|
الصاعقة ** خالتي رفضتني **
الأعضاء ..المشرفين... الخبراء أخوتي كم انتظرت قدوم هذا اليوم وهو انا اكتب في هذا المنتدى وانا صاحب المشكلة الحقيقية شخصياً .... الصرحة احساس فضيييع غريب اكشن و غامض و اتضراب:24: انا اخوكم او ابنكم طالب جامعي المستوى 3 عمري 21 -22 انا على علاقة بي ابنة خالتي و احبها و اموت فيها و هيا تبادلني نفس الشعور و اكتر بعض الأحيان :22: والله أحبهاااا ما اتخيل نفسي مع انسانة اخرى ابداً ابداً ابدا المهم علاقتنا ليها اكتر من سنتين ,,, طبعاً سرية للاسف والأن لمن بدأت افكر في الصح ولا زم يكون الإرتباط رسمي و بالحلال و احسن جاتني الصاعقة انا راح اقول الإختصار لاني منكد و تعبان جدأً و الله تعبااان ودموعي في عيوني انو خالتي رافضتني من غير اي مقدمات و لا شي مرة ولعت و مرة زعلت مرة انصدمت بكل بساطة الكلام الي و صلني لمن الوالدة فتحت الموضوع معاها قالت لالالا ما نبى نزوج بنتنا دحين ,, لمن والدتي قالتلها لا نحنا نبا نزوج الولد دحين او في اقرب و قت يعني مو لا زم زواج خطبة تقصد الوالدة قالت طيب زوجووووة ,,,, بكل برووووووود *** بعد ما امنت خط دفاع و كلمت خالتي الأخرى الي هيا صاحبتي و ايزي معايا جابتلي الكلام التالي ؛؛ انو خالتي ام البنت تحبني و تموت فيها لكن متعقدة من زواج الاقارب و ما تبى تخسر امي بسببنا يا نااااااااس احد يقولي الناس دي كيف تفكر نحنا نقول زواج و تكوين اسرة و ناس تعيش في سلام و تبات و نبات و هما يفكرو ويفاولو علينا بالمشاكل ,, ويجلسو يقارنونا بالناس الي علاقتها فشلت ,, المفروض الواحد في حياتو يطالع للناس الصح مو الناس الخايبة و يقارن نفسو بيهم ,, اتمنى يكون كلامي و اضح الين هنا ,, خالتي التانية قالتلي انو خالتي راح تتصل عليا في دي اليومين عشين تفهمني بنفسها كمان شي يقهر تحبني و تعزني موضوع زي دا تبى تكلمني فيه بالتلفون ,,:25: انا راح اقولكم بافكر في ايه ,,, انو قبل اي شي و قبل حرق الأعصاب و قبل ما اخد مو قف كبير من خالتي و من جد تسير مشاكل المفروض نعمل الفحص الطبي حق قبل الزواج يعني كمان لو بالقوة و افقت خالتي و بعدين الفحص طلع سلبي مرة راح اتحطم فانا اقول الخطوة رقم و احد الفحص الطبي قبل اي شي 2 نصيحتكم كيف ممكن اتكلم معاها اخاف اعصب عليها هههههههه و اخبصها:30: كيف اقدر اقنعها انو انا ابا بنتها و بس و انا راح احطها في عيوني ا نشاء الله وما راح ا قصر معاها في اي شي ان شاء الله واني راح ارعاها دايماً واكون معاها و جمبها و اموت فيها و اقدرها و احترمها و اعزها يعني انا متوقع اتصال منها قبل يوم الخميس ,,, 3 والله اني احبكم جميعاً واموت في المنتدى دااااااااااااا احلا شي في الدنيا ,, خالتي العزيزة لو كنتي من متصفحين هذا الكيان اكيد راح تعرفيني والله احب بنتك و افديها بحياتي ارجوووووووووكي الله يخليكي احبها احبها,,, في انتظار اي اقتراح و محتاج اسمع كل رد صغير او كبير ,, اخوكم ,, :21: |
اخوي وعريسنا ان شاء الله
بما اني على عجل دحين بس بأقولك كم كلمه وبكره ان شاء الله اكمل الموضوع يبغاله هدووووووووووووء وحكمه وتروي اول شي لازم لازم لازم تصلي وتستخير اكثر من مره وتستغفر وتدعي ربك وربي بيفرجها من عنده |
اذا ضااااااااااااااااقت
