|
آخـر تـطورات زوجــي أبـو عــيـن طـــويـلة !!! مكالمات في جواله
مساء الخير جميعاً
عدت لكم بمشكلة جديدة سأختصرها قدر الإمكان قبل أربع سنوات وجدت في جوال زوجي اتصالات لدولة عربيه و كانت مدة المكالمة تصل إلى ربع ساعة تقريبا سجلت الأرقام و اتصلت بها و طلعت نفس( البنت )واحد رقم جوالها و واحد رقم بيتها يوم صارحته طلعني أنا الغلطانه :( (و ليه تفتشين ,, و إيش دخلك ....ووو الخ) :29: و أخيرا برر موقفه بأن صاحبه استخدم جواله و اتصل منه على هذه الفتاه و أنه لا علم له عن الموضوع طبعا أنا على نياتي صدقته على طوووووول :23: :23: و مرت السنوات و لي فتره استغرب اسم في جوال زوجي و لقافتي كالعادة خلتني افتح و اشوف الرقم تـــخــــــــــــــــيلـــوا :19: طلعت نفس الرقمين مسجلها بإسم رجل حتى ما أعرف جـن جــنــونــي رديت اتصلت مره ثانيه و طلعت نفس البنت :16: تعوذت من الشيطان و قمت أطمن نفسي و قلت هو لعاب :29: و عينه طويله :29: و كلامي ما راح يفيد معاه وقلت بأسكت لأني كنت ساكـتـه على أشياء أكبر :24: بس يوم شفته ما صبرت و انفجرت عليه و قلت له عن السالفه تــــخــــيـــــــــــلوا الرد :19: قال مالك دخل في ((حياتي الشخصية)) أكلم على كيفي و هذا صديقي رجال أعرفه من قبل ما أتزوجك هذا واحد (جـرا....) مع اني اعرف انها بنت و انها نفس البنت اللي يكلمها و قال لي كلام لو قلته لكم انجنيتوا زوجي كل مره يكويني كله مره يقهرني كل الحلول حطيتها و ما نفعت كلامه جـــــــــــــــــارح و أفـعاله تـــقــهر كتبت مشكلي للفضفضه لأنها ضد الحلول ( بـــــو طــبـيــع مــا يــجـــــــــــــــــــوز عـن طــبـعـه ) زوجي مليء بالعيوب و لكن حبي له يغفر له كل أخطاءه كــيــف أكــرهــه ؟؟؟؟؟ هــنــا أريــد حــلــولــكم |
لن نشجعك على كره زوجك فانتي الزوجه الصبوره الحكيمه ان شاء الله اولا حبيبتي عبوره ارجعي لله واستغفريه وادعيه من قلبك انه يصلح زوجك ويسخره لك
ثانيا خذي بالاسباب يعني سوي الي يرضيك امام الله لزوجك واصبري على طبعه وان شاء الله مع الايام يذهب الحرام من حيث اتى وانتي الحلال راح يرجع لك بس حاولي تقربي زوجك من الله والله يسخره لكي يا قلبي |
الله يعينك يا عبوره ادعي الله انه يسخر لك زوجك
|
الدعاء يفعل الاعاجيب
|
معلييييش ياخييه
أنتي حييييييل سلبيه لو أنا مكانك ماأسكت الحياة الزوجيه عمرها ماتنبني على *الشك *ومالك دخل كل واحد وله حياته الشخصيه *وش أسوي أحبه ومقدر أحاسبه لا ياخيه لازم وأنا أشوف إنه لازم تعطينه درس إن (حياتك هي حياتي) وإنك تقومين بواجباته مع إعطاء الزوج الفاضل (ركبه) أجحديه،،،،،،،،،،،،،،،،،أحيانآ يكون هذا الحل مجدي ولاتقولين أحبه كلنا نحب أزواجنا،،،،،،،،،،،،،،،،بس إذا وصلت لها الحد نقوله (كرامتنا غاليه وأنت تهينها) وجربي ولاتنفعلين خليك ثلج لأنه بينقهر من التطنيش وبيستغربه منك وبيحس على دمه |
حبيبتي عبورة
انت قدمتي اكبر خدمة لزوجك لما واجهتية خليتية يفجرها ويقول لك انا حر ...اكلم اللي ابغية غلطانه ... ما كان لازم تواجينه هو صحيح راح يكلم في كلتا الحالتين لكن على الاقل راح يكلم من وراك ... وهو يكون حاسب لك حساب ... ويخاف انك تدرين لكن الان هو يكلم امامك ومو حاسب لك حساب انصحك انسي الموضوع تمام ولا تلحين علية لان زوجك عينة قوية واعتذر عن هذه الكلمة ... مواجهته اكثر ما راح تجيب نتيجة الا عكسية الله يكون في عونك |
الله يعينك ويصبرك
|
الله يصبرك ويعينك والله كتير عينيهم فارغة
|
الله يعينك ويصبر قلبك الصغير ..
