ليـــش يازوجـــي كذبـــت علـــي؟؟؟
 

السلام عليكم ورحمتة الله وبركاته
اخواني اخواتي انا اليوم جايتكم ومالي الا الله ثم انتم واتمنى القى عندكم حل

زوجي قبل اسبوع قالي انا عندي سفرة شغل لمصر وانا كأي زوجه تضايقت لاني بصراحه ما ارتاح لسفرته لمصر وخاصه انه وقت الاجازه كثير يروح هناك
..وبعد يوم من كلامه اكتشفت انه يكذب علي يعني ما عنده لابعثه ولا يحزنون (بس هو مادرى اني عارفه انه يكذب علي)


والحين هو مسافر وان متضايقه مره يعني يوم انه يبي يغير جو ومو سفرة شغل ليش ما اخذني معه وهو يدري اني احب اسافرمعه واغير جو .. حتى قبل مايقولي عن هالسفره كنت اطلبه يطلعني اسافر لمكه و اخذ عمره او نروح الشرقيه ..لكنه رفض

والحين قولولي وش اسوي ؟متضايقه مره مره مره والله احس اني بطق من التفكير طول الوقت بالي مشغول ليش كذب علي وش عنده هناك؟ والله صار ابليس يلعب فيني وافكار توديني وتجيبني كل شوي اقول ياربي اللحين هو وش يسوي ومع من جالس والي مخوفني ان زوجي عينه زايغه ويحب البنات .اعوذ بالله منك يا ابليس يارب احفظ زوجي عن الحرام وابعده عن الشر

تكفون قولولي وش اسوي وكيف اتصرف احس اني مشتته

طبب ياعزيزتي
وشلون عرفتي
يمكن ظلمتيه أو إنها وساوس مالها أساس من الصحه
لي عوده

انا اعرف شغله . وانا ارتب ملابسه شفت طلب اذن من الشغل ياخذ اجازه يعني مكتوب اجازه ما كتبو بعثه او انتداب او شي ..وحنا العام سافرنا سياحه واخذ من دوامه ورقه طلب اجازه مثل هالمره

حبيبتي تعوذي من ابليس
واذكري الله
بس يرجع خليكي طبيعيه واذا قالك مره ثانيه انه يبي يسافر
قولي له وين على مصر ؟؟؟
طبعا هو هون رح يتعجب وقولي له حابه اجي حبيبي معك ولانك ما عملتي مشكله رح يكون الموضوع اكثر من عادي بس رح يستغرب واذا ما اخذك والله ما ادري اعرفي السبب ليه ما يبي ياخذك
في امان الله

العطبول >>> انتظر مرورك مره ثانيه وجزاك الله خير

فتحي الباب .. الله يجزاك خير واعوذ بالله من ابليس الف مره
بس انتي تقولي(بس يرجع خليكي طبيعيه واذا قالك مره ثانيه انه يبي يسافر
قولي له وين على مصر ) يا حبيبتي يعني الي كذب علي اول مره وما اخذ رايي بالمره الاولى كيف تبينه ياخذ رايي بعد كذا؟؟ والله اني اسوي نفسي طبيعيه لكن ما اقدر وربي ما اقدر اتحمل ظلم اللي يصير وكل شي باين قدامي

وينكم يا اعضاء المنتدى معقوله اكثر من 100 زائر للموضوع وما يرد الا اثنين
يعني خلصت النصايح والا شنو؟

اناما التجأت لكم بعد الله سبحانه الا وكلي ثقه بهالمنتدى وشايفه التفاعل مع اي عضو يطرح مشكلته

على العموم مشكورين على سعة صدركم واتمنى ما اكون ثقيله عليكم

أختي الكريمة
هل سفره لوحده أم مع أصحابه؟؟ وهل هذه هي المرة الأولى التي يفعل فيها مثل هذه الحركة؟

سافر لحاله ومو اول مره يسويها مره قال بروح شغل وعرفت انو رايح مع اصحابه ولكن مو للعمل
للتسليه
ردو علي وش اسوي والله بتجنن من عمايله

الله يعينك ويصبرك ..............


ما ادري وش الحل !!!!!!!!!

أسأل الله أن يكون في عونك ويلهمك الصبر!
كنت أتمنى لو أنه سافر مع أصحابه ولم يسافر لوحده خصوصا لو كان أصحابه ثقات و أصحاب دين ....نصيحتي أن تحسني الظن به فهو زوجك على كل حال ولا تجعلي للشيطان أي مدخل وحاولي أن تجعلي مثل تلك السفرة لوحده هي الأخيرة في حياته ولن يسافر بعد ذلك الا معكي

سامحيني على هذا السؤال: مامدى ثقتك بزوجك؟ ومامستوى تدينه وحرصه؟؟

أسمعي حبيبتي
ماينفع السكوت
إذا ماسافر صارحيه بهدوء
وقوليله إنك واثقه فيه
بس خليه يوضحلك سالفة الورقه

وإذا سافر
أستقبليه بعد مايجي
وخليك طبيعيه
وقوليله أنا خليتك تسافر بمزاجي
وهالمره بعديها
بس لاعاد تكذب
بس المهم لازم المصارحه

أنا اكره كل الرجال اللي يسافرو من غير زوجاتهم ( الغاية دائما فساد)
ما أقدر اقول لك شئ غير الله يهديه لك

شكرا لكم جميعا فردا فردا

بصراحه اخوي ليفربول انا ثقتي في زوجي معدومه يعني هو له علاقات قديمه ولكن الان ادعو له بالهديه
وانا والله امس مانمت الا بعد مابللت وسادتي بالدموع مو عشانه سافر وما اخذي
انا حزينه جدا جدا لاني ما اعرف مع منو جالس الحين او وش يسوي

يارب تصبرني وتعيني دعواتكم لي يا اخواني انا الله يهديه ويثبته ويبعد عنه بنات الحرام

الله يهدي زوجك بس اعتقد انك لازم تصارحينه

أسأل الله أن يهدينا واياه ويبعدنا عن الحرام!