صارح خالتك بانك تحب بنتها حد الجنون وانك ماتبغى غيرها .... انا خاله وحصل لي موقف مثل موقف خالتك اللي تحبها وفري مره معاك ...وحاولت وماقصرت وقدرت اقنع اختي والحمدلله تمت الموافقه لما كلمت اختي وبنت اختي قلت لهم انه الولد مجنون فيها وحب قديم ...يعني كنت واضحه معاهم وعل فكره هم بسنك كذا .... لا تلوم خالتك لانها ترددت وقالت ارد بالتلفون لانها مهما كان تخاف انا مثلا اخاف انه الزواج ماينجح بداخلي خوف....خايفه على الاسره ماتتفكك بسبب زواج وطلاق اقدمت على الخطوة هاذي ونا افكر الف مره وصدق القول معاهم وماخبيت شي ممكن اقوله لاي طرف بينهم وهذا ولله ما ارجوة من ربي وصدقني حاطة قلبي على يدي اتمنى ربي يوفقهم ربي يبلغك هدفك وغايتك وزي ماقلت اختي روح الغالي استخيرررررررررررررررررر قبل كل شي وعلاج مشكلتك المصاااااااااااااااااااارحه بالحب ولا غير الحب مع خالتك لانها راح ترتاح وتحس بانك شاريها بحرص وحب كبير لا تعصب ولا تزيد الطينه بله بالمشكله مع خالتك كل امر وله حل ربي معاك |
اصلي و استخير ايش اقول انا مني محتار بين امرين انا عارف ايش ابا الإستخارة تكون اذا احتار المسلم بين شيئين ,,
نشوفكم بكرة ان شاء الله ’’ |
انا مع الاخت بقايا الصمت
اعتقد افضل حل مصارحتك للخاله بحبك لبنتها., وفي جملة مرة حلوة لو تقولها,, (( انا ما راح اتزوج احد غير ((اسم بنتها)) واذا ما تزوجتها ما راح اتزوج ابدا)) ;) ولازم تستخير ,, الاستخارة اريح للقلب و اكثر إيماناً وتيقناً باذن الله,, والله يوفقك يارب و طمنا عنك.. |
\\
انا ايضاً مع المصارحة 00 واذا خالتك لمست حبك لابنتها فستوافق حتماً 00 وخاصة ان خالتك تحبك 00 \\ وفقك الله |
الله يوفقك وييسر امرك ياااااااااااااارب
ااااااااااااامين |
اقتباس:
اما بالنسبة لموضوعك ... فهو يحتاج التريث والصبر .. ولا تستعجل وتقدم على امر لا يحمد عقباه وذا كانت ام الفتاة تحبك وتريدك الا ان المشكلة لا تحبذ زواج الاقارب فهي هينة ومحلولة اخبرها عن الفحص ماقبل الزواج بطريقة لطيفة .. -- اوصل لها خبر حبك الجنوني لابنتها بطريقة غير مباشرة -- وياليت بنتها دامها تبادلك المشاعر يكون لها موقف ايضا وسلامتك |
الله يسلمكم والله كلامكم يتلج القلب ياريتكم خالتي ههههههههه
الأخ Big Shot لا طبعاً مو اتنمى قدوم م شلكة بس كنت اتمنى اني اكتب موضوعي في عالم المقبلين على الزواج ,, قصدي بدي الطريقة ,, الأخت شوق و حب ,, شكراً على الدعاء اتمنى الإستمرار في الدعاء لي و لاخواني الله يفرج هم الجميع و كربهم ,,,:22: كاره الرياضيات ,,, في بينانا شي م شترك ,, اسمك ,, هههه شكلها كدا مالها غير المصارحة :27: بس ابا اسهل طريقة من غير ما اتلخبط و تخس انو عقلي صغير ,,, !!!!:30: بقايا الصمت ,, هو دا الي أخدناه من ورا الخلات يسو معانا طيبين وكويسين و بعديييييين يدونا على راسنا ,,, ******** اوكية الخطوة التالية :29: اذا راح اصارحها اجمل كلام ,,, ممكن يتقال كيف احسسها انو بنتها العزيزة في امان ,, من غير ما ابالغ كمان و تحس او خيالي و اسع ,,؟ :) |
اخي الكريم الله يسعد ايامك
واتمنالك التوفيق وانك تتزوج بنت خالتك وانصحك انك تستمر في الدفاع عن حبك ولا تستسلم وادعو الله ان يديم اللحب بين كل المتحابين وان يجمعهم الله في الحلال |
تسلمي اختي العزيزة على ردك و دعائك ,,, في انتظار جيمع الردود و النصائح الموضوع عندي م خلية الصفحة الرئيسية كل شوية بارجع ادور رد ’’’ لاني متوقع في اي لحظة تجي المكالمة ,,
|
انا في انتظار ارائكم و قتراحاتكم على احر من الجمر ارجوكم,,,!!
|
أخي الفاضل ..
