|
زوجي يتركني بالسوق لحالي ..............
طبعا مثل ما انتوا عارفين البنت محتاجة أغراض كثير ولازم تدخل السوق خصوصا اذا كانت تحب تلبس وتتشيك او عندها اطفال يحتاجوا اغراض كل فترة او موظفة ترتبط بمناسبات وطلبات للمدرسة مثلا, كثير من الرجال مو راضي يقتنع بهالفكرة لانه مو مستوعب حاجة المرأة للسوق بشكل كبير:( عندما احتاج اغراض من السوق سواء كثير او قليل زوجي يتركني في السوق ويقول لي اذا خلصتي دقي علي في البداية اعترضت وقلت له اني ماتعودت اهلي يتركوني في السوق لحالي واصلا اخاف وما اعرف اشتري شي صار ينزل معي وهو مغصوب ويسود عيشتي يقول لي اول المحلات اشتري منها وخلصيني ولا تلفي كثير ولا تتشرطي كثير طبعا لانه ماراح يدفع ماراح يهمه اني احط فلوسي في شي ما يستاهل وطول الوقت وهو يتذمر ويسب الحريم ويقول لي بسرعة خلصي :29: من كثر ما طفشني باسلوبه صرت استسلم وانزل للسوق لحالي والله العظيم دمعتي على خدي حاولت اثير غيرته واقول له اني تعرضت لبعض المعاكسات وصارت النتيجة انه منعني من السوق نهائي قد يفكر البعض اني مملة او مترددة في التسوق بالعكس اعرف وش ابغى واحدد طلباتي وانجز بسرعة وهادية ومطيعة ومو مزعجة او متطلبه طبعا في البداية صرت اتفرج على العالم اللي كل واحد مع زوجته وصغاره يلفون ويخلصون اغراضهم وبعض الرجال تتدلع عليه زوجته وتختار وبالأخير هو اللي عند الكاشير يحاسب وبعضهم اذا تعبوا يجلسو بكافي يطلبو ويسولفو بعدين يكملو وبعضهم يرقم ويبلتث وزوجته مشغولة وهكذا:11: سؤالي هو: اي الأمرين أفضل انه زوجي يتركني لحالي بالسوق ؟ او انه ينزل معي ويتعرض للبنات اللي ما يستحون ويجلس يناظر في هذي وهذي؟ وانتوا عارفين بعض البنات هاليومين هي اللي تتحرش في الرجال حتى لو كانت زوجته معه:25: انا ولله الحمد لبسي محتشم ومحل ثقة لكن هل استحق اني انرمي بالسوق واخلص اشغالي لحالي بدون رجل يراعيني ويشيل معي ويدلعني مثل باقي البنات؟؟ لا اخفي عليكم اني تعرضت لبعض المعاكسات وطبعا ماهزت فيني شعرة ولا راح تأثر لكن ربما تؤثر في غيري من البنات انا يمنعني الدين والحياء ولكن غيري هل سيمنعها شيء من تقبل التحرشات؟ |
أنصحك أن تذهبي مع أحدى قريباتكأو صديقاتك الطيبات
|
كان الله في عونك أختي الفاضله /
في مثل هآؤلاء الرجال الذين لا يراعون الله في حقوق زوجاتهم . أنصح زوجك أن يخرج معك للسوق وأن يكون في خدمتك فهو على خير عظيم وأجر وفير فكيف بمن يضع لقمة عيش في فيه زوجته وله بها صدقه .. اللهم صلي على محمد وسلم ................ إن كان لا يستجيب للخروج معك للسوق أنصحك بنصائح لعلها تنفعك :- 1- تعلمين أن السوق موضوع فتنه وأبغض البقاع إلى الله ومواضع الشيطان فأحذري من كثرة التردد عليه إلا لحاجه 2- إن كان لابد ومضطره لذلك فألبسي اللباس المحتشم والساتر وتجنب الحديث مع البائع . 3- أنصحك بتحديد المراد شراءه قبل الخروج من البيت بعدها الذهاب إلى المكان المخصص لشراء المطلوب وأختياره والسؤال عن الثمن وبعض الأشياء يكون السعر عليها فتجنبي الحديث مع البائع وأدفعي المبلغ وأخرجي ولك الاجر على مجهودك وحفظك لنفسك من شر المعاكسين 4- أكرر واشدد على قضيه اللباس وخاصه العباءه الأسلاميه الفضفاضه ولبس القفاز . 