والله يهدي زوجك .. ويبعد عنه بنات الحراام .. |
قد تكون هذه زوجته وليس صديقته بدليل انه لم يستحي وقال بكل سهوله أنا حر ثم هي نفس البنت من أربع سنوات لا تفعلي مثلي وتتجاهلي خيانته قد لا ينفع الندم واجهيه بهدوء دون عصبيه حتى تحصلي على
رد شافي لك ثم القرار بيدك في النهايه لكن لاتتركي الامور بهذه الطريقه معلقه وأنت تأكلي في نفسك |
اقتباس:
أشكرك على نصائحك الراااائعه الله يسمع منك و يهديه لي يارب |
اقتباس:
يارب يسعدك أختي و يسمع منك |
اقتباس:
أشكرك أختي و أنا فعلا ليس لي إلا الدعاء |
اقتباس:
كلامك جدا رائع و أنا جربت معاه قبل يومين هالركبه اللي قلتي وفرت كل متطلباته و ما أكلمة إلا كلام رسمي و الله بس يلحقني من غرفه للثانية و ما عطيته وجه لكن بالنهاية ما راح ينفطم من أفعاله |
اقتباس:
اشكرك اختي الغاليه فافي على نصائحك صدقيني حاولت اسكت و ما ابين بس غصب عني :29: و الموضوع من هذاك اليوم الين الحين (اسبوع) ما فتحته |
اقتباس:
تسلمين اختي الغاليه و يارب يسمعك منك امين ياب أشكرك اختي على المرور |
اقتباس:
اختي الغاليه قموووره الله يسمع منك |
اقتباس:
زوجته ؟؟؟ :23: يؤ يؤ يؤ خوفتيني بس لو إنها زوجته ليه ما سافر لها لبلدها معقوله زوجته و يكلمها بس تليفون بدون ما يسافر لها لمدة 10 سنوات انا متزوجه من عشر سنوات و لم أكتشف هذه السوسه الا قبل اربع سنوات و هو يقول انها رجل يعرفه من قبل ما يتزوجي هذا صار قبل ما ابين له اني عرفت انها بنت يعني يعرفها من قبل ما يتزوجي |
انتبهي على زوجك واهتمي بنفسك اكثر لكي لا يكون له حجه عليك بالتقصير وتابعيه فترة وشوفي بيعتدل ولا لا
لازمي الاستغفار عسى ان يجعل الله لكي مخرجا |
اقتباس:
أشكرك أختي البرنسيسة على نصائحك و دعواتك |
ياقلبي انا عندي حل بس يبغالها وحدة قوية وماتخااف
خذي رقمها واعطيها درس ماتنساه <<<< قليلة الادب هذي وقولي له ترى هدي تستغلك وتبغى فلوسك ياكثرهم الي صار معاهم كدا الله يعينك ويهدي زوجك |
الله يكون في عونك وعوني بصراحه مره شفت رقم مكتوب عليه اسم بنت لاكن بررلي يوم صارحته ومسحه على طول من جواله قدامي لكن بعد كذا قالي انتي حرام علي اذا فتشتي جوالي علشان ماتسولي مشاكل ولا كن الله يصبرنا يالحريم ويكتب لنا الي فيه خير
|
من قال ما كلمتها
بس تضحك و تقول ليه انتي مين و ما فهمت كلامها زين لأنها من دوله عربيه مو مفهوم كلامهم زين الله يعين عليه و يصرف قلبه من هالبلد و بنات هالبلد |
اقتباس:
الله يعيني انا وانتي على بلاوينا تسلمين يالغاليه على الرد |
| الساعة الآن 11:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©