إذا اتصلت بك خالتك قل لها اتمنى أن أتي إلى بيتك لنتكلم وجها لوجه فهذا أفضل .. وإذا لم توافق .. كلمها وحاول إقناعها بأسلوب بعيد عن العصبية والنرفزة .. فأجعل صوتك منخفضا .. وأختر كلام منمق .. وأستعن بكلمات الود .. كخالتي الغالية .. الحبيبة .. فديتك .. ووووو وقل لها أنا متمسك بابنتك .. وإذا لم توافقي أن آتزوجها فلن أتزوج غيرها .. فلا أتخيل نفسي مع واحدة أخرى .. وإذا قالت لك أنها تخشى أن تسوء علاقتها بوالدتك .. فطمنها بأن زواجك من إبنة خالتك لن يؤدي إلى مشاكل .. وأنك ستحرص على ذلك .. وفقك الله .. |
اقتباس:
ما شاءلله عليكي يا بحرينيه دائما ردك عقلاني ورائع اسمع كلام بحرينيه ونفذ والله يوفقك يارب يارب يارب اآآآآآآآمين اهم شي لا تنسى تبشرنا با الصاعقه انها وافقت |
اقتباس:
؟؟؟؟؟؟؟؟؟؟؟؟؟؟؟؟ اخوي شكلك مافمت كلامي ؟؟؟؟!!!! ياخوي انا قلت لك اني انا خاااااااااااله وجاني ولد اختي عشان اكلم بنت اختي اللي هوا يحبها مووووووووووت ونا بحكم اني خالتهم وعارفه انو قصه الحب قديمة وعارفه موقف البنت ومها بالرفض المسبق عملت دوري وبما يمليه عليا ضميري كخاله محبه لهم كلهم ....والحمد لله عملت اللي عليا وكنت صريحه مع الكل وتمت الموافقه والخطبة والزوج بعد التخرج ....الله يوفقهم كلهم عينين براس كنت واضحه معاهم وكنت اتكلم معاهم بصدق وما اخفيك زي ماقلت بردي السابق حاطة يدي على قلبي اخاف الزواج يفشل مو تشاؤم بس حرص على شمل العائلة ما يتفرق وكلهم أولاد اخواتي ....فهمت قصدي الحين اخوي .... تبغى تعرف كيف اقنعت اختي بعد ماكانت رفضه الموضوع جملةً وتفصيلاً ....(اقنعتها بانو الولد يحب بنتها من قلب من قلب) ...رغم انو اصغر منها ... والحمد لله اختي اقتنعت لاني جيتها بوضووووووووووح بدون تعقيد للمسأله...... الحب واضح ومافيه عيب او خجل ...ولازم يعيش بوضوح قدام كل الناااااااااااااس.... **** عشان كذا قلت يمكن خالتك ترددت لانها خايفه من الفشل ...خايفه على شمل العائلة.... ولا تلومها امر التدخل مو سهل ابدا على الانسان اللي يكون دوره وسيط ويقرب المسافه بين الطرفين ... الله يحقق اللي فبالك ربنا معاك اخي فالله |
هلا باختي البحرينية كلامك حكيم و محلو وانا خلاص تقريباً جاهز للمكالمة
ودا تقريباً الي راح اقولو بس والله خاااااااايف و مربوش راح يكون كلامي قريب من دا الإسلوب ترن ترن الو كيف حالك يا *** بخير كويس تماما ؟ الحمدلله يا خالة فلانة ايش اخبارك انتي و كف حالكم كلكم و كيف حال عمو ,, و البنات بعدين مني عارف يش راح تقول انا راح اقولها خالة ايش ريك لو اجيكي نتقابل و جه لو جه والله في كلام ما راح اعرف اقولك هو راح تشوفيه في عيوني بس ايش رئيك لو ينفع اجيكي البيت او نخرج,,, مو مشكلة بيتي بعيد ساعة وشوةي عنك بس كل يهون عشينك دحين اجيكي ,,, طيب ؟ ,,’ نفرض انو طيب ,,, و اجيها و نخرج لا زم اختار مكان كويس ايش ريكم في السيارو الكلام يكفي ايش تقترحو محلات في جدة ,, هادئة,, المهم و نجلس راح يجي الجرسون انا من الحماس اقولو ادينا شربات يا معلم ههههههههههه مرررة متفائل ,, المهم راح اتلكم معاها بكل هدوء ان شاء الله يا خالة انا ما راح الاقي زي بنتك وانا مرة احبها و اعزها و اقدرها و احترمها والله ما اتخيل ن فسي مع انسانة تانية انا لو مو فلانة ما جا في راسي موضوع ارتباط دحين ابدأً بس اخاف تروح مني طبعاً انا مني معجب بس بي فلانة معجب بيكم انتو كاسرة و يشرفني اني اكون واحد منكم و انتي تكوني حماتي يعني وزوجك ماشء الله من اعقل الناس وانتو انس ناس ليا وانا انظر لفكرة الإرتباط انها تقوي العلاقة عكس انها تعمل مشاكل في العائلة ما اعرف ايش اقول كمان ,,, ادوني كلاااااااااام ادوني ,,,,, لا تتأخر في انتظار المكالمة في اي لحظة,,,,, |
نفس مشكلتي قبل 6 سنوات كنت احب بنت خالتي وخالتي رفضتني
وامي رافضه البنت وكنت احب البنت من يوم كنت صغير وهي نفس الشعور تصدق اخوي اضربت من الزواج وخليها على ربك والحمد لله الله وفقني وتزوجت وحده من برا العائلة وهي تزوجت وعندها 3 اولاد واقول الحمد لله اني ماتزوجتها والله يازواج الاقارب انه هم واتمنى ان الله يوفقك اخوي ويجمع بينكم بالحلال |
نفسي اعرف ايش كا ن شعورك و مين اتزوج قبل التاني ؟؟
|
يا ناس والله حرام عليكم ما انااااااام مرة و حياتي بس قلقل وانا استنى المكالمة دي من امس وانا على السرير و عيني م فتوحة مرة م ايجيني نوم بس قلقان و افكر و ايش اقول و كيف اقول و مدري ايش
وما ادري كمان دي خالتي لحالها ما ادري لو زوج خالتي مشروع لحالو كمان ,,, والله مرة تعبان ادعولي الله يخليكم,, |
الله يوفقك ويسهل عليك
اخوي نصيحة لا ترتب الكلام في راسك يكفي انك تقرا ردود الاخوة و الاخوات هني وفي مقابلتك لخالتك راح تشوف الكلام بطلع بروحه .... خلي الامور تمشي بسهالة كثير من الناس الي يصفون الكلام قبل المواجة ... و في المواجه ينسوووون كل الكلام الي رتبوه |
طمنا ...
أتصلت خالتك ..؟؟ |
في النهاية لو كانت من نصيبك ما في قوة بالدنيا رح تمنع النصيب (طبعا بعد ما انت تاخد بالاسباب )
اما لو ما كانت نصيبك فمهما حاولت وحكيت واتصلت وطلعت ونزلت وحطيت وساطات ما رح يمشي الحال واذا صار هيك (لا قدر الله وان شاء الله تكون نصيبك) اقول اذا صار هيك لا تزعل كلو بحكمة من الله (وعسى ان تكرهو شيئا وهو خير لكم وعسى ان تحبوا شيئا وهو شر لكم ) انا تقريبا صارت معي نفس القصة من 8 سنين. |
السلام عليكم ,,
للأسف لسا ما اتصلت خالتي و اليوم الأربعاء:21: عدت كم يوم وانا في قلق و ارق و اكتئاب و مني عارف ايش اعمل ... :11: الصراحة بدأت اتشائم و أتخوف ,, :29: الموضوع كبر ووصل لخلاتي التانين و ستي و ما عدا ابو البنت و الي مني عارف ليش خالتي ما تبى الموضوع يوصلو ... ووصت امي انو الوالد ما يفتح الموضوع دحين مع الأبو لو سمحتو,,:11: المهم اخر شي فهمتو من خالتي العزيزة و السبب انها رافضتي:25: خوفها من تدخل والدي في حياتي و سيطرتو عليا و على بنتها ,,,:( دا الي جاني بالحرف الواحد و دا الشي انا متأكد منو :27: انا مني عارف ايش اقول اتصدمت اتلخبط والدي هو الي شجعني:22: على البنت يعني عارف و مقتنع بيها و باهلها و اخلاقها و والدي حريص على راحت البنت اكتر مني لانو دايماً بيقول و يعيد بنات الناس مهي لعبة ووو وكلام يدل انو هو احرص