين ومبسوطين |
والله حبيبتي أنا أشوف إن فارق السن مناسب جدا وفي ناس
أكثر من 8 سنوات في ناس 11 و 10 وحياتهم مره تفاهم ومبسوطين.. وبالعكس أنا اللي أعرفه إن اللي بالعشرينات يكون كثير بينهم سوء تفاهم وخلافات..علاعكس اللي بالثلاثينات والأربعينات..لأن النضج عندهم أحسن من المراحل اللي قبل..والتفاهم أحسن والتقارب الفكري أكثر.. فلاتخافين بالعكس واستخيري قبل كل شي.. والله يوفقك.. |
| الساعة الآن 02:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©