5- أذكري الله عند دخول السوق ولا تنسي الدعاء المأثور عن رسول الله ( لا إله إلا الله وحده لا شريك له , له الملك وله الحمد يحيي ويميت وهو حي لا يموت وهو على كل شيء قدير ) من قاله ألف ألف حسنه ويحط عنه ألف ألف سيئه .. يعني مليون حسنه ومليون سيئه تحط عنك . 6- لكن كل هذه الشروط بعد التوضيح لزوجك بخطر ذهاب المرأة لوحدها إلى السوق وقولي له ربما أنجر في معصيه وأنت السبب وسوف أسألك أمام الله يوم القيامه لاني أمانه في عنقك . إن لم يستجب وإن شاء الله يستجب لك والحي على الله بالدعاء . أخوك / السيف المسلول |
بالنسبة لي
ولا احلى من اني اروح السوق لحالي انا زوجي مثل زوجك...يتنرفز من السوق واللف فيه صرت انا اروح السوق مع وحده من بناتي الصغار او لحالي اللي في حالة ما احد يتعرض له الله ييسر لك امرك |
عادي حبيبتي كل الرجال ما بيحبوا السوق
انت اهم اشي تحددي شو بدك من السوق ومن الممكن تخذي معك اختك او حتى واحد من الاولاد ( كتير ضروري لانو انا متلا ما بحب امشي لحالي وجوزي ما بيحب لفلفة السوق ) وصدقيني ما دام انت بحالك وبتشتري بسرعة وما بتحكي مع البائع غير الضروري ولبسك محتشم فان شاء الله نزلتك على السوق بتكون عادي وما فيها اشي بعدين اتفقي مع زوجك بعد ما تخلصي يجي لتوصيلك وممكن تروحوا تاكلوا اشي حلوا او عصير هيك بتحسي انوا مسؤول عنك . |
مساء الخير يمكن بيخاف من دفع الفلوس فبيهرب اوانة غير راضي عن نزلتك على السوق او انة في اشي بيخاف منة في السوق وربما لبسك يحرجة في السوق اذا كان غير مناسب ليس من ناحية الجمال اقصد لكن من ناحية الستر
|
انا مثلك زوجي ما يحب دخلت السوق
بس عادي انا ارتاح وانا لحالي ماحد يقول لي غالي رخيص زين شين اشتري اللي نفسي فيه وبس وطبعا اكون محتشمه جدا وما اكثر كلام مع الباعه |
الرجل الي في غيره مايترك زوجته لوحدها سوى في سوق او اي مكان وهو من يفاوض الباعه اي جنسيه كانو يبقون رجال
الله يوفقك ويكثر من امثالك ابو فهد |
اخواني اخواتي الأعزاء الف شكر لوقوفكم على موضوعي وهذا يدل على حرصكم على مصلحته اخواتكم
البعض اقترح اني اخذ وحدة من قريباتي او صديقاتي اولا انا غر يبة في المنطقة ولو حاولت اروح مع بعض الصديقات المرا فصعب جدا ظروفها تناسب ظروفي ولو صادفت وقدرت اروح معاها يروح نص وقتي على اغراضها لأنها معاي ولا زم اخليها تنجز وتقضي وكثير من الأوقات اتهور واخذ صغاري معي 4سنوات وللاسف كل الوقت يروح على تلبية طلباتهم ومراقبتهم خصوصا في ظل قصص سرقة الطفال هالايام واضطر اطلب منه زيارة سوق اخرى لأني ماخلصت وطبعا اكيد باسمع كم كلمة جارحة بخصوص لبس فالحمد لله ساتر ولا اتكلم اصلا مع البائع ولو تكلمت فيكون في حدود الضروري جدا صح الروحة للسوق لحالي فيها حرية وانجاز اكبر لكن اعتبرها اهانة والله لو صار لي شي او دخت بالسوق او طحت ماراح يفزع لي الا رجال غرب ادعو لي ان ا لله يهديه انتظر المزيد من الردود الله لا يحرمني منكم |
أغلب الرجال مايحبون السوق..