مني على راحت بنت الناس الي هي بينت خالتي ,,,, فا أنا مني عارف ايش اقولها و الصراحة زعلان من خالتي و اخد منها مو قف كيف تتوقع كدا ,,:18: امممممممم كمان الوالد الصراحة ,, بعض الأحيان امكن يدخل في اشياء و كدا و مشاكل لو حصلت نادراً في العائلة بس عائلتو هو و اخوانو و ناسو يعني مالو و مال اهل امي,,:30: ايش رئيكم اقول للوالد انو الي و صلني كدا و كدا و خالتي متخوفة منك بعدين ,, :25: دا الشي اكيد راح يوللللع الوالد و يعصبو و يقولي يلا انسى البنت و اهلها .؟!!:( او اقولو بطريقة ما يحاول يطمن خالتي انو هو حريص على راحة بنتها قبل راحتي انا اصلاً ’’’ والله خلاص مرة اوراقي متلخبطة ,,,:21: -____--___ امس كنت باكلم بنت خالتي في التلفون و بتكلم على موضوعنا طبعاً و قلتلها الصراحة انتي منتي عاجباني في دي اليومين سايباني لحالي و ما قلتي لماماتك مو قفك و هيا قالت انها تخاف تو اجها و ان اصريت عليها و قلتلها لو ما و كنا دحين مع بعض متى يعني راح نكون م ع بعض ,,, فاليوم تقول انها كلمت امها و قالتلها انو هل م عقول نرفض احد كويس بس عشين متخوفين من ترصفات ابوه الا امها وللللللللعت و زعقت عليها وانتي ما تعرفي مصلحتك وانا امك و كلامممممممم و مخاصمة,,, و بس . -_____________- انا بدأت افقد الأمل ,,:24: بدأت احاول اطلع سلبيات ,, من البداية دحين الموضوع مقفل وانتو عارفين شعور لو اخدتها بالقوة اخاف اني بس اخدها عشين اقهر امها ولا انا مررررة طيب:( بس خالتي زودتها ما كلمتني و لاادتني و جه , مرة زعلان ,,, كنت اعتبرها ازكى خالةو افهم و حة في الدنيا اكتر من امي لكن خسارة شهدات و مناصب و تفكير مني عارف يدل على عقلية محدودة,,,:( و دعواتكم جميعاً ,,, اشوفكم على خير ان شاء الله بخبر حلو,,,:15: |
السلام عليكم مرة اخرى الساعة 1 و نص ليل دوبي جي من عند خلاتي .. والله والله خالتي ام البنت ما حطت عينها في عيني
وانا مرررة مضيق بس سلام و خلاص ولا كانو احد مستني اتصال ولا كانو في شي ,,,,, مرة حرام عليها ,,, |
؟؟؟؟ ما فيش اقتراحات جديدة ؟
|
أخي الكريم
طول بالك ،، بالصبر إن شاء الله كل شئ يكون بخير أما عن موضوع إنها ممكن تنزعج من تدخل الوالد .... إوعـــــــــــــــــــــى تجيب سيرة لوالدك لأن ده ممكن يجيب مشاكل مش بس ما بينك و ما بين البنت ، لأ كمان ما بين والدتك و أختها هدي أعصابك و خليك متوازن علشان تقدر تتصرف بحكمة ، و طول بالك على خالتك ... و اليوم اللي راح تكلمك فيه خلي بالك طويل و امسك أعصابك و مش تخلي حبك و توترك تغلط ،، اسمع منها هيه و اقنعها بالأسباب الكافية و إن شاء الله واحده واحده راح تقتنع بس انت طول بالك و مش تيأس و إن شاء الله نباركلك عن قريب |
ان شاء الله ,,, راح احاول اعمل كل الي بتقولوه انا ما كتبت مشكلتي هنا غير وانا و اثق في ارائكم وفكاركم,,
_____ المفروض انو اليوم راح يجو عندنا,,, بس خايف يسير زي امس ولا كانو شي ولا تعبرني و لا تكلمني .. ساعتها من جد راح ابطل,,, |
اخر خبر ,,,, جاني كلام ستي حلمة بيا انو انا باكلمها وانو انا مرة ابا بنت خالتي مرة ابا ارتبط بيها و مرة ن فسي اتزوجها ,.
