سؤال للرجال ( مهم جدا
 

السلام انا الان مخطوبة وصارلي فترة ارفض وامي

مو متفهمه الوضع

اعاني من سواد شديد بعدة مناطق بالرغم بان بشرتي فاتحة


هل تعتقدون ان هذه المشكلة قد تسبب مشكلات اذا تزوجت

لان سبب رفضي الزواج الوحيد هو اني اعاني من هالمشكلة

هل اذا تزوجت وحده فيها هالشي تكرها وتبتعد عنها والا عادي

ترى المسالة مستعجلة جدا :(

وليه الكره...

الزواج مانحصر بهالمنطقه....والا الحب اضا

الا اقبليه لايطوفك الوقت.....اذا كان مناسب

اما السواد فواحد من اصدقائي كانت عنده نفس المشكلة وراجع الطبيب وعطاه دهونات واستمر اسابيع قليله عليها وراحت بشكل كامل...

والله الموفق

اشكرك على الرد بس انا جربت اكثر من شي وما راح

اسمعي ابقولك حاجه......مافي حاجه مالها علاج

اثنين راجعي طبيبة حتا ماتقعي باحراج ...واكيد راح تلقين حل

وبعدين فرضا مافي حل.........هل يعقل اتوقفين حياتج عشان لون

امر غير منطقي....واقبلي من يجيج ويكون كفو

ابو تركي اشكرك على ردك

بس بسالك بكل صراحة انا مو رافضة الزواج عشاني انا ما ابي اتزوج
بس اتخيل لو شاف زوجي هالشي ما ادري يمكن تلوع جبده مني
خصوصا اهو ابيض مو مثلي

يعني لو تزوجت وحده وفيها هالمشكلة شنو يصير فيك اكيد بتنصدم

اسمعي ابكون معج صريح.....

نعم ابنصدم ولا اتمنى انها اتكون كذا....بل بالعكي ابيها اتكون ابلون طبيعي هذا اذا ماصار افتح بعد....

لكن بالاخير ماراح اقلب الدنيا فوق تحت عشان هالشي بس....وازعل وحده حبيتها وحبيت اتشارك باقي عمري معي

وراح اساعدها اتحل هالمشكله وانا وياها وبدون ادنى احراج.... محنا بقينا واحد.....(:

شفت هذا اللي مخليني الغي فكرة الزواج انا ما ابي انه ينصدم
ومو دايما يكون حبوب وطيب ويمكن يهددني بالزواج بغيري

ويمكن ما يحبني انت عارف بالنسبة لي انا بدوية وما راح اتكلم معاه الا بيوم العرس
يعني بينصدم مني قبل لا حتى يفكر بشخصيتي والله خايفة وكل يوم ابجي بجي

نصحيتي لك اختي .. كل يوم مسحي عليه بالليمون من غير ما تشيلين قشرها هو صحيح مفعوله بطيء بس يفتح وكل ما كان افتح .. انحلت المشكلة

الله الله الله


يعني انت رافضه الزواج علشان هذا الموضوع


اسمح لي ان قولك انك غلطانه


ياختي كلنا عندنا عيوب


وافقي و حاولي ان تتخلصي من هذه المشكله



والله يكتب لنا الخير اين ما كان

نسبة كبيرة من الرجال والنساء يعانون من هذا الشي

ومتزوجين وامورهم عال العال

لحقي على عمرك ياحلوة وبتذكرين كلامي ..

هذه قضية شكلية جداً

و لكي أن تخبري الخاطب عن طريق الأمهات بهذا الموضوع و أنتم لا زلتم على البر .

فإذا كان محبا لكي فسيتقدم، و تفكير الرجال يختلف عن تفكير البنات

لو انا صاحبتك كسرت راسك
وافقي لأنه راح تلقين عنده مشكله
كل انسان وفيه عيب شكلي في جسمه
هو رجال في النهايه مو بياض الثلج!
اتوكلي على الله وكملي-ولو يحبك بيساعدك عالحل
وافتكريني راح تلقين في الشي الي يخجل منه قدامك

اختي العزيزه والله مافي انسان كامل لكن ضعي في رأسك شيء واحد انه الرجل يهمه انه يلقى الحب والحنان والضحكه التي تنور صباحه ومساه هذه اهم كثير من سواد وبياض ممكن صح انه يتضايق من الشيء هذا لكن ليه ماتقولي انه هو الي بيساعدك على ازالتها اذا كان انسان عاقل وشاريكي.

مبروك اختي اولا


هالمشكله معظم بنات الخليج فيهم ... لاتخلي هالشي يخرب سعادتك

توكلي على الله ... اذا كان يحبك راح يحب كل شي فيك سواء حلو او لا


الله يسعدك يارب


هموووم

يابنت الحلال توكلي على الله ولا تطيرين اي عريس علشان هذي المشكله.يعني بالله كل الحريم اللي تزوجو كلهم بييييض ويلقوووون؟بالعكس كل الحريم تقريبا يشتكون مثلك بس ماهم معتبرينها عقبه بطريقهم
وعايشين حياتهم بشكل طبيعي جدا ويليت تفريحنا بك عن قريب:14:

شوفي عزيزتي، اختلاف لون الركبة أو الأماكن الحساسة عن لون البشرة الطبيعي شيء لا بد منه لأننا حنطاويات بطبيعتنا كخليجيات.. حتى البيضا بيننا لازم يكون لون هالمناطق عندها غير عن الباقي.

اذا تبين نصيحتي، استعملي الحمام المغربي لأنه يوحد لون البشرة وينعمها.. بس انتبهي من فرك المناطق هذي بقوة لأن فركها بالليفة بخشونة يأدي إلى زيادة الميلانين فيها، واللي بالتالي يزيد اسمرارها!

وحبذا لو دعكتي هالمناطق قبل الحمام بالليمون وزيت الزيتون.

وانتبهي من مستحضرات التفتيح لأن نتيجتها مؤقتة وبعدها بتسبب لك بقع ومشاكل أكثر مع بشرتك انتي في غنى عنها.


وأخيراً..
لا تحرمين نفسك من الزواج عشان سبب تافه مثل هذا... وتذكري ان اللي بتاخذينه لا بد يكون فيه مناطق غامقة لأنه من نفس بيئتك!
وان ما كان فيه هالمشكلة راح تلقين فيه عيوب أخرى لأنه ما انخلق لحد الآن الإنسان الـperfect!!

هذي نصيحتي لك وتوكلي على الله.

الزواج لا يبنى على الجنس فقط
هدا اخر شىء
الحب الاحترام المودة التفاهم الرحمة تعطى لكل شئ طعم اخر الز بكثيير من هدا الحب اللى مجرد رجل وامرأة

لا تدعى تلك الخرافات و المخاوف فى راسك تأرق حياتك

صدقيني اختي الكريمة اذا زوجك حبك مايهمه شيء

وانا مستعد اتقبل عشيقتي على مابها


اخوكم غربتي

السلام عليكم ورحمة الله وبركاته ..

اختي ادا انتي ترفضين الزواج علشان هالعيب الخلقي فابلعكس لاعيب فيه ولا احد كامل ولا يكون خالي من العيوب الكامل الله سبحانه وتعالى.
ادا انتي تبين تتطمأنين تقدري تكوني صريحه ولا في احسن من الصراحه ادا المتقدم يبيك وشاريك قبل لا يخطو باي خطوه قولي الى اهل المعرس بأنك فيك هالمرض ولا هو عيب ولا هو حرام ويكون هو بالصوره وانتي مرتاحه .. وشكرا