إذا كانت أغراضك كثيره وراح تطولين فالأفضل تروحين لوحدك عشان تشترين براحتك ولا تشيلين هم اللي معك وهو زوجك,, أما إذا أغراضك خفيفة اطلبي منه ينزل معك وقولي له أنك مو مطوله,,, اذكر مره رحت مع أختي للسوق وكن متقضيه وخالصه وطلبت مني أروح معها قسم بالله بغيت انهبل لدرجة دقيت على اخوي يجي ياخذني شلون عاد الرجال!! |
موضوع فعلا محير
اسال الله الهدايه لكل العبااااااااااااااااد بس كدا حرام لما جوزك يسيك لوحدك فى السوق والله ورسوله اعلم نطلب الهدايه من رب العبااااااااااد |
ما شاء الله
جملة جديده علي ( وبعضهم يرقم ويبلتث ) إحنا الرجال ما نعرف كلام مثل هذا . . أنا رأي أنزلي السوق مع زوجك ولو لدقائق أزين لك وأضمن |
السيف المسلول رفع الله قدرك واعلى مرتبتك نعم الرجل أنت اختي لا أزيد على كلام أخينا السيف المسلول إلا أنني أتعجب مِن مّن يترك أهله ويذهب .........؟ ولله الحمد عندنا مافيه طلعات إلا بالمحرم اقتباس:
لا ياختي ,,,,,,,, يمكنك الأستعانه بأحد اخوانك فهم لكِ حماة من كل .......؟ |
تعرفي اختي انا اتمنى يتركني زوجي لحالي بسوق
لانه كل ما اطلع معاه مثل ما قلتي نكد وهم وغم ولا زوجي بعد يكون يتفرج على الناس والي ينظر لي يبي يعمل مشكله يعني اطلع على السوق معاه وانا حاطه يدي على قلبي احسن يعمل له مشكله لانه طلعا عمل اكثر من مشكله وانا معاه والله نفسي اطلع بروحي لسوق وارتاااااااااااااااح من العذاب معاه لكن هو ما يبي عشان ما اطول بسوق وعشان يبقى يزن على راسي والمشكله انان من النوع الي احب الف في السوق يعني ابي اعرف شو بسوق وبعدين اختار لكن زوجي من اول ما يشوف الشي يجيبه رخيص غالي ما تفرق معاه صدقيني روحي انت وصديقاتك ونبسطي بوقتك احسن من النكد الي يخليكي تقولي وش الي طلعني معاه انا لو عندي صديقات كنت طلعت معهم من زمااااااااااااان لكن الغربه مافيها صديق واضطر اطلع وياه ولي فتر افضل اجلس بالبيت 24 ساعه ولا اطلع وياه واعمل مشكله واغلب الوقت سرت اكتب له وش ابي من السوق وهو يجيبه اختصر الشر الله يعينا حبيبتي على ازواجنا ويهديهم لطاعه رب العالمين في امان الله |
أنا أحب الدهاب الى السوق لوحدي لان الرجل ما بستحمل التسوق بينما المرأة تعشق الشوبنج
|
روحي لوحدك أفضل علشان مايزعجك :
يله،،، بسرعة ،،، تعبت ،،، تأخرنا تسوقي على راحتك واختاري على كيفك |
نفس الحاله اللي عندي الله يعين.. ومن جد اذا نزل معك السوق تقعدي على اعصابك حتى تتلخبطي في الاختيار
ويكون مثل ماقلتي بس جالس يتفرج في الناس الرايحه والجايه او ماينزل وتطفشي لوحده وتحشي انه مومهتم فيك خاصه انه هو مايطيق السوق ..فصرت انزل لوحدي احسن من اني اجبره على شوفت المناظر اللي فسوق والله يهديهم لنا.. |
بالعكس انا بحب ان زوجى يسبنى اعمل شوبنج براحتى و لما اخلص ارن له علشان يجى ياخذنى لانى بحس بحريه اكتر فى البحث و الشراء (انا من النوع الى لازم اتفرج على المول كله مرتين تلاته على بال ما يعجبنى شيىء و اختاره )
|
من قديم الزمان
والنساء تذهب للسوق لوحده اذا أمنت الفتنة على نفسها فما فيها شي تروحين بروحك إلا إذا كنتي فعلاً تخافين على نفسك فهنا واجب عليه يروح معاك وكان الله بعونك |
انا احب اروح معا زوجي ..........وهو ما يقصر بس في الاعياد والسوق زحمة يتضايق جدا ويقولي روحي مع خواتك . وانا فعلا احب اروح معاه :14: :14: :14: :14: :14: :14: :14: ومعااااا خواتي.............................