سؤال ثاني وأرجوا الاجابة الصريحة ...هل أنتي مقصرة في حقه؟؟ حاولي استحضار بعض المواقف واللحظات في زواجكم وياليت أعرف من متى صار لكم متزوجين؟

الصبر مفتاح الفرج
دئما تزيني عند زوجك ولا يشوف منك شي مو حلو ولا يسمع منك كلام موحلو والي يبغاه سويه له والله بعد كذا اتحداك يسافر بدونك اصلا اذا سافر

احياننا يكون الزوج يريد اشياء معينه من زوجته في كل شئ ويصدف من الله سبحانه ان هده الدوجه تكون مطابقه لهده الصفات فيسعدون في حياتهم الزوجيه واحيانا تاتي الزوجه صفاتها لا تطابق الصفات التي يحتاجها الزوج حتي وان كانت صفاتها في غاية الكمال فتحاول هنا الزوجه بأن تتنازل عن صفاتهابحيت تتناسب مع هدا الرجل واحيانا تصل الى ما يريد لان الصفات المطلوبه قريبه من صفاتهاواحيانا لاتصل :وهنا شرع الطلاق اعادنا الله منه واياكم المقصد ان المراه لاتحاول ان تزيد في المكياج واللبس والاناقه والطبخ ربما لا تكون هده غاية هدا الرجل المفروض ان ترى المرأه مادا يريد الرجل وتحاول الوصول اليه لدا حاولي سيدتي ان تري زوجك مادا يريد وحاولي الوصول اليه اعاننا الله واياكي

انا اعتقد ان المصارحة بين الزوجين امر مهم
لكن في وضعك هذا ما عليكي سوى ان تدعي لزوجك بالهداية وتضاهري لة بانك واثقة فية :20:
واسئلية عن بعثتة على قولتة وسوي نفسك انك خايفة على مصلحتة
وفكري بفكرة مرحة لأستقبالة:14: واللــه يوفقك...........................

اختي العزيزة والله اني حاسه فيج لاني عانيت من الي تعانين منه الحين (الله يصبرك و يرد لك زوجك بالسلامه و يبعد عنكم بنات و اولاد الحرام )
انصحك اختي بانك لا تشغلين تفكيرج فيه و في الي قاعد يسويه الحين حتى الشيطان ما يوديج و يجيبج بالافكار الشينة .حاولي تشغلين نفسج بترتيب البيت و غيري من ديكور البيت و زينيه و رورحي سوي لك نيو لوك (سوي لك قصة و صبغة حلوة ,تنظيف بشرة, حمام بخار.........) خليه لما يرجع يستخف عليج.
و لا تقعدين بروحج قعدي مع الناس عشان ما تفكرين فيه وايد (روحي لاهلج او خليهم يزورونج ,او روحي لصديقاتج او طلعي شمي هوا)
حاولي كل يوم تتصلين فيه و تكلمينه بكل حنيه و شوق و تعبرين له عن حبج له و انج مشتاقة له و تنتظرين رجعته على احر من الجمر,و سئليه عن شغله و عن احواله و لا تبينين له انك شاكه فيه .
و ان شاء الله بتشوفين نتائج حلوه, و بيحس فيج و بيرجع لك كله شوق و وله (و ان شاء الله ما راح يسافر مره ثانيه من غيرج)

و نسيت اقولك اختي كلما حسيتي نفسك متضايقة اقري قران و اذكري ربك (الا بذكر الله تطمئن القلوب)
و حاولي تدعين له في كل صلاة ان الله يهديه و يصلحه و يرجعه لك بالسلامة.
و ان شاء الله اتطمنينا و تبشرينا بالاخبار الحلوة بعد عودته.

الزووووووج اذ هو حاط براسه فكرة السفر مارده احد لا زوجه حلوة ولابيت ولا اطفال لو ان هالزوجه مو مقصره ابد معاه يعني اغلب الوقت العيب مو بالزوجه ولا تقصير منها بل من الزوج نفسه ليه دائماً تحاسب الزوجه انها يمكن مقصره او مهمله عشان نبرر اخطاء الزوج

حبيبتي اذا رجع استقبليه بهدوء وبأبتسامه واسأليه قولي ان شاء الله توفقت بسفرتك وخلصت الشغل اللي انت رايح عشانه وبعد ماينام تعالي له اليوم الثاني وبكل هدوءءءءءءءء وصارحيه وقولي له ليه الكذب وزي هالكلام لازم المصارححححححححححححه

الله يهدي لك زوجك

تحياتي ....... اساميس

الله يعينك:15:

ولاكن انا اقول احسني

النيه في هدا الرجل

:25:


حاولي تعرفي زوجك


:29:
مادا يريد وتعملي له


:17:
والله يعينك

الله يعينك