:) |
اقتباس:
خير إن شاء الله .. يارب يلين قلب خالتك لما تسمع الحلم .. ويارب يكون ماجاء في الحلم هو المكتوب والمقدر لك في الدنيا .. |
ما صار جديد ...
|
الله يسهل لك أمورك ..
|
اخوي انا بقولك
انت قول لخالتك الفري الي تصلح الامور لك انها تلمح لخالتك ام حبيبتك وقول لبنت خالتك تلمح لامها انها معجبه فيك .., وصلي وادعي ربي من قلب.. وبعدين اتصل على خالتك وقول لها... خاله .. ممكن اجي لبيتكم وخذ موعد.. الخ واذا رحت سلم واسئلها عن اخبارهم و.. و.. و الخ وبعدين قولها خالتو انا بكلمك بموضوع مهم ياخاله انا سمعت انك خايفه من زواجي من بنتك عشان القرابه قول لها .. بس والله ياخالتي والله اني باختصار احبها واموت فيها وبعزها وبكرمها وبخليها جوا عيوني ولا ازعلها ياخاله .. قول قول انا احبها من يوم كنا صغار وماتخيل نفسي الا متزوجها ..وراح اسعدها قد ماقدر قول جوهره راح احافظ عليها ياخاله واغلى من نفسي و.. و .. وكذا يعني وصدقني راح تنبسط .. وتوافق:14: انشاء الله وادعي ربي كثير والله يوفقك |
السلام عليكم ,,
مني عارف ايش اقولكم والله ,,, خلاص مرة الموضوع بدأ يتأخر و راح اشغل نفسي بدراستي يعني ما راح اسئل امي ولا اسئل خالتي ولا احد وخلاص انا راح اكمل علاقتي مع البنت عادي ,,, ومالي صلاح,, ,,, اليوم الوالد فتح الموضوع معايا ها يا هو ايش الأخبار و مدري ايش هو ما ايري عن السالفة كلها ,, قالتلو خلاص نأخر الموضوع شوية عشين استخير و أفكر هو اضايق لانو دايماً اقولو يلا وما عندي مانع و اكون متحمس اليوم قلتلو خليها شوية وصار ايش دا بنات الناس مو لعبةو هو حاسيس انو في شي بينانا و قالي ما يصير تجلس تعلق بنت الناس فيك وكلام من دا و بس والله قمت على غرفتي و نفسي مصدودة من كل شي ,, بنت خالتي ,, فتحت الموضوع مع امها امها قالتلها اقولك انتي دحين اشجغلي نفسك بالمزاكرة ومالك و مالك ,, ياناس اتخيلو ولا بالكدب ما سالتها طيب انتي ايش رئيك بالولد ولا قالتلها شي يعني مصرة على موقفها الأم,, وبس انا مضايق جداً و زعلان ز دا اكتر شي منكد عليا و كاسر قلبي,,, ما اقول غير ,,, * رب أمر سر آخره * بعدما ساءت أوائله |
يارجال وسع صدرك ،، وان شاء الله الامور بتتحسسن وان شاء الله اللي مكتوب يبي يصير ،، أنت ليش ماتعمل اجتماع طارئ بالعائلة وتدعي الاشخاص اصحاب العلاقه وتناقشون الموضوع بكل صراحة وبناء عليه تتخذون قرار. لأن اللي بتسويه هذا لا راح يقدم ولا يأخر ،، قرر انك تحسم الموضوع بما يخدم مصلحتك ومصلحة بنت خالتك وان شاء الله ، الله بيوفقك.
|
البنت اخر سنة مدرسة وما بدي اشويش عليها اكتر من كدا ... و دا العذر الرسمي الي راح يقولوه,, عشين كدا انا قلت خلاص استنى للصيف او للعيد ان شاء الله,,
وأي جديد راح تكونو اول العارفين ان شاء الله لأني الصراحة ما استعني عن ارائكم و نصائحكم,, |
ربنا ييسر لك أمورك و يجعلك من كل ضيق مخرجاً
|
السلام عليكم جميعاً,,,
ما صار شي جديد لليوم,,, الصراحة ابا منكم انكم تدعولي ,, و تسلمو,, |
| الساعة الآن 02:19 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©