لكن لحالي ابدا والله لايقولهااا .احس اني يتيمة مقطوعة من شجرة غريبة ذليلة مــــــــــــــــــــــــــــــــــا احب . اتخيل نفسي من محل لي محل ثاني وانا لوحدي وشايلة الاكياس وما ادري وين حاطة الجزدان .وابغي اعطي البايع افلوسه :( :( .لالالالالالالالا نو وي .(مسكينه اكسر الخاطر ):23: :23: |
اقتباس:
أخي الفاضل / السيف الذهبي أشكر لك ثقتك أسال الله أن أكون عند حسن ظنك وظن الجميع وأن يغفر الله لي ما لا تعلمون . وتعقيبك وسام على صدري ولا عليك زود أخي غفر الله لك وجزاك الله خير وكما أساله أن ييسر أمر أختنا صاحبة الموضوع وأن يسخر لها زوجها للخروج معها . |
شكرا لكل من تفاعل مع موضوعي
احب اطمن الجميع اني ولله الحمد لباسي محتشم واخاف الله وما اطالع في الناس لكن احيانا اشعر بالنقص اذا شفت بعض الرجال مع زوجته او بعض البنات مع قريباتهم لا خوف علي باذن الله لاني واثقة من نفسي لكن احيانا ابغى احس ان وراي رجال ولو في فترات متباعدة مرة جتني دوخة في السوق وكالعادة كنت لحالي بس ربي ستر حسيت بنفسي قبل اطيح انقذتني ساعدتني بعض الأخوات و بعض الرجال عرضو المساعدة وتعالو شوفو اللمة الكل سأل وين الرجال اللي معك قلت لهم طبعا في مكان قريب باتصل عليه ويجي وطبعا على بال مادقيت وجا وعلمته السالفة حقد علي وقال بما معناه كله منك تهملي صحتك ومافيه اسواق مرة ثانية وكنا وقت عيد والله اعلم وتعطلت وكانت وراي سفرة لأهلي وتلخبطت اوضاعي وربكم يسهل لي ولكم |
الاخت الفاضلة لوتس انا عن نفسى بفضل النزول للسوق لوحدى لانى بتجنب كلام مثل دا غالى و دا كتير انزلى لوحدك احسن و بعدين لا تزعلى منى بس احس انك مكبرة الموضوع
|
اختي kiri الله لا يجيب الزعل الأصل هو خروج البنت مع زوجها للسوق واذا عمت البلوى وصار كثير يخلو حريمهم لحالهم هذا مو معناته نتعود عالغلط انا ما اكبر الموضوع انا معطيته حجمه الطبيعي وبالنسبه لي نزوله معي وقضاء حاجاتي يعتبر عندي قمة الأحترام والاحساس بالمسؤولية وطبعا هالشي يختلف من وحدة للثانية لوكان الموضوع طبيعي عندي ما كنت انتبهت انه فيه غلط اصلا ولا ركزت عليه وطلبت مشورتكم تحياتي |
اختي انا مثلك زوجي يكره شي اسمه سوووووووووق ويوم كان يوديني يكرهني بالسوق والتمشي حتى اني صرت اكره اروح معاه وبعدين صار يحطني بالسوق لحالي ومتى ماخلصت ادق عليه
والله حبيبتي انا مراعية شعورك تحسين انك مالك والي ووحيدة واتحسر لما اشوف كل وحدة مع زوجها والله مااقول الا الله يهنيهم وهذا نصيبهم وهذا نصيبي والشكوى لله يعني جات على هذي بس الله المستعان |
اختي زوجة بلا ظل
والتحية للجميع للآن ما فيه حل............ |
| الساعة الآن 07:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©